金沙角美食小厨

營業中

休息中

今日去咗一間大排檔，真係要推介俾大家！😋✨首先講下蒜蓉炒豆苗，豆苗炒得好嫩，蒜蓉香氣撲鼻，每一口都好清新爽口，健康又美味！🥬🧄黑椒薯仔牛柳粒都好出色，牛柳粒煮得剛剛好，薯仔外脆內軟，黑椒汁濃郁，味道真係一流！🥩🥔懷舊煎蠔餅更係不得了，外脆內軟，蠔肉鮮甜，每一口都充滿懷舊風味，食完仲想再來一塊！🦪🍳鮮豬潤啫啫雞煲真係一個暖胃好選擇，雞肉嫩滑，豬潤鮮美，煲底味道濃郁，每一口都好滿足！🍲🐔鹹魚煎肉餅亦係一大亮點，肉餅外脆內嫩，鹹魚味道恰到好處，唔會太鹹，配埋白飯真係一絕！🐟🍖呢度嘅環境都好舒適，同朋友聚餐好舒服。整體嚟講，呢間大排檔嘅菜式真係多樣化，每一道都好有特色，好值得一試！🎉🍴

大女同老公好喜歡大排檔嘅風味，話佢哋夠鑊氣，知道沙田博康邨熟食中心有間叫金沙角美食小厨，是一間老字號嘅舊式大排檔，店內地方都幾大，分咗室外和室內，環境乾淨衛生，主打鑊氣小炒及生猛海鮮。豉汁蒸大鱔：大鱔都好新鮮肥美，每舊都沾滿濃郁的醬汁，食落爽口彈牙又惹味！椒鹽鮮魷炸至金黃酥香，鮮魷厚肉彈牙，加上椒鹽，香脆又惹味！生菜鯪魚球豆腐煲：鯪魚球肉新鮮彈牙，豆腐嫩滑，湯底鮮甜。肉絲炒麵：滿滿配料的一碟肉絲炒麵，炒得好有鑊氣，麵底香脆，肉絲、草菇、韭黃、芽菜等配料豐富，加上一個玻璃芡汁，完美的配搭，美味可口！鴛鴦炒飯：而家啲餐廳酒樓都好少做，見到呢度有即刻叫嚟試吓，一上枱見到大大碟份量十足，炒飯具有鮮艷的顏色和豐富的味道，醬汁以番茄的鮮甜加雞肉和洋蔥，白汁的香滑就加爽口的蝦仁，蛋炒飯底鑊氣，無論口感和味道都極美味！

約左朋友新年聚會，平靚正當然係食大排檔😉今次我地嗌左懷舊煎蠔餅($108)、椒鹽鮮魷($138)、沙嗲金菇肥牛煲($105)、濃湯鮮茄野菌時蔬($98)、菜遠蝦球麵($100)環境裝修充滿住地道風味，好感受到濃厚嘅懷舊氣氛，夠晒本土特色😁食物陸續到齊，全部都份量十足，極豐富🤩懷舊煎蠔餅：煎蠔餅一上枱就聞到陣陣香氣😍外皮煎得金黃色，食落香脆之餘唔覺太油膩，內裡嘅蠔仔肉鮮甜多汁，每一啖都充滿咗蠔嘅鮮味，好似返到細個嘅時候食嘅味道，真係好正😋椒鹽鮮魷：鮮魷炸得金黃香脆，外皮酥脆，內裡嫩滑，配上椒鹽嘅調味，惹味十足。一啖接一啖，完全停唔到口，係小食中嘅必點之選🤩沙嗲金菇肥牛煲：沙嗲汁香氣撲鼻，令人食指大動。肥牛片薄嫩，金菇爽口，最緊要嘅係D粉絲全部都吸收滿晒沙嗲濃郁香，啖啖滋味😋濃湯鮮茄野菌時蔬：蔬菜爽脆，味道清新，連埋蕃茄、野菌等煮埋一齊，所以個湯底鮮甜味滿溢，絕對係健康之選😉菜遠蝦球麵：蝦球數量都唔少，大大隻兼且彈牙鮮甜，配上爽口嘅菜遠，加埋脆口嘅麵條一齊食，口感豐富，味道一流😎每一款菜式味道水準幾好，價錢夠親民，份量夠晒大碟，好適合一大班朋友聚會SHARE黎食，絕對物超所值🥰而且呢到有勁

