金鳳大餐廳 (D2 Place TWO)

營業中

休息中

好耐無鋸扒了，所以見放假，就去了附近，享受一下=)位於荔枝角 D2 TWO 既 金鳳，想不到，平日晚上來這的人也挺多呢，坐下不久，就陸陸續續的有人進，不一會就滿座呢。今晚一人點了一份扒餐：一紅一白湯：白湯 - 不錯，不會如水的，用餐包沾食，很相配👍羅宋湯 - 小酸微辣 滿滿的雜菜，很開胃，開食前飲一碗，是不錯的選擇😁雜扒餐兩大塊大大的牛&豬扒，除此外，讓有香腸、火腿、雞翼雜菜&薯菜=)一份扒餐，多種享受😋配左黑椒汁，牛扒不黐牙，豬扒口感很好👍另一份是：野菌西冷牛扒點了五成熟，切開後，再微微係鐵板烘一下，肉香仍在，不會被濃香醬汁蓋過😉另見有 黑牛 (朱古力雪糕 + 可樂)就點了一杯試試 ( 轉配 + $18 )可樂混和左雪糕，氣感更佳了，且有種淡淡既朱古力味😆金鳳的扒類，港式的傳統扒類，大大件的，價格不貴跟味道不錯。

相信一定唔少人聽過金鳳大餐廳呢間經典老字號港式扒餐餐廳🍴今日就嚟一嘗究竟！😍整體評分：6.9/10環境：7/10人均消費：$101-200地址：金鳳大餐廳 (D2 Place) (荔枝角)荔枝角長順街15號D2 Place二期3樓312號舖餐包：正常發揮～餐湯：羅宋湯：幾鮮甜😋而且多蔬菜忌廉湯：好香魚湯味～都唔錯牛扒：貴族牛扒餐（$ 188 ）部位係美國牛肩胛肉小排，建議用鐵板上，我嗌左3成熟～肉質結實，牛味重😍另外配上薯格，粟米同脆肉瓜～評分：7.2/10招牌牛柳餐（$118）：牛柳相對牛肩胛肉小排會比較滑，牛味冇咁突出，但都一樣好好食😋評分：6.8/10但如果服務態度同埋等候時間可以再改善就更好啦😖

小編由細到大都好鍾意据扒，呢間絕對係好多人嘅集體回憶😊細細個就食到變大大個😂 呢間出哂名大件夾抵食，一個人隨時都食唔哂嘅扒餐，味道依然不變嘅「金鳳大餐廳」😋美國安格斯肉眼扒餐(5成熟)$180+$18(黑牛)呢塊肉眼扒真係不得了😋又大塊又鬆軟，五成熟岩岩好，好有牛味🤤配菜有脆卜卜嘅薯角😋好滿足！西冷牛扒餐(5成熟)$118 + 凍朱古力鐵板上嘅西冷牛扒，一淋啲黑椒汁上去，「渣渣」聲，香味即刻撲鼻而來👃又係大大塊，好抵食😋

今日係D2 Place行完街，見呢間餐廳入面好多人係食，就決定係到醫肚，叫左兩份牛扒餐。套餐跟湯，餐包同野飲，紅白湯各一，意想不到白湯係忌廉魚湯，有粒粒魚肉係入面，紅湯就是港式羅宋湯，酸酸甜甜帶少少辣，好多菜，白湯好D。(1) 貴族牛扒 (美國牛肩肉) $188見人地食呢份牛扒幾正就跟住叫，可能因為太大份，要碟上，無得鐵板上，唔係就風味更佳，兩條好厚既牛肩扒，五成熟都剛剛好，切開粉紅色，肉質鮮嫩，睇得到JUICY，牛肉的味道濃郁入口，口感似係出面中高級扒房牛扒，另外有菜，薯塊，翠玉瓜等等配菜。再食另一半個份西冷牛扒，就覺得呢個價錢食到呢d牛排，簡直扺到爛！(2) 西冷牛扒餐 $118西冷牛扒餐，七成熟，配菜有薯條粟米等同，鐵板上Keep住熱辣辣，比貴族牛扒淋身好多，好似以前係港式扒房既牛扒FEEL，呢個餐睇來主要睇抵食夾大件，都係貴族牛扒好食D。整體上兩份鐵板餐性價比高，好大份，餐廳裝修充滿懷舊感覺，坐得幾舒服，下次會再食返貴少少既貴族牛扒，再問問可唔可以鐵板上，建議喜歡淡口一點的朋友可選少汁或汁另上。8點幾走時D見到D2 Place都已經無乜人流，但餐廳外都仲有唔少人等位食，相信呢間

