金子半之助 (奧海城二期)

營業中

休息中

好耐未試過收工去街，今日經過大角咀，就去奧海城二期食飯。我同朋友都好掛住日本嘢食，見到呢一間「金子半之助」，係食日本天婦羅嘅餐廳，決定入去試一試，結果都冇令我哋失望😄餐廳門口和木色系裝修，非常有日本特色，令人想起去日本旅行嘅愉快回憶。餐廳入邊座位非常闊落，枱與枱之間距離十足，而且非常乾淨，裝潢亦好精緻。店員服務好有禮貌，等我哋坐低之後，就提醒我哋可以自行掃QR code落單。餐廳食物選擇以天婦羅為主，我哋一人嗌咗一個套餐😄等緊上菜嘅時候，我哋試飲咗餐廳免費附送嘅黑豆茶🫖，豆香濃郁，唔錯！🎈牡蠣車海老天丼158元（加配半熟玉子12元）呢款天丼係今季期間限定，餸菜非常豐富，有由日本直送嘅蠔，外表炸到酥脆香口，入面就啖啖海水鮮味十足🤩仲要配合埋車海老，爽口彈牙嘅蝦肉，入口非常鮮甜🤭。仲有小柱魷魚天婦羅、豌豆、海苔，半熟玉子，用料十足！下面嘅白飯粒粒飽滿，仲落咗少少醬油。初初落單嘅時候，冇為意原來套餐本身已經包咗半熟玉子🫣結果自己仲加錢嗌多份，不過一樣冇後悔😜因為半熟玉子撈落飯食真係超級惹味☺️🎈上天丼 118元（加配半熟玉子12元）至於呢一款套餐，同樣有小柱魷魚天婦羅、海苔、車海老、半熟玉子，

今天來到奧海城，再次來到我最愛吃的日本天丼代表店「金子半之助」！看到出了這個限定的「牡蠣車海老天丼」的宣傳海報，賣相極之吸引，作為蠔的愛好者，怎麼能不試？金子半之助使用古早秘傳醬汁，重現江戶時代風味；而丼碗也有夠特別，是運用了源自江戶時代的陶瓷工藝，佐賀有田燒來製作，碗底部份特意做成空心設計，能保持碗中食物的溫度，能將米飯保持最佳口感和溫度。這個「牡蠣車海老天丼」未免太澎湃了吧？熱辣辣的米飯上，鋪滿新鮮炸出來的天婦羅蠔、車海老、小柱魷魚天婦羅餅、莢豌豆、海苔和溫泉蛋。蠔的好味非常濃郁，有金屬味，而且挺飽滿的，外面是薄脆的天婦羅張，配搭上天丼醬汁，簡直沒有可挑剔的地方。車海老它保持一如既往的水準，蝦味濃郁，肉質彈牙，而且挺大隻的，值得推介！每件天婦羅都用日本特製的高級胡麻油製成，所以每啖麻香撲鼻，色澤也會較深。我點了迷你天丼拼稻庭烏冬（冷食）。一面品嚐新鮮炸起的天婦羅，一面品嚐清涼的稻庭烏冬，稻庭烏冬質地非常彈牙喎滑嘟嘟的，沾上冷麵汁，無得彈，好像去了日本一樣。總結：水準依舊不變，仍然保持高質，下次會繼續encore！

平時weekend成日大排長龍，今次放工見唔使排隊即刻衝入去！落單個陣話即炸要等20分鐘，最後只係等左十零分鐘就可以開餐！牡蠣車海老天丼 同 天丼2款丼都有唔同既炸物，除左有菇菌、小柱魷魚天婦羅餅、莢碗豆、海苔、溫泉蛋仲有期間限定既牡蠣🦪同車海老。呢到既天婦羅係用日本特製既高級胡麻油炸,所以聞落都好香同望落較深色。天婦羅唔係一般天婦羅咁脆口，每件即刻炸起既天婦羅都沾左秘制醬汁，重現江戶時代風味。牡蠣脆得黎又夠多汁，車海老比一般海老大，而且肉質好爽口，推薦🍤！食到一半再輕輕篤開半熟玉子，蛋液撈埋d飯一齊食真係回味無窮！檸檬味果凍超抵，$15蚊！味道清爽，酸甜恰到好處，食完一堆炸野再食呢個果凍做結尾即刻覺得無咁熱氣。

