金沙角美食小厨

營業中

休息中

朋友介紹沙田博康邨熟食亭約大排檔燒鵝好好味，小炒明火爆炒夠鑊氣，價格也親民，絕對值得一試！今晚就過來試吓，港鐵沙田圍站B出口行過來3分鐘左右，非常方便。這間食店佔地都好大，戶外都放有多張餐枱，都坐滿人，看來真是很受歡迎。看看餐牌菜式選擇非常多，有傳統小菜、明爐燒鵝、新鮮文昌雞、啫啫㷛、四川水煮、還有多款生猛海鮮⋯我們點了一份孖寶套餐$288，包括有一份例牌燒鵝和豉汁蒸䱽魚，但我們補$30改清蒸沙巴龍躉😋還點了椒鹽瀨尿蝦$188豆腐時菜魚雲湯$108清蒸沙巴時間掌握得非常好，剛剛熟冇黐骨，肉質夠晒嫩滑，靈魂在香蔥豉油汁，能提升魚的鮮甜清香，魚汁都可送幾碗白飯🤤燒鵝表皮香脆帶油香，鵝肉鮮嫩夠入味，醮些酸梅醬近添美味。椒鹽瀨尿蝦炸得金黃香口，外殼沾滿椒鹽炸蒜，蝦肉鮮嫩彈牙，每口都食到微辣鹹香交融，配搭啤酒認真一流👍豆腐時菜魚雲湯，奶白色的湯底，味道鮮甜，濃郁的魚香味，味道和營養價值冇得輸，超好飲👍必定再回訪，還可以帶埋寶貝狗狗坐戶外，必定令有一番風味😊

早幾日約朋友，突然想試大排檔，便在沙田圍站搵吓，記得有大排檔見到金沙角美食小廚，好熱鬧，就入去試吓炸大蠔餅一上枱我真係忍唔住「嘩」！😲 呢個蠔餅的 size 超級巨大，用料真心充足。大隻的蠔肉香口又鮮味，食落去每一口都令人陶醉！🦪✨椒鹽鮮魷呢個椒鹽鮮魷，絕對係香口之選！每一口都帶有椒鹽的香氣，極度邪惡，令人一口接一口停唔落來！🙈🔥金銀蛋白菜仔呢個菜非常足料，金銀蛋的配搭令整道菜色香味俱全，仲可以平衡番啲邪惡炸物，真係唔錯！😋🥬燒鵝下莊今次最驚喜的選擇！燒鵝賣相非常吸引，上枱已經引起大家的注意。咬落去有脆口感，肉質鮮嫩，絕對係推介系列！😋🍗話明大排檔，當然有得坐室內又有得坐出去呢度的服務好好食物份量仲要好大份性價比高今晚的聚餐真係好開心，食物美味又滿足，期待下次再嚟！🥳🍽️

同事們都喜歡食大排檔嘅穫氣，今晚就係一齊去一間人氣大排檔食返餐，金沙角美食小厨位於沙田博康邨熟食中心，佔地都好大，室內外都設有座位，地方乾淨企理，主打鑊氣小炒，出爐燒鵝等，店內亦設有海鮮缸，提供生猛海鮮。紅燒乳鴿皇：乳鴿即叫即炸，色澤鮮明，外脆內嫩又多汁。 豉汁蒸大鱔味道豉香濃郁，肉質鮮嫩彈牙。菠蘿咕嚕肉：咕嚕肉肉質外脆肉軟多汁，汁醬酸甜醒胃，用咗新鮮菠蘿，味道特別香甜。豉油王鵝腸十分爽口，豉油的咸味更加吊出鵝腸的鮮味，配搭墊底嘅芽菜，增加了爽脆口感。鴛鴦炒飯：在蛋炒飯上淋上兩種不同的醬汁。紅白相襯色澤鮮明，紅色一面用蕃茄和雞絲做成，味道酸酸甜甜，白色一面用咗爽口又大隻嘅蝦仁做成，味道香濃Creamy, 非常開胃又飽足。

