金牌小龍 (已結業)

看完戲, 醫醫肚, 這間餐廳環境不錯, 點了清燉牛肉麵,  肉只得幾小片,  而且煮老了,  湯無味,  大失所望.再點了蒜泥白肉, 簡直令人氣憤, 肉是暖的,  又是無味, 只有辣油味 (譚仔比它好吃多了)服務一般, 收銀阿姐更喝我... 一級商場竟有這等餐廳存在...唏噓中...

我自己都幾喜歡吃上海菜，這天特意叫也喜歡吃上海菜的朋友一起去金牌小龍吃晚飯！服務員安排了我們坐卡位，座位闊落，坐得舒適，裝修也有中式風格！有兩張點餐紙，食物的款式種類很多，它每款的份量都不會很大，價錢又親民，可以點多幾款！火椒皮蛋冷盤，有兩隻切開一半的皮蛋，是流心的，吃到生抽、魚露、黑醋的味道，很甘香！四喜烤麩我很喜歡吃上海菜的烤麩，我知道這道小食工夫頗多，要用水浸，去水和炸，再煮到入味！甜甜的，很煙韌，很好吃！大閘蟹小籠包小籠包的皮很薄，裡面有豬肉，肉中浸出大閘蟹膏味，很香，湯汁鮮味！夫妻肺片朋友很喜歡這個冷盤，只有微辣，但有很香花椒八角味，有豬頸肉、豬脷，好惹味！台式麻醬撈麵麻醬味好香，還有很多花生碎，麵很煙韌！鮮蝦餛飩湯大大粒餛飩，裡面有好大隻爽口蝦肉，熱騰騰，好滿足！

今日和朋友打算來這店吃午飯，門口有幾個大大水牌，最前個個明明寫住午市套餐，行到入去坐低問佢哋，然後講：星期六日我哋冇。咁你幢個水牌為咩？裝飾嚟？定呃人㗎？ok, 咁都算，反正唔太貴，好啦！我哋準備哪佢過嚟，叫幾次都唔應，之後有個半咸淡廣東話的大媽好粗魯講：自己寫！OK 啦！即係離場，就算你小籠包一蚊隻都唔幫襯，真係唔想咒佢，咁做生意唔駛兩個月玩完，重要個度租金唔平。

尖沙咀我覺得係非常多人，每一間餐廳都可能要排好長龍，想搵到好食嘅嘢又唔想等太耐，其實isquare樓上有多食肆，其中一間叫做金牌小籠包，當中嘅小籠包我食過我覺得係好出色。其中有兩款我最深刻嘅係黑松露小籠包，黑松露味好特出，豬肉唔會太鞋，入面仍然有好多湯汁，蒸嘅時間亦都控制得好好。其次是蟹黃小籠包， 蟹膏嘅鮮甜，加上連埋有蟹味嘅湯汁，混合一起成件事非常之正。 三杯雞(半隻)辣很吾算過份，調味非常足夠，雞味都相當燶，份量都好大，如果加多個飯係超級享受。 酥炸黃花魚，唔算有太多骨，魚嘅質地都嫩滑，炸得好夠火喉。食完啲咁濃烈嘅嘢，當然要有啲菜，蒜蓉西蘭花其實系一味非常簡單嘅菜色，但係煮得剛剛好， 大量嘅蒜蓉，非常香口，菜亦都好清甜。

