金鳳大餐廳 (D2 Place TWO)

營業中

休息中

好耐之前已經幫襯太子嘅金凰！仲記得果時老闆仲成日在門口帶位不斷叫著「Follow Me」今日見尼個商場有尼間仲要有下茶餐我們叫咗兩個茶餐！都選瑞士西冷牛扒配雞中翼，一個要意粉，一個要薯菜個餐跟湯，餐飽及餐飲（凍飲不另收費）牛扒～落單時職員無問我哋幾成熟因自己平時食開七成熟！唔太接受太生上枱時發現偏生不過諗住牛應該唔怕啦！因自己冇特別強調要熟啲朋友果份牛就正常啲！點知我哋4隻雞翼有3隻都唔熟同職員反映後佢話幫我哋手上果兩碟全碟攞入去整熟啲職員仲特別講明啲牛都會同時熟啲！雞翼咁生點食呀我哋話OK!職員攞走我哋兩碟！我哋仲諗緊佢用咩方法將我哋食過果碟整熟啲！就嚟咗兩碟全新嘅！連薯條都換埋後上尼兩碟比起之前好好多尤其係薯條🍟蘿宋湯～好好味好啱我口味原先打算比負評！因無理由將客人食過嘅東西攞翻入去加熱不過見佢最後換過兩碟全新仲要質素仲好過之前果碟！值得一讚

今日去荔枝角行街買野，順便喺D2搵野食，依度食肆林立，都好多餐廳選擇，經過間金鳳餐廳，聞到好香噴噴鐵板味，餐廳仲坐無虛席，吸引到我好想去食。裝修懷舊港式西餐廳feel, 其實以前都食過金鳳，睇到依家個Menu 比以前選擇多左好多，除左傳統港式西餐外，依家仲多左美式扒餐，今日揀左一個港式鐵板餐同美式扒餐，滿足兩個願望。羅宋湯忌廉湯仍然保持水準，羅宋湯湯濃仲有好多菜，加埋個牛油餐包，真係無得輸。忌廉湯入口順滑，稀杰度岩岩好。1.貴族牛扒(七成熟）黑椒汁牛扒外面有煎到有焦香，中間仲有紅色，生熟度岩晒心水，牛扒肉味好濃厚，加埋黑椒汁提升味道，認真唔錯 ，仲有香脆薯格同蔬菜，好豐富。2.帶子牛柳餐（五成熟 ）黑椒汁港式扒餐既特色就係鐵板餐放喺你面前，然後要打開張餐巾擋住d汁彈上你，黑椒汁倒落鐵板炸炸聲，証明鐵板好夠熱。帶子微微煎香好鮮味，牛柳5成熟，因為鐵板既熱力，牛柳中間係粉紅色，牛柳好厚，但肉質好嫩滑好juicy，牛味好濃, 仲有最中意既曲薯條, 好有港式扒餐既情懷。

牛肉加價之後少咗好多肉同埋煮燶咗…同之前差好多.. 第一次係op放食評竟然係因為咁🥲有點sad 希望有改善…湯也不是熱的肉真心很柴唔知咩事 金鳳以前唔係咁ga！！！！！！🥲🥲🥲🥲😭🥲🥲有冇經理可以反映下

買咗戲票去睇永恆族， 經常經過D2 ，金鳳門口成日企咗好多人。今日六點三到，唔使等位， 試下究竟好唔好食。單點咗個咖哩雞扒扁意粉， 咖哩唔算好辣，雞扒質地煎得幾香脆。不過唔算好多汁，所以撈埋個意粉就有啲乾，而且意粉本身係無味嘅，所以食完成個有啲dry，唔係好滿足。另外叫咗個招牌牛柳餐，送埋餐湯、麵包同埋飲品 。紅湯菜夠多，唔係好酸易入口。牛柳叫咗七成熟，煎得好冧，質地好柔軟，配菜都夠多，薯條都算香脆，呢個餐算係不錯。