今晚去咗博康邨嘅金沙角美食小厨，係傳統有穫氣嘅熟食中心。呢度環境幾舒適，食到嘅菜式好美味。不可不點嘅椒鹽鮮魷（$138），魷魚炸得金黃酥脆，椒鹽嘅味道剛好，不過我覺得可以再多一點點辣，會更有味。薑葱炒蟹（$200）。蟹肉鮮甜，加上薑葱嘅香味，好味到連薑葱都食埋。蒜蓉蒸蝦（$158），蝦肉非常鮮嫩，蒜蓉嘅香氣亦唔會太重，反而襯托咗蝦本身嘅鮮甜。金銀蛋菠菜（$88），菠菜煮得剛好，配上金銀蛋，口感滑溜，滋味十足。總體嚟講，金沙角美食小厨價錢合理，如果你鍾意海鮮，呢度值得一試。下次再嚟試下其他菜！

就快絕跡嘅大排檔（金沙角美食小廚）大排檔係香港特色之一，以前係好多大排檔，而家買小見小，因為全部都已經入哂鋪頭，咁懷舊嘅大排檔真係聊聊可數，大排檔咁當然係食小菜，蠔餅，海鮮等。首先講下呢度炸蠔餅，真係超級足料，非常多蠔肉，仲要炸到超級脆卜卜，再點少少魚露係我必叫之一。苦瓜炆班腩，呢道菜真係好有味道！苦瓜嘅苦味同班腩嘅肥膩搭埋一齊，班腩炆得軟軟，吸咗苦瓜嘅味，食落去有種回甘嘅感覺。蒜蓉炒豆苗，呢道菜就簡單又好食。宮保雞丁，雞丁炒得香脆，配上腰果同芹菜，口感層次好豐富。腰果嘅香脆，真係食到停唔到口。沙拉骨就係一個好滋味嘅選擇，肉質嫩滑，味道濃郁。用沙律煮出嚟嘅豬扒啖啖肉酸酸甜甜超級好送飯。

今日去沙田探親戚 見到樓下有間大排檔 好多人食 所以就入去試吓 到我哋食完走都仲見到有人等緊位😱黑椒薯仔牛柳粒牛柳粒炒得好惹味 全部餸都係新鮮炒出嚟嘅 熱辣辣 啲牛柳粒都好大嚿西檸雞球好大塊嘅雞扒 塊雞扒好嫩 而家有西檸雞食嘅地方越來越少啦😮‍💨鮮豬潤啫啫骨煲好大煲 好足料 個煲上嚟嘅時候都沙沙聲㗎🤤暖笠笠咁 真係好暖胃😍金銀蛋浸時蔬佢可以俾我哋揀白菜仔或者菠菜 我哋就揀咗白菜仔 好大碟 而且仲有啲肉碎 好濃味😋椒鹽鮮魷椒鹽鮮魷係大排檔必點嘅嘢食 呢度嘅魷魚好大嚿 好有咬口 好彈牙 炸到金色咁 真係食到停唔到🤤

蛇年初二去食開年飯，四周環境都有一首靚字圍繞着好的，而且佢菜式非常之吸引叫咗兩隻乳鴿兩隻都啖啖肉，皮脆內亂跟住叫咗個椒鹽炸鮮魷，同楊州炒飯，炸鮮魷鬆化好食，炒飯唔錯，唔會太多油新年當然唔少得橫財就手嘅脆皮豬手，超級大隻同好食炸筍殼魚，都非常新鮮，有魚嘅鮮味炸大腸都做得好出色㗎最後嚟一味，芥末醬牛柳粒，非常之惹味

🥠芝士焗琵琶豆腐 $105琵琶豆腐真係未見過，亦都係第一次食，估唔到第一次仲係用芝士焗🫕個芝士醬濃而不膩，而且豆腐都好綿滑，整體幾好食幾有新鮮感😳.🦪酥炸蠔餅 $98炸蠔餅基本上係食親大排檔必點嘅一道菜，呢度嘅蠔餅真係大件夾抵食🤩外層非常酥脆，但一啲都唔覺得油膩，蠔仔嘅比例都係啱啱好，蚝肉鮮甜多汁，唔錯唔錯🥳.💰人均消費～$200.🍽味道：4/5🏙環境：4/5👨🏼‍🍳服務：4/5💧衛生：4/5💰價錢：4/5

