金沙角美食小厨

經過博康邨見到呢間大排檔，都幾懷舊，前身係冬菇亭，依家執過下但都仲有果種大排檔風味。
叫左三個海鮮，全部都水準好好

豉椒炒蟶子
蟶子夠鲜味，豉椒香味濃郁，唔會太油太咸，所以蟶子甜味仲係度，好平衡。

芝士焗生中蝦伊麵底
估唔到有10隻大蝦咁多，隻隻都好鮮味
伊面底吸收左海鮮既精華，而且芝士好夠，好滿足

豉汁蒸白鱔
鱔味濃，蒸得啱啱好，每片都厚身又肉質嫩滑

總括黎講真係大件夾抵食既，呢啲冬菇亭依家買少見少，真係要好好珍惜。

1