金豪酒家

營業中

休息中

約左屋企人食飯，揀左中菜。呢間近地鐵站，深水埗站D2出，行幾分鐘就到。被安排左坐吉少少既舖位，靜靜地幾好，點知越晏越多人，好似飲茶甘熱鬧。4個人叫左5個菜。和味雞蘿蔔清湯腩清蒸斑頭腩裴翠炒球花蛤浸菜苗雞，驚食唔晒，叫左半隻啫。侍應話呢隻煮法出名，勁推薦。係幾好味，食到雞既鮮味，肉質鮮嫩。龍躉兩食，蒸魚，火喉控制得幾好，保持到魚肉既嫩滑，唔會蒸老晒。少少薑絲、蔥絲、紅棗、木耳吊味。炒魚塊，淡淡肉，配埋海鮮菇同西芹，幾清新。牛腩軟淋彈牙牛味濃筋膜相連部分，煮到軟滑可口，入口即化。加一碗白飯最好不過。加個白菜仔，食開蒜茸炒，今次試個湯浸，個花蛤湯幾鮮，配搭個菜，幾好。整體幾好，坐得舒服，食下野傾下計。

出開深水埗做野，約埋屋企人去嘉頓個頭搵食。呀爸呀媽都係中菜人，附近冇酒樓好食，搵左呢間金豪試下。我地六點半已經黎到，得一兩枱客，走個時就full晒，越夜越熱鬧。有興趣既人記得book枱/早d黎。一坐低就指定動作，掃code，洗杯洗碗，好少餐廳自動擺低公筷公匙，唔洗人叫。有碟花生自動擺低，事後睇反收左$12，但真係幾好味，好脆，又咸又香。呀媽係個比較養生既人，所以我地叫既野食都比較‘健康’。半隻和味雞蘿蔔清湯腩龍躉兩食- 清蒸斑頭腩，裴翠炒球花蛤浸菜苗侍應推薦和味雞同蘿蔔清湯腩比我地，話係新鮮雞黎既。清湯腩係連湯都飲得。呀媽讚隻雞真係有雞味，我就覺得隻雞蒸/烚完，唔點蔥油，咸咸地，都幾好味，最緊要係隻雞唔鞋。蘿蔔清湯腩嗌個時都覺得唔secure，印象係清湯腩專門店先整得好食。又估唔到都ok 喎，牛腩有咬口，唔會碎濕濕，牛既味道都幾好。一魚兩食，清蒸斑頭腩，要趁熱食，魚肉嫩滑，有幾舊仲痴住滑嘟嘟既魚皮，加碗白飯，撈蒸魚豉油汁，正。炒既魚肉大大舊，好好肉地，質地爽口，西芹超爽脆。食中餐點可以冇菜呢…花蛤白菜仔，大大隻花蛤，幫小白菜提鮮。估唔到呢間有驚喜，可以再黎。

七點半嚟到 兩間鋪位都爆晒餐廳係D類食肆 可以開晏啲結果四位等咗半個幾鐘先入得冷盤 沙薑豬手 $88好味道 重點係個汁調配得好開胃 酸酸咸咸咁冷盤 冰火魷魚 $88即係辣魷魚 辣度啱啱好惹味到可以食多碟 以上送啤酒真係一流台山薑蔥蠔 $198蠔大隻 略嫌有啲咸 重手咗仲有叫咗幾樣小菜雜菜煲 芥末牛柳粒 粟米羹 豉油皇炒麵都普普通通由其豉油皇炒麵可能個廚房係另一邊鋪拎到我地枱已經無晒獲氣 失望除此之外 伙記啲服務都幾好因為分咗幾次落單啲食物嚟得好慢 以為落漏咗佢地都有幫手跟一跟 價錢就合理啦

位於深水埗這間（金豪酒家）家人最喜歡到這裏食飯，這裏環境寛敞，坐得好舒服😌食物質素及服務亦都不錯👍餐牌上的菜式款式多容易選擇。金豪和味雞（半隻）這碟雞是店員推介的亦時店舖招牌，和味雞採用新鮮雞烹調，所以肉質鮮甜又嫩滑，連雞皮都好好食，雞件切得整整齊齊排放在碟上，不用沾上薑蔥醬，已經鮮味十足又啖啖肉😋好味醬烤骨上枱時完整一塊豬腩骨，骨上面舖上一塊菠蘿🍍店員會幫我哋將豬腩骨和菠蘿剪開一嚿嚿方便食👍豬肉有入口即溶嘅感覺，煮得好淋，加入酸酸甜甜醬汁，配白飯一流！花蛤浸菜苗花蛤大大隻鮮甜又無沙，豆苗顏色嫩嫩綠綠，入口爽甜，好食到一條接一條食唔停口😋