平時見到呢間餐廳成日晚市要排隊，咁岩呢一日平日經過見到冇人龍，所以即刻入咗去試一試日本過江龍天丼有啲咩特別！一上菜就俾佢天婦羅嘅size同份量驚喜到我，款式都多，而且食落每一款都食到佢選採食材既用心！雖然好多炸物，但大家唔洗驚食咁多件天婦羅會感覺好熱氣好辛苦，因為佢啲天婦羅嘅做法同平時大家食開既有所不同。佢冇咁多麵粉炸粉係表面，咬落去會食到入面滿滿既食材，而個炸粉只係將個口感昇華咗。 而絕對唔似平時食炸粉多過食中間隻蝦咁，就算一次過食哂咁多舊天婦羅都會覺得食唔夠，食唔停口！枱面有教學要將流心蛋天婦羅撈埋飯食，再加上佢地配製既醬汁，真係好出色。另外亦都好欣賞佢個稻庭烏冬，質地十分滑身，粗幼度剛剛好，好似流水麵咁一食就滑左入口。總括而言，果然係日本過江龍！必食！

今日放工嚟咗呢間大角咀嘅金子半之助食天丼，之前都有嚟過呢間食，好彩今次早啲嚟唔使排隊。坐低之後用QR code自己落單，牡蠣車海老天丼同迷你天丼+稻庭烏冬set，佢哋有個黑豆茶都幾特別，除咗可以解油膩之外，仲可以去濕熱。坐咗一陣就好快嚟咗，佢哋全部即叫即炸，所以上到嚟嘅時候啲天婦羅仲係熱辣辣😊同埋啲天婦羅嘅份量都好大件，生蠔天婦羅外面好脆，裏便好Juicy，另外有我最愛嘅蝦天婦羅，用咗好大隻嘅海蝦，好爽口🥳🥳仲有佢哋嘅飯加上秘製醬汁，好好味💕💕同埋裏邊仲有隻溫泉蛋，食到一半篤穿佢將啲蛋汁撈埋啲飯，正呀😋另外我哋叫咗有個迷你天丼+稻庭烏冬set可以一次過食晒兩款，迷你天丼裏面都蝦，南瓜，蘑菇，海苔天婦羅，當然唔少得隻溫泉蛋😘另外稻庭烏冬好彈口，再將Wasabi同啲醬汁撈埋點嚟食，好似返咗日本咁😝最後食飽飽，再過咗隔離新開夾夾公仔機舖，真係有得食有得玩😂😂#hkfoodie #食好西 #大角咀 #奧海城 #好味 #天婦羅

放工時間同朋友黎到奧海城，佢話有好介紹😋七點左右嚟到餐廳，都要排隊，不過等候時間大約10分鐘左右，都算快日本嘢不嬲都受香港人歡迎不過天婦羅丼飯我自己都係第一次食餐牌選擇唔算非常多，不過佢哋每一個飯都好似好有睇頭，勁豐富🤔🤔叫咗嘢食之後就可以飲住茶先，有兩粒黑豆，都幾得意上天丼大大碗，有赤甘鯛、海老、小柱魷魚大天婦羅餅、溫泉蛋、海苔、莢豌豆豆豆都好食過人🔥🔥脆漿好脆，本身帶有味道，令到平凡嘅豆豆味道同口感都升級咗😆😆赤甘鯛好開心，可以成條魚吞落肚😋魚肉肉質柔軟，炸得夠香脆，連埋啲骨一齊食都絕對冇難度小柱魷魚天婦羅餅非常有驚喜，魷魚係好厚身粒狀，質感好爽彈！而且一粒粒之間夾住天婦羅脆漿，口感層次就更豐富👍🏼👍🏼不得不提嘅係隻天婦羅溫泉蛋用蛋漿嚟餸飯，係一件超級幸福嘅事🥰🥰朋友今次就叫咗江戶前天丼相信最大嘅賣點係有一大條穴子鍾意食鰻魚嘅人一定唔可以錯過！整體來講，成餐飯都算好友驚喜，因為真係好好食，不過環境方面，座位就有少少迫，如果早少少嚟，應該就可以坐得舒服啲

