金記冰室 (霎東街) (已結業)

出開銅鑼灣，突然想食豬潤麵，醒起金記有。不過冇時間坐低食，唯有外賣。嗌咗個豬潤麵跟火腿奄列同多士。拎到上樓先發覺，竟然幫我自動分湯 豬潤夠爽，仲要係厚切！好味！！雖然多士淋咗，但係未至於係一塊方包。火腿奄列足料想一早食靚早餐叉電，$38蚊包埋杯熱飲。冇得輸！！

行過銅鑼灣霎東街見到間金記冰室，覺得裏面嘅裝修好懷舊，而且入面嘅食客又好多，估計食嘅嘢應該都會好好食，於是入去食個茶餐。我哋叫咗個雞蛋三文治+熱檸水=$29，餐肉煎蛋麵+熱奶茶=$40，合共$69，無加一服務費。我個人覺得越係簡單嘅茶餐，就越容易試到食物嘅水準，我叫嘅雞蛋三文治，蛋都炒得好味，可惜麵包好就一般，有啲位好乾，唔夠鬆軟，而朋友叫嘅餐肉煎蛋麵，雖然唔知係咩公仔麵，不過個麵都整得唔錯，唔會太硬亦唔會太軟，可惜餐肉太鹹，至於奶茶亦好一般，唔覺得特別香滑。總結：裝修特別，可惜入到店有一陣難聞嘅味，坐到食完都仍然聞到。而食物價錢以地區計，算是合理，但以食物水準就真係覺得好一般，差過好多茶餐廳，所以我哋都話食過一次就已經無興趣再去第二次。

有日親愛的同事說訂外賣，他想吃金記，於是上網看看評語，二話不說來一個咖哩雞扒撈公仔麵。同事都說金記的咖哩很好吃，不出其言，薯仔非常入味，很香很好味！雞扒也很多，有大約6-7件。唯獨公仔麵有感煮太耐，偏淋身。不過公仔麵的硬度，每個人有不同的喜好。咖哩汁偏杰身，但份量剛好夠撈麵，味道是偏重一丁點，整體上不錯。小插曲是送外賣的大哥態度不好，不過我接電話的姐姐反而很有禮貌。不過，我覺得都是看食物的質素為重。

星期五去咗銅鑼灣見客，順個便找老婆食lunch.12:15 lunch 時段一入去有位我地即坐。兩公婆快快手手落單因為餐廳有種氣氛好似人人都好急 。我order 咗白汁雞朳飯 老婆order咗羅宋湯通粉餐白汁雞朳飯白汁跟飯味道不錯雞朳炸得不太過火刚刚好，但係味精較重羅宋湯通粉餐老婆食唔晒，我食埋佢嗰D……羅宋湯通粉味道一般無羅宋湯味，湯底水太多。配多士火腿蛋,無乜特别，但多士較黑。可能係午餐時段，老婆傻吓傻吓仲叫…(羅宋湯通粉餐)…………12點幾…寫字樓午餐時段…仲叫D好似早餐嘅物體。所以師父忙焗多士焗得太長時間。傋注刚好，隔離桌有位女仕，一坐低立即下單食碟頭標準飯。份餐好快到，5分鐘後，食午飯人羣好到。因為滿坐，服務員叫該女仕轉位。但該女仕碟飯只食到一半。該女仕說等多一陣…好快! 服務員不滿話另一位較方便。結果女仕當然沒轉桌。我覺得……服務員可能想掙取午餐時段生意……但是服務員請你都要為食客想吓....另一方面我又同情香港飲食業……香港地生意難做。

