金園茶餐廳

營業中

休息中

呢度嘅蛋撻真係排好耐成日新鮮出爐前已經有勁大條長龍不過等咗一陣都好快有位但係入邊環境就有啲迫仲有就係諗都未諗好食咩嗰時應不斷就吹單好心急咁樣今日就食咗黑椒意粉配雞翼不得不講個黑椒炒得好出色份量好多不過油咗少少朋友叫了牛肉意粉牛肉老咗少少所以都係雞翼好食啲聽講呢度豬扒幾出名不過本身唔係好食豬所以冇試到價錢嚟講算一般般啦但係要講嘅就係個蛋撻真係好出色🤘🏻🤘🏻夠大嚿味道又夠滑有少少甜絕對可以再試吓

下晝諗唔倒食乜就會行15分鐘去嘆蛋撻奶茶或者相聚一刻下午茶set🥧☕️周末也會去吃炒嘢🍝好多人鍾意去舊店排隊🍽️其實兩間都一樣👍🏻我哋都會去新華吃🥧兩間口感唔同各有各正👍🏻金園個蛋槳比較傑而新華冇咁傑但係蛋香勁美味😋今次響金園又試咗三絲炒河同牛河🔥三絲好認真竟然有叉燒同雞肉🥩仲有好多舊😋我影廚房叔叔推盤新鮮出爐嘅蛋撻出嚟時🛒佢突然慢動作推🛒俾我影片影得清楚啲😹超窩心😻

下晝有事要去長沙灣處理，搞掂晒之後就同男朋友食個靚靚下午茶。之前一直都想試吓呢間金園茶餐廳嘅蛋撻，既然今日咁啱經過，就即管入去試吓😆出爐蛋撻 ($10)呢個就係係香港蛋撻關注組入面榜上有名嘅金園蛋撻😆 佢係酥皮蛋撻唔係曲奇皮，咬落酥脆，入邊既蛋唔會老，而且蛋香好夠，的確唔錯👍🏻 不過可能唔係啱啱出爐就食，男朋友覺得個皮可以再酥脆啲🤏🏻吉列豬扒 + 薯餅 ($39)我就叫咗呢份呢吉列豬扒，佢嘅粉漿比我想像中薄身d，係我幾鍾意嘅厚度。有啲surprised 豬扒炸完出嚟都仲有少少濕潤，唔會乾柴，而且份量都幾多👍🏻 不過可惜嘅係當日冇晒薯條，要轉做薯餅。個薯餅又幾得意，睇得出佢係薯仔粒+薯仔溶mix埋先一齊炸成薯餅。不過一切開就散晒，都係鍾意啲挺身少少嘅薯餅多啲🤏🏻炸雞髀 + 薯餅 ($39)男朋友叫咗炸雞髀🍗，我食咗兩啖，好香口🤤 不過佢個質地就俾我嗰塊炸豬扒乾身少少，但味道都唔錯👍🏻凍檸茶 (+$2)我哋兩個都叫咗凍檸茶，味就同出面茶記嘅凍檸茶差唔多，冇乜特別。

沙牛得三塊 勁咸 加個垃圾大光麵 得杯檸茶叫正常小小 比49$ 我隔離街新華好過佢多多聲！！！！！如果唔係未試過 我一定唔會走入去…………不過環境同衛生係好理想。大家稍移玉步去隔離街好過又有二樓坐🥰🥰

----金園茶餐廳----🤙HK$ 1️⃣0️⃣蚊 酥皮蛋撻同樣係舊式茶餐廳 一樣每日新鮮製作🥣較厚身 較上一間重身🧈層次感豐富✔️蛋味較濃✔️ 蛋面望落較脹 賣相靚仔✔️ 橫切面睇落酥皮同蛋撻 就清楚睇到👀.自私評分：🌕🌕🌕🌕🌗.