金鳳茶餐廳細細個已經喺荔枝角道老店食開，仲記得叫碟蒜蓉都要加兩蚊。😬今次經開荔枝角食到，都比舊店坐得舒服得多，午餐選擇不多，以扒餐為主。🥩來得金鳳勝在大大碟夠抵食，我地點左墨西哥汁鴛鴦扒餐同洋蔥雞扒餐。點左餐隨即送上羅宋湯忌廉湯🫕及餐包🍞，羅宋湯酸酸甜甜好開胃，點埋餐包食一流。👍🏿墨西哥鴛鴦扒好大塊，鑊仔牛柳煎得夠香再吸埋墨西哥汁好入味，而豬柳略嫌太厚難咬口，不過味道不過不失。洋蔥雞扒配薯菜一上碟熱辣辣，雞扒配搭香甜嘅洋蔥汁，醬汁香濃，最好另外還有少少配菜可以中和一下鋸扒嘅油膩。😌另外點左一杯懷舊金鳳嘅雪糕🍦紅豆冰，細個最喜愛嘅飲品😍，大個飲到別有一番風味。開心仔🥳

金鳳大餐廳 D2 Place假日去d2 place玩，見到好多餐廳，但係都係呢間吸引我🤣出面排隊已經見到好多人鋸扒，入到去當然都係嗌返佢哋嘅名物！🤤😝嚟到先比咗兩個餐包，同埋兩碗羅宋湯，餐包仲熱辣辣，幾好食😝羅宋湯超級好飲！！少少辣得嚟又好惹味😝真係想飲多碗！洋蔥牛柳配廚師腸呢個唔係鐵板上嘅，仲可以揀薯菜，飯，意粉，我哋就揀咗薯菜，牛柳好好食，煮得好入味！另外叫咗個豬扒鐵板餐嚟到比佢嘅份量嚇親！真係好！大！塊！呀！最後食唔曬要打包拎走🤣🤣嘢飲叫咗個凍谷古，之前未試過，好似黑朱古力咁，幾好味又唔會太甜😝

金鳳大餐廳 (D2 Place) (荔枝角)荔枝角長順街15號D2 Place二期3樓312號舖美國牛小排餐 (鐵板上) $175 (另可升級特飲)落單時，店員介紹美國牛小排的熟度最好選五成或以下，咁就揀五成熟啦！😚牛小排，無筋，牛肉同脂肪比例適宜，食落唔油膩，亦唔會過腍，肉質有咬口得嚟唔嚡、唔韌，唔會好似咬緊橡皮咁！美國牛小排肉食落仲有陣牛扒肉香+牛脂香，有驚喜！🤩牛柳餐 (鐵板上) $118 (另可升級特飲)由細到大去金鳳餐廳，一向都嗌開「牛柳五成熟吖唔該！」😆(其實鐵板好快就煮到塊扒變全熟)五成熟，可以形容是小妹心中金鳳牛柳黃金比例的熟度👍🏻🥩入口肉質厚肉又腍～ 論肉香牛脂香，港式肉扒餐確實會被美國扒餐比下去，不過港式扒餐吃的是軟腍口感+港式情懷，兩者各有擁躉！ 對小妹嚟講，港式情懷、兒時回憶就比較重要啲！🥰 羅宋湯 (餐湯)酸酸甜甜，仲帶少少香辣味，開胃！而且椰菜、洋蔥呢啲蔬菜料好足！😋是日忌廉湯 (餐湯)港式濃杰忌廉雞肉湯鐵板好夠熱，當店員見到小妹order兩款扒餐上的配菜被鐵板燒到燶曬，就另外分開送上剛炸好脆卜卜的薯格薯條給小妹😚好窩心！嗱！呢啲咪就係我話無價嘅情懷啦！傳統

再次回訪港式扒房😋今次試下美國扒🐮比拚一下佢同港式傳統扒類🥊😼👇所有扒餐配餐湯、餐包及飲料👇🇺🇸美國安格斯肉眼扒餐 $180因為安格斯牛較薄身所以唔用鐵板直接用碟上，佢地建議食3成熟或5成熟，我就揀左5成熟，超大塊😹😹😹嚇窒左我，真心抵食！佢脂肪比例高，油脂味同牛味都好重😋個薯格炸得超脆🤭！🍄野菌牛柳餐 $140呢款係用鐵板上🤩港式就係要鐵板！😏牛柳大大舊好厚肉🤩仲要係軟霖霖😋我反而中意牛柳多過安格斯🤭，估唔到野菌都好多份量，牛柳最底層仲有粟米同薯條😋勁飽🤰🫕羅宋湯、餐包每次去都係必飲羅宋湯😋真係好足料！

