釗記海鮮小菜

營業中

休息中

除了吃泰國菜外，我每次來這個街市例必要吃的是－蒸蝦餃！這兒的蒸蝦餃是好正的，薄薄的皮，包著一舊舊的蝦肉，好鮮甜，好正！所以我每一次來都要吃一次這間的蝦餃呢！這兒的服務不錯，下次我又再來吃！

星期六不用上班, 難得有此一個機會, 而且又習慣了早起身. 於是, 就同太太去街市, 食早餐塈中午飯.大部份出名的街市熟食檔都品味過了, 所以, 有少少選擇的困難. 上來前, 心是想食點心的, 而林記又吃得多. 於是, 就決定試一試呢一間非常就腳, 一上扶手梯就會在眼前的釗記點心.其經營模式, 基本上是同林記一樣, 所以一來, 就要試一試佢地既排骨飯同燒賣, 可是一吃, 的確有天同地比既分別. 首先, 排骨飯, 份量是比較多比較大, 不過, 人家的是生米蒸飯, 記得, 連酒樓大日子都以生米`蒸排骨飯. 面對大埔墟這個排骨飯競爭激烈之地, 他們仍可賣出不是生米蒸的飯, 真的欠缺競爭力.而燒賣, 就比較好, 份量足, 味道美, 仲有大大隻蝦, 豬肉餡方面, 肥肉同瘦肉分配得好平均, 咬落有點回彈牙的力度. 此個小小點心, 值得一讚. 太太去了另一檔買粥, 她吃完了, 感覺好似不太飽. 那我就連忙叫下一個羅漢齋炒河, 而這個就是釗記的唯一不同之處. 叫河粉, 是因為服務阿姐的極力推介, 話今日來貨的河粉夠靚. 羅漢齋炒河, 是OFF MENU的, 店方炒

從來未試過去一間食市(特別係大排擋)搞到食唔飽而且又激氣, 我話以後都唔會再去呢間咁嘅嘢!!!由坐低開始就冇人理你, 等左十分鐘先有人話會同你落單, 本來好想走人, 但係四圍都冇位, 只好繼續坐, 又再等左5分鐘, 終於老闆娘出現同我寫野, 我點左'滷水拼盤'、'豆豉鯪魚油麥菜'、'椒鹽鮮魷'同'蠔仔粥', 點知半路中途走來話賣哂蠔仔粥(呢樣係佢地招牌菜), 都算數喇, 但係等左45分鐘, 我一味餸都冇來過, 5分鐘之後終於有滷水拼盤同白粥, 當我已經將眼前食物食哂嘅時候, 其餘嘅野都冇來到, 呢個時候已經距離我ORDER時間足足有一個鐘頭十五分鐘, 我請老闆娘追單, 佢'喔'完就咩都冇做, 繼續拉客, 我過左5分鐘又再追另外一個伙計, 結果一樣, 最後我忍無可忍, 終於揾另一個伙計話我唔要嗰兩種, 要埋單, 過左一陣個老闆笑住走出來同我地講, 整緊, 但係我堅持要埋單, 帶住好'火'嘅心情, 同唔飽嘅肚皮離開。大家如果好想試下'貼錢買難受', 呢間舖頭絕對係首選。

年幾冇食過潮州菜喇上到街市呀媽問食咩 1見到潮州野就去釗記坐低叫左鹵水拼盤 ,蠔餅, 鹵水鵝片, 腐乳通菜 仲有白粥蠔餅炸得好好食 D蠔肉好大粒 仲有好多蠔肉 正鹵水拼盤最鐘意生腸,豆腐同墨魚 生腸好爽口個拼盤都幾大碟 4個人叫左4碟都差D食唔哂鹵水鵝片係我一定要叫既 好想食鵝 但係鹵水汁唔算好入味 只算一般腐乳通菜都幾大碟 味道普普通通雖然係平日 但都幾多人每人大概$50-60 抵食**個笑係俾蠔餅同鹵水拼盤既

落雨地濕滑,不想行,此店近樓梯位,就此落座.叫了排骨飯$14 - 排骨醃得入味,骨香肉滑,飯亦蒸得不錯,幾好!鴨腳扎$9 - 芋頭鬆化,肉饀香,鴨腳可以,O.K.加茗茶$2,埋單$25,阿姐服務不錯,可以回頭!

