金鶴拉麵 (蜆殼街)

營業中

休息中

太耐冇食拉麵，個癮發作😂都係諗住揀近自己嘅金鶴拉麵，穩陣有質素保證，同行友人經典金句：拉麵要辣嘅先好食。所以今日就感受一下朋友嘅意境，我從來冇試過叫辣拉麵，驚自己handle唔到，好彩店員話“唔算好辣”；金鶴對於賣相係有一種追求，連唔係招牌嘅「辛味拉麵」🔥都砌得靚一靚，可能佢哋真係繼承咗日本精神，每一步都做得細緻！第一次食辛味，感覺都幾新鮮，的確唔太辣，麵係彈牙種類，仲保留有招牌慢煮雞柳，配辣味原來都好夾👏，除咗嫩滑更多添惹味，塊叉燒都係，不得不讚金鶴啲拉麵有好豐富嘅餸，唔會得一兩塊叉燒咁單調👍另外仲加咗幾款小食同串燒。包括日式餃子、燒雞皮、黑豚肉、明太子雞翼、黑椒牛舌。黑椒牛舌一定要講：真係不得了啊~~~~黑椒同牛舌簡直係最佳配搭😍，互相提升味道，我平時對牛舌一般，食完呢串即刻對牛舌好有好感😋，我相信來貨係靚牛舌，juicy有咬口，肉感彈性又唔粉🤤，燒得恰到好處毫無燶邊，$68絕對係物有值！😌第二係黑豚肉，有啲似果汁豬豬嘅鮮甜味，當然佢一啲都唔乾，有厚度，瘦肉偏多之餘都有小小肥肉做襯托，放心食唔肥膩，口感係柴同嫩中取得平衡；日式餃子都值得叫，唔dry亦有充足餡料，雖然餃子皮邊唔係好焦

最近喺佐敦食過「金鶴拉麵」，係首次幫襯「金鶴」，好好味，呢日喺炮台山見到原來都有分店，咁冇乜考慮之下就入去開餐😆上次食「極濃・雞白湯ラーメン」，呢次就決定叫 $138嘅「北海道・花咲がに濃厚ラーメン（北海道極濃蟹湯拉麵）」，再加 $58嘅「鰻魚肝（1串）」同 $48嘅「五花腩（2串）」😆「北海道・花咲がに🦀濃厚ラーメン🍜」湯底非常creamy，直情有啲似西湯嘅風格，仲好輕身，有啲蟹味😋；我用日本人🇯🇵食拉麵🍜 slurping 嘅方法，連湯加空氣將拉麵吸入口中，幾好食😋；拉麵中仲有啲拆咗出嚟既蟹肉🦀、黑木耳絲，都幾好味😋「鰻魚肝」有濃郁嘅魚肝味😋；「五花腩🐷」半肥瘦，燒得好甘香，而且應該仲係鹽燒，非常有鹹香😋

成日聽朋友講天后炮台山有間高質拉麵店一直都好想去試下難得今日早收工所以就諗住去買個外賣拎返屋企食就係呢間金鶴拉麵原來而家仲有外賣自取優惠好抵呀！叫咗個雞白湯拉麵店舖好好會主動分湯上唔洗驚啲麵返到屋企會淋哂雞肉好滑嫩麵底都好彈牙我仲加左隻溏心蛋添😋除咗拉麵，我仲叫左幾款小食有餃子、炸雞同埋燒雞泡魚干炸雞好出色，返到屋企都仲係外脆內嫩仲有少少雞汁，好有水準不過雞泡魚干就略微有少少烤焦咗整體樣樣野都幾好食加埋而家外賣自取有優惠就仲抵😎😎😎

看到賣相和好評，慕名來食，老實說有點失望，不過，總算是用心之作。 ✅ 極濃白雞湯拉麵製作認真，炸牛蒡好食，有心思。慢煮雞肉很健康，一食就知無添加！✅雖然說是極濃湯底，但味道不算很濃（普通黑蒜味比它較濃），吃過後不會渴。✅門面和裝修帶店日本小店feel，港人心靈慰藉。⚠️湯底質感很傑，加上味道淡淡的，大減了食慾，最後吃不完剩下的兩口麵，做了大晒鬼。⚠️中午套餐價，加了餃子和$20轉濃湯底，計埋加1，埋單要$160，價錢略貴。

