金龍船海鮮酒家 (已結業)

我老公有日行過金龍船海鮮酒家睇見佢個8安士牛仔骨好鬼吸引,就約晒我地一家人一行10去食佢個餐,我地訂左9點鐘食,我們一等陣人就叫佢上菜個位女士,講都無講就開左佢地包個2枝唔知咩紅酒,我地話唔飲紅酒啦,幫我地換晒啤酒吧,講返食野先,佢地又話有灼吓或虾沙律,到我地話要灼吓,,又話無得選,只得返食虾沙律,,都算啦,到沙律黎到果位呀姐放係到分都唔同我地分就走啦,之後d菜一次過到晒,我心想你地煮定呀,唔係點會一次黎晒個長腳蟹肉燴粉x真係好鬼粉囉,,超難食,但係個鍋貼小棠菜仲可以,牛仔骨都好唔錯,個魚都極極極差...................................仲要一隻碟食到尾,真係點估都估唔到咁差,埋單要唔記得3xxx到我們走人時再見佢個張海布話有咩旦捲送,我地咪入返去問佢點解你地無比我地,佢先好唔想比咁,話等等比返我地,現時咁服務有人去,都唔會在返轉頭啦

呢日為左慶祝男友升職,uncle專登叫我地去呢度食飯,事關去年的佢的大壽都係向呢度擺架,去到好快有位,點左五個菜什菌龍利柳-- 都唔係好見d魚咁,有芝士舖面翅湯菜膽蝦球-- 好淡,一d翅味都冇..陳村鎮江骨-- 翻炸,整到d骨勁乾,唔好味d肉縮水乳鴿-- 同樣係翻,唔好味蛋白蠔餅-- 冇黎,d菜食哂都未黎,呢d係最快都黎得咁慢,叫取消又話幫你追下好快黎,但係追左都係等左好耐都未黎..索性取消兼埋單,佢都有送糖水同生果但係比上次水準好差

上菜亂咁黎上上下四小碟飲緊湯,無啦啦拎隻大閘蟹黎因為我地另外叫多一隻,咁比邊個食先好??飲完湯先食蟹咁咪凍晒lor??d蟹肉又梅又少膏,d膏同肉仲要係灰灰地色其他人我唔知,我個隻d膏就似"蠔試"味lor食完一隻之後感覺=甩難啦,唔洗再食總之個個都剝殼剝到無晒心機早兩日自己係9龍城(肥仔個間呢)買一百蚊4隻個d都好味過佢收費又取巧,7個人去比得個6粒湯圓(我地係叫半席) 唔計特出黎個一個人,一人先分得個一粒"不"就"不"出7碗出黎,但係有一碗係淨水呢我地個個睇到眼都突埋兼o晒咀,洗唔洗咁少家不過我覺得全晚最好味係湯圓,唔太甜,又夠薑味埋單total $1630 $1600拎去9龍城買,已經可以買到64隻鴻星咁ge價錢,快餐咁ge質素總之食完我地全家都係度呻笨

事件發生於上個月..真係好激氣...一早訂好了枱幫我媽子慶祝生日...點知當日去到...佢地比二樓某間房我地(個間房...地毯messy個出面的地下..d 椅又舊..逗留唔夠幾分鐘..我雙手就被蚊叮了好多啖...仲有出菜後會經過一條走廊..走廊正在裝潢.).我地要求佢地換另外一間房.. 佢地居然話(d間房特別留比我地,間房好好..其他房坐唔落我地咁多人)..我真係想知有幾好...間房仲有種'莓'味..要求佢地打掃一下地毯..佢地d人唔係好想理我地..大家可以感受一下..本想同老人家開心食餐飯(仲係慶祝生日)..如果在咁樣環境下..點可以食得開心..個日真係比d間衰酒樓玩死..一早訂左房都可以安排如此差勁的房比客人..d 間酒樓真係可以炒左樓面d人去令到我地要分散人去搵過第二間..我地二十幾人..邊度有酒樓可以馬上比到位我地...好彩最後都比我地搵到間...我真係好想好想佢地檢討一下...將心比心..如果佢地在其他食店受到如此安排..佢地會點..真係好好好好激氣...

