影片
開飯介紹
於1969年創立的老字號港式扒房，以熱騰騰的鐵板呈上親民價扒餐，再淋上香濃的黑椒汁或燒汁，非常惹味。
繼續閱讀
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
相關文章
👧🏻🤤每次諗起想去鋸扒 就會想去金鳳大餐廳 今次路經太子 就去左金鳳大餐廳係太子既總店食💕創立超過50年的鋸扒老字號金鳳大餐廳至今都係好受歡迎 夜晚好多人排隊去食😍咁受歡迎 除左因為抵食之外 食物既質素都好好🍴貴族牛扒餐 $225呢個餐推出後 每次黎金鳳大餐廳都係必點的👍貴族牛扒既表層燒到好焦香 但仲keep到好多既肉汁 牛味好重 肉質腍 易咬開💕唔洗淋汁 原汁原味都好好食🍴西冷牛扒餐 $146份西冷就黎仲大過個碟😍西冷既脂肪分佈均勻 肉質就比較實 但唔會好難咬開 牛肉味都好重而每個餐都會附送紅湯/白湯 餐包 同埋野飲金鳳大餐廳個餐包真係好好食🥹💕好鬆軟 見住店員係個焗爐直接拎出黎 暖粒粒 就咁食同點湯都一流 好想encore🥹🥹🥹❤️📍金鳳大餐廳@太子荔枝角道102號金鳳樓地下
繼續閱讀
太子呢一間分店一直係其中一個港人鋸扒聖地，餐廳門口係傳統港式懷舊裝環現上大大五個字既餐廳名字牌匾。特別節日仲有同主題呼應，平時繁忙時間時常要排隊才有位。忌廉雞湯&餐包，羅宋湯同忌廉雞湯中揀左試忌廉湯，配上經典餐包，正。鐵板牛扒可揀配上黑椒汁或燒汁，熱辣辣既鐵板牛扒再淋上黑椒汁，即刻白煙瀰漫、香氣四溢，簡單惹味。 TIPS:1. 店內地方少有機會要同陌生人搭枱。2. 鐵板熱辣辣咁上枱，淋上黑椒汁有機會彈出嚟，避免着淺色衫。
繼續閱讀
### **牛油餐包** 牛油餐包外皮微脆，入面好鬆軟，熱辣辣上枱，搽埋牛油之後，牛油慢慢溶化，香味撲鼻！### **忌廉雞湯** 忌廉雞湯好creamy，湯底濃郁滑溜，雞味好出，仲有少少蘑菇或者蔬菜粒增加口感。飲落好暖胃### **蘇格蘭牛扒餐（三成熟） - $140.00**呢個蘇格蘭牛扒煮到三成熟，外層微微焦香，切開見到粉紅色嘅肉，咬落去好嫩滑又多汁，牛味好濃郁！配菜有烤翠玉瓜同炸薯條，仲有個黑椒汁或者garlic source，整體配搭好夾。 調味恰到好處，唔會蓋過牛肉本身嘅鮮味。 牛扒好大塊，食完好滿足，啱晒大胃王!### **美國牛小排餐（四成熟）** 美國牛小排煮到四成熟，肉質比較有咬口，但依然好juicy，牛味濃郁帶少少油脂香。牛小排好入味，燒烤香味好突出，肉質軟腍得嚟又有少少嚼勁。 ### **熱檸檬茶** 熱檸檬茶，茶底香濃，檸檬嘅酸味好清新，加咗少少糖，飲落好舒服，食完牛扒飲啱晒！ 酸甜平衡，茶味濃郁，飲完個口好清爽。 ### **凍檸檬茶** 凍檸檬茶好解渴，茶底夠凍，檸檬嘅酸味好醒神，甜度適中，飲完可以中和返牛扒嘅油膩感。 清新爽口，檸檬味好突出
繼續閱讀
今晚本身諗住去荔枝角道的金滿多餃子店食餃子，點知去到餃子店竟然休息，行返去太子時經過金鳳，見唔多人咪走入去試吓囉。我哋兩個人，一個叫咗鐵板牛柳餐，一個叫焗豬扒飯。牛柳無味，燒汁一啲都唔惹味，薯條淋嘅及只有幾舊翠玉瓜焗豬扒飯個茄汁一啲都冇茄味，啲飯有啲生嘅感覺，硬到石頭咁🪨(真係大X樂都好食過佢)其實真係大把餐廳嘅質素好過佢多多聲，不過好多人都好似我咁，俾啲打手寫到都會去試吓。總結一句⋯無下次🙅🏻♀️
繼續閱讀
要排隊，等勁耐，排咗9個字。冇氣氛，勁迫，花園餐廳都舒服啲，啲味焗住晒係店面，成件衫都係味。扒難食，又唔平，不如食大家樂。冇食到人情味，唔係nice，唔知啲人嚟食咩。
繼續閱讀