金子半之助 (利東街)

營業中

休息中

天婦羅算是筆者至愛的日式美食之一，近年多間日本得獎天婦羅丼專門店進駐香港，更令筆者歡欣欲試。而最近就來到灣仔喜帖街一間連續5年奪得日本全國天丼金賞的小店，店主以曾擔任日本料理協會料理師會長的爺爺名字來命名，店內馳名的丼飯醬汁秘方也是承繼自其從不外傳的家族秘笈，據講這秘方是源自江戶時代，已有近300年的歷史，相信亦造就了日本第一天丼的榮譽，筆者當然不會錯過這一碗傳遞了三個世紀的秘傳真摯美味。座落於囍帖街近皇后大道東的街頭位置，鄰近地鐵站交通方便。店內採用了淺色木系為主調，配上光亮的燈光，環境清雅整潔，開放式的廚房讓客人可欣賞到師傅的廚技，最重要是沒有太大的油煙味，坐得尚算舒適自在。小店主打日式天婦羅丼飯，其中的名物是近30cm長的海鰻天婦羅，餐牌內沒有多姿多彩的選擇，專注只做天丼、上天丼和江戶前天丼三款丼飯，最貴$138已有交易，主要是食材上的分別，還附有味噌湯和漬物，筆者當日就和朋友試了後2款丼飯。甫入坐店員先端來一壼黑豆茶，茶杯內亦放有2粒黑豆，據説可以有清熱、解痰和抗衰老等功效，入口帶著淡淡黑豆香，清爽解渴。上天丼，飽滿的飯粒上放滿了不同的天婦羅，有齊鱚魚、海老、小柱魷魚天婦羅餅、

行過囍帖街，好多時食飯時間都見餐廳排長龍，今次特登過左Peak Hour先過嚟一試炸天婦羅丼飯。一坐低同侍應通常會拎兩杯茶同餐牌過嚟，呢間亦唔例外，最大分別既係佢地杯茶係黑豆茶，有粒黑豆喺茶裡面，飲落又幾好味，同埋可以解油膩。丼飯分三款，今次就叫左江戶前天丼及上天丼，主要係穴子同鱚魚既分別。最喜出望外既地方係侍應會喺送上飯時候講解食法同次序，呢個動作幾窩心。江戶前天丼 $138穴子好新鮮，應該話佢所有食材都係即叫即炸，有蝦，貝柱魷魚餅，溫泉蛋，海苔，莢豌豆，師傅控制炸天婦羅既時間控制得非常好，粉漿厚薄適中，飯用日本珍珠米加上秘製醬汁，連埋溫泉蛋蛋汁好好送飯。上天丼 $118另一個係上天丼，主要分別係將穴子換左鱚魚，鱚魚第一次食，鮮味之餘連骨都炸得脆卜卜，可以成條食哂，其他既配菜基本係一樣，但睇得出師傅係好用心挑選同擺盤，兩碗飯都放得好精緻，食慾都大增。

/金子半之助🇭🇰/#sa灣仔篇 #sa晚餐篇➖➖➖呢間過江龍其實都開左段時間之前開嗰陣已經想食今次等到灣仔利東街嗰間開近近地就去試下啦！由於我地夜晚5點幾食 所以唔算多人同朋友每人分別都叫左一個丼🤤三款丼大致上差唔多 係配料上有差別加上每份餐配黑豆茶、酸蘿蔔同牛蒡 仲有啲柚子絲 甜甜地、微苦澀更加有解膩作用～係炸物都唔怕油膩 記得要趁熱食☺️➖➖➖1️⃣江户前天丼 $138材料有穴子、海老、小柱魷魚天婦羅餅、温泉蛋、海苔、莢碗豆▪️▪️▪️材料非常豐富 充滿蛋白質🤤▪️▪️▪️穴子其實係星鰻～size大隻過我手掌肉質肥美、鮮嫩❤️ 唔會太食到有骨粉漿唔算好厚 更可以食到鰻魚嘅肉質海老(蝦)肉質有嚼口、頗彈牙 啖啖肉店員建議食到一半先張流心蛋戳穿撈埋一齊食 就唔會dry👻鍾意食辣嘅仲可以加埋七味粉調味～而飯嘅份量無的想像中咁多 唔會過飽餸嘅份量比飯多👍🏻👍🏻➖➖➖2️⃣天丼 $98呢個係朋友食嘅 食材大致上一樣唔係星鰻而轉左係菇（舞茸）岩晒啲唔想食太多肉嘅朋友👍🏻份量來講算多 有3舊 然後菇質地類似金菇爽口配搭天婦羅亦唔會有太油膩既感覺～➖➖➖分數:8/10➖➖➖📍日本橋天丼 金子半之助灣仔皇后大道東200號利