同老公係 i Square睇完戲順便食埋晚飯，戲院出來沿扶手電梯落到三樓，大把餐廳選擇，同老公商量後就揀左台式嘅金牌小籠包！因為好掛念年中去台灣旅行時嘅美食，決定入去開餐，門口開揚好多美食介紹，由侍應帶我們入坐，環境潔淨舒服夠闊落，卡位更舒適。餐台紙更加食尚古早味，簡單黎講就係食都令人懷念的味道！金牌小籠包 $38 5粒皮薄多肉汁夠熱辣辣睇落有睇頭，食落就更滋味，食時落點醋更能帶出鮮味，一咬落去不得了，爆湯汁先吸口再原粒放口中品嘗，好好味！原盅燉雞湯 $52湯身好清澈，足料，飲落出奇的濃郁，d雞肉同骨都化開咁，證明好上時間拗湯，好夠味但飲後竟然無口喝感，正呀！酥炸黃花魚 $62炸得火候剛好金黃香脆咁外皮，內魚肉就嫩滑雪白，連跟送上嘅千島醬醮來食又幾特別嘅，就咁食都好好味，應該係打左底先醃過夠惹味有啖啖魚肉，無咁骨啱晒我！紅燒牛三寶麵 $52牛三寶係邊三寶，牛肚，牛根同牛輾肉，味道做到剛好，反而湯底好可以再濃 d就完美了。韭王鍋貼 $38 6隻侍應話製作需時約20分鐘，但老公非常喜愛鍋貼，所以就照落order但最後都無需等咁內，金黃香脆咬落去還有肉汁，好新鮮熱辣辣。炒蒜蓉油墨菜 $60好

今晚去ISQUARE 行街，之後搵飯食～朋友話不如食金牌小龍，SHOPPING 完好窮, 所以見呢度價錢親民，就一於黎食！先叫左個茶樹菇排骨湯，好足料，湯清清地，好健康～小籠包，皮薄餡靚，仲要係$38 有5粒，其實真係好抵！另外叫左個醉雞，雞肉冇骨，啖啖肉，仲有充滿酒香味，正。我地驚唔飽，仲叫左個魯肉飯同黃魚麵。魯肉飯賣相吸引，食落又唔算肥膩～而黃魚麵份量好多，入面真係有成條魚，湯有魚香鮮甜味，唔錯！最後個薑汁菜心，都不過不失～OVERALL 價錢好抵，坐得又舒服，下次再黎過！

一直想試試這間位於iSQUARE的金牌小龍，因為價格相宜、環境舒適，今晚終於找到機會，和女朋友來一試水準。餐牌選擇極多，蒸點、冷盤、小食、麵食、小菜、飯類以及甜品一應俱全，價位十分親民。元盅茶樹排骨湯先來一碗茶樹菇排骨湯暖暖胃，一呷味道十分柔和，茶樹菇有助消脂清腸胃，而且香味濃郁，秋冬時分特別滋潤。金牌小籠包小籠包皮薄而夠韌度，肉餡味鮮而湯汁清香，小籠包薄薄的皮不但要經得起用筷子夾帶而不破裂漏汁，而且柔韌度足以支持餡料和湯汁下墜的重量，把包子拉長了搖搖晃晃似個燈籠，做到「坐著像口鐘，挾起似燈籠」的標準。醉雞一咬雞有雞味已經十分難得，而雞皮爽薄，肉質嫩滑，瀰漫着濃郁的酒香，口感冰涼。紅燒豬手紅燒醬汁特別醇厚和味，滲透骨肉，豬手皮軟肉嫩而不過爛，吃來才有齒頰留香之妙。秘制紅燒肉那肥瘦相間的腩肉鮮香腴美，一咬皮滑，脂爽，肉軟，濃油赤醬，鹹中帶甜，味道回甘，肥而不膩，上品。酥炸黃花魚將黃花魚炸至肉酥皮脆，入口香酥脆嫩，肉質細滑，滋味別具一格。粉蒸排骨香港不常見的粉蒸排骨，一嚐糯而清香，嫩而不爛，潤而不油，醬香馥郁。台式擔擔撈麵擔擔麵調味細膩豐富，帶有花生醬味道，微辣的風味，輕輕的刺激著舌頭，口

環境唔錯，乾淨整齊，晚市黎食都唔洗同人搭檯，個小籠包唔錯食，配埋薑絲岩岩好。魯肉飯都做到台灣水準，只係比夠細份，唔可以同boyfriend share，如果大家要share可以叫一碗飯，一碗麵咁樣會飽肚D個裝修好靚，值得呢個價錢，isquare食到呢種道地野食黎講，都唔算貴，個燉蛋好得意，就逼左男友叫埋，好特別，唔會太甜，我一個人可以食兩個添只係男友都要食，就廢事啦整體而言大家都可以一試，算唔錯食架！

