金記客棧

第一次寫食評，我係附近工作，其實呢間燒味同其他食物，我自己覺得都幾好食，唔差嘅！不過人手唔夠確實係一個問題，我唔知道係咪又轉左人，我見樓面經理姐姐就一樣！我今朝係外賣自取，一份三文治，一杯凍奶茶，25分鐘！我眼見樓面一帶四；水吧連廚房兩個！講真我唔係投訴，因為見到佢地真係做唔切，我只想反映下比佢地老闆知！另外提醒如果大家趕時間，小心一下！…查看更多

好少可會係平日下午嘅時間黎到數碼港，由於趕時間嘅關係所以一入到餐廳就拿拿臨叫咗個常餐。啲牛肉真係幾鮮，一啲都唔Un,而且仲有好多ginger，我勁鍾意。而且碗米粉好夠熱辣辣。有啲美中不足嘅就係，個炒蛋炒得有啲老,而且有啲煎蛋feel. 但由於餐廳入面嘅冷氣唔夠，米粉又真係好夠熱，所以就算我有杯凍咖啡走甜，我依然食到出緊汗。但唔知道係唔係餐廳座位比較多，waiter嘅人數又不足夠，所以叫咗好耐先應先有人理我。。不過最終so far so good 啊。…查看更多

金記嘅食物質素, 大家都心照。但客戶服務愈來愈差勁!!!之前只是唔夠職員, 但勉強都見到笑容。做唔切都懂得陪笑。這兩次來換咗新人, 員工更少。已經自助攞餐牌, 清潔沒有清潔好的坐位, 及自助換汚糟杯😤但叫茶叫餸都冇人應吓, 未食已經一肚火😠。最初呢度攞咗前一手唔係咁差, 相信好快呢度要轉管理😏😪…查看更多

