金滿庭京川滬菜館 (奧海城二期)

營業中

休息中

好耐冇食金滿庭，突然間想食小籠包同桂花糕就諗起呢間啦。叫佐蔥油撈麵，小籠包，排骨蛋炒飯同獅子頭。一如以往，送茶黎個陣會有個小食，今次叫既茶都係我最愛既人參烏龍，至於小食我覺得一般，麻辣筍片豬耳，我覺得唔太入味，講返主菜先。蔥油撈麵-我覺得王家沙好食好多，同埋太多豉油啦，佢既蔥炸佐反而冇佐蔥既香味，呢個唔值得推介。 排骨蛋炒飯-呢個水準保持到，炒飯好香，排骨鬆軟入味。 小籠包-講真呢個好失望，以前食個陣皮好薄，相對於咁多間大型連鎖店呢間係好食，但今次食完全冇令我想再食既feel，希望改善下。 獅子頭-呢個唔推薦啦，個汁好甜下，味道一般，基於今次第一次試呢個，冇得同之前食既比較。 食完咁多野，太飽啦，冇叫到桂花糕😭😭唯有等我再心血來潮個時先再幫襯，但短期內都唔會想試既啦。 總括今餐都幾失望，水準下降佐，價錢又貴佐😞

一直都喜愛到這間飯店吃飯，所以安排在這裡吃飯慶祝生日，叫了我愛吃的餸，可惜有點兒所望。松子魚賣相很好，甜甜酸酸很美味，但魚上的松子卻寥寥可數，只有十粒左右，因為我愛吃松子，所以真的數過。肉絲兩面黃嘅麵夠脆，很好味，肉絲份量多。最愛的砂鍋雲吞雞今晚大失水準，湯鹹，雲吞更鹹。擔擔麵一定要趁熱食，遲小小食也腍晒好難食。第一次在這裡食蜜汁蓮子金華火腿，勁多蓮子，但太少火腿，薄脆用炸雲吞皮較怪，有點失望的。最滿意是甜品 燉川貝雪耳紅棗原隻雪梨，真材實料，不太甜，好味。

生B之前想吃一頓上海菜，12點時段看見店內只有一半食客，心想無須等了。可是，侍應要求我們與其他人同枱並於個半鐘內交枱。我只覺得食物不平，但這樣對待食客實在有點差。小龍包ok-但有好多倒汗水銀絲卷差-像饅頭，好硬儍佬炒飯ok

本來是最鐘意的食飯去處，可惜飲食水準服務水平一直下滑，服務姐姐的服務也太差得太多，今天直接一杯茶水倒到同行朋友食客身上（還收加一服務費的喲！）小籠包湯水洩漏，宮爆雞丁粘乎乎，以後不會帶朋友去，自己也不會去了。

平時都好想到這裡品嚐上海美食，但每次都有一大群人在門外等候， 唯有光顧別處了。今晚七点半行經又見有人等候，於是走埋去問吓要等幾多張枱。点知服務員話可以搭枱的話就唔使等，於是便走進去房間搭枱。先叫酒糟魚片, 海蜇頭， 茶葉蝦, 番薯菜苗及 擔擔麵. 這個麵的麵身有弹力，麵汁有味。果然有水準。可惜個蝦仁比較無味。雪蝦通常是這樣的。其他菜式都很有水準。最後來個酒釀丸子. 這裡果然是名店。

呢間上海餐廳好耐都無黎食啦, 我諗都有幾年多啦, 哈哈....今日咁啱屋企人話想食, 於是一早就去搵等位, 因為每次經過都好多人呢.一坐低打開餐牌發現多左好多新野食呀, 不過價錢亦高左都幾多下, 差唔多比起以前貴了一倍呢, 哈哈.....可想而知而家租又貴, 人工又貴, 食材又貴, 乜都貴...攪到落哂係我地D消費者身上, 真悲哀.哈哈...先黎個招牌擔擔麵先$44, 我地選左唔辣, 麵身好滑, 而湯汁就無以前咁濃味, 好像花生味不太多.再黎多個招牌松子魚$178, 魚炸得比較乾身, 個汁酸酸may may幾開胃, 不過就用左好多雜豆, 好少松子.之後又點少得小籠包呀, 呢個依然係咁好食, 皮好薄, 又多湯, 就算凍左都好食, 讚呢個係樟茶鴨(半隻)$98, 以前呢個好香煙燻味架, 而家就無乜low, 不過好彩佢乾得黎仲有d肉汁.最後呢個係砂鍋雲吞雞(1/4隻)$108, 個湯好甜, 哈哈.....相信落左好多味精, 不過d雞勁嫩滑, 雲吞皮都好滑好薄, 裹面d肉都好彈牙.整體黎講味道係ok既, 不過如果你食過之前就會有比較了.

