金園韓國餐廳 (已結業)

7：45pm一嚟到個客人都冇 入面只係有一枱staff坐左喺度 覺得都好似有啲伏 但係又想食韓國嘢 所以就試下。我同個friend食到一半 傾傾下偈 坐喺staff枱個大媽 突然用韓文同另一個staff講“好嘈 點解佢地咁多嘢講 我頭都痛埋” 之後不斷咁用韓文鬧 嗰時店入面得我同個friend。我都冇諗過用普通聲線傾偈都會突然俾人話。 因為我個friend 唔識聽韓文 所以我話佢知。咁個大媽知道衰左 又落唔倒台 就開始用廣東話繼續鬧。咁我地梗係即刻話埋單啦 掃興哂。埋單嗰陣我問另一個staff乜呢度唔俾傾偈㗎咩。佢仲要用個好冇禮貌嘅聲講 “我地冇趕你走喎”。唔怪得知一個客都冇。原來係劣質服務。嚟呢度俾錢買難受。

今日想食韓國野，見九龍城有間小店，打算幫襯下，點知食到一肚氣！一入去已經冇人理我地同開位，不過諗住都算，小店可能人手唔夠，所以我哋自己揀個位坐低。一睇餐牌，野食都唔平，一個普通嘅石頭鍋飯午餐都要$108，啲雞肉又冇味，配料份量又唔多。不過最嬲都唔係個飯唔值呢個價，而係服務極差！個侍應一捧過飯嚟就倒瀉左個湯，仲一啲唔好意思都冇！個老闆娘就企係隔離望住，我叫佢幫我抹返個位，佢先郁！最離譜係個侍應即刻走入廚房！抹完個位之後先出返嚟，打算收走我碗湯，點解又倒瀉多一次！！整濕埋我個袋，都冇道歉呀，最後仲冇補返個湯比我，好離譜⋯ 冇下次！貼曬啲明星相係門口呃人入去幫襯！咁貴價錢，九流服務！！食物： 雞肉石鍋飯 （味道：⭐️⭐️，價錢：⭐️，賣相：⭐️⭐️)雞肉偏淡味，伴菜也不多

$68 14條炒年糕我一去到見到個外賣盒咁細我即刻同佢講吓咁少？佢同我講係因為個盒細 入邊有14條年糕㗎跟住就問我有冇喺度食過我係有喺嗰度堂食但係$68 今細盒糕最多值$25佢仲好意思同我講入邊有14條年糕

叫左個泡菜湯，本身$138已經貴，仲要個湯既份量係得隻碗既4成，連一半都去唔到！睇到張相係未食個陣影，138蚊呢個份量仲要午餐時間，唔洗講應該都唔會有人再去啦。都算啦，份面d豬肉少得可憐，我諗成碗加埋應該係得1個湯匙咁既份量！同枱既朋友叫既食物亦係同樣情況，得1湯匙既肉。食物全部偏咸，泡菜湯係煲熱左既泡菜汁味，一d湯味都冇！成間野本身已經冇人食，呢種程度簡直冇誠意到極！貴都算，唔好食同食唔飽先嬲，唔會再幫襯！

夏日炎炎最好來碗海帶湯 😇 這裡的餐牌沒有嘩眾取寵, 感覺像正宗家常韓國菜. 無味精, 配菜也好好食， 就連簡單的煎蛋都好香,送飯一流. 泡菜是無糖的😍晚餐有時就是想食得清淡一點.下次會再來!

