金西南米線

營業中

休息中

由細食到大既小店，身為酸辣麻辣米線愛好者既我，咁講連血都留住米線嘅基因，金西南呢間米線由細食到大由舊店喺白沙道適度新店登龍街隨時都成10年有多都係咁好食。酸辣湯底夠晒味，🍄牛肝菌必食招牌，牛肝菌夠滑大大塊，唔係到到都可以搵到牛肝菌👍👍👍招牌腩肉🐷嘅口感一流，少少肥肉唔會太鞋入哂味，仲要夠晒啦淋。墨魚頭🐙夠晒鮮，係文輝墨魚丸招牌墨魚頭嘅質素，彈牙可口。每次去食都好難簡食咩餸，仲有蘿蔔🥕、冬菇🍄、松茸🍄、魚腐🐠、燕肉餃🥟等等⋯⋯2:30仲有下午茶免費放飲品，記住識簡一定簡頭漿🤭

⭐️金西南米線⭐️銅鑼灣⭐️米線⭐️好想食米線，黃店米線選擇都唔少，但今次就係想試試好耐之前食過嘅金西南～我一個就揀左撈熱米線，有花生、酸菜、辣肉燥，同埋有少少甜豉油撈一撈～配料我加左招牌豬大腸，同埋竹笙，爽爽！我就好中意甜豉油同肉燥混合後令米線更有口感同質感！男友就揀左爆漿鯊魚丸芝心丸酸辣米線～中辣辣得好過癮！一咬鯊魚丸就爆到全身都係汁～好滿足！酸辣米線亦都比較刺激～調味真係好足！金西南米線 網址: https://s.openrice.com/QrbS00BW100~uZ5MGAA地址: 銅鑼灣登龍街41-51號金龍大厦地下D舖電話: 26825668=====================#黃色經濟圈 #銅鑼灣黃店 #銅鑼灣美食 #米線關注組 #米線 #米線控 #mixian #kazyycwb #kazyyhki #kazyynoodles #kazyyhkfood #登龍街 #登龍街美食

放工收夜好肚餓，見到呢間米線好多人食，就入去試下，坐係出餐位，啲用具都好有歷史下，見到個廚房都唔開胃，超污糟，疫情期間又唔帶口罩，食食下聽到裡面有人打乞嗤，嗰下真係頂左出嚟，望下附近部豆漿機好似無清潔過咁，有水垢跡，好彩無叫黎飲。食食下有個樓面阿叔係到整地墊，整嘅途中整到我隻腳兩次，唔好意思都無，又翻黎翻去，啲塵就飛黎飛去，仲要整完求其搵水沖下隻手，就抹落條褲度，繼續拎啲碗呀，執枱咁碗米線啲餸少到呢，肚餓都無晒胃口，唔會再食！衛生程度真係🤮🤮

舖頭環境好噏耷 😅😅😅 地氈非常污糟，似使用多年，而沒有洗過。部分台加左紙皮，想有卡位效果，但並不牢固，客人入座可能會「發」到後面台 😅 裝修真的太差了，可能係我在香港食過數一數二差 💔.米線方面，叫左腩肉米線（$37），真的很多油，撇左半飯碗油出黎 😟 味道就正正常常，同街邊任何一間小鍋米線，都差不多。豆漿口感不錯，不過就沒有豆味 😮.總括而言，呢間真係吹大太 😅 明明只係附近打工仔糧尾食平lunch地方，吹到話係米線名店。味道普通，環境太差，絕不推薦 💔

⛈收工同男朋友喺登龍街入左來食米線🍜味道就唔多講~都係一般唔係特別好食到差唔多食到尾聲嘅時候⚠️留意返! 係差唔多, 即係未食哂。BF突然唔小心將成杯凍飲🫗打瀉左, 之後個侍應就幫我地轉枱, 再搬返啲嘢過去新枱👉🏻問題就來啦男朋友碗嘢冇搬到過來, 個阿姐仲好大聲咁話: 張紙巾掉左落去咼! 根本唔係我BF掉落去, 佢係未食完然後個阿姐係完全冇意識要走過來道歉或者處理返, 照企喺廚房門口㩒電話嬲到我拿拿淋飲埋杯嘢就埋單走, 都唔想再坐喺度冬菇頭有口音, 好瘦個阿姐態度超差❗️不可一 不可再🙅🏼‍♀️唔會再有下一次來食

