金鳳大餐廳 (D2 Place TWO)

營業中

休息中

平時黎到D2 PLACE都係上去上層光顧平價戲院居多 , 但估唔到原來呢度都有間分店 ,太子總店果間金鳳就食得多 , 呢間未食過今日在附近辦完事 , 順道約老友出黎食個晚飯 , 就諗住近近地金鳳据個扒到達時差不多7PM , 已經全場爆滿 座無虛席 , 門口更有大約20多人在等位大概是臨近聖誕 , 大家都爭住想食西餐 , 据扒等等餐廳樓面約800多呎 , 餐枱20餘張 , 大概可容納80多人吧幸好等左15分鐘左右 就有枱座位都尚算寬敞坐得舒服 , 店員多是阿姐級黎到呢度梗係据扒啦 , 除此外都有其他西式飯類意粉 及小食 任君選擇同朋友落左單後大約唔夠1分鐘 , 餐包 餐湯 就神速上枱牛油餐包暖暖地 , 邊位少脆 , 入口鬆軟羅宋湯鮮甜少許辛味 , 雜菜豐富 , 令人食欲大增忌廉湯則少許雜菌吊味 , 濃稠度都合格 , 識食既會用餐包點埋白湯黎食大蝦牛柳餐 $ 158 + 生蒜 $2 <5成熟> 黑椒汁主角上場大大份牛柳 估計都有250g , 食唔出有雪藏味, 牛肉味濃郁 , 肉質比較實心 , 同時又不失肉汁配上生蒜佐口配搭 將牛肉提升到另一層次而下邊墊低的是配菜 - 紅蘿白

今日星期六都無咩人都覺得奇怪嗌左個羊架餐同什扒餐，首先黎左2碗湯先同餐包.... 一飲碗湯，嚇左嚇，我好似飲緊海水咁紅湯都好d d 但都係咁咸。好啦咁試下食包，熱就熱啦，但個底硬過鑽石真係有d痴線。好，以為主菜同飲品好d啦，嘩，一山還有一山高，最難飲既紅豆冰，應該全港佢係第一間。係紅豆水，真係淡到，好似洗完碗既水放左個雪糕落去咁，完全無法接受！個扒當然好似醃左十年咁啦，咸到食唔到，又Un! 無下次！大家唔好去呀!

呢間金鳳大餐廳係太子分店出哂名多人排隊好彩今次黎咗D2呢間分店，地方又大啲乾淨啲，食物質素都無咩變今次同朋友一個就叫鐵板餐，另一個就食客飯兩個都係套餐，叫咗一紅一白湯，正常發揮，當然我私心推介羅宋湯，無得輸招牌牛柳鐵板餐+蒜蓉不得了，好耐無食，真係好好味😋一上枱就咋咋聲，同埋見到好有分量既蒜蓉呢啲真係港式風味既食法松露汁雞扒飯個飯既松露汁就唔太明顯，都係正常發揮既客飯，下次再黎一定兩個都要食鐵板餐今餐整體都好滿意💯

來到D2 place，感覺唔算大，但餐廳選擇好多，好快就食完成個商場，唯有搵下野食。網上見呢間港式扒房都多人推介，價錢、環境都好合理，咁就不如試試佢啦！餐牌選擇都唔小，不同扒類、焗飯都有，仲有兒童餐，唔掛知得18:00左右已經唔小人坐左係度。叫左2個扒餐，跟餐湯餐包，餐湯依舊有紅白湯選擇，白湯好濃郁，感覺好正，餐包又夠熱，又軟綿綿，幾港式幾正既開頭。今日重點，鐵板雞扒餐，店員建議我地試下加蒜蓉，會令成個扒餐更加好食。既然係咁就試吓去啦，果然蒜白味勁濃勁野味～鐵板剛上台時，店員會幫我地落醬汁，店員亦十分細心提我地餐巾擋住醬汁。炸～～～一聲，港式扒餐特色同風味出晒黎。特別一提，雞扒外皮脆卜卜，雞肉有味亦好食，果然港式扒餐黎講算十分高質！👍🏻另外一個餐就係鐵板帶子牛扒餐，同樣地加左蒜蓉，估唔到牛扒同蒜蓉係可以咁夾！帶子外邊煎到超香，入面依然有彈性，好食。但重點一定係塊牛扒同蒜蓉！牛扒5成熟，夠味又夠淋，外邊香口，入面軟淋，再加小小蒜蓉一齊食，回味無窮！建議大家黎到可以試下加蒜蓉，包你有意想不到既效果。最後，餐飲都有正常茶記既選擇，亦有雪糕紅豆冰、黑牛等特飲，但當日天氣凍，決定飲熱飲算。呢度竟