鋪頭係條小街入邊， 好似啲日本拉麵鋪咁。都係唔明顯。點咗個辛味拉麵，個拉麵底係屬於比較硬身，個湯底味道好濃。最欣賞係舊叉燒，個叉燒食落甜甜地，再浸埋個湯底。 甜香甜香，咁先係食拉麵既享受！ 😋

💖琴日拎外賣🥡比屋企人，去咗呢間佢哋推薦嘅拉麵🍜店。外賣自取仲有八折，抵食！佢哋拉麵有套餐同埋單點，仲可以外賣串燒🍢。我要左份兩人套餐，包兩份主食、兩份小食同兩杯飲品，未折之前$256起。1⃣️極濃雞白湯拉麵🐔+$20💖見到餐牌呢款係佢哋嘅No.1，所以決定加$20試吓。湯底真係好濃厚，入口細滑黏稠，好creamy好足料嘅感覺，忍唔住飲咗好多🥰湯底配上拉麵🍜、日式叉燒🐷、雞胸肉🐔、糖心蛋🥚、竹筍、木耳絲同京蔥，好豐富多料。叉燒好大件，雞肉都好嫩滑，鍾意糖心蛋配竹筍食！2⃣️黑蒜醬油拉麵🧄💖呢款湯底聞落更加重味，蒜香同醬油香味濃，口感比極濃雞白湯偏流動。同樣配上拉麵🍜、日式叉燒🐷、雞胸肉🐔、糖心蛋🥚、竹筍、木耳絲同京蔥。外賣自取冇炸牛蒡，如果想食記住要堂食。3⃣️炸日式餃子🥟💖拎到返屋企外皮都仲好焦脆，豬肉🐷內餡配上香醋食更鮮美。4⃣️芥末八爪魚🐙💖芥末味重，八爪魚口感Q彈，好開胃，最好兩個人share，唔係好似我咁狂食到標眼淚💧😂5⃣️可樂+雪碧🥤💖跟餐可以配汽水，亦都可以加錢配波子汽水🥤或者啤酒🍺💖外賣自取有八折，折完之後更抵食。餐廳環境幽暗，堂食都好有情調，仲可以望住師傅👨‍🍳煮麵。佢哋除咗拉麵仲有好

想好好嘆番個午餐，前幾日去了金鶴拉麵買外賣。見到有個套餐包主食，小食和飲品，覺得不錯。我想食沾麵，加錢點了金鶴雞白湯沾麵，小食點了炸日式餃子，飲品加錢點了菠蘿味波子汽水。另外，點了汁燒原隻魷魚。最驚喜係汁燒原隻魷魚，肉質夠稔身，完全吾夠覺得乾身和硬。沾麵麵質軟硬適中，湯掛係麵上，由於係雞白湯，味道幾濃郁，相對豬骨湯底清一點。雞肉和叉燒各兩片，份量吾少，我鍾情流心蛋。日式餃子外層有點脆，饀料肉汁算不錯。外賣自取仲有優惠添。。。

金鶴拉麵於香港有多間店的日式拉店，其中一間位於炮台山蜆殼街的，可以算是經常幫襯的餐廳。餐廳以正宗日式拉麵為主打，拉麵湯底配搭不多，極其量間中會有期間限定拉麵。最喜歡是餐廳的辛味拉麵，辣度合適，湯底亦不多太濃，拉麵材料豐富，有雞肉豬肉雞蛋筍絲等等，一碗拉麵可以看出餐廳是用心制作。外賣回家餐廳亦包裝穩妥，值得一讚。除了拉麵外，餐廳亦有小食及串燒可供選擇，而且屬於即叫即制，個人推介雞泡魚乾及雞軟骨串，餐廳用心制作，串燒不會過熟過硬。雞泡魚乾恰到好處，仍有一點軟綿咬口。