第二次黎，今次食呢個豬肉飯，個盒好有韓式feel好靚好似便當甘，豬肉真係好林又有味，似係梅頭肉甘樣。係洋蔥炒豬肉，另有泡菜再用黎餸飯好正，份量合理。下次要食牛肉飯。

裝修有韓國風味嘅小店，真係韓國人開， 紫菜包飯好好味， 涵料豐富，前菜泡菜都好新鮮， 泡菜炒飯個炒飯就炒得好味，可惜個飯配腸仔好怪，味道好似雞尾腸咁，腸仔仲要係加工食物，係好成本低0既食材，個飯都吾平，完全無乜豬肉，有一兩粒肉碎， 只係個賣相靚。除左個腸仔…其他都好味。偏貴但味道吾錯

上星期同我個friend去咗九龍城，佢當然係為咗去買嘢食啦 ( ´▽` )ﾉ首先，我哋去咗買臘肉，跟住又買吓橋頭嗰啲咸濕酸味味嘢，之後就當然係走去食我至愛嘅韓國嘢啦又。我哋好貪心咁叫咗芝士辣麵，牛仔骨定食，海鮮葱餅。全部都係我嘅至愛，好正(>^ω^<)芝士辣麵 - 雖然係冇料得塊芝士，但我哋有懷疑究竟係咪有兩個麵，分量真係勁多~\(≧▽≦)/~牛仔骨定食 - 配有泡菜。其中有兩舊牛仔骨煎得有少少燶，不過其實全部都好好味，而且每舊肉都帶有少少肥筋，我食到停唔到口！海鮮葱餅 - 煎得啱啱好，唔油，又唔燶。因為掛住食，唔記得照相。之後仲買咗一樽泡菜返屋企，正爆( ´▽` )ﾉ唔太辣，但好「嘢」味，正，冇得輸！I will be back ( ´▽` )ﾉ

大家如果想安安樂樂食一頓飯，請不要幫襯這間食肆。我入到這間食肆坐下未夠一分鐘，店員要我遷就佢剛到的食客要求我調位，ok 無問題，反正都未叫嘢。等了很久，辣麵終於到，我食了未夠一分鐘，店員又話有客來，又要我調位，我叫佢等我食完先，佢黑我面。其實，除了我之外，店員不停叫其他食客調位就剛到的客人，但只有我要調兩次，點會唔嬲?! 講到食物方面，非常失望。我碗麵overdone, 林到死，煮好了，遲一遲都唔攞出來。碗麵差唔多70蚊。淨係得泡菜，蛋同麵。肉都無多舊!所有材料成本加加埋埋都一定唔夠20蚊! 完全係overpriced! 離譜!

在2019年8月2日星期五晚上，葛士寶朋友🧡💜🙌☝在晚上九點鐘正式在九龍仔仿真草足球場展開2019/2020香港丙組聯賽第一課的練習，在開操前來到九龍城的韓國小店晚飯。當天的八爪魚雜錦伴飯相當夠香口😊😊😊，而且新球季再次來到金園，製作方法保持了水準，沒有出現每況日下的情況，八爪魚仍然保持著彈牙的感覺☺☺，飯底保持了韓國白飯的原有的特色。當天的伴飯小食，韓國泡菜相當清爽，而且店主幫我添加了第二份。

今日嚟到九龍城，唔係食泰國菜，唔係打邊爐，天氣落雨又凍，搵到間韓式小店，確實是一間小店，只有廿幾個座位，裝修簡樸，有點點韓國風味。坐下不久，隔離枱來了一個香港人帶住一個外國人來嚐嚐韓國菜。聽到店員同裏面廚房說韓語，應該都是正宗韓國食品，很期待。我們二人點了豬肉粉絲湯及牛肉石頭鍋飯。先來豬肉粉絲湯，材料包括韓國粉絲、豬肉、洋蔥及翠玉瓜，熱辣辣，湯也加了胡椒粉，辣辣地最啱凍凍地嘅天氣，都幾好飲，如果粉絲再多一點會更理想。湯都包括咗一小碟泡菜，味道唔錯。牛肉石頭鍋飯，熱騰騰的石鍋咋咋聲，材料包括牛肉、菠菜、芽菜、泡菜、冬菇、紅蘿蔔等等，仲有隻生雞蛋，加入韓式辣醬即刻撈勻飯同材料，鍋底仲可以吃到脆卜卜飯焦，正呀！飯也包括一小碟泡菜及一碗湯。呢度嘅泡菜如果你喜歡可以外賣一些回家，有一盒、500g 及 1 kg。今日是星期四，未夠八點已經坐滿食客，下次嚟好想試下佢嘅蛋卷。呢度有酒牌，是三五知己傾計好地方。