間餐廳聽過好好耐但從來冇去過，今日咁啱經過D2，仲要中午時間剛剛有位。西冷牛扒餐 $104 （而家午市做緊88折，原價$118) - 好耐冇食鐵板牛牛餐啦，叫咗5成熟，不過一上枱即刻切開，一邊係5成，但另一邊就有7成，不過都ok嘅；黑椒汁好有兒時味道😋。不過個羅宋湯唔夠濃，個人覺得個湯同麵包好似「花X餐廳」好食啲（雖然我都好耐冇去啦）。個餐飲檸檬茶個茶底好淡呀，不過呢個價錢食到牛扒餐包餐湯包餐飲，其實真心抵，冇投訴😅😅

之前一直識開都響太子嗰間❤ 出晒名，每次去親都要排好耐～最鍾意嗰間嘅裝修之外，我都好鍾意同嗰度啲職員吹水，每個都有返咁上下年紀❤超有人情味 ～今次試D2 Place呢一間，估唔到佢會開喺呢度而且比我想像中都好， 嘢食質素不變，牛柳整到好林， 鐵板燒熱辣辣，仲見到店員表演一隻手拎成四五碟🥲🥲可惜冇影到相～呢一間嘅嘢飲就冇分大細杯，位置同環境都比以前舒適左。 價錢方面就不嬲都覺得抵食㗎啦😂😂😂 最後，雖然呢一間好好，但如果有得揀可能我都會比較想去返太子懷舊嘅扒房，鍾意嗰種入到去成間嘢都係煙❤

menu既扒餐有好多款牛扒選擇，但我唔多仲意食牛，所以叫咗個鴛鴦扒，主食有豬扒同雞扒，豬扒口感Q彈，即使擺咗半個鐘都唔柴，依然好食；雞扒肉質鮮嫩多汁，唔錯唔錯；侍應推介加新鮮蒜蓉，大量蒜蓉加埋蒜蓉汁，蒜蓉愛好者必嗌😉。配菜有翠玉瓜新鮮多汁，薯菜好脆，粟米粒甜甜哋。忌廉湯幾好飲，咸淡適中。餐包質感厚實，查埋牛油仲正。熱朱古力濃度適中。呢個套餐份量好足，食到好飽，爽快😍。當時坐室外，經過既路人並唔多，所以都唔會影響用餐。

這間茶餐廳有多間分店，面這間的裝潢是最靚☺️，價格抵食兼大份，吸引了很多人光顧？平日來也要排隊取票等位，好甘誇張😱這裡最出名的就鐵板牛扒，幾乎每枱也必叫.鐵板餐包餐包，湯和飲品，其他要額外叫.於是意粉加了錢換.餐包和湯份量也多，餐包大個鬆軟，塗上牛油底可浸上餐湯飲，一款是羅送湯，令一款是野菌湯，羅送湯味道較濃厚，故更適合配餐包食🥰💠貴族牛扒鐵板（美國牛肩肉）Noble Steak $188 蒜茸汁 + $2蒜茸 配牛油餐包、餐湯及餐飲叫了款menu入面最貴的美式牛排😂可以以普通碟上式是鐵板上，當然用鐵板上的味道更勝一籌！一上已經聽到平三陽陣陣烤的吱吱聲，之後店員會過來幫忙淋上蒜茸汁，店員好細心會遞上紙巾給我們用來擋淋汁時四濺的油和汁🥰👍🏻👍🏻牛扒叫了5成熟，牛肩肉有兩大塊，每塊也是相當有份量厚實😽切開可見到中間鮮紅的血色，牛肉相當肥嫩，肉感細滑鮮嫩😍絕對要加蒜茸，蒜香會令牛肉味道更佳更香口🤟🏻💠經典番茄芝士肉醬焗扁意粉 Baked Spaghetti Bolognese $76+$20配牛油餐包、餐湯及餐飲芝士肉醬意，向來也是頂級味道，絕不會伏.！意粉本身已經用番茄醬炒過，再在上面淋上厚