係尖沙咀睇完燈飾搵嘢食行過呢間金牌小龍見有大閘蟹小籠包好吸引， 所以試試大閘蟹小籠包 ＄98 4隻上檯最緊要夠熱已經加咗好多分而且皮薄餡靚蟹粉同豬肉比例適中， 令蟹味特出又有口感相當唔錯！醉雞 ＄65肉質彈牙， 有濃郁酒香仲會溢出淡淡嘅人參味絕對係開胃小菜菜肉餛飩麵 ＄46餛飩內涵鮮甜湯頭清澈不油膩想食清D可以一試台式滷肉飯＄28比較似肉燥飯， 有少少肥膏令口感更順肉汁非常足夠， 就算食到碗底都有睇落細細一碗， 其實女士食絕對夠飽呢

前個星期自遊行去咗嘉義、阿里山、台北五日四夜，行程緊密，連食嘢嘅時間都唔夠，去到101，見到鼎泰豐超多人，所以都放棄咗。朋友埋怨今次行程竟然無咗食小籠包呢個重要環節，感到非常失望。我應承佢返到香港會帶佢去食番餐小籠包補數。 今晚同佢去咗iSquare 的金牌小龍，食番夠本。 餐廳位於商場的3樓，裡面地方大，座位多，仲有啲唔錯嘅裝修，我哋坐咗喺卡位，夠晒闊落。 台式酸辣湯 咪以為見到咁多紅油會好辣，其實佢係香而不辣的，所以不用擔心。 黃金大蝦 大蝦經炸過，再用鹹蛋黃醬兜勻。每啖都感受到鹹蛋黃香，至於蝦肉都富有彈性。 黃魚麵 大件夾抵食。麵質有彈性、爽口。黃魚去咗骨，煎得香，啖啖肉，湯底有雪菜，成碗麵的味道提升咗。 五福小籠包 好特別，竟然有有五種不同顏色: 綠、啡、紫、黃、黑。是代表五種福氣嗎?大閘蟹小籠包 裡面的蟹粉好香，鮮甜，肉汁又多，非常好食。 豬肉餡餅 外皮煎得香脆，內裡啲餡充滿湯汁，好食。 鐵板海鮮豆腐 用鐵板上，非常有 “鑊氣”。有蝦、魷魚、青豆、煎豆腐。豆腐嗦住啲汁，食落又幾好味。 今餐食咗好多嘢，一次仲食咗6種顏色的小籠包。

有時候覺得香港人好幸福，因為乜嘢菜式都有得食，當中我係比較鍾意食台灣菜，因為佢同香港人食嘅港式口味有啲似，但係當中帶有一啲香港冇嘅味道。喺isquare樓上嘅呢間餐廳，價錢絕對唔貴，好超值，晚餐時間座無虛席，出面重大排長龍。我同朋友今日食左三百幾蚊價錢最後係食唔曬.金牌小籠包 $38未見過餐廳有咁平嘅小籠包，但係佢絕對唔求其， 上枱時熱辣辣，皮唔厚，肉滑多汁，仲要見到好多接，實在超值！. 台式皮蛋豆腐 $28相當滑嘅豆腐配上適量嘅皮蛋，加埋醬汁呢個冷盤當然唔少得。. 上湯肉鬆菠菜 $65我係一個鍾意食菜嘅人，如果都鍾意食濕濕地嘅味道，呢個係我推介！佢個上湯少少鹹味，又唔會口渴。菠菜份量係相當多，多過半斤。唯一比較唔鍾意嘅係用咗肥豬肉做肉鬆，有d唔鍾意呢種口感，所以我都避開咗無食，但我明白唔肥唔香😂. 醉雞 $65佢嘅味道念念不忘。酒香味濃，帶有少少甜甜地。雞肉脂肪唔多，而分量亦都有番相當嘅多，抵食！. 台式擔擔撈麵 $38如果午餐時間呢碗面嘅份量就啱一位男士，但係如果晚餐share 每個人大約分到一小碗。香濃醬汁充滿花生香味，超惹味。. 秘製紅燒肉 $42出街食飯我哋都會想點一啲自己煮

