金饃坊 (已結業)

同班組仔女（中學生）做完義工一齊去食夜晚飯，見到有一人鍋食，諗住去試下。點先伏到呢叫咗四個肥牛雜菜鍋，一個餃子鍋：肥牛鍋：肥牛又短又薄，麵都好少。。。個鍋得少少菜同幾片好薄嘅紅蘿蔔、菇。。。餃子鍋：啲餃子細粒到喊，得幾粒。。。個鍋啲料同上。。。清湯清到冇味，啲又唔係特別新鮮。。。從未試過打邊爐係食唔飽人囉大家嘅結論：早知食吉邊。。。員工態度直頭係史上最差我地成班一句粗口都冇，純講無聊野同講下笑，點知食食個呀嬸下走埋嚟話：「唔好倒 瀉野，倒咗你地留係到抹返，我唔抹。」類似嘅說話,一次都算,仲要重複咗三次... 忍唔住喺佢想重複第四次嗰陣話：「我地食梗野。我地食梗野呀，可唔可以我地食完先講。」（ 唔耐煩但有禮貌地講）佢邊行開邊話：「 我梗係知你食緊嘢啦，唔通抖氣梗氣咩。」其實對我哋已經算有禮貌對，其他兩枱嘅人態度更差。。。

饃包北方食品， 聽得多， 但未有機會試，今日咁啱見到佐敦有間食店主打這包， 馬上試！早餐下午茶餐都是同一餐牌， 叫了饃包加杯熱奶茶。 包應是即叫即製， 因為等了差不多15分鐘！ 用紙袋袋著上枱， 上手熱辣辣，一口咬下， 濃濃蒜香，肉香料味重， 食左都唔知豬定牛定雞 開頭一二口， 不慣這味， 食食下， 又覺得不錯，味濃濃， 新鮮熱騰騰包， 始終是好味！

係佐敦嚟講算係勝價比高嘅餐廳下午茶時段只係28蚊就食到雞扒手製麵。煎香嘅入味雞扒加上彈牙嘅麵條令人垂涎欲滴。下午茶嚟講碗麵都幾大 應該足一個麵餅，而且塊雞扒都有成隻手咁大。之前仲試過佢地嘅豬扒手製麵。一樣係煎香左，但脆滑程度不差於雞扒，只係個人比較喜歡雞肉。如果唔夠飽可以加多個肉夾饃，肉夾饃係即叫即整，烤香左嘅包 加上嫩滑多汁嘅豬肉同蒜粒色香味滿點，而且一啲都唔膩，可以一次食得落幾個。唔食開肥膩食物嘅話可以跟餐叫番杯熱檸蜜。唔太大杯但絕無偷工減料，一杯都有3、4片檸檬 。如果去開佐敦不妨一試

下午茶時間，叫左個豬扒手製面，點知等左15分鐘都未有得食！追佢態度差到爆！個男仔串串咁回答話：唔駛煮架😡食物尚可，但咁嘅態度，冇下次😡差差差，一貫大陸作風，雖然28蚊係平啫，但係咁嘅態度一文不值

偶然經過佐敦，見早上十一時半還可點早餐，便入內試試。點了豬扒自家製麵，連熱飲都是 28元，另加炒蛋厚多士多七元，十分實惠。麵很彈牙，豬扒香口。朋友試鷄翼亦很好吃，伙記 /老板禮貌非常好。下次再經附近的話，必再幫襯。