上天丼 $118每個飯都配有前菜同麵豉湯主角丼飯材料好豐富，成碗滿哂完全見唔到啲飯~食物每碗大同小異，有炸蝦海老、魷魚天婦羅餅、溫泉蛋、炸海苔和豌豆，分別在於上天丼有鱚魚炸物外皮略微厚~食到最後覺得小小膩新鮮熱辣既是很好鬆脆，不過食左陣好快變到就淋哂，而且炸皮同肉分離還好味道不錯，喜歡個醬汁，甜甜地.江戶前天丼 $138另外試左個超豪華的丼飯炸物同上天丼的大至相同，分別在於鱚魚轉成穴子魚穴子魚食起來同鰻魚好像，肉質較軟而且無用饅魚燒汁，較食得出魚的鮮味.另外值得一提既係，每位客人茶杯內都有一粒黑豆，當熱茶泡入去變成黑豆茶，個人十分喜歡💕.

過江龍金子半之助之前第一間店開左係葵芳，條人龍嚇到我都唔敢排，經過灣仔利東街，見到竟然唔洗排隊，就入去試下啦店內只賣3款天丼分別係天丼，上天丼 & 江戶前天丼，如果唔夠喉，仲可以追加單品，佢仲有個流程係教你點樣品嚐天丼既步驟，此舉都幾細心天丼有舞茸，海老，小柱魷魚天婦羅餅，海苔，莢豌豆，溫泉蛋即叫即炸既關係，所以都等左一段時間先上，炸蝦食得出係新鮮彈牙，小柱魷魚天婦羅餅，帶子粒加上魷魚粒既配搭都幾有驚喜，全部都炸得好鬆脆，漿粉做得好好，加埋佢個秘製天婦羅醬汁，好好食江戶前天丼有穴子，海老，小柱魷魚天婦羅餅，海苔，莢豌豆，溫泉蛋原條穴子好長呀，肉質結實，絕對唔係平時雪藏左好耐既鰻魚質感，基本上同天丼既餸一樣，就係穴子同舞茸既分別不過大家要注意返佢個碗個深度係特別製造的，係好淺既，沒有想像中咁大碗飯，對我黎講就非常夠飽，雖然全部天婦羅都炸得好出色，但太多炸物都真係幾油膩，食埋個酸蘿蔔同飲埋杯黑豆茶，真係解膩一流

第一次食呢間餐廳係幾年前去東京食過，東京個間係長期都好多人排隊，個時我未到夜晚6點去到，門口已經大排長龍。對東京呢間餐廳印象好好，食物質素好之餘，又好平。知道香港開左，但因為開既地方都唔近公司同屋企，一直都無機會一試。直至灣仔開左新分店，終於有機會可以試下。未去之前已經睇到openrice其他食評真係一般般，但見近近地最後都試左一次。我叫左江戶前天丼$138+10%，價錢好似比日本貴一半，但香港舖租貴都預左。但估唔到價錢貴左，但食物質素竟然差咁多🤮 天婦羅的數量係真係幾多下，但味道就真係唔多店。首先，所以天婦羅都係淋既，完全唔脆，加上每一件都甩粉。明明已經係即整即食，感覺好似放左好耐先咁。之後留意廚房先發現，師傅上菜時會汁一大羹豉油係面，攪到天婦羅淋晒。仲有一樣野好奇怪，唔知點解呢間餐廳既天婦羅有一陣好油好奇怪既味道，食既時候覺得好滯，唔知炸既油係咪改左配方。不過唯一不變既係黑豆茶，正總括黎講，呢間餐廳可以唔洗試，因為都幾伏下。