成日都好想去啲舊式扒房懷緬下細個同屋企人食嘅感覺 但係奈何而家用鐵板嘅扒房已經買少見少 有嘅都可能好夠環境未必係最好 呢排見啲friend成日去金鳳 好似荃灣同埋D2 Place嗰間都幾新淨 前幾日就去左D2 Place懷緬過去 我七點前去已經好多人等緊位 好彩佢都去得幾快等咗唔使10分鐘到入到一點完餐佢就會放低湯同埋餐包 叫咗一個紅一個白 兩款湯都好好飲 羅宋湯入面好多料 個餐包嚟到仲係熱嘅 搽晒成盒牛油好正不過好肥招牌牛柳餐 - 叫咗七成熟 一送到黎見到個鐵板已經開心左 之後佢會喺你面前淋上蒜蓉汁 要你用張紙巾擋住費事彈到 記得以前細個都係咁 佢驚牛柳肉質都幾林但係唔係那個嗰種 有牛香 底下嘅薯條浸晒蒜蓉汁好正肉醬意粉 - 想食咗一個高質嘅港式芝士焗肉醬意粉好耐 但真係好難搵到一啲就冇芝士焗一啲個醬汁就太酸 但呢個真係好好味 個肉醬非常香濃甜甜地咁好正 面頭有有勁多芝士 好滿足 今晚嘅第一位🥇芝士焗西蘭花 - 啲西蘭花多到痴線 可能因為每樣食物嘅份量都超大 食到西蘭花已經唔係好食得落啦 有芝士係面嘅西蘭花好香 撈埋啲白汁好味 但係覺得佢嘅芝士同白汁可以唔夠多 唔夠分俾每舊西蘭花飲品

本身想去D2 place另一間cafe但撞正今日休息❌兜左個圈見到金鳳大餐廳思疑左一下咁似太子果間金鳳餐廳上網搵一搵·原來真係同一間新店裝修懷舊復古🇭🇰賣香港情懷比起以前舊店乾淨企理左好多·叫左兩個lunch set🍽包餐湯及餐包食港式扒餐必定會飲紅湯🥫因為港式扒房既羅宋湯真係好正我試整過幾次🧏🏻‍♀️都整唔出果陣味最緊要飲既時候加幾滴Tabasco 先係精粹又酸又辣🌶超級開胃餐包仔要塗滿牛油又鬆軟又有牛油香🧈唔知點解去食扒房先會食咁鍾意餐包平時經過見到又唔會買😂。美國西冷牛扒🥩配薯條🍟/黑椒汁總覺得鐵板一上枱既jar jar聲好悅耳好似呼喚緊你可以食喇😂牛扒有3塊肉質軟腍· 牛味唔算重配埋個超濃郁咁既價錢有咁既質素👍🏻仲想點😆薯條係波浪紋薯條外面夠脆身點黑椒汁一流美國西冷牛扒🥩配意粉🍝/蒜蓉汁總覺得朋友既牛扒肉味重好多😂果然隔離飯香蒜蓉汁好濃配意粉都幾掛汁😆意粉咬感岩岩好120蚊兩個人✌🏻超級抵食😆

今晚和老公來行D2 Place, 去食扒！！上網search 到呢間金鳳大餐廳，評語唔錯，門口又有好多食客排隊，相信好吃，決定一試。紅白二湯我和老公一人一湯，我飲的是羅宋湯，很多湯材呢，有蕃茄、洋蔥，西芹等，餐包暖暖的送上枱，查上牛油，啖啖滋味。帶子牛扒餐帶子很大粒，牛扒點了六成熟，剛剛好。牛味很突出，非一般的靚牛，值得推介。招牌焗豬扒飯上枱時被賣相吸引，超多芝士的！！豬扒大大塊，肉質鮮嫩，啖啖蕃茄香，飯是炒底的，粒粒分明，很蛋香味。不得不讚的是雪糕紅豆冰，超級濃奶味，紅豆超級淋，加上大大的雪糕球，很滿足呢！

