金記冰室 (已結業)

我又去了朋友家玩貓，時間差不多就去找東西吃，因為這天午餐吃很飽，還有同事請「散水下午茶」，所以我就沒點正餐了，朋友點了下午茶吃的雞脾配沙律，看上去也不錯，我分了一些雞睥吃，雞肉非常入味，又不過鹹，挺好吃。小時候能吃一份西多士已經是一份獎勵，因為媽咪總是說西多士要用太多油，就回味一下過去，來吃邪惡的西多士，熬哄哄送過來，奶油已經半溶化了，為什麼我叫它是邪惡的西多士，因為我會加大量的糖漿的，對的，是不健康的，但西多士一定一定要配糖漿，不是就完全沒有那種風味了。西多士內的花生醬很幼滑，味道又不會太強，我覺得這樣很好了，是我喜歡的樣子。

喜歡食牛油多士、牛油搽麵包、更喜歡是鮮油多士，同客人交收完，少少肚餓，又來到金記冰室，叫了鮮油多士，$14，一上枱，嘩！得半件嘅，睇真啲，原來係半件超厚多士夾住厚切牛油，一咬落去，比平時啲鮮油多更有質感，多士烘得剛好，厚切牛油食落夠邪惡，真的不錯，食完唔夠喉，麻煩再來一客。

藍色線延長左咁耐，都未有機會explore下，今日屎忽癢搭左去西營盤，順便搵下有冇平靚正美食。金記冰室裝修真係好靚好vintage,引唔住吸左我地入去。睇左陣餐牌，伙記話得呢度有鐵板雜扒，所以就叫左個海陸空鐵板餐 $90 有湯有野飲先來個羅宋湯， 諗住佢冇咩特別啦。一飲落去就知好大分別!!呢個唔可以叫羅宋湯，應該叫羅宋濃湯，因為真係好似濃湯咁杰，超足料!!!鐵板上到黎jar jar聲，熱辣辣，正！啲扒多到一塊疊一塊。味道唔錯，雖然味道唔算突出，但勝在夠熱辣辣!!兩條友食完唔係好夠喉，另外點多左個沙律。沙律 $20你一定心諗我係咪玩野，沙律都要介紹。但呢個沙律真心要推，佢唔係就咁沙律醬撈埋一堆，佢仲加左蛋黃醬，超香＆好味!! 下次有機會可以試下沙律餐，嘆下tea，又正又飽肚!

話說我一直都未有機會帶我啲d黎香港既exchange roommate行下香港。今日終於約到佢地，黎搵下香港特色野。近近地就去左西營盤金記冰室，貪佢又就腳又好feel。首先，緊係叫返個至出名既農夫包其實咁岩其中一個roommate生日，順便幫佢慶祝埋~~用農夫包黎做生日蛋糕夠曬難忘啦掛!! 不得不讚係個雞排真係勁厚切，滿足我食肉既慾望。唔講唔知，原來金記都會有新菜出! 出左個臘味套餐，大玩fusion菜，叫左個中西合壁就好似我地呢個飯局咁…個炒飯都幾多臘味，你知啦，平時臘味飯既臘味上碟冇耐就會比人清曬，但呢個炒飯啖啖都有料，食極都有！不過個黑松露去左邊？我唔係好食得出佢個味……D野食對我d roommate黎講都幾surprise,佢地都幾滿意咁話~~

