金鳳大餐廳 (金鳳樓)

營業中

休息中

呢日凍冰冰嘅日子，我哋兩公婆去咗鋸扒，慶祝一下結婚周年😊餐廳佈置保持懷舊香港特色，呢個絕不是勁刻意，但保留住呢個環境，覺得很warm我哋大約六點到達，估唔到都要等位～呢日係平日，原來會咁多人～不過我哋都喜歡見到咁多人咁熱鬧，而且應該個日店內都係大部分香港人幫襯。我哋都好好彩有一張卡位，坐得舒服😊我哋點咗一份牛小排，一份雞扒加豬扒先嚟一紅湯及一白湯，以及餐包。湯同埋餐包都係港式餐廳嘅感覺，餐包加埋牛油再連同熱熱嘅湯一齊飲，雖然呢日好凍，一飲即刻暖左個人之後終於牛小排及雞扒豬扒上枱！勁興奮鐵板非常之熱，當店員幫我哋加入黑椒汁及蒜蓉汁嘅時候，炸炸聲及香氣煙霧向上飄嘅感覺，好有氣氛牛小排嘅味道都幾濃郁，肉質結實，醃製味不錯，配合埋黑椒汁係一個非常之港式嘅傳統鐵板餐豬扒肉質有彈性，雞扒亦啖啖肉幾好味鐵板旁邊伴隨的翠玉瓜及薯條亦吸收咗肉汁及醬汁香氣，味道唔錯。飲品我哋點咗凍檸茶同埋熱阿華田，滿足嘅一餐😊整體而言，我哋都幾鍾意呢個香港情懷嘅感覺，當然如果你追求好好質素嘅肉扒需要去更加專業嘅西餐廳，但港式扒房以合理嘅價錢比以前嘅香港人接觸西餐，整個感覺別有一番情懷。店內嘅員工都好體現到快靚正嘅工作態度

大大塊牛扒之金鳳懷舊扒房傻婆們都係叫左3成熟同蒜茸汁，仲加左2蚊要蒜茸，鐵板一上熱騰騰，再由店員問你要淋咩汁，淋上蒜茸汁時出晒煙同汁，一定要用餐紙擋住哦！🌸美國安格斯肉眼牛扒$188+$2蒜茸⭐️⭐️⭐️⭐️⭐️安格斯肉眼牛扒大大塊，連夾入口即溶的肥膏食，簡直滿足呀！好有牛味，牛扒沒有醃制過，只在煎煮時才灑少許鹽，所以配上生蒜蓉及蒜蓉汁，也不覺得太鹹，味道剛剛好。🌸蘇格蘭牛扒$123+$2蒜茸⭐️⭐️⭐️⭐️⭐️牛扒十分厚切嫩滑，每一塊配搭蒜茸食真係一流好正👍3成熟加上鐵板真係剛剛好，唔會出血水，內裡顯得微紅，牛扒食晒一塊已經好飽🌸羅宋湯⭐️⭐️⭐️⭐️⭐️湯入面既菜十分入味十分淋，非常容易食呢～🌸牛油餐包⭐️⭐️⭐️⭐️⭐️餐包上枱微熱，完美融化牛油，牛油香配上鬆軟餐包，好正！🌸檸檬茶⭐️⭐️⭐️⭐️⭐️茶味夠濃郁，配搭新鮮檸檬。🌸朱古力⭐️⭐️⭐️⭐️⭐️加左好多花奶，成件事十分香滑濃郁，好耐都冇飲過甘懷舊既朱古力======詳情======金鳳大餐廳 (金鳳樓)太子荔枝角道102號金鳳樓地下================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #

因為疫情關係都好少出街，已經有起碼一年冇黎呢間港式扒房。金鳳都算係九龍區平民扒房嘅始祖之一，由以前只有太子總店到而家喺九龍區有幾間分店。以前入到餐廳煙霧瀰漫，坐卡位嘅時候膝頭碰膝頭，侍應哥哥捧住熱辣辣的鐵板喺狹窄的走廊經過，呢啲都係餐廳嘅獨有情懷。估唔到冇見一排，餐廳裝修同座位都新潮同闊落咗好多。==============================西冷牛扒餐 $98喺黎牛扒之前例牌會送上餐包同羅宋湯，餐包叮熱後搽上牛油不過不失，羅宋湯可能就左香港人可能調過味減低左個辣度，同埋都比起我地之前黎飲既稀左冇咁濃郁。不過整體黎講味道都唔錯！「加唔加蒜蓉啊？」「加！」金鳳嘅一大特色，就係可以喺牛扒上加上滿滿嘅蒜蓉！重口味嘅我就梗係要加啦！今次嗌咗兩份西冷牛扒，一份五成熟，一份三成熟。侍應送上牛扒，嘩好大塊，鐵板都係岩岩好夠放，侍應會為你淋上黑椒汁或者蒜蓉汁， 我地選擇左黑椒汁，不過因為塊扒真係太大關係所以只係淋到好少汁上面。不過放心，侍應都幾細心食到途中都留意到鐵板唔夠汁幫我地加。三成熟果塊，第一啖嘅時候覺得有筋，第二啖試吓切塊扒嘅另一邊，都係有筋😕 切呢塊扒簡直係bicep, tri

較早之前女朋友帶過我去太子大興，今次輪到我帶返佢食太子金鳳😉根據鋪頭門口嘅剪報同埋介紹，佢地係創於60年代，創辦人曾經喺五星級酒店工作，80～90年代紅極一時，曾經接受多間媒體訪問👍🏽至今仍然有好多捧場客👍🏽當晚我哋七點半左右到達，現場已經有超過20至30人，我哋拎咗飛之後大概要等30張枱😂。係等枱之際，我曾經提過女朋友，要盡快諗定食乜🤭因為呢度雖然冇澳洲牛奶公司咁串，但係太慢嘅話侍應分分鐘會圈返你轉頭🤨好彩嘅係侍應叫枱嘅速度都比較快，大概等左40分鐘左右就入得🤪入到去嘅時候成間餐廳都係煙霧瀰漫😂😂由於事前已經喺門口揀定要食乜嘢，當我地落單嘅時候成個流程都好順暢！女朋友就叫咗「馳名蘇格蘭牛扒餐」😋而我就點左「牛柳餐」😋值得一提嘅係大家唔需要係落單嘅時候就選定黑椒或者燒汁😂因為汁係上完扒先會問你㗎！另外加兩蚊就可以加蒜蓉😉咁我同女朋友都有加到！過咗幾分鐘侍應就將餐湯同埋餐包送上😎✅羅宋湯酸香惹味，蔬菜十足！✅忌廉雞湯略嫌淡左少少，但多雞肉搭救✅餐包上枱嘅時候暖粒粒，查上牛油後溶化嗰個感覺非常之美妙當我地碗湯只係飲咗一半，餐包都未食晒之際，熱辣辣、香噴噴嘅牛扒就已經送上🤪戳熱嘅鐵板配上大大

充滿懷舊氣息的扒房，昏暗的燈光，舊式裝潢，它的歷史感，並不是裝出來的。。。不知從前也是如此擠迫嗎？店面面積不大，一眼見晒，兩旁卡位與中間餐枱很貼近，某些位直程封住隔離位，食食下要起身行開讓路⋯⋯除了迫，還有通風問題，每當醬汁淋上燒熱鐵板，加上生蒜蓉所產生的濃煙，嗆喉！流眼水！刺激到咳⋯⋯慢慢飲水舒緩下。羅宋湯不錯～有椰菜紅蘿蔔，但無肉～餐包其貌不揚，但配上牛油，軟熟好味～牛油已半溶狀態，小心會從刀上滑走～檸檬茶size左至右：加大、免費送、熱加$3加大，就會係出面嘅正常size。送嗰杯嘅size係以前茶記熱飲size。終於到我地嘞！如果唔築起城牆真係會被油彈到成身油，彈落皮膚會痛！小朋友見到覺得好刺激好驚～牛柳餐加蒜蓉在場好多人加蒜蓉，另加$2。兩大塊，可以同小朋友share食，八成熟，切開肉呈粉紅色無血水，剛好！牛柳本身較稔，所以無問題，牛味加蒜蓉味，好味配菜就小啲，薯條得碎濕濕幾段仔，不過牛下面既全部都超油！襯返懷舊氣氛，數白欖～餐廳感覺很懷舊蒜蓉牛柳係一流嗆口濃煙好難受紙巾冰水來打救食完餐飯成面油縱使有個好理由濃煙令我不回頭轉去荔枝角舖頭可能會有新感受完～

