金記冰室 (已搬遷) 新店位置

閏五月十三•雷雨 跟朋友約了交收，本來沒有打算在這裡吃，但忽然下著連天大雨，舉步為艱，就閃了進來，避雨兼吃午飯。 這是舊式茶記格局，看那直角卡位，頭頂的轉轉扇，及餐紙上的還是六位數字電話，就知有番咁上下歷史。這裡供應的食物不太多，都是多士麵包，及各式粉麵等等。有茶餐及甲餐、乙餐，就要了其中兩款。 甲餐是煎蛋多士及火腿通粉，蛋煎得好，是靚仔的反蛋。多士烘得脆口，塗上牛油，也好吃。通粉就淥得很稔身，不過在這等茶記，意粉通粉也大都是淥定等放湯，所以浸多兩浸，自然稔上加稔。 奶茶咖啡俱不錯，有茶記水準的。 吃完食物，雨還未停，唯有再坐一會。埋單44蚊，經濟抵食的。

What gives you the motivation to get up early on the weekend, when you have no workout/ training schedule to follow, or anything planned at all? Those who get up early enough to get their "1st worms" during the week may prefer sleeping in, indulge in a decadent brunch at mid-day (sipping champagne). Then there are those on the look out for things we don't have the pleasure to have during the week -- the leisure to sit down at have breakfast. We grab a toast in a hurry, pack our cereal, or drink

星期一中午又到朋友屋企玩, 去左醫肚先當天想食d 午餐常餐之類既野, 不奇然就會諗起冰室.一提到冰室就會諗起一碗粉一份蛋同埋一個餐包再加一杯飲品但埋單都不需$30朋友一OR mobile就見到哩間. 而且我對哩間野都有d 印象. 似乎劣評不多.朋友帶路. 由筲箕灣站行去, 都唔近喎. 都行左成3,4個街口再轉入條巷仔先到.晏晝時間入面都滿座. 但等了不到3分鐘就有位.我平時習慣係唔坐卡位入面o個個位. 因為成日覺得埋邊個地下好烏糟, 例如有d 前人留下既食物渣滓, 牙簽等. 但我今次就坐左, 因為望過都冇事. 唔好睇哩度咁舊式以為唔企理, 都幾乾淨. 只係有隻甲蟲仔o係我用餐時在台上爬黎爬去.餐牌簡單, 但不易明.甲餐"甲"字看來似"早"餐. 是全日供應既麥皮!?另外的餐配既都係火腿通粉, 原來仲有腸仔唔駛加錢. 沙牛就要加$3而乙餐只係配殗列但係冇餐包. 茶餐係雙蛋但配半片方包, 但佢冇寫到o係度.我自覺得食哩d 餐冇片多士係唔成事. 所以叫左個茶餐加$0.5 轉多士. 而我都係等d 野黎左先知多士原來得半塊, 咁另外半塊去左邊呢!?但係多士印象中烘得不錯. 只係牛油唔夠溶同唔夠牛油

之前係openrice睇到d食評唔錯所以同父母一齊去食早餐入到去,,懷舊氣氛非常濃厚好似返左去六七十年代咁但同時都幾dirty= ="我叫左個常餐,,呀爸呀媽叫左火腿奄列+火腿通粉奄列好咸同好油= ="通粉都有小小過咸但係個煎蛋煎得好靚而牛油三文治不會太多牛油但係呢度d奶茶真係好好飲~不過呢度間唔中黎一次懷下舊就夠= =+

得悉颱風越來越遠，我和老公便乘車往金記冰室。此冰室位置隱蔽，若不留神，便會錯過。來到此店，店裹已坐滿八成人客。我和老公點了一個茶餐、一個乙餐和油沾多，味道如下：火腿奄烈：蛋抄得唔太老，有少許蛋汁，最重要是有蛋味，不是蛋槳。火腿通粉：味道ok，通粉煮得夠淋。牛油麵包煎雙蛋：麵包很少牛油，沒多大味道。雙蛋煎得不過不失。牛肉通粉：本是火腿通粉，但老公改了牛肉。牛肉味道很好，至於通粉則夠淋,我老公好鍾意。油沾多：麵包本身夠軟，可惜在厨房放得耐咗，故唔夠熱令牛油融化，影響味道。熱奶茶：奶茶多奶但沒有茶香味，普通而已。總括來說，只是一間普普通通，並且沒有炒粉面及飯類供應的舊式茶餐廳而已。

懷舊冰室, 叫了兩個茶餐, 要牛通同埋火腿奄列，d牛肉ok......., 奄列唔錯，通粉腍腍的跟住杯奶茶，色香味道不俗但衛生的情況就麻麻....d地方好污joe下, 收銀係古老太太, 態度樣衰衰共

筲箕灣的金記, 可以話係古董 - 裝修古老, 擺設古老, 收銀太太古老....未食野已經可以感受到以前香港地的飲食文化氛圍, 一定別有風味.阿細鍾意黎呢度食早餐, 因為好食之餘又好特別, 同埋佢有鮮牛通食, 唔係間間冰室都有ga.我地order左兩個早餐, 都係要牛通同埋火腿奄列. 個牛通多左少少油, 不過d牛肉的確好新鮮. 個奄列係半熟ga, 即係仲會有d蛋汁漏出黎ga, 個人黎講非常鍾意呢種食法, 最怕d太老的奄列.我飲凍奶茶, 阿細飲茶走. 兩杯都好香茶味, 而奶的比例加得唔錯, 真係好想飲多杯先走. 最後加左個奶油多, 一樣好食.呢d咁懷舊的冰室所餘冇幾, 大家真係要好好珍惜佢當中的味道. 有機會不妨過黎試下, 包你會好有感受.