一個星期，食左三餐外賣，沙嗲牛飯，沙嗲汁入味、香口！牛舌炒飯，炒得粒粉分明，晚餐精選蜜桃咕嚕豬頸肉也絕不馬虎！餸菜牛、牛舌、豬頸肉份量令人喜出望外！值得推介！！

話說我好鍾意食茶餐廳，因為我食嘢唔會好注重環境同氣氛，只要好食我都接受到，但係我又好挑剔，唔係間間茶餐廳我都鍾意食。金記冰室有好多分店，都食過好幾次。首先要讚下佢嘅裝修，真係好有懷舊嘅感覺，喺餐廳嘅裝修到餐牌嘅設計，好明顯見到係有花心思。中秋節就到，見到有海報宣傳金記冰室嘅月餅，張海報的設計得好復古哈哈！餐牌都有設計過，好似一本記事簿咁。叫咗一碗咖喱撈雞扒即食麵$46。咖喱汁幾傑身，有好多薯仔，雞扒係切件上。咖喱味幾濃，唔辣，很簡單但都幾好食。

每次黎銅鑼灣附近都會想食呢間茶餐廳既焗豬排飯，今次都五例外～ 講起冰室，其實舊時冰室只提供廉價既仿西式食物，例如 奶茶，紅豆冰，奶油多士，菠蘿包，蛋撻等，後黎為配合香港人急促既生活節奏，開始增加食物種類，加入 西餐同餐館既模式，演變成茶餐廳。 茶餐廳(冰室)環境設計得好有懷舊 feel , 地下既花磚，一間間既卡位座，牆身既設計都充滿香港街道特色—抬頭滿街都系招牌，系香港街道一幅燦爛既光景。 餐牌系模仿農曆日曆既設計，有佢自己餐廳特色，茶餐廳食到既呢度都有 我叫左個焗豬排飯走芝士，佢既番茄汁覆蓋曬整個飯，下面既蛋炒飯雖然冇蛋 而且飯偏乾，但勝在個番茄汁夠多，可以撈飯食，個汁五會太酸太甜，味道剛好，好惹味，豬排份量足，上黎時已經切好曬，五洗自己動手切，一啖豬排一啖茄汁撈飯～

飲品要等30mins先有。啲餐具好油，要拎熱水沖先用到羅宋湯米，湯清到好似溝水，份量少左好多多士係林既！侍應又懶慣閒，動作慢。金記 可一不可再 blacklist !!!!重點、隔離枱碗沙爹牛麵食剩一半， 新客舉手成兩分鐘都無人理真心建議大家唔好中伏。。。。。。。。。。。。。。。。。。。。。。。。。。。。。。

難得公司附近有地方舉辦幼兒講座，當然去參加聽一聽。距離講座還有40分鐘，一定要先滿足自己的胃，才可以為前世情人打拼～選了公司附近的金記冰室，眾所周知，金記冰室的裝潢以懷舊為主。放工的時間，多數是附近上班族為主。選了最常有的星洲炒米，米粉量有很多，女生一定不能吃完。另外， 這星洲炒米的材料都好十足，有蝦仁、半肥瘦叉燒、青紅椒的數目不算太多。大家可看看我挑出來的椒蔥。（小朋友不要學叔叔揀飲擇食啊！）唯獨是價錢偏貴少少。

位於銅鑼灣Times Square附近都有間特色冰室!就係呢間金記冰室裏面嘅裝修都幾古色古香㗎原來佢已經始創於1967年，真係好有歷史！先來睇下個餐牌先當然唔少得就梗係有常餐啊，特別在於佢有豬膶通粉，同平時我好鍾意食嘅沙嗲牛肉麵餐除咗常餐仲有角色炒粉麵仲有午餐選擇，有湯又有飯又有嘢飲嘢飲選擇種類都算多先來叫咗個午餐，焗肉醬雞扒飯，味道都唔錯喎，茄汁是有肉醬的，仲有嗌左個好特別嘅嘢飲，就係荷蘭唂咕再嚟多個常餐，塊多士有幾好食喎，仲有火腿奄列👍🏻👍🏻👍🏻下次會再嚟試其他嘢食！