昨天同朋友去左長沙灣食午餐，行左去一間叫金園嘅舊式茶記試食，去到時候見到門口排長龍，等咗一陣好快就有位，一坐低感覺都有啲壓迫感，因為不斷有侍應問你食乜嘢，好似好急住落單咁，諗緊食乜嘢嘅期間，有個女侍應建議我食佢招牌嘅黑椒炒意粉可以配唔同嘅菜式例如牛肉豬扒話係最出名嘅，咁我就聽佢講就試吓叫咗一碟黑椒牛肉炒意粉，等咗一陣好快就上枱啦，我食第一啖牛肉好零碎份量唔多，而且意粉都幾油，意粉份量都唔多，以女士嚟講只是剛剛好，我相信男士應該唔夠飽，而我朋友就叫咗個特餐，佢個奄列啲蛋就煎得過火好老，而且佢個沙嗲牛意粉當面都好油，奶茶都尚算OK，價錢來講唔算平都偏貴，我哋覺得呢個價錢唔算好抵質素都一般，係同區應該有更加多更好嘅選擇，唔明白點解咁多人會排隊？目測佢嘅蛋撻應該唔錯，賣1O蚊－個，下次經過可以買一個外賣試吓🤭

In social media groups, many people said their egg tarts are the best in town. This probably lifted up my expectations and thus their egg tart was a bit disappointing to me.Undoubtedly, it was a nice egg tart that was not that oily and you could feel the layering. Yet having a $9 egg tart that was super cold in winter was definitely not enjoyable.

唔check OpenRice都冇發現兩間金園，我都係睇番d相先知係呢間，先寫食評。金園係我喺蛋撻關注組識既，個人鐘意酥皮蛋撻唔鐘意曲奇皮蛋撻。咁啱去長沙灣睇屋，所以就去埋金園買蛋撻食（上次去到1800賣哂）以為一大盤係新鮮出爐，點知係錯，係凍既，但酥皮仲好多層好鬆化，蛋味都好香，以前疫情😷唔敢隨街除罩食，而家疫情😷後就喺條街食

平日星期四第一次食金園，之前就聽聞佢啲蛋撻就好出色，去到晚上6:30左右就聽到已經冇得買。我今次就冇食蛋撻，食左全日早餐同午餐。👥啲姐姐態度幾好，一開始冇大位坐，坐左張細枱，之後有大枱，姐姐仲問我地洗唔洗轉張大枱，當然大枱係舒服啲👅食物質素不過不失，奶茶都幾好飲，份量都唔算細份。奄列幾好食，雖然油左少少，但都足料。環境都算幾好，起碼我地食果時有大枱，上菜速度都算快，唔洗等好耐👀二個人食左$92。晚餐來講口算貴😄

叫了特餐沙爹牛冇沙爹汁，麵太淋，牛肉得幾片，麵包又凍黑椒豬扒意粉，豬扒一早炸好，太厚粉，炒完啲意粉就咁放豬扒上去，冇誠意唯獨是蛋撻同熱奶茶ok下次去都係食蛋撻同飲奶茶算

第一次食咁難食嘅沙爹牛麵，個湯冇沙爹味，啲麵淋晒，衰過自己煮個出前一丁如果隻牛泉後有知，知道自己比人整到咁難食，一定喊出黎大家黎食都好，記得唔好嗌沙爹牛，會浪費咗人生嘅一餐，我已經浪費咗，希望可以幫助到你地節省時間同埋金錢

金園既酥皮蛋撻係我食過最好食既🥹酥皮層次分明 聽聞有128層?!🤯 總之就超！鬆！化！ 最正係牛油香同焦燶味同時湧出～🤤蛋漿唔算好甜 熱辣辣好滑溜 新鮮出爐即刻食既話隨時辣親嘴🤣雖然$9一個有啲貴 但真心好出色 難怪每次一出爐就好快掃晒～

撞啱今次喺長沙灣蛋撻出爐時間，所以就去金園試吓，蛋撻真係名不虛傳，酥皮蛋撻好有層次，食落好香，蛋香加埋酥皮真係一流，果然係香港最佳蛋撻。同啲連鎖店真係差好遠，價錢雖然相對貴少少但物超所值。

第二次來，水準變得奇差無比。通粉的湯像水一樣淡，幾乎沒有味道。隨後上的麵包凍冰冰的。唯一優點就是蛋煎得香。跟住叫夥記換通粉，換了仍然是很淡，大概是因為週末的原因湯不夠要加水？

今日中午途經附近，見金園入面好多人幫襯就入去試試。我見大部分人都叫炒粉麵，就叫一個干炒雞絲意粉配熱啡，味道中規中矩。之後聽到外面排隊叫酥皮蛋撻，要等20分鐘，心諗不如試埋，結果比想像中更好，酥皮一層層，沒有一嚿的感覺，蛋黃味ok唔太甜，大家有興趣可以一試。