金西南米線

營業中

休息中

番工成日食既呢間米線 未試過堂食 每次都叫外賣自取原因價錢好平今次叫外賣2個餸$46 🥢鯊魚丸，蘿白小鍋米線 （小辣）湯底有芽菜，酸菜，肉燥，蔥，芫茜算係比較無甘濃味 辣味幾出米線硬度適中 打電話去叫外賣 落到去即刻有得拎 五分鐘左右六點前叫仲會送一杯熱飲不過聽電話既姐姐有啲燥底話聽唔到叫我大聲d 之後cut左我線⭐️CP值;⭐️⭐️⭐️⭐️👩🏻回頭指數;👩🏻👩🏻👩🏻👩🏻📸打卡比分;📸📸

放lunch喇😎今日想食辣米線打電話去叫外賣 就算lunch嘅繁忙時間 基本上一叫完就已經落得去拎 好快手嘅餐廳🍴今日叫左腩肉 黑木耳 蘿蔔 中辣 雲南小鍋米線我每一次都會叫腩肉 佢唔係完全得肥肉個種 係一舊舊較冧身嘅豬肉 又整得好入味 都有成4-5件架😋蘿蔔有三大舊 不過就唔係咁入味 而我最喜歡係佢個湯 唔會太重口味 又好夠濃同辣 小小酸 酸菜都唔會太酸 好易入口個種 配料會有啲芽菜韭菜同肉碎 佢仲可以唔使加錢要多米線😆 下午茶仲會送埋飲品

涼拌米線$32+2餸$16最鐘意呢度啲撈米線🫶🏻甜咸豉油加埋辣勁正，呢款酸菜好好食，加埋一齊都唔會奇怪，勁多花生食極仲有，推薦嗌腩肉，好入味少少辣，豬大腸都唔錯👍🏻都係有滷過，同米線好夾。雲南小鍋米線$31+2餸$16唔好睇個小窩米線，望落去咁清淡，其實食落去都好濃味，夠曬酸，佢啲米線都係偏幼身但食落去又好彈牙😚炸海鮮卷$25個外皮淋曬，唔知係放得耐定本身就係咁，都叫做有個沙律醬救一救佢🥲

其實呢間我已經食過好幾次🤣因為係我男朋友嘅中學回憶美食🤣我見到多打工仔𝐥𝐮𝐧𝐜𝐡 𝐭𝐢𝐦𝐞會嚟食💼係港島嚟講我覺得都算係平價速食之選👍🏻不過店面就較細 座位都比較狹窄🪑而每碗米線都可以揀辣度、酸度多/走/少芽菜、韮菜同埋多/少米線😁金獎腩肉小鍋米線🐷（小辣）💰 $𝟑𝟗呢碗米線嘅配料除左腩肉之外仲有芽菜、韮菜同埋芫茜今次呢個小辣唔係好辣🌶但記得前幾次食小辣係中大辣程度所以我覺得每日水準唔太一致🙈湯底、米線都不過不失 正正常常🤔至於腩肉話明係「金獎腩肉🏆」所以的確好入味 偏瘦為主😋所以我覺得腩肉值得一試👍🏻重慶酸辣紅薯粉配魚腐（小辣、多芽） 💰 $𝟑𝟖（$𝟑𝟏+$𝟕魚腐）首先湯底又唔辣又唔酸 辣度應該得𝐱仔十小直程無酸味咁濟😢😢魚腐都係唔好食的🥺不過紅薯粉係我鍾意個種 偏幼身😋煙煙韌韌👍🏻豆漿+凍檸茶 💰 $𝟏𝟒（$𝟕+$𝟕）正常發揮🤣🌟整體而言：如果係登龍街附近返工/ 返學或者咁啱經過想食下米線 都可以一試其實都聽人講過金西南嘅質素越嚟越差🙈所以如果你對米線嘅要求好高嘅話就唔建議試了但想平反一下 見好多人話金西南啲員工態度差🤔但𝐬𝐨 𝐟𝐚𝐫我去左𝟑-𝟒次都無呢種感覺🤣當然佢地步伐係比較快