星期六晚上，真的好想食一次咁岀名既金鳳餐廳，据下扒，試下到底點解咁多年來都會一直有人排隊食佢！終於，比我有咁機會食到！.六點幾去到，等了一個鐘左右，佢其實係一輪輪咁入，所以都算快.門口的餐牌.跟餐有餐包同餐湯，都是一般的味道，正常鋸平扒會附送既質素.西冷鐵板餐加蒜 $82+2熱辣辣上碟，一大塊扒，下面墊着薯菜，西冷有小小筋，口感比較實，牛味重，好味，一個女仔食會好飽，重點係加蒜！食完雖然會好大陣蒜味，但係依個真係畫龍點睛，會令到成個扒味道更豐富.蘇格蘭牛扒鐵板餐加蒜 $82+2依個配料同上，只是塊扒有點不同，依塊口感比較林身，肉味冇咁濃，但個人比較鐘意依個！.餐飲檸茶，加大加$3正常味道，茶底ok.食完都還好，唔係好大陣味，環境就係迫左d，但服務唔會好差，有些少人情味添！下次都係平日黎食會好d haha

情人節，老夫老妻，唔洗再花錢製造浪漫la, 食餐飯應下節就夠呢間餐廳聽人講左好耐，平時經過都見門口排哂隊。今晚就專程試下。一去到，先係比門口排隊既陣容嚇親，重以為係等緊巴士，不過都預左要勁等ga la 。等左9個字左右。牛扒同餐湯，好過花園d垃圾好多好多。湯，有甜椒，蔬菜既味道，唔似同類餐廳咁，滾水溝紅汁咁hea。牛扒，軟得黎無蘇打粉味，特別要讚係d汁，加錢加左蒜蓉，好香好好味，不過温馨提示，食完會成身成口蒜味😂😂有d食評話侍應態度差，我要為班侍應姐姐叔叔平反，當晚超多人，超忙，但係由攞飛仔等位，到比錢走人，佢哋都好有禮貌好友善同類形餐廳比較，金鳳值得去👍👍

陪完劉小姐去雀仔街買野突想起可以順路黎食港扒呢，十幾年無黎幫襯喇，睇睇到底變成點，老闆伯伯唔知仲健唔健在呢。內籠機乎無任何改變，就算連環境既氣味都一樣。餐包，好懷念呢，十年如一都係依隻包，叮熱啲好喎，牛油又硬搽唔到呢，牛油溶唔到、包吸收唔到，攝舊牛油入去好似成舊咬咁，味道可以，但掙啲囉。羅宋湯，no.1 好飲濃郁又夠厚，正！雜菜煮到夠晒腍，羅宋湯既味道已完全滲透每條纖維，每不啖都充滿熱辣辣湯汁，好味啊！西冷扒 7 成熟黑椒汁加生蒜，劉小姐塊西冷食唔晒分左少少比我，港式鬆肉西冷肉質腍腍的，未算過火，牛味濃，煎得香口帶肉汁，滿意。鐵板 T 骨扒 3 成熟黑椒汁加生蒜，是關我都非常大食，所以每次獨孤一味食 T 骨，含佢多肉夠大塊囉，有時仲會食兩塊呢！我想加錢跟意粉呢，但侍應叔叔話佢做左十年都無架喎，咁可能我記錯第二間啦。鐵板 T 骨扒 3 成熟黑椒汁加生蒜，鐵板熱辣辣上枱即倒上黑椒汁，吱吱喳喳出晒煙好有氣氛！熱到黑椒汁四圍彈，好采預先攞紙巾擋住啫，等佢冷靜左先慢慢嘆。牛扒味道跟肉質都跟以前差不多，滿意既。相比劉小姐份西冷，佢塊西冷好味好多。T 骨份量細左，而且好多筋又好多肥膏，全部都要切走，

