金滿庭京川滬菜館 (奧海城二期)

營業中

休息中

螞蟻上樹完全係改為名，一聽到個名就覺得好嘔心，不過係朋友點嘅，冇計為咗唔好浪費都要試吓...好彩全晚裏面呢碟餸都叫食得下人🤷🏻‍♀️炒粉絲唔係算太油膩豆腐三文治最常嗰層落咗甜溜溜嘅肉鬆，中間嗰層落咗好多蔥，最抵果層係冇味嘅菜譜...搭埋啲勁淡嘅硬豆腐.......呢個淡黎又帶點甜， 奇怪怪嘅冷盤...呀姐真係唔識欣賞了紅燒獅子頭配菜好食過主菜，哩個豬肉撈嘅獅子頭超鹹，唔配返啲白飯去食，真係食唔到🤦🏻‍♀️

澳海城金滿庭，每到食飯時間就排起長龍，雖然有取號叫號，但門口都會聚集好多食客，咁多年冇變過，生意依舊系咁好，系咁旺場。今天正岩在澳海城睇戲，睇完戲經過金滿庭，岩岩開始派號，我地決定入去食返餐。主打中菜，又糸京，川，瀘，三種菜式個friend。我地點左千張豆腐，師傅刀功了得，千張豆腐我系第一次食，久聞大名，今日一見，果然名不虛傳，蝦米，蔥花，豆乾，提鮮。豆腐實在整齊，白白滑滑薄薄一片一片排開，很有水平。菠蘿生炒骨，開胃小炒，岩晒食肉獸。主食食炒飯，闊佬炒飯，米粒乾爽，不太油，好好味。

作為金滿庭常客，無論係大角咀店同Kowloon Bay 店，每月總會光顧的，可以話係同屋企人既飯堂大角咀店比Kowloon Bay 店更多人等位，假日都係早d 去搵位為上。來金滿庭，招牌擔擔麵係必食的！很正宗既擔擔麵湯底，花生🥜粒幼滑，noodles 條幼滑，不食到spicy 既朋友也可嚐到。上海排骨，炸得十分好，排骨不肥，炸後仍能保持鎖住肉汁沙鍋雲吞雞：湯底清甜、雞嫩滑、雲吞大粒肉味鮮甜～上海生煎飽：不過不失，足餡既～高力豆沙又係每次來都要一定食既dessert 因為而家唔係全部上海食店都有，大都只有豆沙鍋餅 高力豆沙要即叫即整先成個漲起，好考功夫的！

初嚐金滿庭之前都一直好多人排 今次約左叮叮媽咪食飯當然做足準備依度係佢地之前既飯堂而且菜單係同一般上海店唔同主打小菜 而唔係小籠包等先原諒我唔可以好準確講出野食名叉子燒餅配羊肉(5/5)個皮好鬆脆 羊肉夠蘇 唔係度度有雪菜毛豆百頁(4/5)清清地 幾岩一家大小百頁既質感有啲似鮮腐竹mix蜂巢豆腐高力豆沙(3/5)夠熱夠漲卜卜但個麵粉就炸過龍佢前菜係醉雞茶都有好種選擇所以同屋企人食我覺得係最適合係咪呀哈姆太郎

聖誕節假期同屋企人去左奧海城的行下，屋企人想飲茶就隨意簡左金滿庭試下，等候時間不算太長點知入到去先發現點心時間己過就是但叫左小菜食下一口小籠包，熱啦啦$68 有八隻都幾抵食包入面既肉湯汁好吃醬料調得剛剛好，微辣 好惹味青瓜夠爽口五香金錢展有驚喜都係喜歡佢個醬料呢個蛋上面灑既粉 好香香燻味 但可惜唔係好食得慣夠哂清淡 每樣既菜都幾新鮮 入味想食得健康叫佢都係唔錯選擇另外仲叫左個清湯拉麵🍜，味道清淡得黎好好味總括黎講 食物幾有水準，每樣菜色都有特色，味道唔會太濃烈 不過價錢偏貴 下午都有得叫點憐就更好了

今日係媽咪生日，唔想例牌泰國菜日本菜，所以就揀左呢間出名嘅上海館食飯慶祝。上籠包好多肉汁，差啲熱親嗰嘴。啲肉唔會好肥，食多幾粒都冇乜罪惡感xd第一次食嘅炒鱔糊，同韮黃一齊炒好惹味，鱔肉好爽滑，份量都幾多，好滿意松子魚一上枱就覺得好貴氣，魚炸得啱啱好，好脆，屋企人連魚頭都食得好滋味！甜酸度較得好，好口胃，不愧係招牌菜招牌炒飯炒得好香，唔鹹唔淡，面頭仲有啲蟹籽，增加口感。京燒羊腩外皮燒得幾脆，但除左羊味之外就冇香料味，比較“寡“，同埋可能因為已經食到尾聲，所以覺得油膩左啲。鍋塔豆腐口感好得意，入面嘅豆腐好嫩滑，外面嘅皮掛滿汁，好夾！