相對平衡，當一直傾向東面，總得轉向西邊，以取中間點。否則，就會落至過分傾斜，至倒塌，七零八落。一面倒的不如意，主因是失衡，由繁忙至輕鬆，由期望至無望。怎樣也好，終得完結，望到家鄉的時候，就要出去食下Comfort Food。香煎西冷牛扒跟薯條　$80　　港式「咋……」一聲，你會想起哪家？港式扒房似乎買少見少，不過這次既然完sem，就算去茶餐廳都要咋咋佢慶祝下。只在晚餐時段下午六點至九點半供應的香港情懷鐵板餐有幾款扒餐可選。便宜幾蚊的阿美利堅雞扒、沙丹豬扒　$72，與牛扒同價的海陸空雜扒餐。醬汁有四款：茄汁、蒜茸汁、黑椒汁及洋蔥汁。另配是日例湯或羅宋湯，檀島咖啡或香滑奶茶，雖說我也不知道為何要寫檀島……　　大件又夠厚身的西冷牛扒攤放於粗薯之上，醬汁另上可以自己斟酌。一下子倒滿蒜茸汁，稠濃醬汁厚厚覆面，頓時傳來「咋……」。隨著絲絲白煙冒起，蒜茸香氣豁然四溢，不嗆，卻香氣逼人。還是覺得太厚重實在，結果要先抹一抹去表面過盛的醬汁才開始吃。牛扒外香帶焦，切下的時候能感受到紥實的肉質纖維。牛味不腥臊，也沒有惹人厭的雪味，不過略為韌身，亦稍乾了點。粗薯條留餘輕微脆香，沾著鹹香惹味的蒜茸醬同食就更涮嘴

去西環開完會，朋友揸車話車我去一間好食嘅茶餐廳食飯，原來佢車我西營盤金記，我話呢度係我嘅飯堂，一入去侍應安排了卡位，還介紹了冬日精選，黑松露臘味炒飯($78)，送羅宋湯/中湯，凍飲加$3。點了羅宋湯，此處羅宋湯非常足料，與其他普通餐廳的不同，好飲好多。黑松露臘味炒飯，好香黑松露味，飯炒得粒粒分明，除臘味夠入味外，仲有蛋、青瓜、肉粒等，可能有青瓜關係，所以無咁油膩，整體幾好食。飲品當然繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」($18)，我當然唔怕死，呢杯飲料夠凍夠茶味，合格。

係帶exchange同學體驗香港風情既好選擇！整個裝修雖然好新，但好刻意地恢復當日的感覺一人叫左杯野飲，個杯已經好有心意地印晒老香港既景色上去，外藉同學好興奮。我自己叫左杯唂咕，好足料lol多粉到有啲濃，但個味真係超實在！最後不得不再強調一次，這是一個帶外藉朋友來吹水的好地方。

聽聞金記呢間茶記好似好好味！結果又慕名而來試下佢有幾勁！一去到餐廳門面沒有那麼大不了，只是餐廳而且！點知一入到去感覺好old school之餘，仲要好衛生，比人感覺好乾淨嘅感覺！一去到，點會小得叫杯野飲呀！呢度竟然有我細細個最鐘意飲嘅唂咕！唂咕夠竟係咩味？唂咕有d似朱古力咁嘅味，但又冇朱古力咁濃！大家又知唔知唂咕已經唔係度度地方有得飲喇！所以大家可以一試！因為只是3個朋友仔小聚餐，所以叫了少少食！呢雞髀拼沙律～個沙律勁好味！3個女仔都好鐘意添，雞髀一切勁多肉汁流出黎！雖然出面四圍都有得食，但呢個係真心推介！正！再黎馬來咖喱豬扒農夫一口飽，呢度個咖喱汁好出色~~味道剛剛好！個賣相都已經引死人了,包包的皮仲脆添 YUMMY由於本人唔食牛肉，所以冇叫牛腩朋友話牛腩個個仲好味！女人唔少得嘅甜品~~呢個西多士好足才料架,外脆內醬厚!!!而且仲係即叫即整添咁多個人食大約都係幾十蚊,咁嘅價錢食到地道野都算唔錯下次會再去試下其他野!

記得上次係灣仔食過金記, 今次因為朋友就住在附近, 佢又帶我去食金記先知西營盤都有一間。今次朋友介紹, 豬潤通粉!!!我本身係好少食豬潤, 怕豬臊味, 金記落左少少薑絲去去豬臊味, 味道好好多, 而且質地爽脆, 我真係可以食得晒啊!!!!!!!港式下午茶當然要order個西多士啦~~~熱騰騰的上台, 塊牛油已經溶可以塗抹了, 我切開12塊, 內有滿滿的花生醬, 咁先夠足料架嘛!!!!! 食得我好滿足呀!!!!!「和尚跳海」上次就已經飲過, 不過上次係落糖似腐竹蛋糖水既味, 今次就落鹽就真的似返配鹽點!!所以我建議大家落鹽會更好!!!!

