金記冰室 (霎東街) (已結業)

還有兩個星期就到中秋節了，相信許多人已經在吃月餅。近年的月餅，不但味道破格，而且造型精緻，深受年輕一族歡迎。不過筆者對傳統口味的月餅，始終有份情意結，所以今年也不例外，第一口月餅，繼續以「金記冰室」的低糖雙黃白蓮蓉月 (原價 $298，19/9 前優惠價 $188)  打頭陣。一如過往，今年「金記」的月餅繼續以復古紙盒做包裝，而盒上就用咗嫦娥作封面，並且標榜其月餅乃「香港製造」及「沿用 1967 年配方，選用一級湘蓮，配以精選足油的鹹蛋黃」。盒內共有四個月餅，全部獨立包裝，而且還附有刀叉，方便客人分享，就算用來送禮，亦夠曬體面。拿出一看，餅皮帶焦棕色，切開後皮料非常薄身，叉起吃一口，外皮金黃鬆脆，而以低糖慢火熬成的白蓮蓉，入口亦清甜幼滑，配埋甘香的鹹蛋黃，兩者交融，再呷一口中國茶，簡直係齒頰留香。

今日約左我條佬去時代廣場睇開倉，出發前已搜尋過附近有金記冰室，我對這間冰室一點都不陌生，皆因是我之前在九龍塘上學前的食堂，想不到在銅鑼灣地區也能吃到，太好了!!位置太方便了，就在時代廣場斜對面.完全被這些極具特色的裝修吸引著，正門就是電車車頭，彷彿進入電車中，而地磚更是跟我婆婆家一模一樣的整間餐廳真的充滿懷舊風情，很有心思。牆壁上全是代表香港的圖案，色彩繽紛，也掛上生動有趣的四格漫畫，座椅和屏風也營造得古舊，跟九龍塘的分店是不同的風格☺️我們掛住拍照沒有注意時間，原來午飯時間剛好完結，哈哈!! 之後轉點下午茶，點了西炒飯和日式豬扒炒烏冬。西炒飯炒得粒粒分明，跟日式豬扒炒烏冬同樣鑊氣夠，炒得入味，豬扒肉質軟腍雖然這是下午茶，但份量也不少，非常飽肚

今日同同事過黎呢度食lunch…一點到都要排隊..lunch都幾多人..等左10分鐘左右先有位.. 呢度既裝修好有香港特色..係一個電車既設計..而d餐牌餐具都有懷舊風..除左卡位.中間仲有兩大張圓台..所以望落都幾多位. 我叫左個常餐..有沙嗲牛肉公仔麵.火腿奄列同牛油多士..同出面既常餐差不多..但我略嫌個奄列唔夠滑身..個沙嗲牛肉就幾香..連埋杯熱奶茶..埋單45蚊..係銅鑼灣食既午餐都算抵..

跟朋友逛街突降暴雨于是躲进冰室歇歇脚，亮灯的招牌很显眼，远远的就能看到，下午人流不是很多，没有等位。两人都点了焗饭，味道还是不错的，但在大陆平时吃惯东北米感觉米的口感会有些不一样，冻奶茶的味道不错，但对我来说冻柠茶的味道有些甜过头了。乒乓球拍的菜单很有意思！

我係Malaysian，見到網上好多人share，所以就過來試下。入去到坐低，等咗超過15分鐘都無人來點菜落單。肚好餓，唯有自己行到個waiter面前，同佢講，但係個waiter叫我坐抵等。又等😓😒😑。五分鐘後終於有人來問我想食D嚒嘢。我叫咗一碗咖喱豬趴飯，點知5分鐘之後個waiter又行過來同我講仲未煮飯，所以無飯，叫我揀其他食物。無辦法，我揀咗雪菜雞絲湯米粉HKD35，點知來咗個雪菜雞絲米粉HKD41。 😣我想食湯類啦！結論：浪費了45分鐘係金記冰室，仲食咗唔係自己想食即野！完！

Went for an early breakfast here. I love the old school HK design of this restaurant and there is great seating to dine solo or with a friend. Service was quite good but was very slow (perhaps because I came so close to open). My meal took quite a long time to completely arrive, leaving the pasta quite soaked by the time my drink arrived. Food was underwhelming overall. Don't think I will return for breakfast, but there are a lot of other HK classics to try here.