本因為喜歡白雞湯麵才到來但又貪新鮮，同時又好鍾意食蟹，所以點了北海道蟹湯拉麵。女兒無變心，點一人套餐，包括黑蒜拉麵、小食及飲品只是$128，差不多等於八折。仲加串燒饅魚。餃子最先到，見到個樣炸得好通透，咬落很脆，裏面的肉有汁，好好味。北海道蟹湯拉麵其實所有湯底都是以招牌白雞湯做膽，北海道蟹湯拉麵的湯都是奶白色，非常濃厚，骨膠極多，面頭有蟹肉，混湯食好味。温泉蛋流心，香軟很得。有大片半肥瘦凍豬肉片，口感嫩。黑蒜拉麵完全污黑色，很有蒜香，三片雞肉看來白滑，本身擔心有些淡但原來既然嫩亦入味。串燒鰻魚呢間鰻向來出名，但個飯吃不下，小試牛刀試個串燒，燒得出色，又香又惹味，鰻魚肥美。不大不小的店舖，牆壁上鶴畫搶眼，周四晩滿座。

如果大家想食得好味又方便 我介紹大家係炮台山a出口步行5分鐘就到既金鶴拉麵啦 呢間拉麵店主打日本菜 門面好有日本氣息！入到去環境氣氛都唔錯 舒適衛生同friend傾住計食小食好chill而家疫情搭唔到飛機 近近地來坐都係個很有道地的選擇食物方面 都好多元化 除左主打拉麵 仲有串燒 甜品 一品料理 酒水選擇等等而我坐下當然就嗌個招牌拉麵啦 係一款醬油拉麵 有豚肉和雞肉片 好有日本道地質素 湯底味道濃厚 做到剛剛恰道好處 真係要一試再試我還叫左啲枝豆同芥辣八爪魚枝頭乾身的 咸咸地餸酒一流 芥辣八爪魚做到很到位 份量都不少仲有雞泡魚干 配埋沙律醬食都幾正最後我仲試左抹茶麻糬 又軟又滑值得一試！最後 到訪既食客仲可登記做會員 儲分換小食 真係好抵啊！

之前有食過金鶴嘅拉麵覺得好好食，今次黎就一於試埋鰻魚飯啦😍鰻魚飯$238，唔算貴，日本好多都係呢個價。一上菜就已經聞到超香鰻魚味，未食已經流曬口水！先飲左個定食附送嘅湯，裏面有啲昆布、荀、菇同蔥等等，非常清甜，個人認為比麵豉湯好飲！仲有一小碟八爪魚前菜，混合左wasabi嘅調味，味道好過癮，係好fresh嘅開胃前菜。跟住就食主角鰻魚啦！鰻魚燒嘅時間同火候都控制得好完美，外層有啲焦脆，鰻魚肥瘦適中，一入口鰻魚嘅焦香味就完全爆發，真係超惹味😍😍比起唔少日本嘅店仲更加好食！而且店家仲俾多左一碟鰻魚汁，倒埋落去之前啖啖飯都充滿鰻魚汁，超juicy🥰🥰👍另外仲叫左碟明太子雞翼，燒得岩岩好，又係高分之作！食完真係棒住個肚咁走，估唔到一間拉麵店嘅鰻魚飯同小食都可以整得咁好味，一定會再黎幫襯！

一段長時間冇黎天后，今次路經既可食拉麵，走時又可以路過去食拿破崙。Menu除咗拉麵以外仲有飯類選擇， 兩者都好吸引， 最後都係決定叫返拉麵。 辛味拉麵🍜😋$88湯底真係冇得輸， 食完唔會口渴， 最鍾意佢嘅淡淡辛辣味， 上枱嘅時候仲係熱辣辣。除了一大片豚肉，仲有兩片雞胸肉、木耳絲、 露筍、半隻旦.... 賣相和味道都唔錯。燒雞泡魚乾 👍$68通常食拉麵都會叫埋雞泡魚乾， 通常好壞參半。 但係呢度嘅雞泡魚乾做得非常出色， 唔會燒得太乾， 味道鮮美， 軟硬適中， 必叫小食枝豆 $38唔想太heavy ，叫咗個枝豆， 微暖唔會凍冰冰， 大大碗抵食之選下次黎要試下二人餐，二百幾蚊就有兩個拉麵+兩個小食+兩杯嘢飲