在2019年2月22日星期五的晚上，來到九龍城這個小社區，當中大部分都是東南亞的越南人🇻🇳🇻🇳、印尼人🇲🇨🇲🇨、菲律賓人🇸🇽🇸🇽新加坡🇸🇬🇸🇬、馬來西亞人🇲🇾🇲🇾以及泰國人🇹🇭🇹🇭的聚居地，甚至緬甸人🇲🇲🇲🇲、寮國人🇱🇦🇱🇦、柬埔寨人🇰🇭🇰🇭、東帝汶人🇹🇱🇹🇱及汶箂人🇧🇳🇧🇳的聚居地。同時是南亞的印度人🇮🇳🇮🇳、尼泊爾人🇳🇵🇳🇵、巴基斯坦人🇵🇰🇵🇰、孟加拉人🇧🇩🇧🇩、馬爾代夫人🇲🇻🇲🇻、斯里蘭卡人🇱🇰🇱🇰、不丹人🇧🇹🇧🇹的聚居地，甚少有澳門人🇲🇴🇲🇴、韓國人🇰🇷🇰🇷、日本人🇯🇵🇯🇵以及台灣人聚居。當天來到九龍城廣場附近的這家家庭式的小店，父親打理廚房，母親打理菜單，女兒負責招待人客。而且女兒懂得廣東話。當天order了一份辣炒八爪魚飯，一份$98，晚飯時間$108。八爪魚粒非常足夠，而且是用上中型的八爪魚，八爪魚很彈牙，而且夠柔軟。韓式辣醬非常多，攪拌之後，辣味從中散發出來，配上芽菜更加爽口。跟餐有海帶湯，海帶湯非常鮮甜，而且滋潤。跟餐的泡菜非常爽脆，而且不過不失。

超級鍾意一間韓國餐廳！每次去到呢好多野想食！經常一個人來食！你變成左我指定嘅食堂！我每次嚟到都會問老闆娘今次食咩好呢！今次一次過寫晒我最近三次去食嘅嘢！黃花魚辣湯飯！係老闆娘推介我食架！我唔係食得好辣！所以依個係小辣！係原條魚上！另外有蝦有海鮮！非常豐富！辣炒八爪魚飯！都係老闆娘推薦！我原本話要小辣嘅但係老闆娘話依啲唔辣唔好食所以叫我食正常辣度！果然好好味呀呢個純粹係自己喜愛人蔘雞半隻！普普通通啦！都係老闆娘推介嘅好食！仲有咁多樣嘢都未食過啊！要食晒真係要約好多人啊！

最近又返返嚟九龍城工作，第一餐就即刻嚟食韓國菜啦！係正宗韓國人開架！好好味！開工之前食餐好嘅先！好耐冇來啦有好多新嘅嘢食！今日就試吓依個辣雞薯仔湯！佢係會配一碗白飯三個小菜一碟泡菜!$138 成日睇韓劇三時三餐呢見到啲人煮呢個好想食！終於可以食到啦！我一個人食就啱啱好啦！我雞湯辣嘅味道非常適中！好開胃！雞嘅份量一啲都唔小架有半隻雞架！嗰啲配菜薯仔啊蘿蔔啊蚊得好入味！啲小菜呢我就最喜歡個菠菜！泡菜就唔使講啦一定好味！配飯係一流！

一人前中午飯，喺九龍城想食韓國菜，選擇唔太多， 碰上這間住家小店，選擇可不少，基本上韓菜常吃的這裡也有: 水冷麵，炸醬麵，炒粉絲，炒年糕，石頭鍋飯，紫菜湯， 人參雞，等等。老闆娘仲似韓國人唷!叫左半份人蔘鷄，份量夠，味道也不過不失，但蔘味欠奉，但其3小配菜+ kimchi却幾好味。 6pm前，免加一。