金滿庭京川滬菜館 (奧海城二期)

營業中

休息中

金滿庭係新派中有水準的一家所以日日都甘多人係度等位附近既餐廳有幾間就拍晒烏蠅, 相映成趣一共來過三次, 每次都好滿意無論係小籠包, 擔擔麵, 南瓜蝦, 手撕雞, 炒飯等無論味道同份量都足夠值得一試再試試過好多人係門口排隊個時餐應有時會拎D點心出來俾大家食我就食過春卷, 仲係熱辣辣, 新鮮炸出來的雖然要每位120左右, 但值得囉茶錢每位好似都要成十蚊但佢既茶葉, 如鐵觀音, 人參烏龍等高外面既餐廳幾條街

周日中午到大角嘴與長輩敘敘，不想又去飲茶，就帶他們來奧海城的金滿庭試試。雖然仍要等位，不過盛況不如前，等不多久就有位。小籠包、回窩肉和酸辣湯拉麵之外，還叫了炸菜牛肉絲配叉子燒餅和薰蛋2隻。雖然份量不算大，不過對於1大3老來說已經足夠有餘。長輩吃得相當滿意，尤其喜歡小籠包和酸辣湯。不過我就腌尖一些，嫌回窩肉不夠辣，牛肉絲太甜，而觀音王亦普通得很，不夠味。埋單$250，長輩說不便宜，不過吃得開心，再來又何妨！

昨晚同幾個朋友去食飯，由於有位朋友要七點先到，所以諗住６點攞位，等得來都差不多七點鐘先有位，剛剛好．點知我六點行到去，只見到大約坐咗１０枱客，其它全部係'吉'枱，真係相當出奇．今次叫了手撕雞，松子黃魚，火腿絲津白，高力豆沙．嗰手撕雞可能太多人叫，所以個廚師好忙，佢將隻雞撕得好大嚿，不過嗰汁好有蒜蓉味．松子黃魚都萛幾滑．可能食得太多次高力豆沙都係差不多，沒有太太的驚喜．

我本身係奧海城0既街坊, 好多時都會去金滿庭食飯.淨係今個月都食0左兩次晚飯, 一次同個朋友, 擒晚就同我老爺奶奶.擒日我0地一行4人, 5點8 去到拎飛, 到7點4到入座.一埋位, 即刻叫0左我0地0既最愛0既砂鍋云吞雞半隻($98), 之後再叫0左小龍飽($28), 松子蝦米生菜包($75), 松子黃魚($98)...老實講, 擒日做冬0的伙計都會比較busy, 招呼一定無平時0甘好. 淨係添湯都要自已0黎... 平時伙計見你一拎起個湯匙, 佢0地就會即刻飛身埋0黎幫你, 反而擒日行過都扮睇唔到.但係食物水準係呢0的日子都keep 到, 真係算唔錯0拉...埋單連一罐啤酒$419

20060908十次經過呢度十次都排曬超長人龍，加上望到門口頂部有數張好似係法國藍帶的廚藝證書，心想：「好好食咁喎！」成日心思思想試但次次都被人龍嚇怕。今次趁臨近生日就先訂位再去，不過去到都要等約五分鐘先入得。一家四口連大熊，五個人叫了：（1）擔擔麵咦…又話有好濃花生味，冇喎…不過大致上都Ok，但個人認為唔屬於好好味個隻。（2）忘記名稱，湯一個阿蘇去到京川滬菜館都一定會叫的湯，阿蘇話如果有期望去飲的話呢個湯就係失望之作喎。個人就認為似清湯，冇咩特別。（3）忘記名稱，薄餅包牛肉絲牛肉絲D汁好好味道。個人認為用薄餅包住食有點多餘，就咁用來撈飯已經好正啦。（4）芝麻雞賣相幾靚，因為隻雞排得靚，上面又有好多芝麻，底下就用豉油浸住，味道唔錯。（5）松子桂花魚好多人都讚好食的一款菜。但係我覺得唔好食，可能因為個人比較喜歡食新鮮魚的關係。此魚賣相係好靚，魚身唔油好乾身。但係個炸漿好厚好粉。魚已經冇味，D魚肉又梅。醬汁方面係甜酸汁加上一堆松子及三色雜豆以及幾粒蝦仁。點解呢道菜可以標價標到咁唔合理？我真係唔識欣賞。（6）忘記名稱，抄飯一個唔係睇番相片都唔記得有食過。總括食物好普通姐，雖然唔係差但亦唔係好

