金記冰室 (霎東街) (已結業)

位於銅鑼灣 利舞臺對面懷舊特色既裝修 成為遊客打卡點平日都多人 坐位都算多食物款式都幾多 而且質素都唔錯 特別喜歡 佢地既凍咖啡 味道媲美出面既咖啡店 唔錯唔錯系推薦既港式茶餐廳

又係一個收工得夜既晚上~ 其實夜晚既銅鑼灣都仲有幾多好野食既 (講緊真係夜到十一二點個d鐘數)不過去到咁夜而第二日又要返工既話, 我多數都想求其食一餐抵食又好食就好似係bonus咁, 今次就揀左係時代廣場隔離既金記冰室食個宵夜仔茶餐廳其實真係幾方便, 有唔同款式既食物之餘價錢又唔貴有時同男朋友想食唔同類型既野都可以係一間茶餐廳入面搞掂哂呢間金記出名係有靚裝修, 有d懷舊feel加上咁夜先去食又冇乜人, 令整體感覺加分不少 坐得好舒服~ haha 今次係第一次係金記食宵夜~ 平時都係食佢既lunch多 (有機會會再寫食評, 勁推介佢個吉列豬扒!!)我地叫左 沙嗲牛肉即食麵 (配火腿奄列及牛油多士) ($51) 同埋 咖喱豬扒撈即食麵 ($48)都係不過不失既沙嗲牛麵, 個公仔麵軟硬適中配埋火腿奄列同牛油多, 一個女仔食唔哂呢🙈 對於男仔來講份量應該都ok男朋友叫的咖喱豬扒撈即食麵, 豬扒唔算非常“鞋”, 水準都ok 咖喱撈公仔麵都幾特別佢既熱飲杯入面有字“多謝你飲我”, 每次飲我都會笑一笑, 突然感到窩心~ haha宵夜來講一人大約$55內又有埋野飲都算ok 係銅鑼灣呢個價錢都唔差呢

走過銅鑼灣時代廣場附近，找了一間懐舊冰室嘆一嘆下午茶。叫左一款三文治餐加奶茶。奶茶，茶夠香濃，奶味適中，配上一份餐蛋三文治，非常絕配。可惜時間太趕，不能慢慢欣賞懷舊冰室的裝飾。只好留了幾張照片已作到此一遊。

環境走懷舊風，地方不算大，但坐落又不算太逼。基本鋪頭環境正常沒有不乾淨的感覺.星期六下午lunch time 時間，有附近番工的人，也有是遊客的食客.有好幾樣菜都想吃，最後點了3份午餐，1個炒飯 同豬潤通粉常餐 全部份量都正常 夠飽賣相ok  有妃子 有點藥材味  女士可能比較喜歡這個炒飯夠鑊氣，一見就想食另外還點了藕餅飯 這個有點普通 有點乾 還有肥牛茄子飯😋如果是平時番工lunch 絕對會番轉頭再吃當飯堂飲品沒什麼特別

今日和老公在銅鑼灣逛逛，晚餐去了金記食茶餐。好想一讚這個叉燒炒蛋飯滑蛋很滑很香，叉燒不肥易入口，很有從前我嫲嫲給我煮的叉燒炒蛋的味道😍😍食完好開心！另外，豬潤通常餐都好不錯！湯底有杞子，清香的湯，不會過重口味，健康的感覺！豬潤也很滑很爽口！另外想一讚杏仁蛋白茶，很少地方可以喝到！十分濃烈的杏仁白味，而且很奶滑，亦有蛋香味！成粒雞蛋在入面，很滿足呢！茶走的茶底也做得好，夠香滑！杯子寫上「多謝你飲我」，有感情的奶茶！😂