今日去咗沙田探姑媽，順便請佢食晚飯。姑媽鍾意大排檔風味，話佢哋夠鑊氣，所以就帶我去咗間老字號嘅大排檔。店內地方好大，氣氛熱鬧。我哋點咗幾款小菜，每道菜都非常出色！清蒸老虎斑 🐟：老虎斑魚肉非常嫩滑，蒸得恰到好處，魚味鮮美，完全冇腥味。魚皮爽滑，配上清淡嘅蒸魚豉油，簡直係一絕！粟米魚肚羹 🍲：呢碗羹真係非常豐富，粟米同魚肚嘅配搭非常特別，味道鮮甜，口感滑溜，每一啖都好美味。瑤柱扒豆苗 🥬：豆苗翠綠，清炒得恰到好處，保持咗菜心嘅清脆。瑤柱香氣撲鼻，味道濃郁，非常惹味。鴛鴦炒飯 🍚：呢個炒飯絕對係今晚嘅亮點之一。飯粒炒得粒粒分明，口感爽滑。兩款炒飯有著不同嘅風味，鮮蝦爽口彈牙，配上雞肉嘅炒飯甜中帶鹹，非常滋味。呢間老字號大排檔嘅菜真係每一道都好有水準，地方大，環境舒適。強烈推薦俾大家嚟試吓😊🍽

今日去咗一間大排檔，真係要推介俾大家！😋✨首先講下蒜蓉炒豆苗，豆苗炒得好嫩，蒜蓉香氣撲鼻，每一口都好清新爽口，健康又美味！🥬🧄黑椒薯仔牛柳粒都好出色，牛柳粒煮得剛剛好，薯仔外脆內軟，黑椒汁濃郁，味道真係一流！🥩🥔懷舊煎蠔餅更係不得了，外脆內軟，蠔肉鮮甜，每一口都充滿懷舊風味，食完仲想再來一塊！🦪🍳鮮豬潤啫啫雞煲真係一個暖胃好選擇，雞肉嫩滑，豬潤鮮美，煲底味道濃郁，每一口都好滿足！🍲🐔鹹魚煎肉餅亦係一大亮點，肉餅外脆內嫩，鹹魚味道恰到好處，唔會太鹹，配埋白飯真係一絕！🐟🍖呢度嘅環境都好舒適，同朋友聚餐好舒服。整體嚟講，呢間大排檔嘅菜式真係多樣化，每一道都好有特色，好值得一試！🎉🍴

大女同老公好喜歡大排檔嘅風味，話佢哋夠鑊氣，知道沙田博康邨熟食中心有間叫金沙角美食小厨，是一間老字號嘅舊式大排檔，店內地方都幾大，分咗室外和室內，環境乾淨衛生，主打鑊氣小炒及生猛海鮮。豉汁蒸大鱔：大鱔都好新鮮肥美，每舊都沾滿濃郁的醬汁，食落爽口彈牙又惹味！椒鹽鮮魷炸至金黃酥香，鮮魷厚肉彈牙，加上椒鹽，香脆又惹味！生菜鯪魚球豆腐煲：鯪魚球肉新鮮彈牙，豆腐嫩滑，湯底鮮甜。肉絲炒麵：滿滿配料的一碟肉絲炒麵，炒得好有鑊氣，麵底香脆，肉絲、草菇、韭黃、芽菜等配料豐富，加上一個玻璃芡汁，完美的配搭，美味可口！鴛鴦炒飯：而家啲餐廳酒樓都好少做，見到呢度有即刻叫嚟試吓，一上枱見到大大碟份量十足，炒飯具有鮮艷的顏色和豐富的味道，醬汁以番茄的鮮甜加雞肉和洋蔥，白汁的香滑就加爽口的蝦仁，蛋炒飯底鑊氣，無論口感和味道都極美味！

