金色不如帰 (國際金融中心商場)

營業中

休息中

貴為日本過江龍 呢間拉麵拎左2020年東京米芝蓮嘅一星殊榮 十分難拎 晉身成為拉麵之王 即刻去左朝聖 睇下係咪真係咁好食先🙌🏻-🔸貝汁鹽味拉麵 $128🔸本身有好高期望 因為師傅突登黎香港調味務求令大家食到日本本店嘅味道湯底飲落有貝味 亦都有鹽味但係就缺少左貝嘅鮮甜味主要成個湯都偏鹹🤔雖然個人覺得有啲名過其實 但係話哂係香港比較少機會食到 我覺得可以一試～-🔸白豚骨拉麵 $115🔸呢個白豚骨拉麵嘅湯底不過不失 但佢地嘅三層肉真係好有驚喜嘅 脂肪同肉嘅比例做得好好！一試難忘😍-🔸自家製黑豚肉煎餃 $68🔸個煎餃又係出奇地好食 皮脆肉嫩♥️一咬落去啲汁bit晒出黎發現佢有好多小食都好吸引 但由於胃得一個 食唔到咁多覺得小食嘅quality好似好過佢地嘅拉麵😂

香港好少有真係覺得好食岩口味既拉麵，趁佢新開就黎試試主打2款拉麵貝汁鹽味湯底-簡單得黎清甜👍貝汁醬油湯底-清甜得黎比鹽味咸D香D👍都有配松露油同牛肝菌醬，好香🤩鹽味湯底一流全部喝光， 醬油湯底就咸少少唔建議飲晒，叉燒半肥瘦，略嫌太薄，白蔥配料恰到好處，蛋心蛋要另外加錢，醬油味略啖，💗拉麵絕對值得推薦，麵量略嫌不太多，也可另外叫飯，小食，沙律，吉列芝士豚肉條也不錯，新鮮感加分，其他小食選擇唔多，不過始終拉麵先係主角

米芝蓮星級拉麵，好好味!佢落咗一層白松露油,一開始食第一啖嘅時候十分重嘅松露味，係其他拉麵沒有，加上入邊亦都落咗一啲嘅松露醬汁同埋一啲葱花，口感很豐富。可以話係全香港比較特別的拉麵，終於明白點解佢可以攞米芝蓮。之後再食咗個餃子，好新鮮熱辣。整體食物質素很高。另外環境裝修服務都唔錯，幫襯當晚人不是太多，服務員刻意在顧客之間留咗啲空位，等你不用坐得密質質。價錢比一般拉麵貴少少，但味道比其他拉麵有過之無不及。如果在IFC附近一定要試吓。

日本米芝蓮一星拉麵🎖過江龍黎到香港啦🍜貝汁醬油拉麵🍜主打大蜆秘製湯底🐚再注入豬骨清湯🐷魚清湯🐟打造成招牌三重湯底😎飲落清甜可口且蜆味較為突出😚再加上黑松露醬+牛肝菌粉+牛肝菌油🍄聞到陣陣松露肝菌香味🤤即垂涎三尺當中有三層肉+低溫叉燒各一塊🥩三層肉有種入口溶化感覺😌低溫叉燒肉質較嫩😊但兩者太細塊了吧😅拉麵用上等嘅小麥粉製成🌾口感Q彈不過小妹覺得有點不值🤭呢碗拉麵份量少之餘🤫仲要加一💸埋單要$140🥺略嫌貴喔

今次試咗店內最搶手嘅兩款拉麵分別係貝汁醬油拉麵($128)及貝汁鹽味拉麵($128)🍜.湯底新鮮熬製 混合蜆湯、豬骨湯、魚清湯最驚喜係兩款麵都有加松露油😆松露味道同湯底好match!!叉燒好軟身 腩肉亦肥瘦適中值得一提佢地嘅自家製拉麵有淡淡嘅小麥味 好特別👍🏻.另外都有試佢地嘅燒叉燒腩肉小碗飯($58)燒汁調得好 肉質軟身其他小食亦唔錯.大概等咗15分鐘就有位絕對值得一試！📍 金色不如帰 (中環)中環港景街1號國際金融中心商場3樓3020號舖

睇完電視介紹，呢間餐廳入左去我同老公既To eat list 📌經過IFC諗緊食咩好，就醒起呢間米芝蓮一星餐廳🎖上到IFC 3樓，可能呢排肺炎，少左人岀街，星期六12點既時間都唔洗等位🤔老公點咗主打推介既貝汁醬油拉麵我點咗白豚骨拉麵見到隔離2枱都食緊吉列芝士豚肉棒，好吸引所以我地都order 左一份~~~事前知道特色在於其招牌「黃金湯底」，在海鮮和豚骨湯底內加入大量大蜆一起熬製老公既貝汁醬油拉麵 $128湯底好濃，菌味蓋過了所提及既海鮮味老公有啲啲失望，因為同店內圖片有少許岀入看不到松露醬同牛肝菌，可能已經融入咗湯底我既白豚骨拉麵 $115不過不失低温慢煮豚肉片好味，食落口有融化既感覺只有2片薄薄的，未夠喉到左吉列芝士豚肉棒 $70我地影完相後，店員好好，主動過黎幫我地剪開一分為四芝士雖然冇拉絲，但食落炸物唔太油膩食飽飽埋單，店員都有問食物怎樣，麵軟硬度如何總括而言，食物質素好，服務好，但沒有想像中岀色。有機會都可以再encore 