椒鹽鮮魷 $98啲魷魚乾身左 有點韌不推薦 椒鹽九肚魚應該會比較好蒜蓉炒豆苗 $98其實覺得好貴 但點都要叫個菜落肚雖然佢炒得幾好食 但性價比好低沙薑豬手 $88豬手整得剛剛好唔會過硬 唔會過冧 爽口彈牙調味亦都相對很好醬汁係酸酸尾尾 帶點辣芥辣牛柳粒 $108對佢有期望 所以有失望這款菜色 我編好個味道係沙律醬多啲 帶點芥辣醬嘅味道但牛的質感較為韌芥辣醬亦相對比較多食落去就覺得攻鼻反之 突出咗餸裏面嘅 甜合桃合桃鬆脆 佔有少少芥茉醬都幾特別

雞煲翅燉湯 $398 (4-5人份量)媽呀 好好飲 飲完好想搶埋朋友個碗嚟飲湯味濃 很足料金沙苦瓜 $98佢應該飛一飛水 甘香咬落去唔苦加埋鹹蛋香 味道很夾我自己一個食咗5-6嚿🙂🙃佢仲有蝦/蠔/田雞/鮮魷不過個人就比較鍾意咬落去鬆軟嘅質感大推這個金沙苦瓜下次會試吓金沙茄子🥰蘿蔔清湯牛腩 $188面好油 但湯底幾好飲牛腩蘿蔔炆得好入味牛腩連筋位爽口 牛筋蘿蔔冧1830到 之前已book位嗰時咪滿座 過多半個鐘就已經爆棚 平日晚市都咁多人假日就一定要book定位

去完深水埗買完電腦產品，就去到附近的（金豪酒家）醫肚，入到酒樓裝修簡潔，乾淨企理，由於入座時間尚早所以唔會太多客人，但未到八點已經差唔多坐滿😍我們二人點了三個菜式👍有一魚兩食及一個小菜😍清蒸斑頭腩，火候控制得十足，魚肉好滑好嫩，龍躉的魚皮好爽口，食落黏黏地好有骨膠原，還用了陳皮和紅棗一齊蒸，可以癖除魚的腥味，還突出魚嘅鮮味😋黑木耳連同魚汁一齊食，相當美味👍翡翠炒斑球，好有鑊氣，配西芹，黑木耳和雜菌一齊炒，魚肉幾爽口，又厚肉大大塊，魚肉鮮嫩，啖啖肉，好食！配大量蔬菜，又香又爽口！好味醬烤骨上枱顏色已經好吸引，肥瘦比例適中，入口不會太肥膩，炆得好淋，肉質入口即溶，醬汁酸酸甜甜好開胃😋

今晚約咗朋友在深水埗金豪酒家食晚飯，是朋友介紹，說小炒唔差夠鑊氣！金豪有2間，其中一間有上下兩層，地方算寛躺。龍躉兩味；清蒸斑頭腩，蒸得剛好，頭腩油份較重，入口滿是魚油的香味，非常嫩滑，醬汁不會過鹹，雲耳吸收了醬汁及頭腩的味道，非常惹味！送飯very good!而翡翠炒球，肉質非常鮮嫩，口感爽滑彈牙，啖啖肉，鑊氣十足！蒜蓉粉絲蒸蟶子，乾濕蒜一齊蒸，味香濃，底部粉絲吸收了蟶子和蒜汁的味道，非常惹味！主角蟶子肉厚鮮甜，蒸得剛剛好，不會過韌！豉油皇炒麵，簡單但不是間間都好食，金豪炒得不差，油量適中，不會太過油，幼麵條乾身彈牙，鹹味適中，夠鑊氣👍🏻