今次去上環食私房Tapas環境、食物、服務 都好高質！環境精緻 充滿氣氛Tapas超好食 一共七道菜 每款都有驚喜！推介❤️🔸薯仔沙律 薯仔粒爽身，乳酪醬有奶香、滑，幾輕盈嘅餐前小食。🔸香草蕃茄醬多士作為welcome food都非常有驚喜，多士又鬆又脆，口感好正。👍🏻醬汁有番茄、香草、蒜…好清新香甜，好好食！🔸魚湯煮蜆好味到我哋連湯都飲盡！蜆好嫩滑！魚白湯有超濃嘅魚味，唔會有太複雜嘅味道，成個組合都好鮮甜！👏🏻👏🏻🔸墨魚粒勁鮮、好彈牙，有黑椒及香草味，每粒都炒到好香口，番茜蒜蓉醬打成foam咁，好滑好輕盈空氣感，充滿香氣，餘韻有微微辣，好食！👍🏻👍🏻🔸墨汁釀吊桶 新鮮嘅吊桶釀入牛肝菌、豬肉碎淋上墨汁、番茜油，香氣十足。🔸水波蛋釀啡菇食咗幾款海鮮後就食啲蔬菜。頂層係水波蛋，蛋味濃郁。中間係洋蔥，炒得又好香甜😋。底層係大啡菇及火箭菜，又厚又juicy。🔸炸蟹肉丸外脆內軟，好香口。內餡有大量蟹肉絲，好鮮甜，蛋黃醬令到口感好滑。🔸橄欖油旋蒜片蝦又係清碟菜式❤️超好食！蝦非常新鮮，超爽彈！！大量蒜片令味道超香，蝦配蒜片又鮮又香口感好正！底下充滿蒜香嘅橄欖油點麵包食一流！🔸甜品▪️Catalonia

平時都成日見金子半之助排長龍，今日6點左右人少少就提早食晚飯！😆我地叫了江戶前天丼 、迷你天丼＆稻庭鳥冬。江戶前天丼 上菜時已感到眼前一亮🤩，裡面有長約3️⃣0️⃣公分的公穴子，真係超大條！肉質嫩滑，無骨、連平時對魚一般都覺得好好味，好香脆可口😋。除了穴子之外，還有翻海老蝦🦐、魷魚天婦羅餅🦑、溫泉蛋、海苔、莢豌豆，真係好豐富。翻海老蝦大隻，好彈牙，有蝦的味道！魷魚天婦羅餅入面有好多魷魚粒，口感一流，好煙韌✨！迷你天丼＆稱庭鳥冬一次過滿足兩個願望🤩烏冬可以添加不同的配料，不錯不錯👍🏻，還配上溫泉蛋，感覺一流！而迷你天丼就有海老，菇菌，南瓜，溫泉蛋，海苔和莢豌豆，配料也相當豐富👍🏻！一點都不油膩！整體上，食物味道、食飯材料都非常滿意❤️