連續四天復活節假期的第四日，來到數碼港 - 一個平時不會踏足的小社區，原因很簡單，既沒有親朋戚友住在這裏，公事上與這裏的公司又沒有聯絡，更加不是郊遊或周末的逛街好去處。專程去那裡純粹為了一個復活節期間限定的小朋友遊戲天地活動，都是那些氣墊彈牀、超小型電動碰碰車之類，結果有點被搵笨的感覺，因為整個活動內容及佈置實在太兒戲。雖然如此，但總要食午飯，難得來到數碼港，就在這裏開餐；選擇實在唔多，最終也是揀了「金記冰室」旗下的「金記客棧」。可能是假期的原因，茶餐廳客人很少，人手也唔係太多，揀好了所有食物之後，即使主動搵夥計過來落單，一係扮見你唔到、一係就話等陣先，差不過過了五分鐘才能夠成功落單，與同系其他分店的快手快腳的服務有明顯差距。餐牌上的選擇較「金記冰室」冰室多很多，除了經典的港式茶餐廳食品如奶茶咖啡三文治公仔麵之類，炒粉麵飯及中式小炒的款式也較重新開業的進化版「金記冰室」多很多（另見筆者的《換上新裝》），甚至有廣東燒味供應；很明顯就是迎合附近寫字樓的生意。一入到餐廳，就見到一個燒臘檔；雖然對一間傳統港式茶餐廳賣廣東燒味有所保留，但外表望過去又好似相當對板，於是叫了一客假日午餐A - 叉燒燒肉飯（$65）。是日例湯都是茶餐廳最普遍的青紅蘿蔔煲豬骨，味道相當不錯、又足料，只可惜唔夠滾熱辣，缺少了中式老火湯的其中一個重要元素。熱奶茶的茶杯表面印了大大個「金記冰室」嘜頭，即使餐廳環境欠缺了「金記」風情、及提醒食客身處「金記」用膳的裝修特色；單憑這個茶杯已經足以驗明正身。叉燒燒肉飯十分多料，而且鋪排得相當整齊，從賣相來講，比預期的質素為高，甚至比坊間的燒味茶餐廳更好。至於燒味的賣相方面，叉燒欠缺蜜汁，又是全瘦肉叉燒、並非半肥瘦，唔稱得上係靚叉燒。燒肉就明顯優勝得多，除了表面的脆皮之外，肉身肥瘦相間，又沒有黏連著任何骨頭，簡直是一件燒腩肉。一如所料，叉燒欠缺蜜汁香甜、肉質不夠鬆軟及缺少了脂肪的香滑；幸好未至於粗鞋，只不過肉汁確實不夠豐富。燒腩肉皮脆肉香。表皮鬆脆，脆皮下層的白色豬肉爽口結實、底層的淺啡色脢肉腍滑，加上夾雜之間的薄脂肪層，好味道。只是始終不是真正的燒腩仔，唔夠細件，未能夠一啖一件；而且，叉燒的豉油汁稍為影響了燒腩仔所應該有乾身香口，幸好豉油汁份量不多，未至於將脆皮浸軟。生炒牛鬆炒飯（$58）外表一般而已，飯粒唔完整、又炒唔到粒粒分明，一小糰一小糰黏結在一起，雖然未至於結成一個個小飯團，但肯定唔係一點靚炒飯。味道偏鹹，飯粒又太過乾身，估唔到竟然較燒味飯難食。金記1967套餐 - 鮮牛肉通粉配煎雙蛋跟牛油多士（$42），轉出前一丁加 $5。見到碗公仔麵之後馬上一呆，點解只是一碗滾水淥出前一丁？湯底味粉及麻油分開另上？莫非就只是為了證明如假包換採用獨立包裝的《日清》麻油味（紅色包裝袋）出前一丁？這種安排簡直是徹底失敗！需要清楚明白這一碗並非杯麵，而且出前一丁送到客人面前時，滾水溫度已經大大降低，不再適宜加入湯底味粉及麻油；更無法藉着滾燙的熱水帶出麻油及湯底香味。出前一丁的淥麵時間是否恰到好處、麵條有沒有過腍，已經變得完全不重要了。至於聲稱的鮮牛肉，味道同樣非常一般。同樣失望的是那一份多士炒蛋。雖然多士烘得算相當均勻徹底，但卻只是微暖。炒蛋更是差得可憐，唔夠厚身都已經唔係重點，最大問題在於炒成一底、十分粗嚡，表面甚至呈現淡淡金黃色的焦香，與理想中的炒滑蛋差距十萬八千里。這份真的是經典的金記1967套餐？幫襯過幾間「金記冰室」分店，一直覺得質素相當平均，只不過今次的經驗實在有些差強人意，到底是這間分店真的有問題，抑或只是復活節假期的間竭性情況？埋單時候又發現金記1967套餐變成了 $48 + $5 = $53，與餐牌上所標明的 $42 + $5 有所出入；估計餐廳放錯了錯誤時段的餐牌，這種不小心的錯誤往往就會造成不愉快事件，作為一間算得上有些規模的小型飲食集團，實在應該要避免這些錯誤的出現。…查看更多

這幾天和病魔搏鬥，被迫清淡飲食，又無胃口！今晚終於可以食得好一點！ƪ(˘ᴗ˘)┐補充好體力，明天又要回到地獄工作(╥_╥) 1️⃣清蒸紅鮋+白飯+例湯 ᴴᴷ$108 + 10%魚蒸的火候剛好，魚肉滑lulu，好好味，蒸魚豉油撈飯最開胃( ˘ ³˘)❤2️⃣勝瓜雲耳肉片浸時蔬 ᴴᴷ$88 + 10%有媽媽煮既味道，外出食飯都想食d蔬菜，健康一d。3️⃣瑞士乾炒牛河 ᴴᴷ$78 + 10%河粉炒得唔夠乾身，唔夠鍋氣，有d油。餐廳人手很不足，要兩次離開座位搵侍應（取餐牌和埋單），很有改善既需要。…查看更多