西營盤金記冰室：傳統與新奇好味同在去西營盤裝一回大學生是的，茶記同冰室都是香港獨特的味道去到西營盤，就會看到雙門入口的金記冰室想入去食飯，就是因為「冰室」二字此家與灣仔的不同主打大學生客，也有街坊客最愛的是金記熱辣辣的羅宋湯香濃香濃好香濃味道與色彩都滿分不可不飲今次試了西冷牛扒又是煙霧滋滋響的美味6成熟的扒扒肉質厚嫩出眾蒜香味出色好味道！金記奶茶的香滑試過才知道一小匙糖已足夠有能力走糖者更可試到茶香味濃不錯！咖哩牛腩農夫包內涵與外表同在咖哩牛腩好入味其中的薯仔與包包的內在一樣沾滿了咖哩鹹香是日見到有人慶生更可以玩一個「生日農夫包」大學生果然有創意傳統與新奇好味同在西營盤金記！我記住你！ 

再食我的飯堂。西環金記冰室西環呢一區呢幾個月嘅變遷好大，開咗好多唔同類型嘅餐廳，但係呢有一間餐廳真係百吃不厭，成為我飯堂，經常同朋友推介嘅金記冰室是日晚餐媽咪有啲唔舒服，所以我又要落街食，要行兩條街先去到金記冰室，雖然話好肚餓，但係我都係會無視中間行過嘅餐廳。因為目標只有一個就係咖喱牛腩農夫包！坐低二話不說，先叫個農夫包，質素依然有保證！咖喱味香濃配有煮得夠腍嘅嘅牛腩。仲有薯仔，當然唔少得嘅就係焗到脆卜卜嘅農夫包啦！分量keep 到咁大份！味道依舊令人回味！正！平時一個咖喱農夫包已經將我K.O.，好彩今次同馬哥一齊你可以試吓其他嘢啦！今次就叫咗公司三文治。公司三文治嘅起源係邊度我就唔知。但係呢香港食公司三文治最緊要係咩呢？就係夠多料啦！雞蛋，番茄，芝士，午餐肉，火腿生菜等等一應俱全，只要公司三文治嘅特色就係佢冇Standard，真係隨廚師鍾意擺咩就買咩啦！三文治嘅料好新鮮尤其是係啲菜，另外呢包皮看底都看得剛剛好，唔會上枱腍左架！佢開咗咁耐我就捧我場咁耐都現在都仲未搵到一樣野係中伏喎！所以一間茶餐廳最緊要就係keep到水準！

好多時候D人都講『舊既唔去，新既唔嚟』但繼我話...『新不如舊』才是王道講既係咩？咪就係茶餐廳囉~係香港....一行出街就見到一間又一間既茶餐廳但係大家又知唔知茶餐廳係點嚟？茶餐廳是一種起源於香港的食肆，提供港式西餐及部分中式食品，是香港平民化的飲食場所。茶餐廳的前身是冰室。早年香港只有餐室提供西式食物，收費昂貴。第二次世界大戰後，香港人受西式飲食風俗影響日甚，冰室開始提供廉價的仿西式食物。冰室當時主要提供咖啡、奶茶、紅豆冰、三文治、多士等，部分設有麵包工場，生產菠蘿包、蛋撻等。冰室提供的食品種類逐漸增加，開始結合西菜館和餐室的模式，演變成為今天的茶餐廳，提供簡易中國菜及歐美食物，較大規模的會供應晚飯小菜。講左一大堆野...係咪有D悶呢？入正題先啦....介紹一下『金記冰室』金記冰室原店位於筲箕灣1967年創立但係2012年尾因加租壓力被迫結業之後品牌被重新包裝及保育係西環重新開業奶油包住係香港島東區超過20年舊既『金記』都去過而家有新既『金記冰室』當然想試試啦就你一個Happy Friday既晚上同左多年老死去"重溫味道"入到去見到個裝糖既兜兜已經覺得好正好懷舊FEEL(PS. 好似