金鳯大餐廳，香港人或多或少都有到此食港式鐵板餐，馳名牛扒之家，今天就一同來朝聖。牛柳經過鐡板洗禮後依然嫩滑，巨型T骨油脂比例多於牛柳，比較有牛肉香味，而什扒亦很豐富，分別有豬扒、小塊牛扒、雞肉腸、司華力腸及火腿各一片。七十多至百元一個餐，包湯及飲品，以此份量，實屬化算，難怪永遠都有朋友在門外排隊，而入座亦必須接受搭位，不會二人世界坐卡位，拍拖就要注意喔。

叫左:西冷牛扒,牛柳,羅宋湯,餐包餐包:冇咩特別.羅宋湯:多菜味濃,酸辣度適中好正好開胃.西冷牛扒:爛肉一件,淋得太過份,完全冇肉味,叫左5成,出來時重要勁燶.牛柳:要6成,又爛又嚡,都係燶到睇得到.轉左用低價貨,食午餐就可以,晚餐不去也吧!

上星期與蘋果談起「金鳳」，尤記得六、七年前與朋友只到過「飛鷹」，卻無緣與「金鳳」一會。今期緣來，終可一會這「鳳」。「金鳳」門外招牌打正「專家主理，牛扒大王，美味別緻」的旗號，門面佈置仍保留一貫舊式扒房的味道。時值十二時五十分，推門入內，一看之下果如所料全場爆滿，收銀小姐好不容易才把我安頓於一個「門口風水位」。這沒問題，因已有心理準備，還是快點餐吧，免得阻人座位。今天午餐主菜是蒜蓉白菌雞扒或鮮茄會牛肉二選一，湯是白湯(腿茸忌廉湯)或羅宋湯，當然還有前菜餐包及餐飲。收銀小姐眼快，一句問我「是否要午餐？紅湯定白湯？」我答：「是，紅湯！」那個餐包及紅湯不消十秒鐘已經放在枱上，效率之快，一個「勁」字！這餐包是傳統西式鮮油包，我狠狠地將那片十字形牛油塞進包內，雖然沒有美態，但卻暢快；但今次那包較硬，口感只屬一般。羅宋湯則不見浮油飄揚，辣味足，紅蘿蔔絲及椰菜足料，屬水準之作。收銀小姐見我將餐包及餐湯「消耗」得七七八八，便問我主菜要甚麼。心想雞扒吃得多，於是選了「鮮茄會牛肉」，這次跟飯。這時發現牆上掛了一篇專訪，是餐廳老闆林叔數十年前於星島日報的專訪，題為「講食牛扒，我係教授！」相中林叔還是三十出頭之

大隻先生知我鐘意食牛~好有心咁帶我去依間傳統扒房試試...其實我印象中都試過係灣仔食過類似的....都是麻麻....不過既然大隻先生咁有心,當然要俾面試試啦～未去之前,我偷偷黎openrice 睇過,115個好,應該無死啦...點知.............先係去到,發覺原來要等位.....我們去到時間是6:45PM左右,閒日不是假期....也是需要等位....我想:E~好似好好多人,應該無死啦~...無幾耐就入到去......入到去....吓?! 圓枱?仲要搭枱?感覺十分怪...不過我自我安撫,心諗:夠「傳統」!坐低,大隻先生介紹依度既西冷牛扒...我睇住個餐牌,其實都無咩可揀...西冷就西冷啦...店員一邊望住門口,一邊落單...唔通佢有對神眼?咁既角度都睇到我?如果唔係既,依D服務真係勁差囉~不過,我再一次同自己講:「夠傳統!」...落完單30秒都唔夠,即刻上湯....我叫左紅湯....羅宋湯...味道OK啦,唔係新鮮蕃茄,係用茄榚加什菜...傳統港式扒房做法,夠濃,OK!80分....飲完湯之後,上扒...依度既扒都係上鐡板....其實我食扒好怕好怕上鐡板!1.D牛扒會好易過熟