上星期五老婆大人果邊有親戚擺酒，迫住要去…就咁睇環境，都算唔錯既！不過成餐飯食得入口係個心型芒果布甸，其他既可以不理…隻乳豬加加埋埋個面積仲細過大半張A4紙，出面食果D都會大D同埋點都會有D肉，佢果隻，得張豬皮俾你，D肉唔知係咪扣起咗整其他餸…佢果隻原子雞…唔係，係脆皮雞應該係雞仔嚟既，一圍枱都分唔夠…個飯就好，好咸…個伊麵就好，好淡…兩樣「勞」埋應該啱啱好既個紅豆沙糖「水」真係幾「水」吓，幾多水吖。不過，D服務都算係咁，一見到枱上有吉碟會即收。食完後，得閒無事攞張價目表，一睇，一圍都係二千幾蚊左右(個新郎哥好好賺喔！)

去食晚飯, 幾失望其實好多人主要叫套餐,如果唔係, 得好少小菜..1. 小菜唔算突出, 士多啤你骨唔好食, 同佢比幅圖好大出入2. 落錯單仲想叫我地比錢3. 好多菜名名不符實4. 擺酒環境都唔錯總括, 還可以, 但多人去就冇咩菜揀..

堂食就冇試過,不過上次訂咗個盤菜,出奇地OK喎,啲 鮑魚算大隻咖喇,起碼大隻過去悅x 酒店嗰 啲 呀!

好久以前去過,小小貴,幾好食.今晚成家人再去, 都係貴, 但非常非常難食, 要求唔係高, 但個個都食到想死, 一般屋村酒樓都好食過佢...跟christyhkg 所講差不多:乳豬全體：很肥和很韌,只得十二件, 一隻豬可分兩台食用, 豬頭reuse, 其實係半隻.

(28/4/07)轉下地點飲茶,轉得錯誤。很難食,又唔夠人招呼,小點$5,大點都係$10。可惜無乜點心選擇,賣來賣去都係o個幾樣。牛肉好食,食左兩籠。馬拉糕有鹼水味...no!大包也可以。素菜餃也ok,有咬口。潮州粉果,無食。义燒腸,算水晶皮質地,义燒不算頭頭尾尾,也給它ok。

昨晚同家人一起去晚飯，點了一個蛋白蠔餅、脆皮雞半隻、翅湯蝦丸小唐菜煲、蔥爆蒜片牛柳粒同埋coupon送的煙鴨胸。蛋白蠔餅是一面蛋白一面有蠔，蠔在底所以一夾就跌晒d蠔。唯一好處是用蛋白同少油夠健康，但亦少左食蠔餅的風味同好口之處。脆皮雞半隻好細隻，成隻迷你雞咁，同食乳鴿差唔多。d 肉都算滑，但個皮d色都唔靚，白白黃黃的。翅湯蝦丸菜膽煲，所謂翅湯只係普通胡椒粉湯，蝦丸好爽口彈牙，菜膽是短身黃芽白扮娃娃菜，唔夠甜。最正係蔥爆蒜片牛柳粒，好香口牛柳粒又嫩，連外婆都吃過不停。個煙鴨胸是送的，但熱熱的蠻好吃。整體上都一半一半，不過人手少成個廳得三個待應+部長，叫埋單好耐都無人理。

近年每到過年過節屋企都會買盤菜做, 勝在豐富又好味, 唔駛亞媽煮到身水身汗又等餐, 上年中秋節試過鴻星盤菜, 冬至時亞媽話金龍船低D喎, 於是又試, 結果–金龍船VS鴻星–全家一致通過金龍船勝出, 味道好正, 份量足D, 由其D鮑魚比較大隻, 同埋D味更正, 絕對物有所值, 價錢平成舊水呀, 呢次真係亞媽至醒囉。今年, 亞媽又落柯打要訂盤菜團年加, 梗係啦, 佢唔駛煮得咁辛苦, 今次精仔, 二話不說即落荃灣金龍船訂先, 想話同佢ORDER個大盤菜, 點知位經理哥哥先問我幾多人食, 我話足12人, 有幾個重好似我咁大食肥佬, 他即刻叫我不如ORDER兩個細盤菜, 雖然似乎多幾十蚊, 但有2底年糕送, 呢到都賺返百幾蚊啦, 計落條數仲平, 重包夠食, 好, 夠老實, 就2個細盤菜。順手張單張睇, ? 今年加重料用20頭南非鮑魚, 上次好似30頭喎, 嘩! 益街坊, 陳經理話公司ORDER年近歲晚, 最緊要人客食得開心又滿意!咁我就新年快樂啦, 真係優惠重重, 恭喜, 恭喜

4號果晚去完Sister Wedding我地就去食飯, 因為剛剛係關島返黎, 唔想再食西餐大魚大肉咁, 所以決定今晚食中菜, 流沙包提議去金龍船食飯. 我地叫佐個蟹粉小籠包, 蒜蓉豆苗, 龍蝦蒸糯米飯, 肉丸. 基本上呢餐都算清淡. 味道都算唔錯.

