金園茶餐廳

營業中

休息中

金園的酥皮蛋撻早已馳名多年，幾年前更被蛋撻關注組捧上神枱，令不少人（包括我✋🏻）當年為了一個蛋撻而大排長龍。今天剛好經過，碰巧蛋撻新鮮出爐，見熱潮已過，未見人龍，便買了一個試試它的水準是否有保持。———————————————————————蛋撻因為新鮮出爐，非常熱辣辣🔥賣相依然非常吸引🤩size極大，酥皮一如既往的厚，層次分明，蛋漿亦脹卜卜，十分飽滿。咬下去酥皮鬆化有層次，有牛油香味，而且焗得夠火喉，撻型十分堅挺，連底部的撻皮都非常香脆🥹蛋漿蛋味濃，甜度適中，非常香滑，加上蛋漿份量充足，每一口都令人十分滿足😋———————————————————————金園的酥皮蛋撻多年來保持着高水準，即使賣$10一個我也覺得是物超所值👍👍👍

早前睇影片分享平台見到呢間茶餐廳蛋撻號稱全港第一。今朝早咗起身，決定揸車由將軍澳出深水埗試一試佢。.嗌咗沙嗲牛肉麵、火腿煎蛋、加兩蚊多士、加隻蛋撻。.蛋撻最先嚟到，一咬，又凍又硬，心知不妙，問一問個侍應，佢大方承認：隔夜㗎，朝早冇蛋撻出爐㗎。我心諗，我寧願你朝早唔買，又或者落單前講聲我知。到底係將隔夜蛋撻賣俾客賺多$10賺多啲？定係做臭自己個名會蝕得多啲？我睇唔透。咬完一啖之後我成隻放低冇再食。作為一間咁出名食蛋撻既茶餐廳，如果連對出名既堅持都冇，其實都幾蠢。唔好同我講你下午既出品有幾好食，我唔會比第二次機會你。沙嗲夠咸但冇香味，牛肉又係凍、韌，應該都係隔夜再加唔知賣左幾多日，絕對唔係朝早炒熱果啲。麵正常。.火腿用水煮，冇煎，蛋正常。.多士係薄方包係咁依烘下，淋Pat Pat，冇咩咬口。個人認為收得人加$2，最好比厚多人食，口感係差好遠。.最後杯茶走，好唔好飲係有樣睇，呢杯一睇就係唔好飲果種，入口苦澀酸，飲左兩啖就唔飲了。不過可能係我唔好彩，咁啱去到呢一壺茶既底果浸，我見其他人既奶茶茶色係正常。但係，都係果句啦，如果係對自己有要求既水吧大哥，應該要意識到啲茶開始老，要留起做凍茶茶茶底，

今天經過長沙灣，辦妥自己事務後，已經是中午十二點正，剛巧見到對面街是金園茶餐廳，所以就順道到此一遊， 食番個午餐 ! 一如以往，小妹喜歡他們的茶餐，所以就點了一個金園午餐，餐單包括有火腿蛋奄列加牛油餐包，和叉燒湯意粉，當然要加埋一杯香滑熱奶茶啦! 雞蛋奄列有好多火腿，再加埋大大個鬆軟牛油餐包，真是超滿足! 至於個叉燒湯意好大碟，叉燒也很腍，味道跟以前一樣， 很有懷舊feel ! 再嘆埋杯金園熱奶茶，以現時$47價錢可以享用這個既豐富、又份量十足嘅午餐，真是非常抵食!由於食得太飽，小妹今次沒有叫蛋撻， 唯有留待下次再來幫襯過啦!!

差到忍唔住要出食評🫠聽聞咗好耐嘅金園餐廳酥皮蛋撻世一今個星期日我抱住一個好期待嘅心情去食九點去到酥皮蛋撻$10同埋牛油蛋撻$10都有牛油蛋撻仲要係啱啱出爐每款都叫咗一件嚟試 十分之失望😓首先佢個酥皮蛋撻啲酥皮一啲都唔酥皮跟住佢嗰個牛油蛋撻仲經典一咬就碎勉勉強強蛋漿正常 又唔算話又好濃烈嘅蛋香😣我想講求其搵一間麵包店都好食過佢1） 叫咗個特餐 沙嗲牛麵加餐包火腿奄列同熱奶茶 $47再加咗個生炸豬扒 $29首先個沙嗲牛肉麵都食得出佢嘅牛肉係新鮮嘅，但係完全食唔到沙嗲味😖麵質正常～係普通嘅公仔麵～火腿奄列偏油偏乾 餐包方面入邊有牛油味道食落鬆軟但味道普普通通成個餐最正常嘅係熱奶茶～熱奶茶有茶味唔會苦澀加少少奶香味唔錯最後到生炸豬扒～係成個餐最伏炸到又乾又柴 超重椒鹽味完全冇水份係有一種死鹹嘅感覺 $29 唔算大塊雖然阿姐講話係新鮮生炸 但係一啲都感受唔到佢嘅誠意2）最後叫左 牛奶通粉 $31依個牛奶通粉係冇跟餐既食落係普通嘅牛奶通粉 奶味唔算濃味道比較偏淡 通粉軟硬度OK整體而言 係普通到冇得再普通嘅茶記 仲要唔係話出色嗰款😣😣好伏希望大家唔好抱住好期待嘅心情試