1️⃣大蝦牛柳餐(HKD$158)招牌牛柳餐無左隻蝦都係$112 ，隻蝦要$46，建議大家直接叫招牌牛柳餐算，因為隻蝦唔值$46。服務質素 : 幫朋友慶祝生日，帶左個蛋糕去食，點知餐廳雪櫃唔夠大放唔落個蛋糕，仲要同番生日果條友講，簡值係豬隊友。 我地8個人一齊去食，因為限聚令要分開兩台，服務員話等隔離台食完走左再幫我地調位，點知最後條友唔記得左所以無左件事，最後要好白痴咁拎番走個蛋糕食。😑😑😑

話說嗰日喺荔枝角OT得有啲晏，去到金鳳已經9:25pm都知佢10點閊門，所以諗住快食，但係個哥哥好似唔係咁想招呼我哋咁，好惡，搞到我驚驚🥶🥶🥶🥶🥶🥶🥶🥶🥶未入去已經比好高個哥哥嚇親😓😓😓， Menu都唔敢睇，直接叫，一叫完就即刻埋單不過講返嘢食又真係幾好味嘅😋，麵包鬆軟，個湯係好足料嘅，牛扒都好好味，叫咗5成熟，又真係做到，入口啱啱好7一啲都唔好銀，對比起我前日食OxcBxxx真係高質素好多想讚下啲薯格真係特別脆😆重點係我覺得杯奶茶都好好飲，對於我呢啲奶茶控來講真係好加分不過唔知係咪食得太快嘅關係，最後好胃痛搞到要去睇醫生🥲因為好驚佢哋趕人，食得勁急下次都係唔好咁急先衝入去食🤣哎呀急得滯竟然冇影到個牛扒😩

香港有美食天堂之稱🇭🇰 除左因為有唔同國家美食外🤤仲會將港式味道注入唔同茶式👍🏻 例如咖哩魚蛋🍡 叉燒意粉等等🍝今次就去左✨金鳳大餐廳✨試試佢既港式鐵板餐😎呢到嘅鐵板除左jar jar 聲之外 牛肉嘅質素都唔差🤤 想平平地鋸個扒又想cp 值高嘅話💰呢到絕對係一個好選擇😍👉🏻美國和牛牛柳粒🥩💰HKD 1️⃣6️⃣8️⃣而家啲港式扒房愈黎愈進步🤙🏿 已經唔會剩係用啲肉鬆粉牛肉 呢份牛肉切到一粒粒 每粒都煎到外皮香脆🤤 煮出黎仲要岩岩好五成熟 一個字👆🏻正❗️👉🏻 什扒餐🍖🍗🥩💰HKD 1️⃣1️⃣0️⃣呢個餐似返傳統港式扒房會出現嘅菜式 份量本來已經多得驚人😵 我地仲要簡左鐵板上 所以食到好論盡🤣🙈呢個餐有牛🐮豬🐷雞翼🐔 火腿同埋腸仔 今次食唔晒比佢打敗左🙈不得不提埋跟餐嘅波浪紋薯條好好食🤫👉🏻雪糕紅豆冰/ 黑牛🍨💰HKD 1️⃣8️⃣EACH最後再黎一個邪惡嘅結尾😈 紅豆冰保持一貫水準咁正🥴 不過黑牛我就一般般😅 始終覺得朱古力雪糕加可樂有啲奇怪😂 唔知大家又點睇呢😛