今日熱到死死下，行出街揾野食都無心機。原本放假出到佐敦，想揾間cafe飲杯咖啡食個tea可以hea下，但熱到無晒心機揾死，一入白加士道見到呢間食店門口個下午茶menu,望下入面吾多似茶餐廳格局 於是入左呢間名字同食既野吾多相關既小店。叫左個豬扒炒蛋厚多士，$28個set包埋野飲。一個人揀左張高身圓木枱坐，吾坐一般枱，好有holiday feel。店員好有禮貌，多謝前多謝後，而且有吾少相熟食客，應該主要做街坊生意！等左陣食物到，熱辣辣上碟，厚多士搽滿牛油，咬落去由於熱既關係，牛油好香，食多士最怕一係無咩牛油，一係多士凍既！呢度完全無呢個問題 (9/10)炒蛋做得吾錯，吾太老，都做到滑蛋效果。食落有點蛋汁，如果可以再早一點離火更好，但已相當吾錯(8/10)豬扒，煎得都幾香，味道都吾錯，但熟左一點，有點乾(7/10)奶茶既茶味帶甘，以吾係茶餐廳來講，水準都不錯。(8/10)整體吾錯，$28坐左差不多一個鐘 ，非常之抵！

前排同女朋友在佐敦諗住求祈食D野，無意中見到呢間野，見到佢有四十幾就有個一人火鍋，又見門面乾乾淨淨咁，就入左去試試啦。講真，火鍋不是有甚麼特別，但真的不能不介紹佢地既「黃金饃」，開頭只因為我地兩個人食一個餐驚唔夠飽😅，所以先加10蚊叫來食，但這東西真的出奇地「正」👍🏻，煎香的包面夾用白酒醃過的肉碎，，肉碎唔乾，仲流出肉汁，真的超正今早突然心血來潮要試下佢地的早餐，可能你會覺得「早餐來來去去都係公仔麵⋯⋯」，我開頭都係咁諗😅，最後⋯⋯⋯係無錯都係食麵，不過是雞扒手抓麵加炒蛋多士，雞排用了薑汁同洋蔥醃的，絕不是普通「茶記」咸到腳震的雞排，麵質彈牙，炒蛋有牛油味，一個字「正」，油尖旺區三十幾蚊，有咁既質素，真的「平靚正」。P.s徐姓服侍員，真的超好記性，第二次去食都已經認得我，服務態度超好,確實也是賣點之一👍🏻👍🏻👍🏻

近年一人火鍋買少見少，連鎖快餐店的一人火鍋又從四十多元升至六十多元，要獨享火鍋樂趣實在越來越難了。這晚到佐敦工作，見到這間金饃坊有一人火鍋，包飲品只是四十多元，於是進去一試。原來這店主打是自家製作的麵線，而一人火鍋有三款，第一款是全蔬菜，第二款是蔬菜配肥牛，第三款是肥牛。為了平衡飲食，我選了蔬菜配肥牛的。侍應端來已烚熟的麵線一碗，千叮萬囑一定要在火鍋中煮熟才進食。蔬菜配肥牛跟湯底都早已在鍋裡，送到面前才點火。肥牛真的好肥，肉眼可見脂肪比例超高，吃下去的確入口即溶，好享受。蔬菜款多量不多，和肥牛的比例大約是兩份肥牛才有一份蔬菜。這個暴肥的一人火鍋，大概只適合有QUOTA朋友。

早上11點幾在佐敦，街上大多食肆已掛上午餐牌，但剛起身出來覓食的我，只想輕食一個早餐作今天的開始。在白加士街碰上這間cafe般的店還有早餐牌，正合意。Cafe的裝修、播着一般在cafe常播的smooth Jazz，但早餐的選擇是中式的麪和饃，輕食應選肉夾饃配熱咖啡。即磨咖啡，不用落糖也好喝；肉夾饃的肉絲幼細，混入蒜粒；饃是一個微甜的烤包子，肉夾饃上枱時包子和肉餡都熱辣辣。在早上鬧市中這樣一間小店還是半帶寧靜，看着師傅正在搓麪團，覺得今日應是美好的一天。

天氣開始凍了一點，便時常想打邊爐。今天放學經過佐敦，開到餐牌上的一人火鍋便吸引了我入內。 價錢只係$39，非常經濟。 一人一火鍋就像快餐店的一樣。 肥牛份量不算太多，但很有牛肉味！湯底亦充滿牛味，即使點清湯亦不會很淡。另外火鍋內 ，還有一些菇類及木耳。味道都不錯！麵方便，我點了自制的手打麵，很爽口彈牙，加上牛肉湯一起吃，不錯。如果份量再多一點更好！打邊爐不能缺乏的可樂。