上網見到長沙環有間開業多年既茶餐廳，最出名食酥皮蛋撻，一於去試下先餐廳位於長沙灣，一出地鐵行5min左右就到，非常方便，周圍唐樓林立，好似返左舊香港甘，好有香港情懷☺️下午3點3，餐廳口外排左長長的人龍，原來係排隊買蛋撻! 外賣都要排長龍！😂😂好在餐廳有2個鋪位，堂食位置多，等一陣就好快入座👍我地叫左必食既蛋撻，真係好好食，酥皮口感豐富，蛋漿濃厚香滑，重點係一定新鮮出爐熱辣辣！😍😍配埋奶茶真係一絕😊可惜，菠蘿油最大敗北，睇相都知，下次都係叫蛋撻夠啦😆😆

途經長沙灣，決定嚟金園一試究竟😍今日嚟到好好彩，係唔需要排隊👻開心！嚟到呢間餐廳一定要試嘅就係佢嘅蛋撻，我哋毫不猶豫即刻嗌咗兩個🤪個蛋撻真係仲係超熱，感覺上係啱啱新鮮出爐👍🏻拎起手，望吓個底，個爐火啱啱好，見到個底唔會未上色或者太燶，係good㗎！擺落口啲蛋好滑溜，酥皮夠酥鬆化，正！我哋仲另外嗌咗個下午茶餐，炸魚柳配薯條🍟就係正常茶餐廳水準🤣我哋其實仲嗌咗杯奶茶，杯奶茶係香濃幼滑嘅，不過太口渴，已經迅速飲晒，唔記得咗影🤣🤣🤣

今日專登去長沙灣食蛋撻去到見到門口，勁多人排隊點知原來係有兩間一間係舊一間係新嘅我哋排咗喺新嗰間等咗兩個就已經可以入去之後我問職員點解舊嗰間咁多人有好多人都因為想懷舊啲🤣蛋撻熱辣辣勁好食奶茶濃好飲

今日去試大家都讚不絕口嘅茶餐廳｛金園☕️｝，中午都有1x人排緊隊，不過流動得好快，所以等咗一陣就入得🫶🏻✴️酥皮蛋撻✴️熱辣辣新鮮出爐，外表好靚仔，蛋漿飽滿，令人好有食慾😍味道唔太甜，蛋軟乎乎，不過蛋味連淡～酥皮鬆而不油，食完隻手仲係乾身，無油淋淋嘅感覺👍🏻👍🏻✴️叉燒湯意✴️外表平平無奇，但湯底好夠味！意粉仲keep到彈牙，叉燒仲幾厚身，好食！❤️✴️沙嗲牛肉麵✴️牛肉無咩點用鬆肉粉嗱過，所以有嚼頭🤟🏻沙嗲濃厚，有花生香，食之前記得要撈一撈，成碗麵會更香✨✴️紅豆冰&奶茶✴️紅豆冰略甜，但豆量極多！可以少啲豆同無咁甜更襟飲🙈

這一天，難得地以奶茶蛋撻做下午茶，地點就在長沙灣其中一間最有名的茶餐廳「金園」。既然難得來到，當然要吃它的招牌「蛋撻」（$10）和喝個人認為吃蛋撻的最佳良伴「熱奶茶」（$20）啦！這茶餐廳「酥皮蛋撻」和「牛油皮蛋撻」都有售賣，而我吃的是「酥皮蛋撻」，蛋撻新鮮出爐，熱度十足，侍應提醒我蛋撻剛出爐，蛋漿仍然突起，最好稍待一會，等蛋漿變回平滑才食用，這溫馨提示都幾貼心。酥皮香脆，蛋漿甜美的「酥皮蛋撻」，這兒做得甚有水準，讓我與太太一人一個享用之後，仍然意猶未盡，再多叫一個分甘同味，這香港美食確是吸引。吃蛋撻最好當然是喝一杯熱騰騰的港式奶茶，這裡的「熱奶茶」奶味濃郁，也夠順滑，即使我沒有下糖，都幾好味，配以酥化蛋撻，絕對是最佳配搭。欠違了的港式美食，正是令人念念不忘的地道風味。

關注組經常談論嘅長沙灣茶餐廳仲有金園，今日就試埋佢哋嘅奶茶同蛋撻。酥皮蛋撻酥皮層次多，鬆化而不鬆散，蛋香十足😋 但奶茶都係隔離好啲😝Gold Garden is one of the most popular cha chaan tang in Cheung Sha Wan that people usually visit for their HK style milk tea and egg tart. The puff pastry of their egg tart was multi-layered and flaky yet soft, so the pastry with the creamy custard just melt in the mouth. The Milk Tea was just so-so.