朋友推介黎銅鑼灣食米線一定要食黎金西南 話快靚正 一於黎試試呢間馳名米線🍜 我地夜晚去到唔洗等位 不過感覺店員好忙碌 落單時好似好唔耐煩咁 服務態度麻麻 有待改善🙂✿ 雞中翼小鍋米線($39)酸辣湯底味道唔錯 但叫左小辣都冇乜辣味 偏清淡😂 米線有咬口 煮得岩岩好唔會太淋雞翼就正常滷水雞翼咁 中規中矩～✿ 涼拌米線加雞絲 (熱) ($40)涼拌醬汁酸酸辣辣 配埋炸醬一齊食好惹味😛醬汁都幾多 撈勻哂啲米線幾夠味配菜仲有肉碎 酸菜 花生等等不過雞絲份量唔多 同埋感覺涼拌既米線份量比湯米線多😂

呢間實在太多人讚太多人寫，於是咪決定試下。米線靈魂在於湯底，但我叫嘅麻酸辣實在太稀同淡，立即無晒心機，因為真係吾覺得好食。餸方面展示唔到實力，我食開妹仔野，例如豆卜、雞肉，基本上就係無特別的。🥲

《不負責任食評 — 金西南米線》評分：🌕🌕🌗總評：銅鑼灣一間好出名嘅米線店極度懷疑係因為本身銅鑼灣好少米線所以先會咁出名🫠湯底油到一個點 食米線搞到飲油咁款🤯味道亦都係好普通嘅酸辣食完唔會有咩記憶點🥶牛肝菌係酸甜口味 同我想像中好有菌香嘅感覺爭好遠😂腩肉就中規中矩冇乜特別叫做勝在唔係嗰啲好大舊肥豬肉嘅腩肉而且佢價錢都唔算平咁樣兩餸都好似要50幾蚊咁係無選擇嘅情況之下我寧願食返譚仔😶

金西南米線🍜銅鑼灣食米線首選平日收工，自己孤獨食飯首選😂快靚正▫小鍋米線▫腩肉▫墨魚頭▫墨魚丸配料包含：韭菜、芽菜、蔥、芫荽、辣肉碎可以選擇《多、少、走》大中小辣任君選擇推荐指數:⭐️⭐️⭐️⭐️/5 金西南米線📍銅鑼灣登龍街41-51號金龍大廈地下D舖#foodie #hkfoodie #美食 #美食blogger #美食探店 #人生活得精彩 #生存就是食 #香港 #美食分享 #我的美食日記 #周圍搵食#hkig #相機食先

當我係銅鑼灣要獨毒食時，我一定會揀選食米線🤗貪佢又便宜又好味又快！💬小鍋米線（走辣）配牛肝菌 腩肉 牛肝菌真係必食，最鍾意佢嘅酸酸哋加微微嘅辣，好開胃😋牛肝菌質地軟滑，十分正💖而配料有韭菜、芽菜、蔥、芫荽等等，佢都有得選擇「多、少、走」，彈性非常高，連米線都可以選擇多少架，岩哂唔同人嘅需要回頭食: ⓨⓔⓢ食米線真係豐儉由人，逐樣餸菜去加錢，佢哋仲有小食可以order ☺️▂﹍▂﹍▂﹍▂﹍▂﹍▂﹍▂﹍▂喜歡我跟小貓分享的食評歡迎follow

個人覺得打唔入米線關注組 無咩特色。 同男朋友兩個人去食 可以揀多啲餸Share食 分別嗌左兩碗都係雲南小鍋米線 搭金獎腩肉、豬大腸、豬皮、冬菇、貢丸。 整體上米線都無咩大問題 分量又Ok夠飽 個腩肉都好淋身 唯獨個豬皮有陣酸味 其實落單已經留意到佢括住寫微辣 兩個人食都覺得有陣酸味 之後問個老闆娘 ‘豬皮酸係咪正常’ 佢竟然答我‘係酸酸辣辣嘅豬皮黎 餐牌都寫左’ 既然佢講到係正常咪Ok囉 不過再三睇左個餐牌見唔到佢口中所講嘅酸酸辣辣豬皮 個人就覺得唔太好食 扣左啲分。

