金記冰室 (霎東街) (已結業)

話說我好鍾意食茶餐廳，因為我食嘢唔會好注重環境同氣氛，只要好食我都接受到，但係我又好挑剔，唔係間間茶餐廳我都鍾意食。金記冰室有好多分店，都食過好幾次。首先要讚下佢嘅裝修，真係好有懷舊嘅感覺，喺餐廳嘅裝修到餐牌嘅設計，好明顯見到係有花心思。中秋節就到，見到有海報宣傳金記冰室嘅月餅，張海報的設計得好復古哈哈！餐牌都有設計過，好似一本記事簿咁。叫咗一碗咖喱撈雞扒即食麵$46。咖喱汁幾傑身，有好多薯仔，雞扒係切件上。咖喱味幾濃，唔辣，很簡單但都幾好食。