今日去了奧海城行下，中午進了一間日式餐廳，這間餐廳有很多分店的，主打是炸物天婦羅。餐廳不太大，但座位整潔，枱櫈全部以淺色木製為主，光線充足。也用了開放式廚房設計。感覺很舒服。我點了-牡蠣車老海天丼這是特定季節的丼飯有牡蠣，車老海，小魷魚，天婦羅餅，葵豌豆，海苔和溫泉蛋，相當豐富。很大的蝦長達30cm,超厚肉身，肥美軟滑。牡蠣肉質鮮甜。餐廳更用了日本特製高級胡麻油，胡麻油製成的天婦羅，芳香撲鼻，色澤比較深，不會肥膩。-迷你天丼和稻庭烏冬送餐時跟配一個很靚木製的配菜盒，盒子內有蔥花，海苔，鰹魚花和天婦羅碎，可自由選用。將配菜加在烏冬內，整碗烏冬味道都提升了，口感很有層次感。而天丼的伴菜有半熟玉子，菇菌，海老，南瓜，海苔，莢婉豆和溫泉蛋，非常豐富。

跟朋友很久沒見，於是今天下班後相約到奧海城吃飯，看到這家天婦羅專門店人頭湧湧，門外排起小人龍，於是便入來試試餐廳以木色為主，一貫大部分日式菜店舖的風格，我們坐上高枱，向著開放式廚房，製作過程一目了然桌上有黑豆茶可自助飲用，味道有點似麥茶，味道濃香，我非常喜歡下單方式是掃碼下單，對食客和餐廳亦非常方便我跟朋友每人點了一個天婦羅丼，友人點了期間限定的牡蠣車海老天丼，我則點了迷你天丼＆稻庭烏冬（冷）牡蠣車海老天丼（日本產）隨餐附上一個麵豉湯，先喝口熱湯暖暖胃標明是日本產的生蠔非試不可，我跟友人都愛蠔，但又想多試幾款，於是我們便一同分享～有海中牛奶之稱的生蠔，天婦羅外面炸得酥脆，仍保持鮮嫩多汁，蠔肉甘甜鮮味，值得一讚！車海老比其他丼的海老更巨型，小柱魷魚亦是首次吃到，比較少見，三款海鮮亦是鮮味十足！小碟酸薑和蘿蔔，與天婦羅非常配，消滯一流！迷你天丼＆稻庭烏冬（冷）蝦肉爽彈，南瓜又甜又多汁，配上半熟流心蛋的飯更是美味，自家製的醬汁令整個飯錦上添花，聽說醬油更是祖傳秘方，怪不得味道更勝別家～稻庭烏冬份量實在不少，麵質幼滑爽彈，沾上麵汁更開胃，如果不夠醬汁，還可以與侍應索取～總括而言，價錢與味道都成

去奧運接男朋友放工😚奧海城商場咁大，有咁多嘢食，梗係要搵間未食過㗎啦🤣🤣🤣今次就去咗一間開咗冇耐嘅日本天婦羅餐廳🤪嘩真係成3年幾都未去過日本，真係好掛住日本嘅美食！點都要頂下癮先🤪男朋友放工夜晚七點幾，喂竟然俾我哋有位喎！即刻超級興奮🤩🤩🤩佢個門口係收銀➕出入口共用，窄窄地，要等人哋比完錢，我哋先可以行到入去🤣🤣🤣入到去已經偷望人哋張枱上面嘅嘢食，喂咁大碗嘅🤭睇吓個價錢先，嘩唔係好貴咋喎！雖然佢唔係好多個選擇，但係都足以令到你有選擇困難症，因為佢呢個價錢，係真係好平，分量又咁大碗，真係非常🆗🤭🤭🤭我睇個餐牌都大約用咗5至10分鐘先至決定到食乜嘢🤣🤣🤣我都覺得自己有啲誇張😅不過！我最後都可以選擇到一個可以滿足晒我3️⃣個願望嘅嘢食，就係迷你天丼➕稻庭烏冬（溫）🤪🍤迷你天丼🍚& 稻庭烏冬（溫）🍜- Mini Tempura Rice Bowl & Inaniwa Udon ( Hot ) -( Mushroom | Shrimp | Pumpkin | Seaweed | Snow Pea | Soft Boiled Egg )點解我會話佢係滿足哂我3️⃣個願望嘅嘢食呢，係因為佢又有1️⃣天婦羅🍤，2️⃣