自從入左牛扒關注組之後就日日都想食牛扒🤩我諗香港人都識呢間老字號，專食鐵板扒餐。細個食鐵板睇住淋汁果下滋滋聲都好興奮，到大個左就覺得好治癒🥰 間唔中就會想食。金鳳都開左好耐，又多分店，今日就去左荔枝角店試下佢啲扒❣️美國牛小排餐🐮$175一黎到見到塊扒真係勁大塊😍仲長過塊鐵板，有成兩大條，大到差啲跌出黎咁滯，女士應該食唔晒。店員建議牛小排叫5成熟左右，所以跟左。切開睇火喉控制得好好，真係做到5成熟，入面係粉紅色，質地軟腍，肉嫩多汁，大推🔥而薯菜就係配薯格，超正。另外加左$2加蒜茸，爆多蒜茸真係好正🤩食牛扒必配❣️鴛鴦扒餐🐷🐥$108朋友唔食牛所以揀左雞扒加豬扒，而薯菜就係波浪薯條。雞扒肉質滑嫩，亦冇咩肥膏。豬扒唔韌，有咬口，唔同出面食到用粉醃到軟晒嘅質感。雞扒同豬扒都醃得好入味，亦都唔係死鹹，兩款都煎到金黃香脆先送上鐵板。❣️雪糕紅豆冰🍨 跟餐加$18原先雪糕紅豆冰/黑牛係跟餐加$18嘅，但係現場show 番入左牛扒關注組就可以免費升級。我就揀左雪糕紅豆冰，食完熱辣辣鐵板飲番杯冰真係一流。紅豆都幾多，雪糕夠硬唔會太快溶晒，到食完仲有個型係到套餐已經包左餐包同餐湯，餐包熱辣辣又軟熟，餐湯揀左羅

行完D2市集之後, 就係周圍行下, 順便睇下有咩食~咁岩朋友話以前細個有同屋企人食過金鳳大餐廳，咁就入去一試啦。服務: 上菜速度好快。服務員一個人能夠手持多個鐵板，雖然好勁，但係我坐係到，實在好驚佢地一下唔小心跌左啲鐵板落黎。(7.5/10)食物: 我地叫左一份西冷牛扒(蒜蓉汁) 同一份牛柳 (黑椒汁)。我覺得味道稍為咸左啲，尤其係黑椒。2份扒嘅厚度適中，唔係薄切。但薯條如果多啲就更好喇。但以依個價錢黎講，味道算唔錯, CP值算高。(8/10)

🍴香燒羊扒餐 153 蚊 包牛油餐包 餐湯 餐飲 🐑熱辣辣既鐵板上羊扒 有成三舊 羊扒 整得夠香脆 入面肉夠軟林 配蒜蓉汁唔錯 底下仲有薯菜 薯條 粟米 翠肉瓜 整體唔錯👍🏻 🍴每月特選晚餐 178 蚊牛油餐包 紅 or白湯 蟹棒雜果沙律 🥗沙律 好多生菜 薯仔 蘿白 青瓜 蕃茄落足料 👍🏻帶子西冷牛扒 黑椒汁🐂 甜品西冷扒 熱辣辣鐵板上 黑椒汁香 牛扒好大塊好夠軟林🔥 而且厚切啖啖肉 底下有好多 脆肉瓜 蘿蔔 粟米🌽 同黑椒汁好襯 仲有粗身香脆薯條🥔 正🍴餐湯 紅白湯好足料 紅湯超多菜 白湯好足雞肉 忌廉夠香滑 配埋牛油餐包 正👍🏻#羅宋湯 #忌廉湯 #黑椒汁 #蒜蓉汁 #牛扒 #西冷 #羊扒 #薯條 #翠肉瓜Score 平均分<7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#金鳳大餐廳荔枝角長順街15 號d2 place 2 期3 樓 312鋪~~~~~~~~~~~~

仲記得細細個已經聽過金鳳呢個名!! 之前太子店成日都排晒隊, 又熱又多廢氣, D2開左分店真係太好既消息!餐廳又乾淨, 坐都坐得舒服D!今次二人行一人叫一份扒, 媽咪叫左份美國牛,我就食雜扒, 因為咩都有!先來餐湯同餐包~餐包仲係暖既, 好軟熟, 餐湯濃郁好飲, 仲有好多菜!貴族牛扒姐係牛肩肉, 肉味濃, 口感好好因為都幾厚架, 5成熟岩岩好, 生得黎唔會有血水, 好好食!另外雜扒就無咩要求, 大大份, 食肉獸都好飽! 正呀!