同細妹去食飯，想慢慢坐，見呢間鋪頭裏面冇太多人，又有所謂嘅自家製手打麵，就入去試吓。侍應全部好有禮貌，好親切，都坐得好舒服。食物方面，我非常推介涼拌皮蛋木耳，糖心皮蛋配上個麻醬，有醋香同辣香味，但係一啲都唔會感覺酸或者好辣，啲流心皮蛋亦都唔會“那”喉，同個醬超夾。佢個手打麵，煙韌得黎軟綿綿、有𡁻頭。聽講他們平日的下午茶時間，d麵會仲更加平啲添。總括來講，呢個係一間有心思的小店，值得一試。

路經此店, 阿姐不斷在店外遊說, 說電視節目介紹過◦ 即使店內客人少, 也都俾面進來一試吧◦沒有特別, 饃較乾及硬, 內裡的肉也是普通肉碎, 沒有肉汁, 一般◦秘製豬肉很乾, 沒肉汁, 麵條也不彈牙, 整體普通不過, 沒有令人再食的衝動◦ 或者可能是個人口味關係◦這間賣的是陝西菜, 感覺較特別, 未知是否正宗◦ 但可以作為對小店的支持◦

見新店開不久, 等朋友, 未到, 買小食填一填肚, 此店開放式廚房, 就看一看如何烹調此款西安有名小食.十元一件, 實在超值, 但原來需要跟餐, 如果淨買一件, 價格是$22. 唔...唔... 寫得真係唔太清楚囉...這店的肉夾饃是豬肉餡, 與傳統西安式的羊肉, 有點不同, 可能配合香港人口味吧.... 內餡的味道不錯, 饃也夠熱夠脆, 但做得略為硬了一些, 香酥不足, 肉餡溝混了洋蔥而不是大蔥, 味道鹹淡適中, 以這地區而言, 廿二元的價格, 僅屬合格.這是店內其中一張長型高檯的表面, 細心看, 全是英文和德文, 內容是莎士比亞的 Romeo and Juliet, 好神奇!

食公司staff meal食到反胃~幾對叮噹腳行過呢頭搵野食~有人想食麵，見到有新野，店面乾乾淨淨入黎試下﹗MENU睇落都多choices既~賣相係咪正正常常呢~麵係自家制既~叫雞扒應該唔會衰呱…個雞扒本身係無問題既~同樣都無咩特別~但個麵同湯就真係…淡而無味…比3次機會佢已經唔想食第4啖﹗以為自己重口味啦~但湯底淡真係無得醫…落咪辣油同豉油點麵食(個人習慣)都無辦法~收碗個姐姐本身態度粗聲粗聲~叫佢比辣油時『唔該呀姐~』『點呀？』頭都無令過黎~到收碗個時問我同另一個女仔，做咩食淨咁多？男友人話『真係唔係好得囉~』佢問『咩事呀？』『湯好淡，麵又唔夠Q，你自己試下喇』呀姐面有難色仲一手伸入去收左我地個碗麵到，甩下條麵先~~之後走左~以為咩料啦~轉頭佢煮過一大碗黎~~係大碗~!叫我地再試多次~~~~~!!我地話好飽喇真係食唔落~亦唔好浪費，叫佢地自己staff試下~可能咁岩我地幾個都重口味~!點知埋單時叫我地『等陣，咪走住』以為要收多碗錢TIM~原來整左個佢地既『招牌菜』饃包？唔記得咩名堂~我地話真係好飽喇想推卻~因為係open kitchen for salard and 水吧既關係~成

肉＋饃超好食，味道好正。十蚊又便又抵食，好彩里面冇洋蔥之類既野。真係物超所值。面又大碗又彈牙，爽口好多，好滿足。好飽。話比老細我中意食牛肉。好樂意＋多點牛肉比我。好開心。又送熱飲。哈哈。只要食物保持水準。會變左我既飯堂。