細細個就食，記得最初是在太子總店食，現在不同分店仍然大排長龍，除了「大件夾抵食」，「咋咋聲」，人情味和回憶也是重要。環境較大和坐得舒服，最目不暇給是店員的上菜功夫，一手可以拿四個鐵板，或者一手八碗餐湯👏🏻好臂力好身手。人均：$133.5.餐湯麵包羅宋湯有好多雜菜，配上熱辣辣方形麵包，加多點牛油，喜歡可以點一點羅宋湯yummy。.港式鐵板牛柳餐五成熟最適合，因為鐵板上會繼續持續升溫，一路食就會慢慢變七成，醃製過的牛柳大大塊，鬆軟好易咬開，配上黑椒汁味道濃郁。.香煎比目魚配松露汁除了肉類都想試試海鮮，原來比目魚也是鐵板上呢，驚喜，兩大件比目魚先炸過，外皮香脆，裡面肉質保留魚油，食時仍食到魚汁！.雪糕紅豆冰晚餐加$18就可以升級，抵飲，一球雪糕加甜甜紅豆，一口牛扒後一口雪糕紅豆冰，中和了。.凍檸茶多檸檬好正！平時會拮到爛晒飲，酸甜清涼！.@goldenphoenixhk

話說突然想食D懷舊平民鐵板餐🥩，就去左屋企對面揾食，夠晒方便。1️⃣ 雜扒鐵板餐 $88Menu有好多扒餐不同質素嘅牛🐮，價錢$1-200不等，不過目的係頹食，泊車嘅時候己經諗好左要叫雜扒🤟🏻。牛油餐包係茶餐廳無得輪嘅跟餐名物，高級地方反而食唔到嫁！雜扒包括牛、豬、火腿扒、腸仔（留意並唔係司華力腸）Surprise無雞扒同無底跟～一般會有薯菜／飯／意粉，呢度咩都無🤷🏻‍♀️，有紅／白餐湯。汁有兩種－黑椒同蒜蓉，同大部分人一樣，食鐵板都係鐘意姐姐淋D汁上去嗰D炸炸聲❤️‍🔥。2️⃣ 經典蕃茄蓉芝士肉醬焗意粉 $68大大兜味道還可以🍝，無得同專食pasta嘅西餐廳比，但勝在夠熱辣辣。3️⃣ 胡麻醬雞肉沙律 $74大大塊雞扒喺沙律菜🥙上面，寶寶一貫健康地叫醬另上，肉都唔算煎得好油👌🏻，呢個價錢咁大塊肉算好低食。不過不失，menu多option，頹食鐵板之選。

金鳳一直係數一數二既懷舊鋸扒餐廳🍴次次經過都大排長龍，好耐以前曾經去過太子嗰間分店，相對而言荔枝角呢間分店嘅環境寬敞得多，坐得超級舒服環境唔錯👍🏻-所有套餐包括有牛油餐包🧈、湯🥣同餐飲。-牛油餐包🧈超級出色，焗到勁香軟既餐包一撕開麵包🍞底部已經配備牛油🧈仲一早已經將烘到熱辣辣，一搽就即刻融化，鹹香可口！-忌廉湯🥣茶記餐湯質素，稀身比較淡口記得趁住熱快啲飲，一凍就好難飲！內有雞肉粒好驚喜🐔羅宋湯🍅呢個羅宋湯比想像中更加好飲，入邊有超級多雜菜🥬飲落辣辣地好開胃🌶️美國極品牛小排餐$168🥩(+$2蒜蓉🧄）-⭕️記得加錢必定要加蒜泥🧄⭕️，一上碟就俾佢嘅特大份量嚇親，兩舊厚身既肉切落去仍然見到肉質鮮嫩！2️⃣大舊厚身五成熟都仍舊好血肉汁滿滿！切開依舊軟身無筋啖啖肉👍🏻配上蒜泥同汁👍🏻雖然呢個唔係鐵板上但係都仲可以做到熱辣辣好欣賞🔥呢個真係超級足料好抵食！牛柳餐🐂$118 (+$2蒜蓉🧄）-⭕️記得加錢必定要加蒜泥🧄⭕️牛柳相對就稔身勁多，牛味無頭先咁，蒜泥配上軟糯牛柳都相當出色🧄同牛小排餐一樣只可以選擇蔬菜：包括有椰菜、蕃茄🍅、青瓜🥒、薯條🍟等！沾左牛肉汁同蒜蓉汁好夠味👍🏻真係大件夾抵食！

平時過黎都係食鐵板扒餐，今次見到餐牌有期間限定有 美國和牛牛柳粒 就試吓呢個，點知今次質素差左好多👎🏻👎🏻 我叫左7成熟但裡面好紅，雖然質地咬落軟腍但筋太多，有一半咬唔到要吐返出嚟，伴菜嘅紅蘿蔔同翠玉瓜切到好肉酸，薯條變薯格，沙律菜亦少得可憐，整個感覺就係極之求其，$168加一呢個質素完全唔值 👎🏻 👋🏻👋🏻舊舊都咁～成個餐得羅宋湯同餐包叫好⋯