椒鹽九肚魚口感外脆且內裏滑溜，連骨都可以食埋，表面加上蒜粒非常惹味和魚香味重～薑蔥魚腩煲 口質非常嫩滑，唔會過火岩岩好魚腩大件且啖啖肉，份量亦非常多～整體上夠哂穫氣同惹味。椒鹽鮮尤 上台聞到好香椒鹽味，調味分佈均勻。炸到金黃色，但唔會覺得炸過耐既熱氣感，脆漿唔會太厚，口感酥脆可口～ 黑椒薯仔牛柳粒 牛柳粒唔會過韌，薯仔係走咗油，炸到脆卜卜，再用蜜汁炒香牛柳，辣辣甜甜好好食。乾炒牛河河粉偏軟身，外觀上色且唔會過咸，牛肉嫩滑。整體上有鑊氣而無黐底，質感乾身不會有油膩感。

香港嘅熟食中心買少見少今次嚟到沙田熟食中心裏面嘅一間超級有人情味嘅小店食小菜同點心豉汁蒸鱔份量超級多裏面嘅鱔見見都多容易且爽脆，完全冇味，非常之肥美再配搭埋佢哋嘅豉汁撈飯一流！魚香茄子煲同樣地份量超級足夠，而且特別喜歡佢哋嘅肉碎好鹹香，茄子走過油非常之好食，味道好惹味！招牌燒鵝雖然燒鵝只係叫咗上莊，但係已經超級嫩滑！而且份量都好足夠外皮燒得非常之脆，油香十足，配埋佢哋嘅豉油超級香點心方面叫咗蝦餃同埋臘味蒸飯，臘味蒸飯只係$28但係裏面有超多舊臘肉同埋仲有條臘腸超級抵食，蝦餃$23 1籠有四粒，裏面嘅蝦肉好爽彈

隨住舊區重建，屋邨屋村冬菇亭／大排檔／熟食中心，真係買少見少。博康邨呢個排檔都好多年歷史了，港式大排檔，小菜夠鑊氣，價錢親民，份量十足，吸引不少街坊，尤其老一輩家庭聚會。🍲蠔仔粥粥底滑順，蠔仔鮮甜，海味濃厚。🦐時菜蝦球炒麵蝦大大隻，麵餅煎得脆卜卜，香氣十足。🦪懐舊炸蠔仔餅外皮酥脆，蠔仔🦪飽滿，還有很香蛋味，魚露突顯鮮味。🐮柱侯牛腩煲牛腩炆得軟嫩，柱侯醬較濃，配白飯一流。 🐟涼瓜斑腩煲涼瓜不苦帶甘，斑腩肉質滑嫩。 🐷韭菜花炒豬頸肉韭菜花入口冇渣，豬頸肉嫩滑，夠晒鑊氣。 如果你喜歡港式鑊氣小炒，屋邨冬菇亭／大排檔／熟食中心，絕對喺一個不錯嘅選擇。📍金沙角美食小厨地址: 沙田博康邨熟食中心地舖

去完朋友屋企聚會朋友想食大排檔所以去左沙田既金沙角食入到去鋪頭都幾多人不過好彩都有位我地揀左呢幾款野食⭐️金沙爆田雞：個份量勁大，好足料，師傅炒得好香，幾好食⭐️芝士焗斑塊：個魚都煎得幾香口，加埋個芝士，撈飯撈麵一流！⭐️白灼肥牛鵝腸：白灼重點會跟個辣椒豉油，佢個調味幾好，而且個鵝腸亦無腥味！處理不錯⭐️鴛鴦炒飯 ：好耐冇食過鴛鴦炒飯，見到佢就好想食，佢個炒飯底都幾香口，幾乾身，配埋個醬汁幾好⭐️西湖牛肉羹 ：佢個味都ok, 每一口都有牛肉碎同芫荽嘅香味！總括嚟講，佢啲嘢都幾抵食，仲要碟碟都大大碟，份量好足夠！