難得週末二時來到大角咀，本來家人因肚餓而在UCC坐下了，我見金滿庭不用等位便推薦金滿庭。雖然這家也屬連鎖店，但仍舊覺得它比其他幾家連鎖上海京菜優勝。多年前第一次嚐過此家京菜後，每逢到了奧海城便不想再試其他餐廳。最大的原因要是他們的茗茶選擇有人參烏龍，此茶源自台灣的蘭貴人茶。此茶入口有甘香似人參的味，有別於傳統茶種。另外他們的小籠包的確做到多汁皮薄餡靚。我們又點了一碗牛展麪和榨菜肉鬆配义子燒餅。肉鬆炒得夠煱氣、榨菜不太咸，配以淡淡的燒餅就是絕配。若大伙兒更可多點幾個餸如黃花小魚，每道菜也做得巧手。惟一點不足是地板很黏，踏在地板上感到鞋底是被甚麼黏着的！

返工最重要事情之一就係諗lunch食咩，雖然每次結果都係去到見到邊間唔多人就食邊間。而呢間就係當日最少人排隊，唔洗五分鐘就坐低咗。但服務質素完全解釋到呢個現象⋯⋯個人認為連譚仔都更勝一籌。我地五個人，就可以每樣都試少少，最招牌就一定係小籠包啦！完全keep到水準，不過望望個價錢⋯咦！兩個月前嚟食都唔係呢個價，咁就加咗$5，加得仲快過地鐵！但唔知係咪連廚師都轉埋！？味道完全跌晒watt！炸菜肉末好淡味、莧菜又偏老！唯獨覺得招牌小籠包同埋山東燒雞尚算可以。其實呢個價錢，出面真係好多選擇。再唔改善就真係永遠無下次。希望管理層睇到！

與同事farewell 的一餐，奧海城的金滿庭都已經開了很久，以前都經常來幫襯。今天同事最後一天我們選擇了去金滿庭。這裏的環境都能保持很佳的狀態，很久沒有來吃但食物質素都能保持，這是很難得的。今餐我們點了很多餸菜，有黃金爣蛋，素鵝，蒽油海蜇，回鍋肉炒年糕，素餃，清炒莧菜，一口小籠包，榨菜肉末加燒餅，傻佬炒飯。前菜黃金爣蛋，爣蛋味道好入味前菜蒽油海蜇，夠彈口爽口前菜素鵝，味道唔錯。一口小籠包，當然係招牌菜。仲有素餃清炒莧菜，加埋蒜蓉一齊炒。榨菜肉末加燒餅，包住燒餅一齊食味道剛剛好。回鍋肉炒年糕，辣辣地炒得好惹味。傻佬炒飯，睇落去色好深但食落口不咸。

食左金滿庭幾次～奧海城呢間野～服務態度極差 上個菜都未見過 勁大聲放係張桌子上⋯ 食物質素 一次比一次差 比咁既價食呢間野 我情願去旁邊樂天食 粵菜金滿庭再咁搞落去 幾多生意都冇用～真係可悲

呢間餐廳喺奥海城快十年，每次去都很多人等位，平日會約同事食來呢間金滿庭lunch，感覺一般，但今晚晚餐，俾我驚喜。我地六人揀左六人餐，仲可免茶介。有前菜小食，主菜有五款，有雲吞雞湯，仲有甜品，碟頭大體，夠曬六人食。前菜小食有三款1) 肴肉，消暑涼食2) 羅漢齋，啲木耳爽口3) 醉雞主食1) 蔥爆牛肉2) 松子魚，伴上雜菜，(换上傳統的酸柳條天佳) 酸甜适中，松子少左啲3) 蝦仁，爽口鮮甜，份量足4) 菜傍蟹5) 帶子肉片燴飯6) 砂鍋雲吞雞，雲吞餡足料，湯底鮮甜，(希望唔係落味精重手) 7) 小籠包8隻，皮薄，汁多8) 上湯浸白菜甜品黃金棗蓉，白芝麻鋪面，脆皮內包住棗蓉，上碟時仲熱總之呢個餐，食到飽，請食飯，冇失禮，一定唔會份量精緻到，唔夠食。味道都令人滿意