#cassiegowanchai-日本人氣專門吃天丼的專門店「金子半之助」黎左香港開分店啦！其中一間係灣仔利東街，推薦俾係附近翻工嘅朋友。金子已經係日本連續5年獲得全國天丼金賞，日本橋的本店每日都大排長龍！😱-金子半之助最具特色地方係「115年祖傳秘方醬汁」，用天然大豆、 芝麻等食材，以低溫慢火熬12小時製成。為了配合港人口味，香港分店醬汁仲會添加鰹魚花乾，讓整體味道帶魚鮮味，入口更鮮甜。其他用料亦十分講究，除左選用日本產地直送的新鮮漁獲外，更以日本製小麥粉及日本雞蛋調配成天婦羅麵炸漿，炸油是日本特製的胡麻油，故入口麻油香氣立即四散，餘韻悠長。🇯🇵-我今次揀左食最貴嘅江戶前天丼 ($138)，一碗有齊穴子星鰻、海老、帆立貝魷魚天婦羅餅、溫泉蛋、海苔、豌豆，十分豐富。日本人叫嘅穴子其實即係海鰻，相比起一般的鰻魚，穴子的脂肪較少，肉質更鮮嫩。另外，店內的茶飲亦經過精心挑選，不用日本常見的麥茶，改用黑豆茶，有滋潤、除濕熱之效，連客人的健康亦有照顧到，十分貼心。🥰-味道評分▶️🌕🌕🌕🌕🌗 (4.5)抵食評分▶️️🌕🌕🌕🌕🌑 (4)回購評分▶️️️🌕🌕🌕🌕🌑 (4)-➡️ 金子半之助 (灣仔)📍 灣仔皇后大道

金子助今天森仔做左一日孝子，和媽媽到灣仔吃晚飯。係利東街更新後，我也很少行過。趁著新年行下時，發現了日本很出名的金子半之助天婦羅專門店。甘就一於去試下佢！餐廳位置非常便利，就係灣仔利東街頭😂而內部既裝潢十分新淨，時尚既日本🇯🇵風！而廚師👨🏻‍🍳更在透明的玻璃下製作新鮮熱辣既天婦羅🍤👍🏼👍🏼正到！當日我地叫左2個江戶前天丼。點解會甘叫？因為餐廳只有3個丼飯選擇。但係e個江戶前天丼，已經係一打十之選了。當中有穴子(星鰻),海老，魷魚天婦羅餅，溫泉蛋,炸海苔，十分豐富！佢份量絕不馬虎，原條穴子燒得酥脆，而內部內滿有魚鮮嫩！而魷魚天婦羅餅更是帶來驚喜，彈牙又不太毅，味道更帶有海鮮🦞既鮮甜！而所有食材，連溫泉蛋,炸海苔都加上一層薄薄的炸皮，正！最正係炸起後，會塗上一層黑甜醬油，令到不會太乾身，且滿有味道，再配上白飯食，一流👍🏼👍🏼👍🏼🤓對於本身不大好天婦羅的森仔而言，此江戶前天丼令到森仔一改對天婦羅的看法，更從此愛上吃高質的天婦羅🍤丼飯😂😂👨🏻‍🍳

終於等到lunch time唔洗排隊嘅機會啦，之前一直想試呢間餐廳，但長期有20人喺門口排隊，而卻步。今日咁啱唔洗等，就同同事分別叫咗江户前天丼同天丼（轉素食）。有擔心過就咁走肉會食唔夠飽，問職員有冇素食，佢建議我點一個天丼，將蝦同小柱魷魚天婦羅餅轉做菇菌，所以我個丼有蛋，4件菇，海苔，都幾好味，又夠飽。原本以為佢得三款天婦羅丼，唔洗點等有得食，但都等咗好一陣先有得食，好在餐廳有特別嘅黑豆茶飲住等。

早早之前已經聽過日本過江龍天丼專門店「金子半之助」，好想食好耐架啦！可惜因為地理位置問題，一直未有機會去食，原來灣仔有間新分店，岩哂港島區既朋友啦！餐廳位於地鐵站出面，好方便啊！店內只賣三款天丼，分別在於穴子、鱚魚和舞茸。我同朋友分別叫左以穴子和鱚魚為主的丼飯。朋友又心思思，再加點一個舞茸天婦羅作小食。天婦羅全部即叫即炸，炸粉夠薄完全唔會油膩，超驚喜。加上秘製醬汁，超滋味！穴子超長超霸氣，無鰻魚咁油膩，肉質結實。溫泉蛋天婦羅最驚超喜，蛋漿夠流心，外層炸到卜卜脆。雖然炸野，但係食哂完全無罪惡感！

