金華冰廳

營業中

休息中

叫左個雞翼蛋撻tea set, 心諗佢下午茶choose唔多, 仲要是用香草烤的都應該ok點知一咬就好雪藏味, 仲無咩雞味, 餐飲要左杯紅豆冰, 多冰都預左, 但勁奶味真係有d失望

呢間打除左波蘿油之外真係無乜可取既地方晏就食個雞中翼飯盛老35蚊...點知..出到黎..得3隻雞中翼甘大把...點食呀大佬?同埋真係迫到無得再迫..好唔舒服總括..又貴又唔舒服又唔好食..食呢間淨係食波蘿油就夠了

買了金華雞批試試。睇落幾大個。個皮幾厚，也不是太鬆軟；牛油味都有，但不是太濃。餡料食到有雞肉、火腿同洋蔥，但不夠香，沒什麼味道。試吓無妨，夠飽肚囉，但唔會再幫襯lu~

日期：2008年7月1日下晝3點幾下午茶時段，好多人，要撘枱耶～～～１．豬扒炒公仔麵，凍奶茶HK$35：幾入味哩．２．蜜汁叉燒米粉，凍檸茶HK$26：湯底唔錯．

上週末專程拜訪,希望能一試新鮮出爐的菠蘿包. 剛到達,第一眼看到是人山人海的場面;不只堂座,就連門前外賣亦如是.坐下便先點兩個菠蘿包... 咬一口,第一個感覺是"正"! 不單很香,而且外脆內軟,味道一流! 此店亦馳名菠蘿油,但個人始終對那大塊牛油有點抗拒,不敢嘗試... 不過沒有牛油,簡簡單單的一個三個半菠蘿包都很掂!跟著點了個下午茶餐:兩隻雞翼一隻蛋撻加奶茶$22... 很貴... 雞翼一般,但那個剛出爐的蛋撻勁掂! 蛋撻是酥皮的,可能有人會覺得它不夠酥皮,不過我就是喜歡這種介乎酥皮和曲奇皮的質感;很香之餘又不會覺得太油. 其次是蛋漿不會太甜且有口感,不會似其他蛋撻般水汪汪.可惜實在太飽,否則我會叫多隻蛋撻,仲有墨西哥包,雞批

今日出開旺角仲有相機係身，一於幫my love金華菠蘿包影張相photo自細已愛菠蘿包(冇其他包個皮有佢咁脆)但食過金華之後對菠蘿包就咁愛，行開都要買過食~有人同我講過話金華菠蘿包之所以好食，係因為好賣，成日有新鮮出爐，so熱包一定好食~可能啦？？但邊間餅爐可以佢咁成日有新鮮出爐呀，所以都係繼續非吃不可

金華的大名聽過很久了, 但沒有吃下午茶習慣的我真的甚少有機會無啦啦食個包...結果有一次機緣巧合之下早上要出太子附近, 可以一嘗金華.. 太高興!當然是 菠蘿油!!其實我們二人一向都不太喜歡菠蘿包... 童年時大槪吃過很難食的菠蘿包吧~ 不過這個包真的令大家都很喜歡!! 菠蘿面脆脆的, 又香, 加上包身暖暖的可以把牛油溶掉... 正!還有 墨西哥包~~這是我自小的最愛包之一... 雖然包沒有餡, 但面頭的一層甜教人很喜愛~ 同樣地, 這層甜的, 鬆軟香脆, 不過很易吃到一身都係! 我們還叫了一個早餐~ 但今次志不在此~菠蘿油, 墨西哥包 當然要配咖啡奶茶奶茶夠香夠滑, 不過咖啡可能不夠奶, 未夠滑這樣一個早餐, 很完美~ 飽到午餐都不用吃呢

行到旺角太子一頭,見完客,肚仔餓餓地,見金華冰廳就喺眼前...好典型既茶餐廳,侍仔都好茶餐廳feel,就好似嗰d用枝筆夾喺耳仔度嗰種,仲要好忙嗰隻添!揀左熷火腿意一碟同凍檸茶一杯,熷火腿意味道ok,其實想讚吓杯凍檸茶,茶味比較濃,可以一嘆!食完俾完錢見門口既蛋撻賣相幾好,好似好好食咁,下次整番件再加杯齋啡嘆吓!