早两曰有家人生日、相約在此店吃晚飯, 叫了很多小菜, 包括: 醉鸡、鍋贴、小龙包、豆苗、担担面、東坡肉. 猪扒炒飯、等等。最深印象的是猪扒炒飯和東坡肉。全枱親友都赞猪扒炸得香脆、飯炒得粒粒香口、味道平均, 值九十五分; 但是東坡肉就是太多肥肉和昂贵, 用小碗裝上两三塊肉、但是每塊的肥肉佔了約八、九成份量、只有少量不肥的肉可吃, 所以被評為最差的餸菜。

同屋企人一行六人去左金滿庭食晚餐 晨早就叫左我家姐去等位 因為實在太多人排隊 次次經過都想食 但又唔想等 今次終於喺我家姐排左大半個鐘既情況下入坐叫左好多個餸 最中意食佢啲小籠湯包 皮薄多汁 唔叫兩至三籠唔夠喉 其他咕嚕肉、金沙骨嗰啲都ok 係個香蒜鐵板牛柳粒有啲唔抵食 味道一般般 貴得黎 仲要得幾粒牛肉 根本兩個人都唔夠食 更何況我成家六個人 下次唔會再叫呢碟

水晶肴肉，78元。外型吸引， 晶瑩通透，但一夾便分開两節，味道一般。炸銀絲卷，32元。外型不差，外脆肉軟，內層麵包好軟熟配上練奶一起吃，正，值得推介比大家。素鵝，78元。不過不失。 油爆蝦，88元。似茄汁蝦碌，酸酸甜甜，蝦都好大隻。密汁火腿蓮子響鈴夾，180元。幾塊火腿，但有好多好多蓮子，響鈴有點馬虎，只是一塊薄薄多春卷皮似的。高力豆沙，16一只。內有香蕉及蓮蓉，外層蛋白皮不太軟熟，實duck duck 。酒釀桂花小丸子，34元。好有酒味，小丸子軟棉棉，桂花都好多。

為慶祝家人畢業，來金滿庭大吃一頓。一直以來都有很多人排隊，尤其是晚飯時間，而且不能預約，有錢冇錢都要排隊，一視同仁。點了12道菜，全部拍了照。服務員態度很好。雖然外面排隊的人很多，但進到裡面，座位很寬敞。我們6個人，獲安排一張大檯，可以坐大約10人。每道菜都很美味，是外面吃不到的味道，很值得一試。其中有碟是安格斯牛柳，一粒粒的，是當日最美味的菜。埋單也只比外面餐廳貴一點點，但環境和衛生比外面好太多，值得多來幾次。

剛完成一頓令人失望的午餐。金滿庭一直是我喜歡的店，可惜食物水準已下降及員工服務態度欠積極，不禁影響了吃的心情。今天與家人點了銀絲卷、賽螃蟹、鮑魚雞粒炒飯及一囗小籠包，最令我失望的是它們的銀絲卷，入口不難發現它不大新鮮有點像冰封很久的味道...

11點幾來到，一開門無咩人黃金熏魚﹣外皮脆脆，大大舊唔會食落好乾，偏甜左少少rating:7.5/10幹煸四季豆﹣炒得幾惹味，唔辣rating: 7.5/10和尚戴帽﹣蛋包著炒粉絲，芽菜。比較淡口，用薄餅包著食。Rating: 6/10

6點後只得WALKIN,都係要等一口小籠包即叫即蒸,最正統食法包皮頂上咬一淡,再吮入面D湯,最後食肉.正傻佬炒飯用肉鬆加一點甜味,好味,但多一D鑊氣更佳奶油津白好鮮甜,同行友人連湯底都食埋lol最後,服務一流.會再去

今日根據早前致電留位接線生嘅建議：四點幾去到此店取票，點知啲職員話5點半先派飛 唉！之前致電已時常著電話錄音說線路繁忙⋯完全feel到被玩 最後終左班friends冇得甩，係呢到都係食唔番五年前嘅味道⋯餐廳再沒有做黃金蝦

初四返工，初四咁既樣.....中午同事拉隊食開年飯，亂點一通白肉：不過不失，正常不過 6/10 小籠包：不俗，肉汁充足 7.5/10燻魚：比詠*園略為不足，調味不夠 7/10燻蛋：煙燻味濃厚，蛋做到半熟效果 7.5/10肴肉：其實間間大致相同，不懂點評 6/10片皮鴨：等了蠻久，應是即叫即製，很少人會在午餐點吧？8/10粗炒：充肚一流，一班餓胎用以飽腹，但輕微油膩 7/10