沙田朋友極力推薦金沙角美食小廚，所以我哋決定跨區去試吓。 它係一間傳統冬菇亭大排檔，空間頗大，主打各式各樣風味小炒和海鮮。當日雖然係平日但座無虛席，氣氛熱鬧。 我哋叫咗三杯雞、豉汁蒸大鱔、涼瓜菜脯蛋角、西蘭花炒花枝帶子和廈門炒米。三杯雞三杯雞鑊氣十足，帶有陣陣麻油、米酒和醬油香味，還有九層塔、老姜片和粒粒蒜頭，提升了這道菜香氣，啖啖雞肉，配上白飯，真一流！豉汁蒸大鱔白鱔鮮甜彈牙，每件白鱔都包着濃稠蒜蓉豉汁，鮮香美味又唔鹹。如果加點果皮會更惹味，又係一 道十分適合送飯嘅菜式。涼瓜菜脯蛋角蛋餅煎得金黃香脆，口感外脆內嫩， 加上鹹香爽脆菜脯和薄薄苦瓜片，非常到胃送飯小菜。西蘭花炒花枝帶子西蘭花色澤鮮嫩，咬落脆口不硬實，花枝帶子， 外香內軟，有鮮味，香味四溢，正！廈門炒米上枱時， 曾懷疑其味道， 因外貌不太討好。但吃一口，隨之而改觀。 米粉甜酸軟滑，有蝦有蛋有叉燒。最重要係有廈門炒米必備嘅五柳菜和九 黃，非常醒胃惹味。整體來說，菜式份量大，鑊氣十足， CP值高， 喜歡港式大排檔情懷嘅你哋，不要錯過啦。

晚餐同老公山長水遠走入久違的沙田大排檔，才發現這裡變化真的很大，以前經常來吃的沙角邨大排檔已經拆了，只剩下兩間新式大排檔。走過對面博康邨，舊式大排檔也所餘無幾，好彩還有《金沙角美食小廚》，今晚可以好好重温當年的味道。大排檔必點「椒鹽九肚魚」，外皮可口酥脆，魚肉滑溜，椒鹽惹味得很😋「懷舊煎蠔餅」酥脆香口，蠔肉新鮮，還帶有蛋香味。小時候最愛的「芝士焗琵琶豆腐」，芝士味道濃郁，加入了蛋漿做的琵琶豆腐，味道難以忘懷。「生啫黃鱔煲」新鮮黃鱔，去膜光淨，還添上了豬潤，舌尖上的美味😍原本就說了不點的「脆皮炸大腸」，可惜最後還是抗拒不了😝今晚真係超飽超滿足哦！🥳

最近同朋友去沙田博康邨的金沙角美食小廚食晚飯 呢間大排檔的港式味道真係好驚喜 平日晚都好熱鬧下雖然地方唔算大但好親切 特別適合同朋友聚餐 我哋坐喺圓桌上點咗幾道招牌菜首先上嘅係紅燒乳鴿王 呢道菜色香味俱全 皮脆肉嫩 搭配特製醬汁 味道濃郁但唔油膩跟住係鮮豬潤啫啫雞煲 呢個煲真係令我好驚艷 豬潤同雞肉搭得好好 湯汁鮮美 送飯一流我最期待嘅薑蔥桶蠔煲都如預期想象中正 新鮮嘅桶蠔煮得啱啱好 口感滑嫩 薑蔥嘅香味更加提升咗整道菜 好味 最後 枝竹豆腐火腩煲都令人印象深刻 豆腐吸咗火腩嘅鮮香 正如果你喺沙田附近想搵個地方享受地道嘅港式美食 金沙角美食小廚真係一個唔錯嘅選擇

沙田圍附近一直都有好多大排檔，而當中呢一間金沙角美食小廚一直都好受附近街坊歡迎，所以我就去試吓啦。難得去到都梗係要叫返半隻雞煲啦，我就叫咗佢嘅奇味雞煲。唔止有得揀自己係度煲，亦有等廚師幫我整，如果廚師幫我整嘅話，雞件仲會變得更加滑。而佢其他嘢食都好出色，我叫咗佢椒鹽鮮魷，再蘸住佢嘅醬汁之後就更加好食。外脆內軟，魷魚彈牙，非常好食。韭菜花豬頸肉都好正，佢大大碟有勁多韭菜花，而且好入味。而佢豬頸肉都好彈牙，有菜有肉，真係好正。另外亦都推薦叫一份佢嘅乳鴿。乳鴿可以紅燒或者豉油，每一隻都啖啖肉，再蘸埋佢嘅鹽同埋醬汁，味道更加豐富！