今日同阿媽出尖沙咀買嘢行行吓就去咗iSquare見到一間好似食小籠包嘅鋪頭就入咗去入到去睇餐牌原來佢唔止上海菜原來仲有台灣菜我哋首先叫咗雞絲粉皮雞絲好嫩 唔會太乾 同埋芝麻醬真係幾好食之後就叫左醉雞啲醉雞全部都好入味 正啊之後就叫咗個鮮蝦紅油炒手啲蝦好彈牙 而且都夠晒辣 好開胃我哋仲叫咗個辣子雞丁啲雞肉好嫩 同個辣汁好夾 之後就叫咗個紅燒三寶麵有牛根牛肚同牛肉真係相當豐富 而且都好好食 好有牛味食到我哋都捧住個肚走

開完會過去這間金牌小龍食小籠包，餐廳雖然在I square內，但價錢絕對不貴，全部都是幾十蚊有交易。爆汁牛肉餡餅：叫得爆汁當真名乎其實，一咬開超多肉汁湧出，餡餅皮煎得香脆帶點煙韌，牛肉味就比較一般。紅燒豬手：炆到入口即溶，骨膠原豐富，而且豬皮完全無毛，清理得十分乾淨，味道帶點甜。台式鹵肉飯：用了煙煙韌韌的珍珠米，肉燥不油膩，鹵水味道突出，送飯一流，而且鹵蛋都十分入味。蟹黃瑤柱扒西蘭：西蘭花爽脆，蟹黃味偏淡，瑤柱不夠香，味道比較遜色。大閘蟹小籠包：雖然比普通的小籠包貴，但這個當做季節一定要試，蟹粉汁鮮甜有些蛋香感，小籠包皮薄且不易穿，而且肉汁豐廿富。台式擔擔撈麵：麵質似上海麵帶點腍，花生醬味十足而且比較辣，食到大汗疊細汗。

一向都喜歡上海菜，今日放工行下街搵到呢間，😇見到門口望入去好靚，二人坐底左，d姐姐都好好人，好笑容，感覺幾C服😉，叫左好多野食，有魯肉飯，黃金煆，雲吞，差燒包，炸魚，雞C粉皮，食左勁飽先係4百幾，首先要推介黃金蝦同埋個炸魚，炸魚片嗰個橙橙地色嗰個甜甜醬😁😁😄😄😄😁😁😁😁幾好食，另外黃金蝦炸得好好味，雲吞都好正，不過最好食都係大閘蟹小籠包，叫咗一籠唔夠喉😂下次要再去食夠兩籠🤦🏼‍♀️🤦🏼‍♀️🔸🔸好似係期間限定架唔係成日有

約了朋友睇戲，之後去了商場裏面搵食，這間台式fusion上海餐廳，食物款式很多，價錢便宜。蟹黃小籠包小籠包外皮很薄又有彈性，肉汁豐富，有少許蟹膏，但不夠蟹油香味。蝦肉蒸餃蒸餃外皮跟小籠包有點相似，不過較厚一點，蝦肉爽口，裏面亦充滿了肉汁。台式酸辣湯酸辣湯味道較淡，但用料十足，木耳、蛋花、肉等，不太夠酸。鹵大腸滷水入味，大腸洗得乾淨，而且豬內肥膏已去，幾有咬口。四喜烤麩有點海綿彈性，幾有咬口且入味，帶點甜。台灣紅燒牛肉麵牛𦟌肉味入味且夠腍，麵質就比較腍不夠彈牙，湯底略淡，牛肉味不夠濃郁。