🍴港式經典扒房  🥩金鳳是經典的港式扒餐餐廳，各式各樣的扒餐，一直深受大眾歡迎。晚市扒餐提供餐包和餐湯，筆者喝羅宋湯，鮮甜多蔬菜，開胃可口。📍貴族牛扒餐 $188Noble Steak (US Chuck) 美國牛肩胛肉小排牛肩胛肉位於牛隻的較前方肩膀處，這是牛隻時常運動的部位，所以肌肉發達，肉質結實，味道豐富。牛扒以鐵板上的話建議選5成熟，當侍應送餐時再加上客人自選的醬汁後會令牛扒烹至約7，8成熟。牛扒富肉汁，肉質結實，香味濃郁。墊底的更是薯格和粟米、脆肉瓜，飽肚又美味，只是黑椒汁會偏咸，建議喜歡淡口一點的朋友可選少汁。📍西冷牛扒餐 $118Sirloin Steak西冷是牛後腰脊柱兩側的肉，牛扒油花較少只有邊旁的一片脂肪，肉質細嫩，鮮嫩美味。牛扒厚切啖啖肉，大至整個鐵板般，份量十足，是抵食之選，墊底的是粗身薯條和粟米、脆肉瓜，推薦 ❣️📍美式什扒餐 $110（豬扒、牛扒、雞翼、香腸、火腿）心大心細想吃不同種類的肉類，點什扒餐就可以一次試勻所有肉類了。套餐中有豬、牛、雞類吃，如果加多一顆太陽蛋應該會更完美。📍黑牛（套餐轉配$18）兒時懷舊冰涼暢快特飲非黑牛莫屬也。 最喜愛把可愛倒在雪糕

今日係中秋節翌日，亦即係公眾假期，試過山林道分店的假日午餐，本來想D2 Place也有假日午餐，可是沒有，只是鐵板餐有88折免+1。我們點了兩份雜扒餐，感覺份量好多，我地都食到飽飽。我點了的黑椒汁非常之好味，中途我還請他們幫我加汁。

跟睇戲好友走到荔枝角 D2 Place 2期睇戲，他建議去 D2 Place 2期3樓的 <金鳳大餐廳> 食晚餐！ 跟他睇戲前晚餐，他多數帶我到美食廣場，就算我請他睇戲，並不代表他會請我食飯！所以，他竟然建議去 <金鳳大餐廳>， 我都覺得好驚喜！ 這餐又是 AA 的！我們先到先等位，當日他在長沙灣返工，先到戲院買戲票後，到餐廳等位，當時 6:15，不用等位！不過，每位食客入座前，先要走到收銀位有部量體溫機，用手量度體溫！忌廉汁燴比目魚飯 $84我們要睇 7:00 場，最緊要上得快食得快！忌廉汁淡淡地，勝在夠汁撈飯，飯份量都足夠我的食量！ 比目魚質感軟身，帶有些少魚骨！整體不過不失！美式雜扒餐 $110這裡的鐵板餐好出名，之所以他要點一份來滿足自己吧！雜扒餐陣容鼎盛，包括：牛扒、豬扒、雞中翼、腸仔、火腿及薯條！對他來說絕對物超所值啦！凍檸水朋友的鐵板餐包括：餐湯、餐包及餐飲，他讓我叫飲品。我叫熱檸水，卻送來凍檸水；由於時間關係，就算了吧！幸好！朋友叫我把冰粒加到他杯水，變成少冰的凍檸水！

金鳳可能係好多人情意結，細個想食扒都會去金鳳。係舊舖要排好耐隊去食或者去銅鑼灣食佢d扒。但係人越大，係出面食左好多唔同種類嘅牛扒，就覺得金鳳d扒好唔掂。由於屋企人想去食，咁就去啦。我個日叫左個西冷牛扒，真係唔好食，林pat pat,毫無咬感，無肉味。個面包仲要係二十年前嘅餐包。重點侍應忙到叫極都無人應，叫佢俾杯水俾黎俾去都俾唔到，等位又等到腳軟，真係唔明點解要為左d所謂嘅童年回憶等成個鐘頭俾百幾蚊食劣食！