其實我最近真係好少去茶餐廳食飯來來回回都係星洲炒米乾炒牛河焗飯火腿通咁樣可能細個中學嘅時候日日都食茶餐廳跟住讀大學又係食茶餐廳最終真係厭咗不過呢度個老闆加入新元素就係時下年青人最喜歡食嘅米線可惜我問佢個米線可唔可以轉 通粉嘅時候竟然毫無彈性可言係唔畀嘅呢啲新嘢好明顯係 等候時間長一大截叫常餐嘅朋友 差唔多食完所有嘢我碗嘢先嚟跟住我叫咗加辣唔知係咪用 同一個 味精粉定點樣雖然佢畀我朋友嗰碗係辣啲但係亦都極咸我朋友冇加辣反而食到個湯味我嗰本只有勁咸同辣辣地最激氣就係佢哋啲匙羹唔乾淨攞兩隻出嚟都係污糟嘅如果我唔係咁蠢叫返茶餐廳嘅嘢應該就唔會中伏但係污糟匙羹我就幫佢搵唔到藉口

金記冰室聞名好耐，今午在銅鑼灣見到，抱著一試入去睇吓！入門囗都好吸引我-一架電車車頭装飾，好復古的感覺，所以入去搵位坐😁。於是入內搵位，人頭湧湧，只有一張圓枱坐幾家人！一睇餐牌，有午餐套餐，仲包湯及飲品！👍跟著又見到好精緻的餐牌，又打開睇睇，有吸引我的牛肉公仔麵套餐，有多士同火腿奄列，鄭！同行友人叫左焗豬扒飯，都好味！同埋抵食！兩個人只係一百塊多小小！餐廳週圍佈置都好懷舊！服務員又友善！下次一定再去！

朋友仔飛前找我食lunch, 與我在金記共渡當日嘅最後午餐。我地爭取時間相聚，加上個位收唔到電話訊號，我地嚟個快食⋯ 咖哩海鮮炒飯超乾身，無咖哩味無海鮮味只有炒味朋友個肉醬雞扒飯個雞扒幾嫩好食，但個飯底就濕左啲一向係金記粉絲嘅我，好失望😞，都係幫襯返下午茶穩陣。

經常性覺得銅鑼灣無咩好食 咁咪求其搵野食啦openrice見到金記 本人又好耐無食茶餐廳 好啦就去試下啦一開門 哇都幾有特色 係復古既冰室樣 遊客一定係去打卡影相啦外表就靚靚仔仔 唔知d野食點呢本人同男友就跟足佢menu上面簡咗兩樣十大金牌咩咩咩{黑椒牛舌炒飯}望落去出晒煙咁 唔知點解食落去唔熱 普普通通可能冷氣大 個飯好快就凍晒如果樣野食係好食 凍咗都會好食既但呢個飯凍咗之後唔好食 你明唔明本人意思？{紅豆冰}正常啦 d紅豆雖然都幾細粒 但都算幾棉 椰奶味好重 合格{西多配雪糕}好難食佢食落唔油 無油益味 但係呢佢中間係無醬既 d蛋汁好濕咁唔係外脆內軟 係成個都好軟 好怪個煉奶同雪糕同西多唔係好夾 頭先講到餐廳大冷氣 但個雪糕勁快融晒真係唔得 個唔掂既程度係要同男友玩大話骰 輸咗果個食咁最後當然係本人食晒既總括而言裝潢好有心機 食物質素就要比心機。唔會再去。byebye啦金記。

嗰日同朋友喺銅鑼灣附近有啲肚餓，但係又唔想食太貴，咁岩見到有間茶餐廳所以就入咗去試吓～入面啲裝修都幾靚架，門口嗰個位仲係有好多懷舊嘅擺設！好似可以呈現返老香港出嚟咁，其實如果有時間係一邊影相打卡都幾有風味📷啱啱好係下午茶時段，我就叫左一個雞翼香腸公仔麵餐，包埋一杯嘢飲架！咁樣都只不過係＄37咋！！喺銅鑼灣來講算係好平㗎喇～整體水準都不過不失，公仔麵好香麻油味！朋友就叫咗一個雞翼沙律，不過佢個沙律就麻麻哋粒，因為得好少材料，大多數都係薯仔。