今次嚟呢間超有風味嘅大排檔，舖面開揚，坐得舒服，而且仲好多時令菜式😋。🥢西蘭花炒花枝帶子$145超級大碟，帶子大大粒又鮮甜，花枝Q彈爽脆， 西蘭花嫩綠脆口，味道剛好，亦炒得不油不膩👍。🥢菠蘿咕嚕蝦球$128酸甜適中，外皮夠脆又唔會好厚粉，蝦亦新鮮爽彈，開胃好味😋。🥢南乳蓮藕炒鮮魷$118南乳香氣撲鼻，蓮藕爽脆，粉量超多，魷魚大大件軟滑唔韌👍。🥢脆皮燒鵝皇下庄$158鵝味濃郁，皮脆而肉質軟嫩，充滿脂香，餸酒一流🍻。🍺醇滑嘉士伯大樽裝$35🍚白飯呢度嘅白飯超大碗又夠熱，有其他酒樓嘅1.5倍🤩。真正嘅大排檔就係呢種風味，冇拘束，唔限時，坐得舒服，出菜快靚正，大大碟又好味👍。

要找一間正宗港式大排檔，很多人都會推介去沙田。但懂貨的，就會知道位於沙田圍的博康邨，入面有間「金沙角美食小廚」，是一間真正老字號的港式大排檔。金沙角以港式小炒出名，基本上想到的港式小菜都應有盡有。⍱ 1. 芝士焗桶蠔烏冬底想不到大排檔亦有做芝士焗桶蠔烏冬。大廚將原粒桶蠔搭配濃郁的芝士，經過焗烤，令烏冬先吸收了蠔汁與和芝士的精華。而且桶蠔非常非常大顆，入口非常有口感，比酒樓做的還更好食。⍱ 2. 芥末美果牛柳粒芥末牛柳粒亦係港式餐廳的常見之選。先將牛柳沾上芥末醬，再將牛柳粒炒得外焦內嫩，搭配甜甜的合桃，口感對比十足。⍱ 3. 招牌小炒皇話明「招牌小炒皇」，作為招牌菜之一，一定要嚐嚐。小炒皇有蝦肉、魷魚、韭菜、腰果等等，將它們一同快炒，保留了食材的鮮味與脆嫩，非常惹味。⍱ 4. 懷舊煎蠔餅大排檔，其中我最喜歡的還有煎蠔餅。蠔餅先炸得外皮酥脆，內餡則包裹超大粒蠔肉。比起出面大排檔，金沙角的蠔餅實在非常足料，蠔量多而且夠大顆。如果要找大排檔，我會推介沙田博康邨的金沙角了。

好耐無食大排檔啦，以前耐唔耐家庭聚餐都會去食。沙田博康邨竟然有間「金沙角美食小廚」，晚上個招牌閃爍🪩幾吸睛。入面都好多位，而且圓枱傾計好方便。當晚有幾枱攪生日，好熱鬧。大排檔最好就係同朋友啤啤佢，餐廳售賣多款啤酒🍻。芝士焗桶蠔（烏冬底）即叫即焗，超級熱烘烘。勁大pat芝士🧀️好香濃，趁熱食可以拉絲；而且桶蠔大大隻好肥美，配埋烏冬食一流。蕃茄豆腐魚雲湯大大碗夠4人飲。蕃茄味好夠味，酸酸地好開胃，配滑滑豆腐，秋/冬天最岩飲湯潤喉同暖胃。而魚雲有豐富骨膠原，同埋滑到入口即溶既魚肉。花膠什菜煲配料真係有花膠絲，炆到好冧身；有好多粉絲配上湯好好味😋有幾款菜食好健康，d菜幾靚，食到甜味。金沙爆田雞用咸蛋黃醬爆香，鹹香好惹味。最愛食田雞脾，d肉好滑。

真係返風轉涼喇，秋意天濃更加想麻甩一下嚟博康邨熟食中心有間大排檔，超級有feel首先嚟個琵琶豆腐，坊間要食到好食嘅琵琶豆腐都唔易，仲要係芝士焗製，更加少有呢盤醬汁濃而不膩，豆腐質感好綿原來呢度都有招牌燒味，燒鵝係當中嘅表表者，有得揀上下庄，上庄冇咁肥皮燒得好脆，相當有鵝香，點梅醬食更醒胃同人食通常都唔俾嗌九肚魚，今次終於有同好，可能一齊嗌嚟食，呢碟嚿嚿魚都好大嚿，炸到金黃爽脆，魚香充足呢味襯返支啤酒，絕對好夾返風點可以唔食蠔仔粥呢？怕食唔晒就唔嗌一窩，改嗌一碗點知大碗到好似窩咁，粒粒蠔肉都好肥美大嚿，真係抵到痹食咗咁多蛋白質，都要嗌返碟菜食吓纖維嘅，金銀蛋浸菠菜都好有味道，啖啖菜都有蛋嘅鹹香，唔會淡茂茂