上個星期六同屋企人一齊去食，由於唔想等位，所以決定食頭輪，去到5點幾已經有人排隊等位，只好一齊排，到5點半開始派籌，大約6點有得入坐．今日放在枱上的小食有兩款，其中一款係醉雞，份量都有成七件，只收$12，真係相當抵食，雞好有酒味．小籠包真係好”正”，永遠都禁有肉汁味．叫咗個推介菜式宫寶年榚粒，有一隻辣椒，不過食落只有甜味，沒有辣味．好彩d年糕粒都好有口感．擔擔麵個麵質好好，雖然叫了少辣，但都好有辣味．如果7點半前結賬，可以免收加一．幾抵呀！

呢度好旺﹐長期都有捧場客在外等位﹐真係訂檯先好o黎。佢o的茶味幾次都好香﹐連平日唔係特別鍾意飲茶o既我都連灌幾杯。鍾意食佢o既雲白肉﹐同埋小籠包﹐皮夠薄。鳳梨魚柳都整得幾好﹐肉質唔會死死實實。擔擔麵都可以o既﹐不過想佢再濃o的香辣o的就仲好。上次去都係兩個多月前﹐睇o下幾時再去食o下未食過o既o野先。

睇完戲, 近近地黎呢間食.二人晚餐, 星期二的晚上, 唔想搭枱, 結果七點三等等到八點五先有位. 門口有寫五半開始派籌, 下次真係要請早.茶叫左碧螺春, 竹林深處人家其中一味一口小籠包(八隻) $28肉絲兩面黃$56鳳梨魚柳$55茶介應該係夾埋$30, 再加一, 埋單$186碧螺春散發隻清香, 清新氣色.一口小籠包皮薄餡靚, 一咬就爆湯, 最好就一口食真係.肉絲兩面黃, 麵條很脆, 個汁好夠味. 肉絲配芽菜加上韭王, 很好的配搭.鳳梨魚柳, 層皮非常脆, 內裡的魚肉軟淋淋的, 口感非常. 個汁甜酸適中, 好開胃.

上次同家姐去食果次叫左個蒸同炸既曼頭，兩個好軟熟，不過可能即刻炸就耐左d，小籠包都好好食，不過我個人就覺得淡左d，龍井蝦仁都ok，埋單300到都食得過。

今晚同媽咪行開奧海城, 見呢間食上海菜好似唔錯, 就即管試一試...有幾款中國茶選擇, 我們選了人參烏龍茶, 果然唔錯, 甘得嚟帶甜.前菜- 涼伴青瓜粒配素鮑片: 唔錯! 感覺好清新.- 小籠包: 皮薄! 入面好多湯汁!- 蘭州擔擔麵: Order唔辣, 有好多肉碎及花生粒, 湯底濃味適中.- 排骨湯麵: 排骨炸得好鬆化! 麵也十分彈牙...- 高力豆沙: 賣相唔錯! 比想像中大件, 唸住入面只有豆沙餡,原來入面仲好香蕉, 雖然等了好耐, 都係藉得!服務OK!

金滿庭食過好多次..都要寫下食評支持下..最好味係:小籠包, 麵, 甜酸蝦球小籠包同麵都係我食過最好的, 小籠包真係皮薄料靚, 又多肉汁..超好味..麵D麵質又係好味, 幼幼地又有口感..個汁好CREAMY, 少少辣, 好多花生..呢兩樣我每次都食架甜酸蝦球我食過一次, 好大隻蝦..個汁好醒胃..正沙WOO雲吞雞都好正架..D湯係米白色..雲吞細細粒..GOOD

每次想去這裡吃飯, 看看錶, 如果五點幾, 如果在旺角附近, 我都會考慮去, 如果已經六點, 我單是想像到店外的人龍, 我就沒興趣了!!這店相信是奧海城最長人龍的食肆, 就算你沒去過, 看見人群聚集的地方走去也十之八九錯不了!!本人光顧次數不多, 不是不想去, 而係好多時就唔到時間(因為最怕等, 因此一定是就時間去的!)茶方面, 很多時會叫碧螺春, 可能是讀書讀過, 有感情吧!!說回食物, 每次去一定先叫一碗擔擔麵, 份量十足之餘, 亦很濃的花生味(正宗如否, 我沒考究, 但若愛花生的香味, 應該要試), 我女朋友喜歡這裡的擔擔麵!試過這裡的幾款小菜, 例如紅燒獅子頭, 味道很好, 肉丸做得很鬆化, 很有肉味, 而且很香!汁方面很濃味, 而且跟肉丸配合得相當出色!!炒鱔糊亦很出眾, 鱔的份量很多, 夠火喉, 而醬汁方面亦不錯, 但則略嫌油膩了一點!!因為小菜份量都頗大, 跟女朋友兩人吃吃不了多少, 有機會會再試其他菜式!甜品方面, 高力豆沙, 非常美味, 夠新鮮, 應該是即炸, 上枱時還是燙咀的, 豆沙甜道適中, 最重要是炸的油夠新鮮, 單是金黃色的外表已很吸引, 另外酒釀丸子亦是我的