有點事要在大清早往大埔跑一轉,反正尚有時間,就來個一盅兩件好了.八點左右,但新界人而言已經是頗晏,在坐大部份都是上了年紀的長者,喝喝茶,聊聊天,開始寫意的一天.找個角落坐下,先沖一壺普洱呷兩啖,當然沒什麼回甘之類的感覺,但茶味依然濃郁,可惜的是,由於客人多,水變得未夠滾,喝起來有點美中不足.蒸雞飯 : 滿滿的蓋過飯面的雞肉,當然是雪貨,而且選用的是雞肶位置,件頭相對而言有點大,肉質是鬆散,灑點豉油,卻是一味死咸,相比同層另一檔是差一些,飯亦蒸得太濕身,米粒收水不足,但相對一年前,是有丁點進步,當然,要更好的話,還是要上心.蝦餃 : 真係差得離奇,餃皮搓得不夠時間,變得柔韌度不足,一挾就散,其次少了一點筍絲,以為單用蝦肉就可以,但不知道加入筍絲可以變得更有層次感.埋單不過$25左右,食得飽飽的,叉足電,又是美好的一天.

四月十九日昨天的那種低落心情,今天都相繼持續,不想走出大埔,唯有靜靜的留在大埔,想飲點茶食點心上次去林記點心,今次去釗記,因天雨關係,來得有位置,坐下叫一客牛肉球以及大包,這裏的牛肉看來是自家製,因為內裏的馬蹄非常大粒,和其他地方食牛肉球有點不同,但不夠續實,有點鬆散情況.大包內有鵪鶉蛋雞肉火腿等,相比林點這裏做得出色一點,料材來得算多,但是底部也較為濕,,一個足夠飽肚.坐下飲了數杯茶,靜一靜想一想.心情好番得多,放下金錢,二十一蚊,不貴了.去附近的有記茶果買個砵仔糕.......

晚市時段和朋友來到釗記享用小菜，都已經光顧好幾次了，但這次一定要評一評。兩個人，點了蒜蓉白菜仔和咸蛋蒸肉餅，還有兩個白飯。白菜仔淡味，受不了，要另加豉油。蒸肉餅味道可以，但肉鬆粉落得太多，令口感和味道像山竹牛肉球。惡夢是兩個人回家後都肚痛，朋友上吐，我就下瀉，都不知是那道菜出事。雖然情況很輕微，未需要求醫，但我想以後還是避之則吉。

今早去左買排骨飯，由次林記上次小強事件我已blacklist左佢，所以今日去釗記買，14蚊一盅，都幾抵食，不過飯粒較為濕左啲，同里排骨略甜，有待改進。阿叔服務都頗nice。

這間在大埔街市內的"釗記",並非賣鹵味,而是賣點心.熟食中心其中一間"林記"已吃過,今次就一試這間點心店.早上時段的大埔街市,車水馬龍,每個"馬房"門外也坐滿食客,這個檔口亦不例外.在點心陣左揀右揀,見到蝦餃是厚皮,見到有春蛋燒賣,再見到一大籠潮州粉果紛陳,就將這三味帶回桌上.蝦餃澄皮厚,可是包不實餡料.如穿上那些Hip-Hop服飾般.餡內的蝦餃就極差.質如蝦乾兼無味.不如改為蝦乾餃吧.鵪春蛋燒賣現今很多地方也有得吃,無須去一些老牌酒家.但很多地方的春蛋燒買,質素又未盡如意,春蛋黃甘香,下面的燒賣有肉香兼多汁,$9一籠絕對抵吃.人人排排坐吃粉果,相信潮州粉果算是這檔口的名物.$9有三隻,每隻的份量很大.不像外面小食店的來貨.應該是自家製.粉果皮煙齦得來帶點爽,入面餡料亦足.三隻粉果都係$9,茶錢$2一位,細食的人來到,只吃三隻粉果加壺茶,放下$11就走人,非常經濟.但如果個個都係咁,老細一定叫苦連天.