約左朋友係D2 place見面 2期都好多餐廳 係果到行左一圈揀左呢間➖金鳳大餐廳🍴平日夜晚時段都幾多人排隊 嚟得呢間見到個個都係都係食鐵板扒餐 超級香噴噴🤩港式鐵扒餐都有好多選擇 有啲仲有海鮮 套餐價錢都好抵食 仲包埋餐湯 餐包同餐飲😋小編揀嘅羅宋湯飲落辣辣地好開胃🤤〰️招牌牛柳餐 $118 🇭🇰叫左五成熟 一嚟到就知道一定食唔曬 女小編都幾細食 普通女仔都未必食得曬 因為份量真係好多！！ 仲有薯條 呢個價錢真係好抵食 肉質幾林 唔會好難咬得開 黑椒味同牛柳好夾😋好有童年回憶嘅味道👧🏻〰️貴族牛扒$188 🇺🇸呢款牛肩肉係美國牛嚟 牛味明顯重好多 而且香口啲 當然價錢都會高啲 同樣都叫左五成熟 可能因為厚身啲 所以食落會比牛柳生啲 肉嘅顏色都偏粉紅色啲 不過都完全接受到 唔會覺得唔熟 呢個餐配嘅薯格好好味 又夠脆👍🏻食親鐵扒餐最期待就係醬汁倒落去 熱辣辣嘅感覺 呢間餐廳絕對滿足到我 價錢同質素都成正比 大個間唔中食返呢種港式鐵扒餐又係另一番滋味👅💰 Ard$300 (2人)食物質數 ⭐️⭐️⭐️⭐️環境舒適 ⭐️⭐️⭐️⭐️抵食指數 ⭐️⭐️⭐️⭐️推介指數 ⭐️⭐️⭐️⭐️#hkcp_荔枝角 ➖➖➖➖➖➖➖➖📍 金鳳

在香港要吃牛扒，除了西式的steakhouse，當然不得不提充滿🇭🇰香港道地文化的港式扒房🍽！這天特別🤤想吃肉肉，特意找來男友一起來到這間屹立🏔香港超過半世紀的西餐廳滿足口腹 餐湯 + 餐包（隨餐附送）這裡所有的扒餐都配有傳統香港風格的紅白🥣湯餐跟餐包，紅白兩湯各點一款☝🏻非常欣賞😙店家的羅宋湯，帶少許辣感，配以新鮮的洋蔥🧅及甘荀等新鮮雜菜，材料十足，絕無偷工減料🤣 口感豐富又惹味；這天的忌廉湯是帶有雜菌，質地濃稠，味道相對淡口但菌味濃郁，是傳統的味道～ 湯的份量非常多，比外邊喝到的多一倍😳！有餐湯當然就有🍞餐包，size不少入口鬆軟，而且還有微暖感，塗上牛油🧈跟餐湯一起品嚐非常搭呀～貴族牛扒餐 - 美國牛小排 $177（加生蒜茸 +$2）帶子牛柳餐 $160（加生蒜茸 +$2）苦思後最後決定分別點一份貴族🥩牛扒餐跟帶子牛柳餐～ 兩款都是🖐🏻5成熟且由鐵板奉上，兩款都是拼蒜蓉汁，一般情況我都會點一份7成熟的牛扒但考慮到鐵板的熱力♨️及加入醬汁時會將肉質繼續加熱，所以跟男友一樣點一份5成熟的，幸好這個選擇✅對了，肉烤得剛好不會嚡口最重要‼️的是必需另加生蒜茸～ 這個食法其實是男友最愛😍，而且

聽聞呢個商場可以攜狗入內已很久 所以今晚霎時衝動約家人攜帶狗隻 去金鳳鋸扒 。坐低後餐廳員工非常友善及對我家 拉布拉多犬有愛心, 之後我就order咗一個鐵板上的美國牛肩胛扒 ,另外要多一個香煎比目魚拼牛扒餐, 牛扒全部都order五成熟,嚟到之後果然 做到五成熟效果,因為有好多餐廳 上枱時已經over done。切開兩款扒,見到扒肉鮮嫩紅色,咬入口非常juicy, 而我哋隻愛犬就享用個熱餐麵包 。個比目魚肉質亦非常嫩滑及冇腥味及雪藏味 ,值得一試! 響疫情底下無法去日本食和牛,響呢度我今晚搵返嗰種情懷,如果配合埋一杯日式啤酒更加perfect match ,可惜因為要揸車所以只能飲杯凍檸茶解油膩😂