金記都是近半年先發現的，有一次try 下咁就完全愛上了．好味的有熱奶茶，真的由小到大飲過了很多間食肆的奶苶，金記的奶茶一上時是淡淡的橙色，外間的全都是比較深顏色的，而且最好的地方是杯底都好熱，小第想過，凍的奶茶是比較難飲出茶味的，有一次等了很久熱奶茶仲未上，先知道啱啱的茶仲哂，要煲過的水，再換的茶，見他再拉多次，就知道今次的等是值得的．慢慢的飲，真是飲得出有好先重的茶味，好正．我點的多數都是茶餐， 轉牛肉意粉，炒蛋加烘多士，的牛肉真是好諗，加少少的胡椒粉，真是perfect.炒蛋都是好滑，拍得住所謂的〔佐敦澳洲牛奶公司〕，其實咁的價錢就有咁好的quality, 唔是咁明同樣的茶餐在澳洲牛奶公司就可以成＄30......又唔是話特別好味．最唔好的地方就有蟑螂，要小心的呀．衛生的情況就唔是咁理想啦．

食佢o的湯麵同新式茶餐廳唔同由其係煎牛好味!每次都一定要食炸雞翼都炸得好好食,最緊要杯奶茶有舊茶餐廳既風味

29Sep2007 0856住係附近幾年都唔知有間正野，真係羞恥。臨行山前，在這裡食個早餐，好簡單的叫個奶醬多及一杯凍咖啡，包烘得脆而不濃但論鬆化就還差少少，凍啡用啡杯碟墊底，味道同其他地下，比上不足，比下有餘。埋單過去搭叮叮。

我今次去到係因為一個網頁介紹過所以我又去試下,又加上呢間野係我屋企個頭,同埋我個人幾鐘意冰室呢d地方,夠古老feel..雖然我個人又唔係咁老,但係唔知點樣好鐘意,都係好d入正題火腿通粉 - 通粉夠味通粉夠林,林得黎唔係難個隻炒蛋多士 - 加左5毛字轉左多士好味,slim一點好神奇,佢meet開出來查牛油入去,炒蛋好味蛋黃有小小未熟所以好味凍奶茶 - 好濃茶味啊呢到係收五點幾所以夜晚無得食...如果夜晚都有就好啦...有時食個常餐當係晚餐嫁嗎

基本上係鐘意懷舊冰室，都一定要試下金記，我自己就係由細食到大。呢間鋪頭係我阿媽十零歲開始食，食到而家，餐牌內容從來都唔變，以三個餐為主打，亦可以配搭腸仔，牛肉，火腿，通粉／意粉．．．另外佢ｇｅ公仔麵／米粉係唔錯，價錢絕對ｆａｉｒ。星期六日一定排哂隊，因為筲箕灣實在冇咩好野食，同埋香港人晏起身，冇理由早餐食飯，所以食金記ｇｅ餐就最好喇　　不過始終忙係會影響質素，所以我會平日去食！

17/5(六) 3pm沿著筲箕灣道,找到了此家經年華洗禮的老冰室-金記.幾十年來的韻味,不修邊幅,手寫餐牌估計乃開業沿用至今.我倆坐於中央的圓桌,嚐了牛腩米$19及茶走$11.品評腩米;呷口湯,湯頭帶點沙爹味;而牛腩有點碎濕濕,入口是前所未有的嫩滑,是異常的嫩!唯牛味非極濃.此外幼身米粉尚算爽滑;男友手起叉落兩下子了結了它!至於茶走入口欠缺茶香,質地略稠,奶份似乎濃重了!看待這些別具價值的老店,總不忍過於苛刻;皆因古董是愈舊愈可愛的呢!

上星期食完後, 4/5星期日下午三時又再黎幫襯, 都係我起身後o既第一餐, 哈! 今次同男朋友及佢媽媽一齊食, 因為事緣係佢媽媽o係佢細細個果陣帶佢黎食過. 今次坐中間圓檯, 風口位吹到人都癲, 好彩卡位有人走, 今次我地叫了三個乙餐$21, 全部都加五毫子轉左牛肉通, 今次個湯冇忌廉, 係好清o既湯, 牛肉好腍, 滑身的, 我諗都(也母)到冇乜味. 火腿奄列都好味. 今次我飲熱奶茶, 好濃好香, 正! 亦都叫左鮮油占多. 勁搞笑阿姐黎左碟鮮油多, 我地同佢講返, 佢唔串但就話:"聽漏左得唔得呀?" 我地咪話得, 而家加返d占咯, 哈哈. 伙記全部上左年紀, 成日傳左野就難免, 食到一半見到一隻中型小強好努力咁向上爬, 我唯有默默幫佢打氣希望佢爬高d唔好差錯腳跌返落黎, 價錢禁平自然要求都低d

4/27下午四時, 黎個早餐A, 亦即係金記O既茶餐$21, 火腿通+煎雙蛋+牛油麵包+熱華田. 另外男朋友叫左乙餐$21, 即係火腿奄列+火腿通+熱華田. 佢O既炒蛋好滑, 牛油麵包都好香, 雖然整體好油, 但真係好味. 另外有久違了的腍通粉, 湯係開唔溶的忌廉, 絕配.唔夠飽再加多個蛋牛治$10, 麻麻地, 下次要飲奶茶歎占多.環境懷舊+老伙記, 真係好似回到以前咁. 佢張梳化會比後面果個影響到O家, 後面一郁你就郁.