朋友極力推介呢間米線作為米線關注成員之一，當然要去試吓啦地理位置尚算方便 都唔使排好耐隊就入得Menu選擇眾多 而且湯底都有多款選擇同朋友一人嗌咗一碗米線 叫左大腸竹笙 份量十足 (如果唔夠可以免費加底) 岩哂食量大的朋友 湯底味道酸香 中規中矩 大腸都入味唔腥竹笙份量都足夠米線方面略欠咬口 米香味唔太突出亦都可以因應自己需要 選擇多/走 蔥 芫荽等價錢方面大眾 同連鎖集團差唔多 地理: 8/10味道: 7/10價錢: 7/10服務: 7/10

嚟到銅記諗緊有咩好食經過登龍街見到呢間米線係米線關注組唔少人推介嘅小店🍜見唔洗點等位就一於試吓雖然店舖空間較細環境都較狹窄 坐得較迫但都差唔多爆曬場咁滯！米線都有好多款式小鍋、過橋、酸辣、麻辣🌶仲有20-30款餸可以加熱拌紅薯粉 HKD$30撈米線有熱拌同涼拌選擇個人喜歡食熱所以就叫咗熱拌仲轉咗紅薯粉🍠本身拌米線已經有酸菜、花生、炸醬可以自己再加餸～撈勻食已經好夠味叫咗小辣大約譚仔三小辣幾鍾意呢度嘅紅薯粉好夠煙韌好索汁 食落好惹味！雲南小鍋米線小鍋米線就不過不失！米線份量都算多！好滑身 煮得唔會太腍太硬不過唔辣嘅湯底就淡味啲另外加咗炸醬同豬屎腸個人喜歡呢個炸醬多過譚仔！加落米線之後好食咗！

清вooĸмarĸ系列登龍街老字號好多人都話佢嘅米線好食但中島就硬係的唔起心肝去試難得嘅機緣巧合之下先記起呢間—————————————————————行開銅鑼灣諗唔到想食咩最後去左登龍街轉個圈決定試下呢間風評唔錯嘅米線店舖座位比較窄同迫最後中島揀咗腩肉豬膶酸辣米線想講湯底係中島喜愛嘅味道又係會忍唔住飲幾啖嗰啲😂😂配料俾得都大方而且價錢合理腩肉唔會肥膩豬膶亦爽口咁啱下午茶時間去食仲送飲品👍🏻如果坐得可以舒服少少應該可以常去依家就間唔中去食下啦🤣—————————————————————☸︎ 金獎腩肉小窩米線+豬潤 $45

打電話落單未講完就Cut線去到拎外賣就話未落我即刻落問有冇得八達通 冇八達通唔緊要我話我去拎錢拎完錢同我講仲未落單食過勁多次今次D服務真係勁差唔會再幫襯落單都可以咁樣玩野

自己一條友出開銅鑼灣 本身想食另一間麵但嗰間好多人排隊就轉左黎食呢間米線✨豬大腸牛肝菌小鍋米線 (小辣）$45先飲左個湯底覺得唔係好濃好香嗰啲 🙈 有淡淡地嘅酸辣味 同埋湯底加左啲肉碎同芫荽令到湯底好飲啲🙈 米線煮得唔係好均勻 有啲軟硬啱啱好但有啲就偏硬 豬大腸同牛肝菌都各有5~6舊 份量唔錯 豬大腸都好爽好彈 不過牛肝菌就唔係我杯茶 口感偏腍 同埋佢隻菌味唔係好啱我🙈不過最差嘅係食到最後有一pat 野唔知係咩黎嘅🤢係溶左嘅牛肝菌？！ 環境方面好細間有啲狹窄 我全門口位不過冷氣都夠嘅 味道❤️❤️💔抵食❤️❤️💔服務❤️❤️❤️環境❤️❤️❤️午餐人均～$45❌再幫襯