金記冰室- 一個好普通既冰室名稱，即係就咁聽到你未必會仆到去地方不過行到入去你唔會想坐低住，因為要狂影相啊！！！太激動喇一入到去好似啲拍戲場景咁啲插晝好有70年代風，所以好有懷舊感覺個餐牌！好得意係塊乒乓波拍黎架！睇番餐牌原來有介紹金記冰室既由來原來本身係結業左既。不過有個人好好咁還原佢既裝修幫佢重開。成件事好有人情味唂咕。而家好多茶餐廳都冇得飲。一個好似同過去好緊扣既飲品掛住影相都唔記得左食野咁滯。叫左炸魚火律。都ok. 魚柳好夠熱.另外叫左西多士，其實驚喜就冇乜既。不過佢都炸得幾金黃。個presentation都ok咁啦！食完又影過收銀都玩埋一份

聽人講金記西多好食, 特登去試下.當日香港勁熱成3X度, 諗住入到去可以涼下冷氣, 點知入面同出面差唔多, 見到佢放了幾個風扇既地下, 可能冷氣壞左? 叫左個西多係即炸既, 仲熱, 入面是有花生粒既花生醬. 不過外面炸得唔脆, 感覺入面好多油吸左入去所以麵包好霖好油.  如果你無要求, 咁ok食得落既. 唔難食. 不過當你是用緊你寶貴既quota 食呢D 3 高超脂食物, 你就覺得好唔值. 加上環境好熱坐得好辛苦, 好想快D 食完走. 唔會再去.  

行銅鑼灣行到攰攰哋，喺times square附近見到呢間金記冰室，睇見冰室呢兩個字就入去試，睇吓係咪咁懷舊先。呢間冰室有50年歷史，之前喺筲箕灣，近年搬左黎銅鑼灣，其他地方都有分店。因為啱啱係下午茶時間，所以都幾多人，不過呢過都算幾大，位夠多，唔洗點等就有得坐低。入面裝修以懷舊做主題，牆紙上面都係啲幾十年前嘅廣告，相信80、90後都未聽過，別有一番風味。呢度嘅食物選擇好多，我哋兩個人分別叫左迷你焗豬扒飯同流心西多，味道都唔錯，價錢算係合理。

來到銅鑼灣區，雖然食店林立，但想找一間普通茶記吃個港式常餐都不容易，而金記則是此區僅餘的數間。店內裝修充滿地道香港風，彷70，80年代裝修風格，傳統卡位，乒乓球拍形狀的餐牌等等，令人感覺懷舊，但略嫌昏暗及擠迫。週未下午兩點來到，剛巧是下午茶時間，還好不用等位。食品都好多選擇，有碟頭飯，三文治，常餐及下午茶餐。下午茶餐三數十元起，不太貴。沙爹牛肉蛋麵，牛肉都淋，沙爹味不太重，麵應是用大光麵，整體感覺不過不失。而另一款豬扒餐肉麵，豬肉煎得頗香但偏硬一點，味道還可以的。檸檬茶則茶味不算太濃，普通質素。總的來說，金記的茶餐味道雖然普通，但在旺區可以算是抵食了。

lunch time要等位，不過都很快有位。之前來試過焗豬扒飯同肉醬意粉，一直回味，這次叫了香草焗雞扒飯（居然和焗豬看起來一樣）同咖哩豬扒農夫包。焗雞扒居然好味過焗豬扒飯，雖然配料都差不多咖哩豬扒農夫包好大一份，包切開沾咖喱汁很香，好味過之前試吃深水埗另一間懷舊冰室。