下午6點半唔使等位，鋪內只有一半客人，order左一個天井，一個江戶前天井，等左15分鐘先到。望落都仲正正常常，點知一咬落去，理應炸物應該熱辣辣，但估唔到居然只係暖同淋既？！😕 條穴子仲有好重泥味😰，而且仲有啲點韌☹️個飯碗望落好大大深，點知原來係雙層好淺架，好搵笨😤 絕對唔會推介，好伏😐😐😐😈。 魷魚同啲蝦都好淋，無鮮味，質素仲差過丸龜，唔好食又唔抵食！！！！！！！！！！！！！！！！！！

曾經經過這店看到很多人排隊等候，而周邊的店舖卻冷清清，後來才知道這間店在日本頗有名氣，今天經過見人龍不太長，就和同事也學人去朝聖，排隊等位。等了差不多15分鐘左右便有位，一坐下來店員便拿一個䁔水壼給你自己倒茶飲，而那壼原來是黑豆茶，據説有多種功效如抗衰老、解痰等。這店的Menu好簡單，只供三款選擇，價錢分別為$98、$118同$138。而每個餐附味噌湯和漬物。我要了天丼（$98）包括了茹菌、海老、小柱魷魚天婦羅餅、温泉蛋、海苔同莢豌豆。當店員奉上食物，起初覺得這碗丼太大，應該吃不完，卻原來那個碗底是很厚的，實際上是不太大，若我是男生，有機會嫌少一點添。而同事要了上天丼（$118），就有鱔魚、海老、小柱魷魚天婦羅餅、温泉蛋、海苔和莢豌豆。只是分別在鱔魚和茹菌，其他都一樣。我們兩人吃完後，得出結論是丼的秘傳醬汁真的很不錯，但食物不夠熱騰騰，就是要天丼就已經足夠，因為鱔魚沒啫特別。反之漬物如蘿蔔和薑味道就不錯，又可解油膩！所以朝聖一次就夠喇！

今日本身諗住同fd去food court食野算，但上去個陣就發現新開左呢間金之半之助,就入左嚟食佢啲裝修同葵芳店差唔多, 好有高級日式餐廳既感覺廚房係半開放式, 好衛生乾淨間鋪其中一個賣點係連續5年拎咗日理全國天丼金獎，所以對佢好高期望我叫咗佢個朝牌菜江戶前天丼呢度啲天婦羅最大嘅特色就係佢炸嘅過程中會落到麻油, 所以佢啲天婦羅有住其他天婦羅鋪與別不同嘅麻油香，個丼飯配料好豐富，有原條穴子，魷魚，炸蝦，豆，仲有隻温泉蛋 篤穿佢撈埋啲飯食真係冇得輸一啖天婦羅一啖飯真係好香口，個陣麻油香將天婦羅既味道提升到另一個層次食到好飽

從同事的口中，知悉有一間天丼名店，作為天婦羅控的小人豈有不試之理。既是天丼專門店，店方提供專門的選擇亦是理所當然的事，就是三款天婦羅飯的選擇，配以味噌湯及漬物。上桌是堆成一座山的天婦羅飯大堆頭得令人嘩然！有蝦、魚、海苔、魷魚餅以及莢碗豆，令人大惑不解的是未知是否炸漿的問題，新鮮炸起的天婦羅竟然是腍的，皆因印象中的天婦羅都是脆卜卜的，而且一夾便整塊夾起的。魷魚餅更是一夾即散，魷魚粒散修修的跌出來。炸魚是全碗唯一尚保留脆身的炸物，這樣說來到底天婦羅應該是脆的還是腍的？猶幸炸粉應該有調味，汁醬亦頗味美，再者食完也不覺得勁油膩。此外飯粒太糊，蛋過熟，不足以包著所有飯。味噌湯、漬蘿蔔及酸薑亦是不差的。較特別的是黑豆茶，味道有點似玄米茶，飲下是舒服的，反而放在杯裡的兩粒黑豆沒多大意義。短時間內未必再來。

這家是湾仔區少有的天婦羅天丼專門店，過江龍，門外看來很吸引。今天的午餐，是第二次來，開幕無幾個月，明顯差咗。是開放式炸食物厨房，三個港人師傅在面前主理。制服比較汚漕，唉，日本會唔會咁呢？天丼端上來了，炸物顏色很深，食落覺得油早應該換新的了，太難吃。蝦的質素低。穴子應當唔錯，但被炸皮的劣質及老油蓋過。地板油滑，清潔有問題。價錢屬中檔，但因為各個重點都有問題，是合格，短期會再來。香港人對食是有要求的，希望日本方面檢討一下。