金園韓國餐廳 (已結業)

今晚農曆七夕，行完街當然要去食正野啦，早排都知道九龍城多左間韓國菜選擇，就去試試!一入去人很多，不過都剛好有個2人座，唔洗等位。餐廳環境比對迫，有時客人出入都要左移右移D枱，所以如果你對餐廳的空間感有要求，又想試呢間，我諗你都係唔好大時大節或者週末去啦。今晚2個人點左3樣野：什錦飯、大醬湯、煎魚餅。首先到的是什錦飯，飯配上很多新鮮配料：蘿蔔絲、紫菜絲、芽菜、肉片、蛋等等。吃下去口感豐富，味道偏清淡，當然正宗係要加佢D韓式辣醬一齊食啦。不過因為我邊食泡菜邊配飯，個人就覺得夠曬味。佢個泡菜值得一讚，辣道夠，量也算OK。大醬湯的味道有點像日本的味噌湯，當中多了一份鮮味，湯很濃，配料也很好吃。不過佢配料當中有的翠玉瓜，在所附的小菜再次出現，這部份係有D扣分! 而佢呢個份量唔係好夠男仔食，女仔食就OK，所以如果男仕想點呢道湯，一定要再叫多D野食!!最後煎魚餅，佢用的係魚柳，外面包住蛋，食下去風味十足! 但2個人食的話不建議點這道，因為佢食到後面會有D膩，如果你係4人同行，點呢個黎送酒就確係一流啦。最後我地都食剰兩件，浪費左佢。總括黎講，佢絕對係可以一試的韓國菜，價錢平均HKD 80左右，有加1，

九龍城本身很少有韓國食店, 之前有另外一間, 可惜都已經結業了,想在附近吃韓國菜選擇也不多, 今天來到便試試這間小店。我們點了一個石頭飯和一個炸雞, 先看看石頭飯~~本身會跟一小碟泡菜和一個湯,泡菜是大白菜, 味道鮮甜很好吃,如果可以多一點份量就好了!紫菜湯也不過不失。石頭飯不算很熱辣辣的那種, 有一點失望。石頭飯內的配料很多也很新鮮, 而且有我最愛的冬菇!店員很快就給上那個配石頭飯的辣醬, 味道也不錯!所以唯一就是覺得它不算太熱吧!之後到炸雞, 我們點的是2款各一半 (原味和已調味),它們兩款分開器皿放置的, 另外再配上酸蘿蔔。炸雞都是小件小件和無骨的, 吃起上來很方便。原味的雞味比較出, 吃起來感覺比較fresh,已調味的那個是一款甜甜辣辣的醬,喜歡惹味一點的朋友應該會比較喜歡。兩款的雞件也炸得不錯,不會太過火喉, 又能保持雞肉的滑嫩肉質。唯一覺得有一點小貴, 因為兩樣食品的份量不算很多, 而價格跟外面的韓國食店差不多呢...

「為食星球人覓食之旅（9）」星球人今次到九龍城覓食，本來想去韓一食韓國餐，但係已經結束營業，所以就嚟咗係豪華餅店對面嘅「金園韓國餐廳」～*一個人叫咗碗「韓國水冷麵」水冷面一上台係一團麵團，店員都好友善咁啱駛唔駛幫我剪開佢。食法係加少少白醋同埋少少芥茉醬，配合青瓜、酸蘿蔔同埋切條狀嘅雪梨～*食落去酸酸甜甜，最特別係冇諗過冷麵加埋雪梨食落去會咁鮮甜解渴同埋消暑，夏天食一流呀！不過淨係一碗無肉嘅水冷麵要成＄80，晚餐仲要加一，好似有啲貴～～～*

係金園係一間小型韓國餐廳，店主係傳統韓國人，但識講廣東話，一家大小經營，好有傳統韓國既感覺我地叫左好傳統既炸醬面，芝士海鮮面，海鮮煎餅和係香港好少食到既魚膏。所有嘢食都係唔錯，不過不失，但我食落去就好鍾意，因為好有係韓國食既感覺，好地道。仲要間鋪細細地，枱數唔多，所以環境都好寧靜。PS:鍾意韓仔既話，都可以去Lee 間鋪頭呀，有好靚仔既oppa!!!!!!!!!

之前一天坐小巴去九龍城見到開了一間韓國餐廳見佢唔算太貴所以今晚與妹妹兩人去試試店不太大坐位不太多但都坐得舒服食物分量對怕肥但又為食的我絕對足夠點了石頭飯及韓式湯面食物味道都很美味由於太美味，所以多點了一份炒年糕不過有點辣，怕辣的朋友要少辣了整體食物及環境都是滿意值得再試

上次黎太多人排隊食吾到，今日早小小十二點半就黎攞位。入到去未滿座，但我地坐底冇耐，人客就係甘黎，好快滿哂。以午餐價黎講，呢間餐廳算貴。佢set左最低消費係$45,而餐牌既價錢around$60-80一個餐。佢既款式都算多，都係常見既傳統韓國料理。我地五個人，分別揀左豆腐鍋飯、雞肉泡菜飯，我就揀左雜錦飯。因為我見到張相好靚，隻蛋好吸引。首先上左自家製泡菜。泡菜係大白菜，味道偏辣，但好岩我口味。跟住同事既雞肉泡菜飯都上菜，好得意既係佢用鐵盒裝住，附紫菜湯，好有鐵路飯盒既感覺。紫菜湯純簡單既紫菜同蔥花，但湯味夠。而我既雜錦飯就好豐富喇!顏色好搶眼，隻蛋又煎到岩岩好，蛋黃金黃，見到都想食。雜錦飯一定要加辣醬先好味，第一次加左小小試味，但點知有d淡，再加第二次，辣味始終吾夠，避免成兜飯都係醬既關係就放棄再加。不過，整體黎講，好滿意呢餐!佢既蔬菜份量好豐富，完全食吾哂，而且新鮮無雪藏味。而蛋黃輕輕一拮，蛋黃就慢慢流落黎，買相已經贏左。蛋白係半凝固，食落好滑，而蛋本身應該係優質蛋，感覺好實，吾易爛。如果辣醬可以濃返d辣d就更好。ps:同事食既豆腐鍋飯、雞肉泡菜飯都係正面回應，仲話好想試下其他食物。