點解多人嚟食下午茶，未夠鐘喺門口已經有攞飛隊，親身試過後就明晒。茶餐時段免加一、免茶芥，冇其他附加費，散叫其他餐牌食物有八五折。開茶前先要花少少時間讀餐牌，茶款唔係常見款式。一人開一壺茶，人多就可以試多幾款。試咗碧螺春同人參烏龍，鍾意碧螺春的茉莉香同茶醇。每個茶餐由一款小食同一款主食組成。揀咗醉雞、水晶肴肉、排骨湯麵同傻佬炒飯。排骨麵需時最耐，幾乎食晒其他嘢先上枱，不過味道唔錯，搶番好多分。排骨係經典豉油味，肉稔身易咬開，唔乾身，同白麵條一樣，份量比想像中大，一個人食好滿足，係現場好多食客之選。炒飯多料又多肉鬆，最奇怪係味道頗甜，估計係用咗甜豉油去炒，好可惜。醉雞汁夠香，但雞肉未入味，相比下水晶肉惹味好多。如果用正價計，晚巿食水晶肉搭排骨麵，加埋花生小吃、茶介同加一，埋單要二百蚊，段估份量一定會大過茶餐。呢餐下午茶，賺咗好多呀！

落住雨，周圍都濕笠笠，最就係入商場搵好嘢食！朋友之前食過呢間上海菜好幾次，佢話餐廳開業咁多年都保持到水準，所以今次帶我嚟試下。其實我自己都行過好多次，印象係...有隻兵馬俑棟喺門口果間上海菜囉！一坐低開咗壺西湖龍井~好香!跟住就急住睇餐牌叫嘢食，事關真係好肚餓~餐牌選擇有好多，我哋都度咗陣，究竟要叫咩食？因個人喜好關係，酸辣湯係必點嘅，今日又想食小籠包，又想試下擔擔麵，通常我都要加個前菜小食，見到隔離枱食松子魚又流晒口水......咁樣睇下睇下最後決定......酸辣湯麵點一位淨酸辣湯應該我一個人就飲晒，無麵又怕唔夠飽，點麵又怕佢溝淡個湯！我真係人選擇困難症架！朋友二話不說，決定咗叫酸辣湯麵......好彩湯嘅濃度無因為叫咗麵而溝淡，稀杰度同叫淨酸辣湯一樣~而入面嘅豆腐、木耳、豬肚、筍絲得切得好仔細！湯嘅味道一流，酸同辣配合得好好。好怕坊間其他上海店，叫酸辣湯麵...真係溝到一個湯麵咁。素鵝呢個前菜係我媽媽最愛食嘅，腐皮半煎炸香脆鬆化！鮮肉小籠包略嫌皮厚咗小小，肉汁都多嘅~紅油抄手呢個係朋友突然間話想食嘅，但味道一般唔算特別好味！不過，我哋後尾發覺原來點咗兩樣類似嘅嘢，可能因為佢同小

成日經過都鬼死咁多人，食評又唔差，就想一試，就黎母親節，咁就提早一家人食餐飯，6點就就讓家人去攞位，唔使等就可以入座，不過真係一試冇回頭，啲食物味道麻麻，份量又小，最經典就係香酥鴨，幸好只點左半只，一家七口一致認為超級難食，小籠包冇驚喜，不過擔擔麵啲面就好彈牙，唯一一個覺得好食啲！服務態度就不過不失，我真係唔知點解成日都咁多人排隊，真的不值得一試。

好耐冇食金滿庭，突然間想食小籠包同桂花糕就諗起呢間啦。叫佐蔥油撈麵，小籠包，排骨蛋炒飯同獅子頭。一如以往，送茶黎個陣會有個小食，今次叫既茶都係我最愛既人參烏龍，至於小食我覺得一般，麻辣筍片豬耳，我覺得唔太入味，講返主菜先。蔥油撈麵-我覺得王家沙好食好多，同埋太多豉油啦，佢既蔥炸佐反而冇佐蔥既香味，呢個唔值得推介。 排骨蛋炒飯-呢個水準保持到，炒飯好香，排骨鬆軟入味。 小籠包-講真呢個好失望，以前食個陣皮好薄，相對於咁多間大型連鎖店呢間係好食，但今次食完全冇令我想再食既feel，希望改善下。 獅子頭-呢個唔推薦啦，個汁好甜下，味道一般，基於今次第一次試呢個，冇得同之前食既比較。 食完咁多野，太飽啦，冇叫到桂花糕😭😭唯有等我再心血來潮個時先再幫襯，但短期內都唔會想試既啦。 總括今餐都幾失望，水準下降佐，價錢又貴佐😞