未坐下先嚐自攜貓麵一碗，因此點菜時也不會考慮拉麵的了，待呷過一口甘香的人參茶定一定神後再品嚐其他菜色；榨菜肉跟燒餅，味道四平八穩，但燒餅不爭氣，不熱時又帶韌的，我只吃了面的芝麻層就放棄了。紅油抄手，因部份人不吃辣，點菜時巳吩咐辣油另上，表皮又薄又滑，內藏的餡料被剁得綿綿細緻又鮮味，不用多加咀嚼已可吞下。松子桂花魚，被切成片狀的魚肉沒味道，但炸得乾身不油膩而肉質仍嫩，醬汁的酸甜味非常合胃口，下次可點個咕嚕肉來試試。魚湯水蟹泡飯，魚湯味濃，夾著冬瓜粒來吃味道剛好，蟹的質素不差，最起碼是新鮮來貨。杞子蘆薈桂花糕，用玻璃碟盛著更顯得晶瑩剔透，杞子的原味清甜，蘆薈爽口的冰凍糕點，很是吸引的一款夏日甜品。傳菜啊姐見我們吃蟹吃得手忙腳亂，很醒目地遞來餐巾，服務一欄要加分。

昨晚我同6個朋友再N次去奧海城金滿庭食晚飯, 叫咗雲白肉: 肥瘦適中, 點醬另上, 濃淡可照個人喜好, 但D汁過甜!芝麻雞: 必選之作, 因好有雞味, D汁都亦都好味, 唔講由是可, 講開一把火, 次次7點零就估清, 你哋係唔係做生意ga? 可以叫多D貨.滿庭蝦: 次次去都幫襯，因平靚正, 每個$30. 平過自己買來煮, 不有時D汁太濃, 蝦味被蓋住啦……冰鎮介蘭: 係個好清新特別嘅餸，冰凍既介蘭加日本醬油同Wasabi一齊食，值得一試，一口小籠包: 好味多汁，皮薄餡靚，不過D皮太薄啦，一夾就穿，擔擔麵: 保持得到水準. 講開茶，我哋6人叫咗三種茶來飲, 觀音王同碧螺春都好正, 好過我响出面的茶莊買果D$2-300蚊嘅荼, 亦都飲咗人參烏龍, 都幾得意, 不過我覺得太甜拉, 唔像飲茶, 唔係幾鍾意。最唔鍾意係, 奧海城嗰間金滿庭，由開張到依家都係咁多人，成日排長龍，次次都排到腰酸骨痛, 老闆你可唔可開間大D既, 等我哋班粉絲唔晒等到咁慘. 拜託!!!拜託!!!!!

之前於金滿庭時代廣場分店已吃過幾次, 對他們的杞子蘆薈桂花糕仍然念念不忘, 再加上這裡茶香甘甜的人參烏龍茶, 足以令我再來光顧。下午一點三便到達, 全店已滿坐並須等位, 這也是預料中事, 幸好不用十分鐘便可入座, 是次三人共點了以下五樣菜式:紅油抄手–上枱時仍熱得出煙且燙口, 加多點醋及蒜泥一起吃, 仍然可口, 約醬汁的糖份稍減會更好鳳梨魚柳–這個例牌必吃的, 仍有點魚香的魚柳炸得外脆香甜, 些微雪味也沒有, 加上juicy的波羅, 非常醒胃, 個人喜歡鳳梨魚柳多過糖醋魚塊, 因發覺兩者所用的魚柳是不同的, 後者肉質會較韌燻魚湯拉麵–湯麵味道一般, 燻魚少骨味較甜, 湯與麵的質素以翡翠略為優勝高力豆沙–內裡包著香蕉及豆沙, 賣相與味道同樣不錯, 反而甜品不會過甜杞子蘆薈桂花糕–外表晶瑩剔透的賣相已相當吸引, 加上蘆薈粒杞子及桂花糖, 入口滲出淡淡桂花香, 質地軟硬適中, 非常好味, 以中式菜館來講, 這裡的甜品弄得不錯整體覺得這裡上菜速度快味道佳, 約菜式減少砂糖份量便可多吃一點, 相信隔段時間會再來的。