D2 place睇戲🎬實在太抵，戲飛$45，網上購票+$8，計埋都係$5X🙈D2仲有好多野玩同睇，餐廳都愈來愈多，今日我地睇戲前就食左金鳳鐵板燒❤️🐽大蝦牛扒餐$158、西冷牛扒餐$118，叫5成熟，上檯都變左7成，岩岩好唔韌😋所以千祈唔好叫7成熟，上檯變well done😂落蒜蓉汁果下超級香呀，老公話佢塊西冷無我個餐果塊咁嫩🤔🍤大蝦都幾好味，夠多膏，羅宋湯辣辣地幾過癮🌶唯獨係侍應上菜比較快，未食完個餐包就上塊扒，見好多人都手忙腳亂，咬住個包趕住打開餐紙擋油🤣

香港經典扒房🍽#金鳳大餐廳裝修懷舊 坐落舒適 鋸扒一流 👾冇諗過會喺荔枝角入面發掘到經濟實惠既親民餐廳🗣鴛鴦扒餐（雞扒加豬扒）$108豬扒鬆軟可口 比起貴價餐廳我反而會欣賞呢度既豬扒鬆軟度出邊食嘅豬扒多數鞋口冇諗過呢個價錢會食到咁大份量嘅扒而且性價比高🤩（🌟3.8/5）

呢間係歷史品牌港式扒房。朋友話依間餐廳成日都好鬼多人幫襯，好受歡迎👏🏻👏🏻，於是我同朋友嚟依度試一試😋。小編食完都覺得好鬼好正🤤。🔸我哋叫咗一份港式🇭🇰傳統扒——香煎雞扒餐，同埋一份美國🇺🇸扒——貴族牛扒。全部都大大份🤩好鬼抵食😍。可以揀蒜蓉汁或者黑椒汁。我哋揀咗雞扒配黑椒汁；牛扒配蒜蓉汁。🔸餐湯可以揀羅宋湯或者忌廉湯。我哋揀咗一個羅宋湯，同埋一個忌廉湯。羅宋湯辣辣哋，好開胃，小編好鐘意😊。忌廉湯嘅牛油🧈分量啱啱好，唔會太油膩😚，唔會食完即刻滯咗。🏷香煎雞扒餐（$100）有兩塊大大塊嘅雞扒，肉質新鮮幼嫩，醬汁嘅味道唔會蓋過肉質嘅鮮味。薯菜有翠玉瓜🥒、薯條🍟、粟米🌽等。翠玉瓜🥒爽脆多汁鮮甜，薯條🍟軟熟。🏷貴族牛扒餐（$188）美國🇺🇸扒餐有四款，店員講解咗邊款軟身啲，邊款硬身啲，邊款比較肥膩。貴族牛扒🥩係牛肩肉，所以會偏向硬身，亦唔會太肥膩。考慮到鐵板嘅熱度會令牛扒🥩變得更熟，所以淨係叫咗4成熟，食果陣覺得個熟度啱啱好😚。塊牛扒🥩好厚身，容易切，啖啖肉，好鬼正🤤。薯菜有好多薯格，同埋翠玉瓜🥒。🔸我日哋仲跟餐加咗一個意粉🍝🏷茄汁意粉（跟餐加$15）意粉彈牙可口；茄汁唔酸，帶微甜，均勻地分布

同朋友黎呢個商場行街，佢介紹黎呢間据扒，好多人等位。原來真係正喎，細個食鐵板，紙巾擋住，店員淋汁個一刻「炸」一聲同鐵板香味，時光倒流一樣。仲要加十幾蚊要特飲包括黑牛之類都得！鐵板都裝唔哂咁，個帶子牛柳餐我加$2要多蒜係無錯，個牛柳醃得入味又恰到好處，夠哂腍，墊底有少少薯條同配菜，叫咩都有啲咁；至於唔食豬牛，仲有魚可以揀，香煎比目魚配松露汁加$20轉餐一樣有餐湯餐包飲品，由於羅宋湯係必飲，點都係加$20抵好多。魚扒唔腥大大份，配黑松露汁又確係好正。