星期六難得同媽媽去數碼港行下，上網睇左食評見到呢間叫“客棧”嘅餐廳咁特別，於是就入左去搵好野食喇。除左佢個名之外，佢個餐牌造型都好特別，成本武林秘笈咁！由於已經過左2：30，所以已經可以叫下午茶餐喇，叫左3個茶餐另加1個餸。一個迷你叉燒飯、一個炒烏冬、廈門炒米再加黃金豆腐。未到餐廳之前已經見到有好多人推介叉燒，好多時餐廳嘅出色食物都唔會出現喺下午茶出現，佢竟然有叉燒食，諗都唔諗即刻嗌啦！迷你叉燒飯除左叉燒之外仲有隻煎蛋，對女仔嚟講都唔算係迷你，絕對係食得飽嘅，而且飯量都唔算少，茶餐嚟講絕對係收貨。叉燒亦都好好食，半肥瘦嘅叉燒，唔會乾爭爭，雖然肥仔d，不過岩晒為食嘅我。下午茶餐都有得叫招牌野，都算係有驚喜！見到佢隻煎蛋，令我諗起食神叉燒飯！炒烏冬嘅色水味道都好夠，又唔會覺得好油，都唔錯！不過對比之下，叉燒飯就比較出色喇！廈門炒米作為一個茶餐賣相都幾認真，上面仲有芝麻點綴下。炒米炒得夠乾身亦都好足料，感覺都好夠鑊氣，估唔到下午茶餐都唔係hea你！最後壓軸嘅一定係黃金豆腐，上網見到好多人叫嘅係椒鹽豆腐，不過睇晒成個餐牌都見唔到。（可能係我睇漏左？）心諗都係豆腐，椒鹽同黃金係味道唔一樣，不過大家都係惹味嘅食物，應該都好食嘅，於是膽粗粗叫個黃金豆腐嚟試一試。豆腐切到細細舊方便食，賣相又靚，又夠香口，味道又夠濃但係又唔會太鹹，仲要好夠熱，當小食咁食好快就比我地KO左喇！迷你叉燒飯同埋黃金豆腐真係幾令我驚喜，3個人只係食左200多dd叫到成枱都係野食仲要包埋野飲，都算係抵嘅！…查看更多

食物超油，叫了一個牛河，一個黑椒牛肉炒意粉，一個廈門炒米。味道一般，但係牛肉似柴皮，好似食咗一碗油咁。浪費卡路里quota！免費都不會有一下。之前食過其他金記都冇咁差！…查看更多

燒味飯正, 但有個年紀頗大白髮戴眼鏡的經理態度極度惡劣, 喝令我的同事要一次過叫埋飲品, 叫佢唔駛咁燥佢仲要話自己無燥, 香港飲食業就係俾呢種低質從業員累死. 希望金記檢討一下旗下員工.…查看更多

一直以來，數碼港都冇乜嘢好食，金記承接上手喺數碼港開茶餐廳，初時有啲期望，不過由早餐開始，首先選擇太少，午餐價錢亦貴，晚餐就未試過啦。有時叫外賣，試過漏俾飲料，好多時，跟餐多士有時什至冇烘過⋯⋯而且侍應太少，好多時做唔切⋯⋯不過，冇計，冇得揀…查看更多

星期一放假，下就同老婆帶左狗仔去數碼港玩，諗住食埋晚餐先返去，見到竟然有間金記客棧，呢間分店都幾大間，環境唔錯。點左脆皮燒腩仔，好特別用左個小爐上，原來禁樣可以保持溫度，令外皮keep住脆卜卜。推介呢度的椒鹽一口豆腐，正方形一粒，一啖岩岩好一粒，外皮炸到香脆，入面的豆腐又好幼滑，灑埋惹味的椒鹽，正!仲有我地都好鍾意的避風塘口味焗中蝦，雖然係中蝦，但隻隻都好大隻下，份量足，啖啖蝦肉，蝦頭仲有好多蝦膏添，惹味十足，送飯一流。…查看更多

放假同朋友入數碼港睇戲，睇完戲天都黑唒，就建議不如食埋晚飯先出返去。餐廳就係戲院隔離，好方便。蜜汁叉燒 - 佢上碟已經好有心咁用蠟燭㷫住啲叉燒，可以慢慢品嚐。叉燒質感好嫩口，味道都好好，鹹甜適中。粟米魚塊 - 佢地唔係炸魚塊係煎魚塊，所以健康啲。魚塊都好大塊，魚肉都好實淨。粟米汁都ok，汁都好足夠，撈飯一流。海鮮粉絲雜菜煲 - 材料都好足，有蝦、魷魚、青口、蟹柳同菜。味道清清地，冇咩味精。整體而言，環境同服務都唔錯，食物有家常便飯的感覺。…查看更多