出名是什麼??菠蘿油也本人非常喜歡食麵包一來簡單快捷,二來價錢便宜剛消化完一個燒餅,便去到這裡先來一個,又是很熱,牛油真的很厚而且去到融化的地步菠蘿面很脆,淡淡的豬油香味在口中徘徊一路上咬著美味的東西,又是一種幸福!平凡的麵包,不平凡的味道,,,不是間間的麵包可以做到!價錢 見仁見智吧!~

之前俾人縱火令人深感婉惜重開幾日後我即刻去買左1個蛋撻 + 1個波羅包但2者差到難以置信蛋撻冇蛋味"個酥皮又唔夠味波羅包D皮完全唔痴包包又唔鬆軟又冇麵包香但今次水準噃哂黎la 蛋撻蛋味尚算有酥皮超香!! ( 最愛吃黏着蛋ge底層 )波羅包個皮唔易甩包超鬆軟又有麵包香咬落去個麵包會慢慢升噃上黎WOW```WONDERFUL

這次來，不是吃波蘿油或墨西哥包，而是吃快餐，快餐有四款，我選了餐肉叉燒蛋意配茄汁豆，因這種配搭很有香港特色。「茄汁豆」其實是一種汁，當晚除左「茄汁豆」外，還有「會汁」和「鼓油汁」可選。這裡的快餐，除了有意粉外，還有餐湯（中湯）和餐飲（我選了熱谷咕）。意粉端上來，分量也不少，配料很足，煎蛋仍有蛋汁，「茄汁豆」原來是「茄汁雜豆」而不是「茄汁焗豆」。意粉口感較淋，拌上酸酸甜甜的茄汁，味道不是上好，但還可以吧。26元有湯有茶有意粉，在當今的香港地很難找得到了。

The shop didn't change much after the renovation due to the fire months ago. I can say this shop offers the best 波羅油 I tried in my life.............. When we have time, we should come to eat 波羅油 & its tea set............... chicken wings & egg tart! Almost the same everytime, almost the same staff, almost the same taste...........When you went into the shop........... the staff shall arrange a seat for you. (Please don't expect they will offer you class A service but rather friendly, local but

一直以來都是經過金華就會買一個包，這次也不例外菠蘿包外層十分脆，包好有彈性, 熱辣辣出爐，即刻買一個, 非常香口. 其實新鮮出爐的麵包就大多都好食. 金華可以做到貨如輪轉, 應該就是好味的秘密.下次試下熱奶茶和菠蘿包一起食啦.

睇雜誌介紹過佢的菠蘿包, 連我呢個對菠蘿包麻麻地人都特登朝早走去買左個黎食, 返到公司都還熱辣辣, 一口咬落去, 菠蘿皮沒有去邊的散晒, 不太甜, 真係無介紹錯, 好好味, 跟住向同事大力推介, 結果係我經常朝早要繞路去買幾個菠蘿包返公司慰勞班喟食鬼

返離香港咁耐都未食過菠蘿油，怎對得起自己？金華冰廳自然是首選，早聞其菠蘿油的大名，狼狽地擔住把傘龜速從旺角走去太子，能吃到好的菠蘿油自然是值得的，委屈了老婆仔陪我。冰廳4點下午茶時間也是座無虛席的，正好有個4人卡位攝到入去，風很大，但算了，餐牌都不用看，先來個菠蘿油再慢慢看個餐牌，$5.5一個菠蘿油很快便上檯，接著想食蛋撻就要了雞翼蛋撻下午茶套餐，再來個馳名奶茶。菠蘿油果然是不錯的，皮十分脆，熱辣辣出爐，非常香口，口感很不錯！是沒白來了！雞翼非常1般，而且還是凍的=.=" 相信已炸出來許久了，味道1般，蛋撻卻是新鮮出爐的，熱到辣親嘴，可惜酥皮不夠酥脆，扣分！熱奶茶是真的好喝，滑到不行，非常棒！要不是位置太大風很快便吹涼了會更好！見到有位阿姐不停向隔離枱的外藉人士推介面包，大家語言不通但阿姐笑容親切且十分搞笑，逗得對方相當開心，香港旅遊業靠你啦！埋單$27.5，滿足的下午茶！