睇網上有人討論呢間拉麵，今日一於黎試吓🙈～金鶴拉麵～天后分店🍜🥟眼見店內座位唔多，堂食既話要排一陣隊先入得。我就揀外賣💁🏻‍♀️ 門口係日式木敞門，牆紙都係日式設計，好靚💕店舖位置都好靜， 加埋日文歌，好relax，冇得去日本都當自己去左啦☺️點餐喇🎤叫兩個期間限定既拉麵🍜 1️⃣北海道.海老濃厚拉麵🍤 2️⃣北海道極濃蟹湯 🦀3️⃣唐揚炸雞外賣佢好貼心地分湯☺️ 返到屋企熱返個湯，倒落碗麵到，再蓋住焗一焗～ 食得❣️ 👉🏻海老拉麵好多櫻花蝦，好多肉絲，個湯好濃，成件事好惹味👅👉🏻極濃蟹湯拉麵🍜 巨量蟹肉😍 個湯好濃郁，我好中意，飲哂個湯🤣拉麵硬度適中，只係外賣比漏咗糖心蛋，好遺憾試唔到😩👉🏻唐揚炸雞，好大件雞塊，好多肉汁，肉質嫰滑😍😍 wow 又脆，highly recommended ❤️

冇姐姐嘅日子就梗係叫外賣啦！屋企附近有間好好味嘅拉麵店：金鶴拉麵！店舖唔算好大，但係好有高級拉麵店嘅情調～之前嚟食過佢個招牌拉麵❤️金鶴雞白湯拉麵❤️印象難忘，個雞胸白雪雪、好嫩滑！加上炸牛蒡造型好靚！本身想encore！但原來外賣係冇個炸牛蒡！店員推介我食❤️厚切日本雞胸飯❤️今次個雞胸嘅份量仲多啲，口感依然非常嫩滑！雞胸本身已經好夠味配埋芝麻醬同埋鰻魚汁送飯真係好正！加上滑捋捋嘅流心蛋，真係大滿足！而❤️黑蒜醬油拉麵❤️湯同拉麵分開上， 唔怕啲麵淋曬有一塊叉燒，兩塊雞胸肉，半個流心蛋，拉麵份量好多！黑蒜醬油湯簡直係成個拉麵嘅靈魂！個湯好香好濃郁！誇張到好似沾麵咁掛湯！店員推介下試再❤️汁燒原隻鮮魷魚❤️燒魷魚都軟淋淋，唔會柴皮，又好開口，加埋醬汁好野味！下次要再試下其他拉麵先～

放工諗住買外賣返屋企食，於是就黎呢度買拉麵試吓。餐廳除咗有二人枱同四人枱，都有吧枱，整個環境感覺都幾日式。食物款式種類都幾多，淨係拉麵都有好幾種湯底，包括招牌嘅雞白湯、黑蒜醬油、鹽味、辛味、醬油味同期間限定嘅北海道極濃蟹湯。除咗拉麵之外，都有飯、小食、串燒同日本進口手工啤酒。價錢方面算係合理，想優惠啲可以食套餐，有齊拉麵、小食同埋飲品 。睇完餐牌一輪最後都係決定要一碗金鶴雞白湯沾麵同埋一碗期間限定嘅北海道極濃蟹湯拉麵。落完單等7至8分鐘就有得拎，而且包裝得唔錯，返到屋企都冇漏湯，拉麵同配料都仲keep得好好。返到屋企一打開，估唔到份量咁多，雞白湯沾麵分別有兩片雞肉同叉燒，仲有一隻糖心蛋。先講講個湯底，湯底飲落口感非常濃厚，而且好重雞嘅鮮味。拉麵質感軟硬適中，食落煙韌，而且都幾掛到湯，叉燒同雞肉片都唔錯，味道新鮮，雞肉片口感特別腍同幾滑。糖心蛋熟到啱啱好，味道好香。北海道極濃蟹湯拉麵有好多蟹肉鋪喺面，而且仲有叉燒、糖心蛋、紫菜等等。湯底重蟹味，蟹肉同湯底同樣鮮甜，飲落非常順口，拉麵煙韌彈牙，索埋湯汁好正👍🏻