長話短說~金豪酒家其實去了幾次, 多與朋友一齊用餐, 所以以下小菜是我食過又可以介紹下。沙薑凍豬手(每次都會點的小食, 味道不是很辣, 但有少許麻辣香, 豬手肉質很彈牙)金豪雞煲翅(湯底好滑好濃雞味, 除了雞, 應該加了, 瘦肉, 金華火腿)避風塘尿蝦肉(美味香口, 肉質有彈性)豉椒蒸大鱔(肉質腍軟, 我個人較喜歡食彈牙)金沙蝦球(沙拉醬)(蝦球爽口, 脆漿不會太厚身, 醬汁剛剛好包住)鮮菠蘿咕嚕肉(皮脆內滑, 不過炸漿有少許厚身)蝦乾介蘭煲(醬汁十分惹味, 不過相對其他小菜份量為小, 可以轉食通菜, 味道更好)

鮮麻海花蛤～通常「麻」後面就會有個「辣」字，但呢度打破咗傳統，佢係用「麻」「酸」呢個配搭，花蛤係凍食嘅！淋上口味獨特嘅醬汁，真係令人回味無窮！好味醬烤骨～重點推介！！個汁應該係自己調味嘅！佐飯一流！加埋香軟嘅口感！完美！肉入口即化，配搭一小塊菠蘿，更覺美味！ 豉油王炒麵~夠晒鑊氣，完全絲絲分明，亦都炒到非常乾身，呢個item係做中式廚房嘅基本功，做得好的話，其他出品都唔會差！粉絲蒜蓉蒸蟶子～蟶子嘅尺寸簡直係king size！非常鮮嫩彈牙，而當中採用左兩種蒜頭，用了鮮蒜同炸蒜，令到口感、味道都得以提升，當中嘅粉絲亦都吸晒該有嘅香味及海鮮汁，簡直係精粹！

小店平日就食得多，今次就食d特別嘅，食中菜，雖然話係酒樓，但同平時的一盅兩件唔同，佢其實有啲似室內大排檔，而佢的食物質素亦真係不錯👍🏻好食😋！🦀避風塘炒蟹: 蟹肉好鮮好甜，配埋炸蒜超香，夠濃味又唔會過辣，色香味美！ 🐚蒜蓉粉絲蒸蟶子: 蟶子肉質甜美又大件，軟硬適中唔會韌，啖啖肉，唔洗加豉油都夠味🐷沙姜凍豬手: 沙姜的鹹配上麻辣香油，成超開胃小菜，不同味道配搭一起，各有各出色又可互相配合，唔會過鹹或辣🍲蝦乾西洋菜煲: 西洋菜本身已經好甜，加埋蝦乾的鮮味，甜味升級，好食😋🥡事頭婆炒麵: 比都般酒樓的炒麵要出色，夠鑊氣，炒麵亦唔會過乾，不用加辣椒醬都好食夠味佢的價錢以酒樓晚市黎講唔算太貴，而且菜單選擇多，由小食到湯品都有，重點係食物味道都有不錯的質素，座位亦算闊落，上菜速度快，不錯試

早幾日前已預約左6點30，黎到竟然話冇位，佢地有張紙寫住頭輪尾輪客人資料，發現冇預約記錄寫響到。同時間，亦見到其他客響安排座位出現問題。因此繁忙時間日子真係唔建議黎，未入座等佢安排座位又行去左鋪同右鋪，來來回回搞到已經冇咩心機。再去櫃檯查返確實有訂枱記錄，同預留海鮮記錄。因冇曬枱佢安排左張勁迫既4人枱比我地6個人坐😩跟住望左輪餐牌到落單同伙記講預訂左海鮮，伙記通知冇幫我地留到海鮮，咁就局住跟餐牌叫啦。落左order約半小時後叫佢可以上菜，跟住走埋黎講話頭先跟餐牌叫啲蟹size又冇，又叫人加幾百蚊轉大隻啲/第樣野。落單唔講起菜先講😠食到差唔多8點 貌似老闆娘既人開始行埋黎收我地枱面啲野，將啲殼倒落碟，彈到周圍係身上都有，重點係枱面有野未食完🤮。老闆娘似想趕我地走黎收野加用啲唔太友善既眼神望過黎幾次。食飽諗住坐多陣飲埋杯酒就走，伙記走過黎話你地留啲蟹未上，心諗😱，你玩野咩。經理行埋黎話你地預留左嫁喎，安排上佢地好難做，言下之意姐係叫我硬食啦。已經食到心情唔好嫁啦但👌🏻唔同佢計較。叫佢拿拿聲，點知叫佢搞個鹽焗蟹半個鐘都未出到黎開始追單先同我地講仲要等多20分鐘先有得食。即刻火滾同佢講埋單走人