趁有空去大埔街市定一轉。星期天，人山人海，迫到爆炸，想揾個位坐吓都難到痺...平記、東記、學記、有記...大部份都試過。本欲一試林記，但見到條龍都已經得人驚...再兜一個大圈，見呢度少D人，但都係冇位坐。決定外賣一盅鳳爪排骨及粉果到外邊公園平台慢慢嘆...份量塞到個盒滿一滿。飯微濕，但軟硬剛好；排骨絕唔係雪藏貨，可惜肥咗少少；鳳爪亦只得一件，唔夠喉...粉果size絕對大過拳頭，好久冇食過咁嘅size嘅粉果。雖則大，但出奇地皮薄，餡料多到爆燈--- 沙葛、葱、豬肉、花生、莞茜....食一籠都飽晒嘞...

吃完豬排米線，意尤未盡，又想吃實在一點的澱粉質，去吃個臘味盅飯就正好，晨早吃過林記，現在又試釗記。成個熟食中心有兩處地方賣點心，一是林記，一是這裡。時間只是十一時許，林記那邊已大排長龍，這邊反而大把位。叫盅臘味飯，一籠鵪鶉蛋燒賣，開壺普洱，慢慢食。蒸飯的飯底不濕，夠乾身亦帶硬，合個人口味。臘肉的油香加上肥肉多廋肉少的半截臘腸，加一點醬油，蒸在熱飯中，美味無比。個人覺得，只有飯盅才可以有這個效果，如林記般用上碗蒸，配料是排骨或肉餅都或者沒有問題；鵪鶉蛋燒賣，在坊間已經瀕臨絕種，因為大家都怕鵪鶉蛋那高標的膽固醇單位，不過我晨早走了一轉，吃一點也沒有所謂。鵪鶉蛋黃幾有香味，蛋白則因為蒸起了一陣子，有點實實的，反而墊底的肉餅鬆軟好味道，只七蚊一籠，不比林記那邊差。又係一蚊茶錢，埋單二十蚊左右，經濟抵食得令人發笑。

繼續大埔舊墟熟食檔之旅。幫襯過林記的碗裝排骨，今趟都應該到釗記，其實這樣比較都幾直接，因大家都是以中式點心及蒸飯為主打，只是前排及後排舖位分別而矣！這裡的蒸飯是以鋼盅盛載的，風味方面始終打了點折扣，但相反份量反而較多，光食一盅都可能夠飽，亦是這樣，都頗多公公婆婆幫襯。但論食味，這裡始終差一點，排骨味道不夠鮮之餘件數反而較少，另外飯粒做不到乾身爽口的感覺，應該較合適牙齒較不結實的公公婆婆。普洱是有色沒有味的那種，草草喝了兩三口就放下。市場都有不同的定位，百貨百客，各有所好。

行完晨運好肚餓, 係呢個熟食中心巡完成個場, 最多係奶茶檔, 有點心o既就只有兩檔, 呢檔就全場滿座, 兩個人以上黎到都要等位, 試左三款點心 燒賣($7) ~~ 入口帶有味精味道, 不過處處都係咁, 食完唔口渴巳可接受, 咬落主要都係豬肉, 有少量o既蝦, 唔多覺有肥豬肉, 因為切得都好細粒, 唔多覺。炒果($7) ~~ 一碟有三粒, 層皮幾厚, 不過幾煙韌, 餡料清晰可見, 不過d料又大粒左d叉燒包($6) ~~ 一碟兩個, 個包好軟熟, 唔錯 所有點心都係熱辣辣上檯, 茶係一蚊位, 以咁o既價錢, 可以再幫襯。