個日同朋友行行下街見肚餓就諗住求其就腳就喺附近搵間餐廳坐底食埋晩飯啦，經過見到呢間野嘅裝潢好似幾特別 用舊式香港玩具做idea 所以就諗住入去試下啦 點知就係咁 就中中地伏。。。我同朋友分別叫左唔同嘅野啦 我自己就食番個最普通黑椒汁雞排飯啦 諗住實冇死！點知就出事啦(下面就係個個飯)本身個飯嚟到之後個賣相都唔錯嘅 睇落都幾足料 同埋塊雞排都幾大，點知試咗第一啖之後 覺得好似有少少唔對路 識落個口好似酸酸地咁 之後再試一試原來係啲黑椒汁有酸味！之後我就問朋友佢哋個飯點 原來佢哋食嘅蒜蓉汁都係有少少酸 所以最後我以為佢個汁本身係咁就撥開曬啲汁繼續食。。。不過其實雞扒同埋塊板嘅味都唔錯嘅，但本人就唔係太啱食...

係Easter假期既第二日奶油包因為有D事要去銅鑼灣做所以就一早出門口落得銅鑼灣又未食早餐而去既地方又係Times Square對面所以奶油包就決定去金記食個早餐先其實金記既早餐同其他地方比較唔見得會平但係講份量同講味道金記真係做得唔錯奶油包要左個早餐甲(因為金記賣懷舊既feeling，當年好多香港人唔識英文，所以用甲乙丙去代替ABC)入面有多士，煎雙旦同火腿通仲有一杯野飲...奶油包要左杯熱咖啡講返個早餐多士好脆...但如果可以多D牛油就好煎雙旦又好香口...太陽旦更是奶油包至愛(其實奶油包好鍾意食旦)而個火腿通真係要推介一下其他地方既火腿通總係個湯有DD出事但金記呢個火腿通反而冇呢個問題而且D通粉又唔會太硬身又唔會煮得太軟身湯底好似有DD雞湯味(講錯左唔好打我)D火腿既份量都唔少最後杯熱咖啡可能係因為用金記既厚身杯關係保溫做得唔錯咖啡香味都幾好但係如果可以少奶就更好奶油包鍾意飲D冇咁甜同奶既咖啡整體嚟講金記既早餐甲幾合奶油包心水但如果個多士可以多D牛油就好

今日公司比平時忙碌,終於抽到少少時間去食返個下午茶平時都好鐘意黎到金記食飯,其一離我公司唔係太遠,吞卜好地方其二食物水準保持得唔錯, 其三懷舊味重, 裝修與食物都係由於在銅鑼灣旺區,人流有時都幾多公司三文治份量充足,材料豐富 價錢適中,新鮮熱辣送到..滿身疲勞既我食完都相當之滿足雞翼簡簡單單既煎雞翼香味十足, 令人食慾大開紅豆冰紅豆與奶比例適中,好有細細個屋企人帶到冰室既味道令人懷念紅豆煮得剛剛好, 吉落易碎..奶味重 

一早出新娘job……完左上半part，當然去食個早餐補充番啲能量。行過霎東街，抬頭見到金記冰室就入左去啦！估唔到裡面裝修咁特別~~~冰室自1967起就已經開業了，原店最初係筲箕灣嘅大排檔，係該區屹立45年，之後加租狂潮下被迫消失，直至早幾年前重開，並有幾間分店。入到去……有架電車車頭，裡面有2-4人嘅卡位，然後側邊兩旁都有餐枱，擺位都算寬敞，唔會太迫，而且裝修、擺設都係懷舊裝飾，整體都幾特別。坐低當然叫嘢食先，menu好特別，係乒乓球拍設計，內裡有不少插圖與冰室歷史簡介，有別於一般茶餐廳menu。另外最得意就係呢個囍字杯，裡面其實係放著砂糖。早餐到啦！！！福麵……係我兒時最愛，精髓在於包味精粉，之後再配份煎雙旦加多士，簡直完美。下次有機會要再去西環店坐一坐。