男朋友難得嚟接放工，佢話食kiki麵，但我突然間醒起前排開左間新既米芝連拉麵店，唔記得咗個名，走左去禮賓部問！呢間拉麵個名好得意，男朋友讀左金色不如婦，我讀金色不如歸但佢係咁話我讀錯哈哈哈，其實寫法係金色不如帰，但真係可以讀歸字既！我試左佢地最signature既貝汁醬油拉麵，佢哋檯上仲擺咗食法，不過我飲咗啖湯就撈埋哂所有材料。一上檯就勁香松露同牛肝菌既味！啖湯完全冇令人失望，好香蜆湯味，但混合又好鮮既魚湯，加上豚骨湯，聞同食都完全豐富咗我既味蕾！而且材料配搭得剛剛好，京蔥既味切絲唔會太搶味，叉燒有一肥一瘦，但都好好食啊特別係肥果塊男朋友叫左既係香辛豚骨湯，佢覺得我果個對比之下佢嘅比較失色，我食左啖香辣肉碎，香料味到好多，有少少似咖喱果種香料，我男朋友就覺得似肉醬意粉陣味，不過都頗辣既，幾特別但好似有少少同拉麵唔係幾夾。不過整體都係幾好食，下次拉麵癮起又可以再食👍🏻

坐落於中環又一新過江龍,裝修風格來得比日本本店有氣派、價錢亦因應中環級過百元的一碗日式拉麵絕對不是難度。。。煙熏黑椒豚骨拉麵HK$115.煙熏過的豚肉講認真自己就不甚吃得出，明顯的黑椒味道較勝、濃濃湯底浸溢下每一條麵條都掛滿湯汁，麵條本身屬於較為幼身、爽口，兩者融匯在一起很是滋味~另一款貝汁鹽味拉麵HK$128.湯底屬於較清的一類型,呷一口完全唔失禮、雖然目測較為清淡但原來入口卻滿注鮮味,薄薄的豚肉片大約有兩件、講真以我這個大胃王這碗麵食其實只可以當成七分飽~黑豚肉煎餃HK$65.比一般坊間的煎餃為貴,貴在什麼？豬肉部份切得較為粗糙有質感其餘的就怪我未能吃得到~當日之溏心蛋HK$15.自己就覺得只是一般般，入味程度亦只是一般般、不過始終一碗日式拉面如果冇隻溏心蛋襯托感覺就好像差了一點~兩碗麵兩隻蛋連豚肉餃子埋單連加一差不多四百元，值不值得見仁見智、不過埋單之後唔夠飽確實是真｡

🎖香濃蜆湯拉麵🤩🤩.睇左其他人介紹話呢間新開既拉麵唔駛排隊，咁梗係要快手啲黎試下先，隱陣啲就趁佢一開門冇耐就黎😎✌🏻.重點就梗係個湯啦！特別簡左鹽味🤓試真啲個蜆湯🤤🤤🤤超香濃，成碗比我飲晒🤣🤣叉燒就有兩塊都係唔同口感一塊好淋好多肥位😋一塊係有啲咬相對鞋啲啲🙈 麵唔算係好幼仲見到麥粒索湯就岩岩好，唔會太硬或淋，岩晒老人家我🥳.試埋佢個溫泉蛋，個人認為係溏心蛋既就真係好想食先食都得😂😂唔算太入味🙈

My favorite old ramen store is now replaced by this Japanese michelin one star ramen. Was super excited to try this !The line was massive, I went on a weekday around 1 pm, which was the peak lunch hour in central ! I had tried two different kind of ramen, their signature shio hamaguri and tonkatsu pepper version. The noodle texture was thin, but a little chewy. I personally prefer thick or yellow noodles when it comes to ramen ! Their soup based was more towards the clear and thin. I cannot say

上年早在東京旅遊之時已想來到這裏光顧了。 但由於行程緊湊關係所以最終打消了這個念頭。 萬料不到這米芝蓮星級拉麵店竟在去年底在中環ifc開分店， 現在不需要千里迢迢飛去日本就可以吃到這裏的麵。 所以說香港身為國際美食天堂的這個美譽，仍是可信賴的....趁著平日午市人龍還沒有出現的時候早早就到來。 一場嚟到， 當然是要點她的店自慢 --- 貝汁鹽味湯拉麵....混合了秘製蜆湯，豚骨湯及清魚湯， 再加上以海鹽調味的招牌貝汁湯底果然名不虛傳， 入口不油膩之餘亦喝得出滿口貝殼類海鮮帶出來的甜鮮味。 兩款叉燒之中我較喜歡入口比較豐腴的薄切五花肉， 至於後加的醬油流心蛋看見蛋黃的色水便知對路了....不過這拉麵還是有它的缺點的 --- 主要在於其麵條雖有小麥香但其質感卻真的是偏太淋了， 而且附加叫的餃子， 他的皮是有點太薄了，弄至一夾起來便即刻散掉，食起來非常論盡， 肉餡也是碎濕濕的沒有什麼咬口，其底部更是讓人嚐到有些許焦燶味，總體上令人有點失望....不過若只計這裏的貝汁鹽味湯，倒是出色的....但若再連價錢計算在内的話 ，那就真的不太值得再嚟多次了....