本身喺九龍城返工，基本上呢區嘅韓國食肆唔算多，自己又鍾意食韓國野，幾個同事見開到呢間鋪新新地就入去試下。可能開左鋪無幾耐，選擇唔算多，但呢個都係小問題。店員似乎一樣係好新，問佢有無set lunch佢都唔識答，要問另一個同事。問佢有無餐飲佢又支吾以對，好唔肯定咁話「都有餐湯嘅...」，但其實我係想問有無冷熱飲。算，唔係高級餐廳，唔能夠要求咁高。最終我自己叫左個雜錦飯，同事叫左個炸醬麵。我個雜錦飯等左無幾耐就到，首先個賣相係OK，但當我食落去就發現呢個飯只有賣相OK。因為食落口，連最基本嘅熱力都無，好似煮好左後攤左一段時間咁。我明白韓國野有啲配菜係冷食，但問題係佢連個飯都只係微暖。天寒地凍食一個微暖嘅飯，難免令人失望。其次，我已經算係食得清淡嘅人，但佢個飯似乎無咩調味，食落好淡口，越食越覺無味，甚至可以用難食黎形容。而個重點係佢啲配料只係得一小堆蘿蔔絲、翠肉瓜絲、一隻煎蛋、幾塊泡菜同三兩塊豬肉，收我成$60大洋，有點貴。份量太少，食唔飽。但當我再望下同事個炸醬麵，我先發覺沒有最差，只有更差。佢嗰碗份量少得可憐嘅炸醬麵，大約等於半個出前一丁左右。如果佢呢個份量都算一個lunch，我食緊呢個

大時大節, 唔食西餐免得同人迫, 於是去試試韓式新開小店. 小店20多座位坐滿客人, 店員用韓文溝通, 彷似置身韓劇場境  !!!心水推介: 牛肋骨炆白蘿蔔---甜甜的湯底很美味! 牛肋骨靚而且炆得淋! 白蘿蔔吸收晒牛與湯底的精華, 超好味!! 石頭窩飯---當食完頭一層飯焦後, 由於窩底夠熱, 所以仍不斷有新飯焦形成, 啱晒愛香口的人!!! 炸雞---皮脆肉嫰, 配可樂....咋....一流!!!!有心機又抵食, 店員又落力, 是值得支持的小店!!!

朋友是個韓迷，新年假期一大早就約了我去試一間在九龍城新開的韓國餐廳，說很多人試了都給讚。11:30去到，舖頭剛開門，地方算不小，很整潔，女店主似是韓國人，但懂廣東話，很nice，有個只懂韓語和國語的男侍應，應該是店主的弟弟罷，朋友說他有點像都敏俊呢！雖然有很多韓國食品，但早上起來第一餐吃不下太多，就點了海鮮部隊麵加芝士，同人氣韓國炸雞。麵湯非常美味，可以自己選擇辣的程度，非常啱我這個麵痴，結果最後連湯也喝個乾了。值得一讚的是這裡的炸雞，之前試了其他出名的炸雞店，自己略嫌其他的味道太濃，這裡就剛剛好，而且size很好，一啖一件，推薦原味的，超讚！！最後要一提的是這裡的泡菜同酸蘿蔔(應該是配炸雞的)，全是自家醃製。泡菜非常新鮮爽脆，酸蘿蔔亦非常出色，可媲美灣仔一間老字號雲吞店的酸蘿蔔，我就吃了3大碟呢！！ 

盡是驚喜!!!尖沙咀嘅韓國餐廳開到成巷成市，反之九龍城就冇咩幾間喎(雖然食肆林立)。九龍城新開張嘅金園韓國餐廳 Kim's Garden Korean Restaurant，原來只係開咗四日，我應朋友嘅約，入去試吓菜先！見到入面都有好多人客，生意好似都幾好咁喎。門口有好多食物嘅相片介紹，選擇幾多，價錢相宜。入到去，雖然地方比較細，但都未算焗促。睇見黑板上寫上不同菜單，方便我呢啲懶人 ，唔使睇Manual。不過，見佢哋嘅菜單有中英加韓文及相片介紹，簡單得來都算認真！睇埋啲相，我嘅選擇困難症更加嚴重，都唔知點揀。好彩我同行朋友揀咗幾樣，都啱我食，攪掂！我哋當然先點了生米酒，我唔係第一次飲，店主不停提醒我哋要搖過先好飲用，因為生米沈澱，但亦小心有氣，開樽嘅時候生米酒會噴出來。其實我就喺好多間韓式料理飲過，感覺冇咁重酒精 (6%)，好似汽水咁！蒸蛋 個樣其實唔係咁討好，可能因為我哋掛住影相，個蛋就縮咗水，但味道好夠，一啲調味都唔需要！炸醬麵 味道有少少偏淡，冇喺韓國地道食咁重口味，但問清楚店主，佢哋話正宗嘅口味，其實唔一定係咁重口味咁鹹。聽過後都覺得食完唔口渴。唔知點咗咩附上四款配菜，泡菜