金屋麵包西餅

營業中

休息中

係 YouTube 睇到金屋麵包既故事，就好想去支持一下，同試下佢既麵包係咪真係唔同。店面冇特別裝修過，保留舊有麵包店色彩，價錢一點都唔貴，仲可以用個平字黎形容，真係非常之好。另外麵包款式非常多感覺驚喜。一次過買了5個麵包，諗著返屋企食同做早餐，點知一食就停唔到口，麵包非常有口感，絕對唔係果D連鎖式麵包店甘食空氣。令我食完一個又一個，真係未試過甘鐘意食麵包。為左以後可以食甘高質素既麵包，一有時間就一定要去支持佢地繼續整優質麵包。

睇到雜誌介紹,比D懷舊麵包吸引左,到此一遊.見到門口好多人,心想都應該唔錯啩!買左都好多包包回家慢慢試.香蕉蛋糕$12:味道一般,冇咩牛油味,香蕉味更加小之又小,好粗糙下.戚風蛋糕$14:好軟熟,只有小小甜味,冇咩蛋糕味.雪山栗子包$7:味道好一般,栗子味都可以,份量唔多.忌廉墨西哥包$5.5:最好嘅一樣,忌廉香滑,麵包軟熟,麵包面金黃色嘅醬,好香,好重牛油味,正!紅豆包$7.5:味道好一般,紅豆份量好小.大雞尾包$6:好難食,好硬,椰絲又小又唔香,失敗之作!睇怕都冇下次!

好耐無食過金屋的麵包,難得見到當然要入去買.一望俾熱狗的兩片蕃茄吸引了,最後用了6.5買一隻熱狗.麵包是芝麻包,尚算鬆軟.腸仔外表煎得過以,以為裏面的腸都乾晒,點知又唔係喎!腸仔應該唔係劣質貨,最少都食到腸仔味和應有的鹹味.除了蕃茄和生菜外,尚有酸瓜,這個包酸咪咪不錯,也可算是近來吃過最好味的熱狗呢服務好一般,店員無笑容不特止,仲唔多理人,需要改善呢

今日路過....見到d蛋撻好抵,2蚊一個,9蚊6個size一般,唔係迷你果d,都要幾口先食得完咁就買左6個......佢唔係放係爐度,只係好似d麵包咁擺係度所以唔會係熱辣辣無翻熱, 都ok好味,蛋滑唔會過甜皮鬆而脆 本身想再買佢其他包,但係見到下面咁講,我諗我都唔會架啦....睇佢門面都幾市正ga或者蛋撻會再買ge..我諗蛋撻入面d料佢拎唔返掛....