Ouiii。WeeeEat - 米線粉。金西南🍜🌝Lunch身為米線粉既我一直都好想試金西南米線😋，終於比我試到啦😍👱🏼‍♀️冬菇菜肉雲吞小窩米線+ 鯊魚丸 $51開頭以為冬菇係雲吞既其中一個涵， 但黎到先發現係冬菇+菜肉雲吞兩樣餸黎😂～冬菇我本身麻麻地🫣，菜肉雲吞好足涵，不過個皮食落比較粉同好易散🥺最期待想試既牛肝菌竟然賣哂😭 轉左試醬爆鯊魚丸，幾特別～米線質感好煙韌，份量亦都幾多😍！個湯底唔似連鎖店譚仔個種， 而係比較似雲貴香個type! 食落好開胃，不過我prefer 再酸d 🍜整體黎講都唔錯，尤其係佢地既服務態度勁好，老板勁細心同勁有禮貌😊！價錢係呢區黎講絕對係抵食之選😚～

為什麼要特登過海到來🌊購買米線回家呢？因為金西南米線真的給予我非常獨特的味道！麻辣小鍋米線，辣的程度不會太麻或太辣❤️‍🔥而且米線份量我覺得剛剛好，軟硬度適中！除了譚仔三哥，金西南米線是我最喜愛的選擇另外服務員的態度也非常之良好有耐心地解答我對餸菜的疑問～即使是外賣，也沒有急急忙忙地下單反而極有耐心地為我選擇最好的餸菜配搭🍽真的非常期望金西南米線能夠開設分店呢😝在新界有分店，我大概應該會更加常吃吧！

今日同一位老朋友同大家嘅老公出咗港島行山。每次行完山都好想食碗熱騰騰嘅米線。由於唔想食啲大路餐廳，於是上網睇吓有無啲人氣小店，發現好多人都推介金西南米線。好！出發！餐廳嘅門面同裝修都好平民化（即係⋯有啲殘舊😅）。正！我最鍾意哩啲咁down to earth嘅舖頭🥳。叫咗個雲南小鍋米線🍜（中辣$29），加腩肉($8)、豬大腸($8)同牛肝菌($8)。係，你無睇錯，係牛·肝·菌！咁特別嘅選擇就梗係要叫嚟試吓啦！米線份量適中，軟硬適中，煮得啱啱好。但湯底有少少🤏🏽失望，略嫌比夠清淡及欠層次，辣味唔夠香，亦未能融入湯底內，酸味亦欠缺。腩肉比較嚡口同硬，如果可以半肥瘦會香啲。豬大腸就唔錯，好香口同淋，食落唔會靭。牛肝菌味道好新奇特別，最初諗住係好似西餐嘅味道，點都無諗過會係醃製帶酸辣味的，口感好滑好軟身，哩個配菜我俾爆趣！值得一試！註：下午茶有飲品送🥤

▪️冬菇菜肉雲吞小鍋米線👍🏻菜肉雲吞皮唔厚，而且肉唔會話得好少，冬菇正正常常。湯底好味，冬天飲一啖熱辣辣嘅酸辣湯底🤤🤤👍🏻▪️涼拌米線(雞翼，豬潤）👍🏻配料都幾豐富，有酸菜，花生，炸醬，酸酸地幾開胃，米線份量適中。👎🏻雞翼有少少凍，同埋好硬(見圖3)，醬汁偏淡味。下次嚟可能會再食小鍋米線🤤

🔺冬菇菜肉雲吞小鍋米線呢個小鍋米線係酸辣湯底嚟，咁我就叫咗小辣，飲落唔會話太重口味/太酸，好易入口！個人認為，成碗米線最正嘅地方係米線嘅口感，非常煙韌，比其他米線有咬口，唔會話太淋或者太硬！配料方面，冬菇就有4粒，大小適中，每粒都吸曬個酸辣湯底！而且好重菇味，最大嘅加分位係一啲都唔韌，好味。不過，雲吞就得2粒，啲餡料(菜肉雲吞嘅關鍵！)就不過不失啦。另外，值得讚嘅係，碗米線嘅酸菜同芽菜落得好多，基本上每一啖湯都一定會食到佢哋！