係西營盤找不到吃什麼，都會來金記的，因為喜歡它有傳統冰室的味道。每次來，都要點這個羅宋湯，因為這是我的最愛⋯⋯香濃的茄膏味，加上材料十足，十分美味！食物方面，今次點了西多士。西多熱辣辣，上來時牛油已經半溶了，牛油開始滲入 麵包中，再加上糖漿⋯⋯這便是西多的味道，帶點牛油的鹹香同糖漿的甜味，加上熱辣辣，十分邪惡但美味的食物！另一食物是雞脾沙律。沙律份量都算多，入面有 蘋果、梨、生菜、番茄等新鮮蔬果，加工食物不多！不過對於我來說沙律醬多了一點，不過朋友說OK，始終每人口味不同呀！難得是雞脾經過滷水再炸，肉帶有滷水味同時十分嫩滑，外皮經油炸十分香口。味道是我喜歡的！最後來多了一份雞翼。雞翼同樣經過滷水再炸，味道同雞脾一樣，但肉質比雞脾更滑同滷水味更加入味！

住在筲箕灣二十多載，變化當然大，自己也在漸漸變老，環境怎可能不變。雖然搬過了兩次家，總離不開西灣河筲箕灣這一帶，回憶洩滿了在這片土地上。漸漸地人會知道，所有東西都不可以稱之為擁有，所有東西都只能陪你一段短時日，就算是你買回來的也是。反正我們什麼都帶不走。連記憶也是借回來還給奈何橋的東西。金記冰室在筲箕灣道的日子，像是我孩提時已經落下的印象。一份常餐，養過了我的脾胃多年，中學後連待在港島的時間也是甚少，她就慢慢在我心頭裹濛糊，再消失，直到無聲逝去，也是隨之的一聲嘆息。人會變，地方會變，沒有什麼東西屬於永恆，除了時間本身。精神書局西環店的結業，讓我走到了西營盤支持一下，待過了一個小時左右，捧着幾本舊書離去，心滿意足。書店好在，你喜愛的那一本書，總不會太過昂貴，書好在，它的頁面多殘舊，內容卻不失一字。待會兒的電車派對多半不會有什麼好東西吃，便在西營盤閒晃起來找些小吃，卻驚見金記冰室的店舖。左右兩間店舖掛上一樣的招牌，隨便走進去，地板還是依舊的白綠間磚，卡位依然是淡綠坐死人不償命的硬皮座，除了燈飾變了，一切幾乎依舊和我印象中的無差。餐牌比起一張過膠紙，換成了一個乒乓球板，夥計放上枱時我還一度以

記得之前看過一篇報導...懷舊、傳統的店舖, 經得起時間的考驗, 但敵不過昂貴租金。雖然筲箕灣老店在2012年已經結業, 錯過了一試筲箕灣金記, 但幸運的是有機會一試西環店的金記冰室。接觸了解舊香港, 不是由博物館中學習, 而是日常生活中點點滴滴地累積而來。店內有不少的懷舊圖片、報導, 店方好細心, 將2012年的報導保留下來, 真是介紹金記的好方法。10月正是Halloween的月份, 不知是巧合或是故意呢, 我的紅豆冰用青綠色的杯盛著, 很有萬聖節的氣氛!好啦, 是我想多吧(?) 其他食客的杯不是綠色的紅豆的份量足夠且軟淋, 亦有椰奶的味道, 很香。味道上已不錯, 甜絲絲的紅豆入口, 真是下午茶必點!食物點了西多士, 又是一經典的香港食美, 牛油在熱哄哄的西多下溶得很快呢, 相信是整點整做吧, 這是快餐店難以做到。西多士很香口, 但始終是油炸, 吃上一整份真的有點膩, 和朋友Share就剛好了!朋友愛健康, 點叫雞腿沙律, 沙律的份量不少, 有不同的蔬果: 蘋果、梨、生菜、番茄...我特別喜歡生菜, 有沙律醬和水果味道下, 顯得更清新好吃! 雞腿肉很滑, 皮亦很香, 我分吃了不少呢