酒樓小胖就去得多，但小炒店小胖好少去，不過因為胖爸愛食，所以一齊去咗間人氣小炒王，而佢的食物質素確不錯 ，頗好食😋小胖分別點了沙姜凍豬手，蝦乾西洋菜煲，避風塘炒蟹，蒜蓉粉絲蒸蟶子和豉油王炒麵。凍豬手已完全解凍，退曬冰，配埋沙姜的鹹香和麻辣，味道豐富，微辣小麻，唔食得辣的都可以食，超開胃佢的海鮮十分新鮮，肉質鮮甜，紮實，食得出唔係死海鮮，蟹肉鮮甜，配埋超香爆多的炸蒜，濃味得黎又唔會過辣蟶子同樣鮮甜，唔會蒸到過韌，配埋吸滿海鮮味的粉絲西洋菜吸滿蝦乾的海鮮味，加埋菜本身的甜味，係小胖推推的菜式，小可惜係菜身小乾，但菜汁係足夠的豉油王炒麵令小胖驚喜，麵身唔會過乾過鹹， 麵質亦頗彈牙，小胖建議不用加醬食佢的價錢中上，但菜單選擇多，食物味道質素亦不錯，座位都算闊落，可一試

好耐冇去典型裝修嘅酒家食，雖然唔係大酒樓但地方乾淨整齊座位也很闊落，分左右兩間店舖，六點剛過已經坐滿人， 一路點餐等食，電話不停響留位，有很多walk in客想食都冇位。食物都係小炒為主，第一次試這間金豪酒家所以我們點了三款招牌菜及蟶子蟹孖堡餐。勁推介呢個餐，蟶子一上枱超有驚喜，冇諗過係蟶子皇肉質肥厚，咬口爽唔韌啖啖肉真係可以塞漲個口腔蒜蓉粉絲蒸冇得輸。 唔單止蟶子新鮮，連避風塘炒蟹肉實,鮮甜，厚肉夠曬鑊氣$538嘅價錢出面一定食唔到。鮮菠蘿咕嚕肉: 果然用新鮮菠蘿，甜酸味剛剛好唔會搶走肉味，肉嘅脆漿做得夠薄好脆口，仲要啖啖肉唔肥，放了一段時間再食都依然係脆。花甲浸菜苗:嚟到即刻試咗個湯先都幾鮮甜，D菜正正常常吾老。 我本身都有D擔心個花甲會有少少腥味，但點知花甲好新鮮粒肉大大粒。見到幾多人推介同埋個菜名前面有個讚就嗌咗一個芥末牛柳粒試下。牛柳粒幾諗，吾駛用咩牙力都咬到，吾韌，有牛味。 加埋個芥末甜甜地幾開胃。 有樣嘢估唔到嘅係佢竟然加咗琥珀合桃，好鬆脆同啲牛好夾。幾個朋友飲下酒傾下計食下小菜呢個地方唔錯又唔會催你埋單趕住做下一輪。

今日一家四口 在深水埗一日遊之後上openrice睇過食評之後就去咗呢間金豪酒家晚飯， 六點半鐘左右已經八成滿重要問有冇訂位， 真係估佢唔到， 裝修簡約舒適！ 大部分上年紀的侍應叔叔很熱情地招呼推介食物 當晚我點了幾個小菜和一個孖寶套餐， 包括有芥末牛柳粒， 牛柳很嫩芥末沙律汁好味生炒骨， 醬汁調教得恰到好處多肉少骨食到尾都仲脆花甲浸菜苗， 湯底好鮮！最值得推介就係呢個海鮮孖寶蒜蓉粉絲蒸聖子皇， 肉質肥美唔再講蒜蓉粉絲好惹味個size長過我手掌避風塘炒大蟹， 蟹好大隻分量十足，多膏很好肉，避風塘蒜粒加聰送飯一流 其餘小菜價錢也很合理值得推介， 相信下次會再嚟試下其他小菜。