🍜金牌腩肉小鍋米線 ($37)同朋友一樣都唔係太肚餓，決定晚餐去食啲輕食，叫咗每人各一碗金牌腩肉小鍋米線～雖然得腩肉一餸，但係都好豐富，因為湯底有大量芽菜、肉碎、酸菜伴住食，係足料嘅，只不過碗米線啱啱上枱就叫我哋快啲食，未食晒店員已經叫人埋單，感覺唔係幾好🤢(明明出面冇人等位又仲有兩個鐘先閂門，唔知點解要咁急趕客人走)其實可以喺銅鑼灣用呢個價錢食到碗米線真係難得，不過服務就有待改善💪🏻

叫咗個金腩肉小鍋米線 幾好食不過唔係話好特別 叫腩肉會有多少少汁整體既湯底會好食啲野味啲 如果就咁小鍋米線無叫腩肉個湯好清唔係幾好食 腩肉幾juicy好食 碗米線仲有好多芫荽 如果鍾意食芫荽可以一試

.📍金西南米線📍 #饅頭去銅鑼灣 #饅頭食中式菜小編曾經係個嗜辣嘅人，但係自從要戒口之後就好少再食辣，而家嘅受辣程度亦退步咗，不過喺健康嘅角度嚟講係好事。------------------------------1️⃣雲南過橋米線 加豬肚 多米 ($55 + $7)呢碗係小編同友人分享嘅。湯底我地就嗌咗麻小辣，橙紅色咁幾吸引🤤，飲得出係有嚟自辣椒油嘅少許辣味，又唔會太油太嗆鼻，不過麻感就冇乜😥，而且味精少許偏重，食落有啲鹹，但可以接受；湯底啖啖嘅薑蔥味，同麻辣都幾夾😋。價錢除翻開睇落好抵食，但其實佢麵量唔多，米線質感未到到好淋，有少少彈牙嘅，我比佢合格；米線亦幾掛湯，每一啖都有少許香辣🤪。餸就有豬大腸、腩肉、豬肚、火腿同腐竹。大腸淋淋地有嚼口，而且冇咩異味，同麻辣係絕配😍，可惜佢比嘅油脂部份偏多，我比較鐘意更有嚼口嘅直腸部位；豬肚煮得偏淋🧐，個人覺得唔夠爽口，但友人幾滿意；火腿同腐竹就普通嘢冇咩好講，腐竹幾有咬口；腩肉就有驚喜💯，油脂分佈均勻，煮得夠淋，唔會淡而無味又乾柴。整體嚟講，建議大家唔好expect佢好好食，但都唔會伏，如果路過，又唔想食連鎖店嘅嘢可以一試。-----------

我真係好鍾意食米線，日日食都得😂😂。尤其係酸酸辣辣嗰D味仲喜歡。呢間金西南米線成日經過見到，但從來都未試過，因為望落好似坐得唔太舒服😅。今日因為附近都好full，又好想食米線，一於試下呢度啦😚。入到黎真係感覺唔太好，坐就一定係唔舒服架啦，但仲要係好污糟。好想快D離開😂。不過如果D米線係好食既，有時環境係唔太重要既，只可惜呢度既米線真係唔啱我口味😅。order左墨魚頭豬大腸小鍋米線 $43，湯底唔係一般雲字頭嗰款好濃既味道，反而呢度係得個辣油既感覺🥺，好厚既一層油浮喺面頭，食落有啲涸喉，湯底好奇怪又唔太有味道，D餸都係唔好食，墨魚頭好韌又無味，連豬大腸都唔得😶，好似食緊橡筋咁😅。我自問都係一個重口味既人，但呢度都唔係我杯茶，唔會選擇再黎😅。

有時會去開銅鑼灣做野，港島區食野一向都唔平，由於我係長崎良美，去親銅鑼灣都會發挖下有咩平價餐廳。有朋友推薦我試試金西南米線，我都食過幾次。呢間米線鋪地方細細，飯點時間都係要搭檯，不過好在侍應會係中間放屏風。由於兩點鐘之後係下午茶時間，有野飲送，通常我都係揀豆漿，味道正常。我揀左小鍋米線，利申唔係好食得辣，湯底就揀左清湯多酸，因為食過幾次微辣，一係就岩岩好，一係就辣到食唔到，辣度唔係好穩定。餸就揀左松茸同竹笙，松茸本身係有輕微辣味，所以配埋清湯岩岩好，口感滑滑爽爽，而竹笙都爽脆吸湯。總括嚟講，味道唔算驚為天人，但43蚊仲有野飲送，係銅鑼灣算係非常抵食。