金子半之助 (新都會廣場) (已結業)

前排吹到咁行…又金獎好巴閉咁，終於有時間去試下，9點去到得幾檯客。環境：入去門口一陣油煙味，入到去坐低好焗，高級茶記格局。服務：基本上呢間野點菜係零選擇，好…你巴閉專門呀嘛…叫個最貴既試多幾樣啦，點左菜半個鐘都未黎，大佬呀…你得幾檯客喳…咪扮忙啦，炸個天婦羅要半個鐘…唔係聞到d油煙味我以為佢係月球炸架！食物：好啦…終於等到上菜，天婦羅入口有d淋，不太脆，d蝦肉梅既，頭幾口食味道係ok既，但食多幾款會發現究竟我食緊d咩？點解每款天婦羅都一樣味既？蝦冇蝦味…穴子冇穴子味…原來個金獎秘密係個重味精炸粉度，到食完都覺得我只係食左味精炸粉x300G加一口油，亮點反而係個白飯加佢d醬油幾好食。特點：有樣野不得不佩服，佢隻碗外面睇落好高，但入面實際係得隻碟咁深，我見識淺薄，咁大個仔未見過咁得意既碗！好想知邊度有得買，我覺得俾貓飲水好啱用。