金記冰室 (已搬遷) 新店位置

上星期食完後, 4/5星期日下午三時又再黎幫襯, 都係我起身後o既第一餐, 哈! 今次同男朋友及佢媽媽一齊食, 因為事緣係佢媽媽o係佢細細個果陣帶佢黎食過. 今次坐中間圓檯, 風口位吹到人都癲, 好彩卡位有人走, 今次我地叫了三個乙餐$21, 全部都加五毫子轉左牛肉通, 今次個湯冇忌廉, 係好清o既湯, 牛肉好腍, 滑身的, 我諗都(也母)到冇乜味. 火腿奄列都好味. 今次我飲熱奶茶, 好濃好香, 正! 亦都叫左鮮油占多. 勁搞笑阿姐黎左碟鮮油多, 我地同佢講返, 佢唔串但就話:"聽漏左得唔得呀?" 我地咪話得, 而家加返d占咯, 哈哈. 伙記全部上左年紀, 成日傳左野就難免, 食到一半見到一隻中型小強好努力咁向上爬, 我唯有默默幫佢打氣希望佢爬高d唔好差錯腳跌返落黎, 價錢禁平自然要求都低d