加班開會有細佬揸車接放工緊係要識做請食餐好嘅報答吓之前試過金子半之助嘅葵芳店唔錯今次去位於奧海城二期嘅大角咀分店試上天丼上天丼有齊赤甘鯛、海老、小柱魷魚天婦羅餅、溫泉蛋、海苔以及莢碗豆等食材超級豐富；其中赤甘鯛蛋白質豐富肉質柔滑細嫩而且亦會因食材供應有所變更金子半之助選用日本製天婦羅小麥粉以及特選日本新鮮雞蛋調配麵衣加埋日本精製高級胡麻油炸天婦羅口感酥脆鬆化同時夠哂濃香古早秘傳醬汁選用純天然大豆以及無添加原材料研製鹹甜醇厚均勻淋上天婦羅以及米飯上完美重現江戶時代風味中途戳破溫泉蛋天婦羅令到半熟蛋液包裹每顆飯粒可以增添濕潤口感同時齒頰留香加上些許柚子皮可以減輕油膩感車海老軟殼蟹天丼個人推薦特選季節限定車海老軟殼蟹天丼；除咗主角車海老以及軟殼蟹之外同樣配有小柱魷魚天婦羅餅、莢碗豆、海苔以及溫泉蛋車海老等同日本對蝦即係香港大多數人認識嘅竹節蝦出哂名蝦肉緊緻彈嫩；軟殼蟹肉厚鮮甜而且甘香鬆脆真心正

主打天婦羅嘅餐廳越開越多金子半之助係我認為最出色之一係日本榮獲七年全國天丼金賞佢嘅天婦羅外層非常香脆每碗丼飯都好足料‼️性價比真係十足😋🔸車海老軟殼蟹天丼 $168🔸迷你天丼&冷稻庭烏冬 $118佢嘅天丼真係好出色，全部天婦羅都係即叫即炸，而且份量好多，真係食到LamLam脷👅車海老軟殼蟹天丼係最新推出嘅期間限定丼，車海老非常大隻，而且味道鮮甜，肉質鮮嫩彈牙，炸完後非常香脆可口。軟殼蟹就有兩大舊，酥脆得嚟亦都好惹味，仲食到有膏架，仲有唔少蔬菜！迷你天丼個名雖然叫做迷你，但係份量完全唔少，炸物有海老、南瓜、海苔同菇類，全部都炸得好香脆，飯嘅份量唔會好多，食完都未話超飽，仲可以食埋佢個冷稻庭烏冬😍 稻庭烏冬煮得好滑身，食落煙煙韌韌，口感非常好😋

朋友話奧海城有間好好食的天婦羅餐廳-金子半之助，上個禮拜放假特登帶我去試下。餐廳主打天婦羅丼飯，另外仲有提供稻庭烏冬的套餐，我地分別點左江戶前天丼同上天丼，每個天丼都包左碗麵士湯同前菜。天婦羅即叫即炸，採用日本特製的胡麻油，未上枱已經香味四溢，令人食指大動。江戶前天丼 - 有穴子、海老、小柱魷魚天婦羅餅、溫泉蛋、海苔、豌豆，材料非常豐富。招牌穴子天婦羅有成30cm，絕對足料。穴子其實即係星鰻，同一般油脂肥美的鰻魚相比，星鰻較脂肪較少，肉質較細緻，軟嫩可口。上天丼 -同 江戶前天丼同樣豐富，有海老、小柱魷魚天婦羅餅、溫泉蛋、海苔、豌豆，唔同的係呢款有赤甘鯛。赤甘鯛魚肉鮮甜富彈性，海老鮮甜肥美，脆漿不會過厚，咬落去外脆內軟。

今日等左大半個鈡，叫左兩個定食，一個糸迷你天丼＆稻庭烏冬，烏冬好好味，另一個天丼，有炸菇菌，海老，小柱魷魚天婦羅餅，溫泉蛋，海苔，莢豌豆，個碗其實好淺不過都好夠飽因為始終糸油，可能我唔太仲意食炸醬，試過一次就夠