呢間金園好耐冇食過啦，知道每日會嚟長沙灣做嘢，就已經計劃定嚟食啦我鍾意呢間茶餐廳可能係人情味啦，同埋性價比好高👍🏼我鍾意佢嘅火腿奄列，係家常嘅做法，似平時屋企媽咪煎俾我食嘅蛋一樣👍🏼另外已經好少茶餐廳嘅常餐，係會用餐包，而唔係多士。所以好懷念。👍🏼今次叫咗沙嗲牛肉米，米粉份量都幾多，一定可以食到飽。另外最掛住就係佢杯熱奶茶。，唔知點解我係特別鍾意飲呢間餐廳嘅奶茶，好有奶香味。其實呢間餐廳出邊都有好多新鮮出爐嘅蛋撻麵包，次次行過都見到好多人買，而且價錢實惠。希望呢啲老店茶餐廳可以繼續堅持啦。。

早上經過長沙灣順道來試下金園，坐低即時叫一個酥皮蛋撻試試。酥皮非常有咬口，蛋汁不太甜，不愧如此遠近馳名。可惜是蛋撻不是熱的，較可惜。相信熱食的話味道更一流。我叫了沙嗲牛肉米粉，火腿奄列。沙嗲牛肉味道好，沙嗲味並未至于蓋過了牛肉的味道！值得讚。火腿奄列配餐包，味道也不俗，只略嫌偏油，整體可接受。

小編去咗旅行咁耐，最掛住就係茶記嘅蛋撻奶茶！為咗好食嘅蛋撻，嚟到長沙灣金園～➡️乾炒鮮牛河 $60其實小編嗌嘅時候都有少少卻步，因為$60仲要加$10先有嘢飲呢個價始終少貴，不過見佢係老字號茶餐廳就即管試吓。上到嚟睇都幾大碟，但明顯就唔係出晒煙，感覺佢唔夠熱都唔夠鑊氣，而且見到有啲河粉係未炒開，疊埋一齊，好影響個口感。不過佢就勝在唔算好多油，調味都唔錯，至於佢嘅鮮牛肉食得出係冇乜點啤水，唔會太過淋，仲保留啲咬口。味道🐽🐽🐽➡️奶茶 +$10呢度嘅奶茶，我覺得佢係偏重茶味多啲，入口嘅苦澀味都比一般茶餐廳重，但茶香唔算好出色，適合啲鍾意飲濃茶嘅朋友。味道🐽🐽🐽➡️酥皮蛋撻 $10佢哋嘅酥皮蛋撻係用傳統油皮水皮搓成嘅，據講近128層。呢個蛋撻非常鬆化。但層次感冇之前新華咁明顯，但同時又冇新華咁散，各有千秋。小編最欣賞係佢嘅蛋漿。因為新鮮出爐，蛋漿夠晒熱，蛋香、吉士更突出，而且真係滑溜！處於熟同未熟之間咁，掌握得好好。小編一餐晏已經有三輪出爐，相信要食到新鮮出爐應該唔難！味道🐽🐽🐽🐽抵食🐽🐽🐽環境🐽🐽🐽🐽

🍴蛋撻 $10 (7/10)新鮮出爐，咬落去都鬆化，但係唔係想像中千層嗰種口感，比較乾身嘅酥皮，ok正常，冇想像中驚喜。推薦指數: 7/10個人都係鍾意曲奇皮蛋撻多啲，不過都值得一試！

點了兩份沙嗲牛肉麵。這份麵的分量十分足夠，讓人吃得很滿足。然而，我對環境衛生有些許疑慮，因為當時我注意到有支叉子上面沒有洗得乾淨。這點讓我有些不太舒服，希望他們能夠提高衛生標準。儘管如此，整體而言，這家店的食物還是相當不錯的。除了沙嗲牛肉麵外，我還點了火腿條煎蛋和麵包。然而，我覺得麵包的味道很普通，沒有什麼特別之處。不過，他們的蛋撻卻非常好吃，口感和味道都很出色。需要注意的是，這家店的人氣相當旺盛，入場時需要排隊等候。不過我可以理解，因為他們的沙嗲牛肉麵煮得真的很好吃。無論是湯頭還是牛肉的口感都非常出色，給人一種濃郁的味道。如果你喜歡香料的結合，這道菜絕對值得一試。總的來說，儘管環境衛生有些問題，這家老店的食物品質還是相當不錯的。我建議你可以去試試他們的沙嗲牛肉麵和蛋撻，但可能需要耐心等候一段時間才能入座。希望他們能夠改進