($128) 🤤 ~ 這個拉麵是此店其中之一推介, 由大蜆熬煮而成的秘製蜆汁, 再加豬骨及清湯三種湯底混合的. 麵上面還有黑松露醬及牛肝菌油, 再配上兩塊叉燒, 整個湯底都好香. 麵條幼幼的, 有點像蕎麥麵, 食落很清很甜, 一點也不油. 果然是很高質的拉麵😎另外亦點了煎餃子, 皮薄肉多, 煎得很脆而且啖啖肉, 好味😊 Menu 上還有其他小食可選擇呢.❤店舖 : 💙地址 : 中環國際金融中心商場3樓3020舖

作為拉麵控(๑•̀ㅁ•́๑)✧ 有過江龍拉麵黎香港點可以錯過😋呢間金色不如帰主打混合大蜆、豚骨、魚介製成充滿特色既鮮味湯底🍜再配搭上松露、牛肝菌、香草等西式食材，創造出斬新口味✨味道有別於一般豬骨濃湯、蝦湯🐟🦐🐖🧡貝味鹽湯拉麵 $128 （8/10）三重湯底主要由蜆湯➕魚湯➕豬骨清湯煮成湯底清澈，但味道飲落十分香濃又帶點蜆既鮮甜再加入白松露油、牛肝菌醬，配上香草同煙肉碎增添香氣🌿🥓令湯底味道更有層次，聞落好香！三層肉脂肪比例均勻，低溫慢煮叉燒入口軟嫩飲曬都唔覺得口渴，證明係真材實料無落味精自家製麵條有小麥香味，亦見到一點點既小麥但食落口感唔覺特別煙韌彈牙，而係爽口個種唔係我鍾意既麵條⋯所以覺得普通～🤎貝味醬油拉麵 $128 （7.5/10）同樣係三重湯底同有兩塊叉燒✨但就加入左黑松露醬、牛肝菌粉同牛肝菌油提鮮湯底飲落味道比起鹽味更有豐富有層次同時味道比較重、複雜，但又唔會覺得膩/太鹹額外加左隻溏心蛋（$15）時間得控制剛好 蛋黃呈半熟流心狀態🥚蛋味香濃 蛋白帶微醬油香 唔錯😝🥟黑豚肉餃子 $68 （7.5/10）餃子煎成黃金香脆 皮薄餡靚 亦無油膩感豬肉餡軟嫩 加入好多椰菜碎、笋絲、菇菌🍄

無聊星期三晚，心血來潮想食拉麵突然醒起ＩＦＣ新開既拉麵店見唔係好多人等位一心諗住試下上次去日本都想試不過時間就唔岩最後放棄左而家香港食返都算唔錯其實ＩＦＣ插得旗應該都會穩穩陣陣入到去被安排坐ＢＡＲ檯位既邊邊其實同隔離好近環境好密一點也不米芝蓮餐牌主打２款拉麵我點左白松露貝汁鹽味拉麵第一啖飲湯飲落幾清、好夠熱我本人對熱既追求係比較嚴謹個碗都有熱過先比客人所以係一個加分位我既白松露油唔係太strong之後再試麵好彈牙可惜塊肉真係切得好好薄到根本冇咩口感而且食落仲開始覺得湯有點鹹同開始要飲水你問我好唔好味我唸100分有68.98分始終冇咩wow既感覺成個experience唔係話特別好$128嚟講選擇其實都比較多我覺得唔洗排隊都可以一試既#整體評分:68.98#不過不失#試下無壞#貝汁鹽味拉麵

今日同朋友特登由九龍走咗去IFC， 就係為咗食呢一碗拉麵喇！去到要問路先搵到間野間店舖環境幾靚都算舒適唔錯架！食野既環境都幾影響食物感覺架嘛😌我就叫咗一碗煙熏黑椒豚骨拉麵，朋友就叫左貝汁醬油拉麵！豚骨湯底都幾濃架😋還有濃濃黑椒味，侍應還會辣辣地，我就覺得唔辣喇🤣麵條幼身，軟硬煮得適中！果幾條炸牛蒡真係好邪惡好正😹😹塊豚肉就...普通啦得一塊仔，肉食獸可能需要加錢要多塊了🤣貝汁醬油湯底帶清香濃味，較鹹還是比較喜歡豚骨湯🤣豚肉餃子就十分普通無特別，可以唔洗食，而且$78這個質素太貴了，不值一吃唐揚華味鳥就可以一試，外脆內軟，雞肉很嫩喔！配上佢既芥茉醬，味道很搭呢！可以一試！整體不過不失，價錢方面略貴，兩人咁都食左470$，不過中環寸金尺土既地方，應該差唔多掛🤣