最近係團購網站睇到依間金記冰室，介紹係主打懷舊風格，有成52年歷史，而且多分店選擇，好耐都未食過冰室了，所以就一於膽粗粗買左2張團購現金券去試試。 餐牌整得好靚，圖文並茂，好吸引，真係好難揀得落手，最後我同朋友一人叫左一款，可以2份Share，一次過試曬2款不同口味! 咖喱牛腩飯牛腩同牛筋分配比例，牛筋軟滑，不過略厭牛腩比較韌，亦痴牙，辣味適中，但係食唔出咖喱獨有的香濃味道，亦無香港普遍咖喱有既棷奶味，唔係我杯茶，有D失望。 鮮茄濃汁焗豬扒飯依款焗飯有驚喜，豬扒好細心幫客人切開，亦去左骨，啖啖肉，食過好爽又方便，飯面芝士好多，而且茄汁足夠，撈埋炒飯底食，好。不過食完好口喝，所以一定要飲野先得。 金記冰室出品分量十足，但食物味道一般，試過就算了，唔會刻意再黎了~

過門而不入無數次後，今日終於黎打個卡🙈一入門口就聽到果打鑼打鼓type既音樂，不過開得唔算非常大聲，想傾計都係可以傾到🙈而裝修就充滿懷舊風，招牌啊、燈膽等，好靚。坐低望一望是日晚餐，$80-100... 果斷叫返我最愛既常餐，通粉炒蛋多士熱奶茶🙈先講生牛通，如果唔食蔥記得一定要走蔥同薑，因為蔥味同薑味都幾濃下，食左幾啖成個口都係蔥味🤣而由於蔥味非常重同有薑味既關係，唔係好試到個湯底，我推斷應該偏淡；通粉用左細滑種類，都幾吸湯，愈食愈脹🤣而牛肉，嫩！雖然話就話叫生牛，其實都係全熟，重牛味。到炒蛋多士，炒蛋炒到全熟，正常水平，但估唔到多士係有奶味🤣幾有趣，不過份量少，牛油都唔夠多，有少少可惜。熱奶茶，茶底濃，茶奶比例都偏重茶，係香，可惜唔夠滑稍有澀感。總結而言，除非愛好蔥薑味，如果唔係唔建議叫生牛通餐🤣 雖然非我杯茶，但愛好茶底濃可以一試熱奶茶，都ok。望到隔離枱點左乾炒牛河... 好吸引啊，下次可能試試😋

金記冰室之前已經聽過朋友話好正宗港式嘅風味👍🏼 又裝修得好靚喎，咁今日就一於同外國翻嚟嘅朋友食一食正宗嘅懷舊味啦😍 鋪面裝修得好有舊時香港嘅味道，淨係門口已經睇落好有古董味🤩 好似食緊回憶嘅味道🤣 一入到去已經有啲霓虹燈嘅裝潢設計，風格勁啱打卡哈哈📸👍🏼我地最鍾意去茶餐廳食常餐，所以叫咗一份沙嗲牛肉即食麵，同埋一份仿鮑魚絲火腿通粉🤤🍲🍜 甲餐嘅沙嗲牛肉即食麵係配左火腿奄列同牛油多士，乙餐仿鮑魚絲火腿通粉就配西煎雙蛋同牛油多士😙 沙嗲牛肉都俾得好多，雖然有小小咸，但食落好足沙嗲味😍😍 仿鮑魚絲火腿通粉就正正常常，食落不過不失，啱我鍾意清淡嘅味道😄 兩個餐配嘅多士都烘得好脆👍🏼 配埋杯熱菜蜜同熱奶茶，姐吃的是懷舊的味道啊🤤🤣▪Menu:

又到1月啦.....令人沮喪的peakseason 又到啦.....做嘢都要食飯㗎，今晚又要OT啦， 同幾個同事去公司樓下金記食啦。因為貪佢呢度有我哋細個食開的風味，而且價錢又唔貴，食物質素又OK！ 今日叫左呢個焗牛舌意粉平時去茶餐廳都好小叫意粉，因為好驚會煮到淋晒！ 本人唔鍾意食淋嘅粉。但佢呢個真係做到剛剛好，唔會太淋，又唔會唔熟。雖然要焗，但係上菜都幾快呀！啲蕃茄汁同啲粉嘅比例啱啱好！牛舌又夠淋，焗完之後都仲juicy!分量對我來講就有啲多，不過對男士應該啱啱好。