約左朋友新年聚會，平靚正當然係食大排檔😉今次我地嗌左懷舊煎蠔餅($108)、椒鹽鮮魷($138)、沙嗲金菇肥牛煲($105)、濃湯鮮茄野菌時蔬($98)、菜遠蝦球麵($100)環境裝修充滿住地道風味，好感受到濃厚嘅懷舊氣氛，夠晒本土特色😁食物陸續到齊，全部都份量十足，極豐富🤩懷舊煎蠔餅：煎蠔餅一上枱就聞到陣陣香氣😍外皮煎得金黃色，食落香脆之餘唔覺太油膩，內裡嘅蠔仔肉鮮甜多汁，每一啖都充滿咗蠔嘅鮮味，好似返到細個嘅時候食嘅味道，真係好正😋椒鹽鮮魷：鮮魷炸得金黃香脆，外皮酥脆，內裡嫩滑，配上椒鹽嘅調味，惹味十足。一啖接一啖，完全停唔到口，係小食中嘅必點之選🤩沙嗲金菇肥牛煲：沙嗲汁香氣撲鼻，令人食指大動。肥牛片薄嫩，金菇爽口，最緊要嘅係D粉絲全部都吸收滿晒沙嗲濃郁香，啖啖滋味😋濃湯鮮茄野菌時蔬：蔬菜爽脆，味道清新，連埋蕃茄、野菌等煮埋一齊，所以個湯底鮮甜味滿溢，絕對係健康之選😉菜遠蝦球麵：蝦球數量都唔少，大大隻兼且彈牙鮮甜，配上爽口嘅菜遠，加埋脆口嘅麵條一齊食，口感豐富，味道一流😎每一款菜式味道水準幾好，價錢夠親民，份量夠晒大碟，好適合一大班朋友聚會SHARE黎食，絕對物超所值🥰而且呢到有勁

椒鹽九肚魚口感外脆且內裏滑溜，連骨都可以食埋，表面加上蒜粒非常惹味和魚香味重～薑蔥魚腩煲 口質非常嫩滑，唔會過火岩岩好魚腩大件且啖啖肉，份量亦非常多～整體上夠哂穫氣同惹味。椒鹽鮮尤 上台聞到好香椒鹽味，調味分佈均勻。炸到金黃色，但唔會覺得炸過耐既熱氣感，脆漿唔會太厚，口感酥脆可口～ 黑椒薯仔牛柳粒 牛柳粒唔會過韌，薯仔係走咗油，炸到脆卜卜，再用蜜汁炒香牛柳，辣辣甜甜好好食。乾炒牛河河粉偏軟身，外觀上色且唔會過咸，牛肉嫩滑。整體上有鑊氣而無黐底，質感乾身不會有油膩感。

香港嘅熟食中心買少見少今次嚟到沙田熟食中心裏面嘅一間超級有人情味嘅小店食小菜同點心豉汁蒸鱔份量超級多裏面嘅鱔見見都多容易且爽脆，完全冇味，非常之肥美再配搭埋佢哋嘅豉汁撈飯一流！魚香茄子煲同樣地份量超級足夠，而且特別喜歡佢哋嘅肉碎好鹹香，茄子走過油非常之好食，味道好惹味！招牌燒鵝雖然燒鵝只係叫咗上莊，但係已經超級嫩滑！而且份量都好足夠外皮燒得非常之脆，油香十足，配埋佢哋嘅豉油超級香點心方面叫咗蝦餃同埋臘味蒸飯，臘味蒸飯只係$28但係裏面有超多舊臘肉同埋仲有條臘腸超級抵食，蝦餃$23 1籠有四粒，裏面嘅蝦肉好爽彈

隨住舊區重建，屋邨屋村冬菇亭／大排檔／熟食中心，真係買少見少。博康邨呢個排檔都好多年歷史了，港式大排檔，小菜夠鑊氣，價錢親民，份量十足，吸引不少街坊，尤其老一輩家庭聚會。🍲蠔仔粥粥底滑順，蠔仔鮮甜，海味濃厚。🦐時菜蝦球炒麵蝦大大隻，麵餅煎得脆卜卜，香氣十足。🦪懐舊炸蠔仔餅外皮酥脆，蠔仔🦪飽滿，還有很香蛋味，魚露突顯鮮味。🐮柱侯牛腩煲牛腩炆得軟嫩，柱侯醬較濃，配白飯一流。 🐟涼瓜斑腩煲涼瓜不苦帶甘，斑腩肉質滑嫩。 🐷韭菜花炒豬頸肉韭菜花入口冇渣，豬頸肉嫩滑，夠晒鑊氣。 如果你喜歡港式鑊氣小炒，屋邨冬菇亭／大排檔／熟食中心，絕對喺一個不錯嘅選擇。📍金沙角美食小厨地址: 沙田博康邨熟食中心地舖