早前放假小妹與友人特別帶了小狗到數碼港海濱公園， 公園環境優美而且地方寬敞很適合狗狗散步。 散步後當然要覓食，之前只知道數碼港是出名的「沙漠」， 因為地點偏遠，所以沒有太多餐廳可以選擇。 今次閒逛時發現了新餐廳－金記客棧，環境舒適而且食物質素高。 原來金記客棧屬於金記冰室集團，所以餐牌主打懷舊冰室風味， 以餐飲最為特別，市面上少有窩蛋牛肉汁同滾水雞蛋。 餐廳有別於一般冰室的常餐，設有燒味及多款香口小菜。 今次分別點了椒鹽一口豆腐、避風塘海中蝦、蜜汁叉燒及紅燒乳鴿。 最欣賞是蜜汁叉燒，因為底部設有小蠟燭，不停加熱。 味道方面香甜而且肉質軟腍嫩滑，不會感覺過老。 椒鹽一口豆腐賣相同樣吸引，外皮炸至金黃色，十分鬆脆， 裡面豆腐軟滑，口感層次鮮明，外皮酥脆微辣令人欲罷不能。 友人最愛就是避風塘海中蝦，因為海蝦乾身不油膩， 而且蒜頭與辣椒香味十分誘人，可以令海蝦鮮味更突出。 海蝦肉質彈牙爽口，蝦膏香甜，絕對值得encore。 而紅燒乳鴿同樣也是「食肉獸」之選，乳鴿不會斬得太碎， 味道香口而且炸到脆卜卜，咬下去充滿肉汁，不會炸得太過火。…查看更多

由細到大, 我也喜歡甜食, 所以, 一到中秋節, 我就一定會吃月餅, 而且更會吃不同款式的.去年已吃了金記的金腿伍仁月, 因此, 今年就買了她的雙黃白蓮蓉月餅.硬皮紙盒裝的月餅盒蓋, 印了仙女圖, 突顯出中秋節是一個傳統的節日.一盒四個的雙黃白蓮蓉月餅, 每個都是獨立包裝, 更附送小叉子及刀, 方便食用.印在月餅上,「金記冰室1967」的字樣, 十分清晰. 把月餅切開四份, 鹹蛋黃並沒有流出蛋黃油來, 立時令人有點失望. 拿起一件來吃, 白蓮蓉的確夠香滑, 軟綿綿的可口, 甜度亦不算太高. 然而, 鹹蛋黃卻有點乾身, 吃著吃著, 是感到有蛋黃油的, 可是, 其油潤度不大強烈, 有點可惜. …查看更多

Boxing Day. 周圍戲院都爆，見數碼港有位，就即刻入來買飛，見未夠鐘，又見丁呢間疑似係成個數碼港唯一既港式茶餐廳，就入來試下。食左個西多，雞翼，紅豆冰及雞扒炒一丁。西多正常，但無花生醬。雞翼炸得鬆化。紅豆冰沖得幾好。雞扒炒公仔麵夠獲氣。但服務一般，食西多個侍應竟然漏左牛油！問佢攞佢就好唔情願咁大大聲話：得！等陣！上紅豆冰又唔望清楚倒左d係枱！整體來講，食物好好，但如果改善埋服務質素，咁就滿分！…查看更多

因為家人的"明示", 今年我也再不敢買那些"特色新月餅", 還是回歸傳統好了。記得之前食家朋友推介金記冰室的傳統月餅做得相當不錯, 於是這晚和朋友在這兒開餐後, 就每人很乖女地買了一盒伍仁月餅孝敬家中兩老了。很久沒有見過這種傳統紙袋包裝, 讓人不禁時光倒流小時候, 還是玩紙燈籠, 可以煲蠟的年代。和傳統一樣, 月餅也是紙盒裝, 印着中秋節的女主角, 嫦娥。不過就除上餐具和每個月餅的獨立包裝, 那就更衞生方便。其實本身我不太好愛吃傳統月餅, 怕太很膩, 吃伍仁月餅的次數更是一隻手可以數完。不過今年應節吃了一角, 又覺得幾好味, 比想像中更香。真的比傳統雙黃白蓮蓉月餅配茶來吃更為有特色。兩老對這金記的月餅可謂十分欣賞。 味道又不會太甜, 帶着果仁的甘香。此外月餅內的果仁還是香脆, 咬吃來有層次, 不會有油膱味, 證明用料新鮮。最重要還是較為低糖健康, 同時仍保存傳統味道。…查看更多