早上八時半，餐廳好近Times Square，入座時已經有過半食客食早餐。餐廳燈光偏暗👎👎我點左個豬潤米，餐牌話馳名豬潤米，禁就試下啦，睇下同我食開深水埗的維記嘅豬潤米有咩唔同。見到相片，相信大家都估到啦，係———————超伏。完全無味，有薑絲但冇薑味，湯底亦冇豬潤味，完全唔好食👎👎！早之就叫番火腿通😰😰!要食豬潤米真係要去番深水埗先得。另外，個奄列也是薄薄的蛋衣，份量細，食左到喉唔到肺。熱檸茶偏苦，唔清香，唔好飲囉！太失望，一個四十幾蚊的早餐，完全唔值！不推薦！不會再食！

今天下午來到銅鑼灣，想吃點東西再續行程，所以就選了金記冰室。餐廳座位比較小，很容易在桌下踢到同桌。而環境尚算整潔，故得3分。如果選擇到茶餐廳/冰室吃的話，服務也不是重點，因食客也是想快點上菜，快點吃完而已。我們今次點了一碗沙嗲牛肉麵及雞扒配薯條，而餐像方面則選了凍奶茶及凍好立克。沙嗲牛肉麵質素尚可，沒有太大記憶點，用作充飢之用是可以的。再談雞扒配薯條，雞扒太小塊，大小像一隻雞翼，上菜的時候也嚇了一跳，所以對員工說我們點的是雞扒配薯條，而不是雞翼配薯條。但雞扒味道其實是合格，只是略嫌太小塊，性價比低。而薯條質素比麥當勞好一點，但上菜時已經不夠脆，故扣一點分。凍奶茶味道尚可，但茶味比位於灣仔的我杯茶差很多，且入口不夠細滑。而好立克、阿華田、美祿等飲品，最重要是沖調粉份量不要太少，否則就會像喝有點味道的水一樣。而金記的好立克，口味及濃度是一般。

記得第一次食金記我覺得呢間懷舊冰室好高質，我最愛嘅常餐入面嘅公仔麵同埋炒蛋多士都整得好好味！但係最近呢兩次食，我覺得佢質素有下降嘅趨勢😣今次叫咗西多士，賣相已經覺得佢唔會太好食，麵包唔新鮮，好似用咗啲隔夜麵包咁，同埋佢太薄，西多士要用口嘅多時先會好味花生醬略嫌唔夠多，而佢嘅糖膠亦唔係太好味，甜到有啲假😖幸好佢嘅奶茶都keep到水準，希望佢嘅食物質素會有番啲改善啦！

Kam Kee Cafe started as a humble cha chan teng famous for a few items But along the way, it opened branches everywhere! With some having very cute restaurant designs.  This one even has a fake tram in the middle. But also their food became the usual cha chan teng items. Gone is the curry in a bun meal that I had in their original location.Came here for afternoon tea. Menu is in English and  Chinese. There is no 10% service charge. They had a variety of choices and they all come with a drink.I de

這間冰室一入到去就有種好壞舊的感覺，非常特別好靚☺️坐位都舒適既。我地揀了兩個晚餐有包湯同熱飲😋右邊個囍係放沙糖，好懷舊😍柚子密骨 $78這個好有柚子味，有小小甜咁☺️排骨方面就多肉非常好味😋啫啫滑雞煲 $88（佢地d餸都偏多料，雞方面都滑的唔”鞋”唯一一樣係太多骨碎😂）

黎到銅鑼灣返工 當然要走去食下茶記啦 我見幾就腳 近地鐵站就去食了店鋪既裝修好特別 好有港式味道 好特別 我叫份乾炒牛河 都好快上到 午牛河好有鑊氣 味道唔會太差 都算ok 最suprise係佢既茶走 十分香濃 口感好滑好厚 味覺饗宴黎形容都不為過