我於上星期日(22-10-2006)出席了親友的壽宴，對荃灣金龍船的「新派海鲜餐」有以下的評語：乳豬全體：很肥和很韌，而且只得十二件，一點肉也沒有。威尼斯海鮮卷：非常多油的一件炸麵卷，全席沒有一個人吃到有任何餡料。鮮果大蝦沙律：一席十二人，但大蝦卻少於六隻，席中有幾位整碟也只是得沙律，雜果沙律也稱不上，更何況是鮮果大蝦沙律？玉環瑤柱甫：非常多油，完全是油浸的。火朣雞燉翅：真的不明白為什麼燉翅會有那麼多油，是明顯有一層厚厚的油浮在湯上，席上有數位上了年紀的人也不敢吃。果皮南非鮮鮑：不過不失，但没有什麼鮮味可言。麒麟蒸大海班：雪櫃貨，超咸、超嚡、超腥。醬燒脆皮雞：雞未熱，有血水，沒有人敢吃。雪山义燒包：是冷的，而且也很硬，席中很多人只咬了包面便算。海鮮魚湯米線：微暖，「海鮮」已變腥。愛心鮮果紅豆涼粉：見到賣相己想反胃，全席只有兩人吃，他們不約而同說有怪味。鬆化脆麻花：全席只有三人吃，他們說有「益」味，只吃了一口便沒有再吃。壽包：蒸得不夠時間，而且每個壽包只有一丁點兒的蛋黄和蓮蓉。没有糖水送。總結：如食物味道可給零或負分，我定會連一分也不给。食物差已經是不要得，還完任沒有服務可言，我們要自己

(2/10/06)男友家人宴貴賓。為幾樣"新派"菜而來。點知最想食既鮮果大蝦沙律,就是售罄!成場得一個"部長",其他都是傳菜,咁都得?那"部長"很有禮貌地說無晒大蝦,改黃金蝦仁,蝦仁與大蝦差一截ar?但都沒法子。幸好那碟黃金蝦仁大碟,亦不算蝦仁。乳豬全體,無味&太肥。果皮南非鮮鮑,味道調得OK,鮑邊刷得唔夠,有點刺口。威尼斯海鮮卷,炸麵卷部份多,所以好香口,內裡的海鮮唔夠。火朣雞燉翅,好一般。玉環瑤柱甫,淡一點。麒麟蒸大海班,唔錯。醬燒脆皮雞,無吃,唔知,望去唔脆皮o羅。海鮮魚湯米線,大家都讚好。雪山义燒包,好脆口,即食很好。愛心鮮果紅豆涼粉,愛心因為涼粉切成心形,味道因伴的糖水太甜,令到片涼粉咸咸地,好似皮蛋味。雪耳燉雪梨,飲水好過。鬆化脆麻花,糖槳唔夠,麻花唔脆,好似食緊馬仔。壽包,壽包皮應該係甜甜地架麻,可能已是昨日存貨,唔得。p.s.包啤酒汽水12罐,另送法國名牌香檳或紅酒一支,奉勸大家,試選香檳,因為那支"紅酒",透明度高,顏色如茶,味道飲一啖已擺低喇。

我有一位朋友結婚揀左0係呢度擺酒包左樓下成個場總共擺三十圍由於五千幾蚊一圍所以食之前都有好大期望但係好可惜一坐低已經見到D碗碟好污糟好多黑色一撻撻換左都係差唔多全部野食都唔夠熱唯一熱0既野食係沙律而且每碟份量相當之少居然有幾圍鮑魚唔夠十二隻條青斑好細條其他酒樓六位餐0個條都大過佢碟飯同碟麵又細碟過茶餐廳碟頭飯好多圍去到糖水都仍然係碟碟清完全冇浪費食物食完之後好多老友都未飽於是同佢地去食宵夜