金和記海鮮菜館

營業中

休息中

上次行過聞到香噴噴已經好想食聽人講話炭爐打邊爐好正好幸福啊今日，Family day dinner 特登打電話去book枱，嘻嘻第一次食炭爐既邊爐🥰🥰一黎到簡左個湯底先～簡系簡豬骨鍋等啊等啊～炭爐系慢熱d ga la 但系又別具風味bor🤤 安格斯肥牛，2百幾蚊一碟 ，得十片左右，價錢感覺偏貴啊～但系好好味，入口要溶咁🥺🥺 叫一碟過下口癮帆立貝柱 又幾新鮮哦～一人都有兩粒每次打邊爐都要點手打肉丸，最鐘意就系牛丸，豬肉丸同埋墨魚丸 ，超彈牙🤤🤤🤤百牛柏葉 超爽脆啊❤️❤️三色油炸鬼～呢款小食我都系第一次食，系油炸鬼加淩魚肉，呢個配搭幾盞鬼👻噢～屋企人話一定要點既鵝腸～終要叫兩碟天啊我吾食內臟咖，但系見佢地食籌津津有味，我忍吾住試左一條鵝腸，原來又幾有口感蝦滑分量好多好正啊打邊爐又點少得響鈴啊😂要食下菜下下火先 再加番兩個烏冬☺️咁就飽飽嚕

星期五晚上，我哋一行七人，相约食生日飯+ 做冬. 朋友話呢間火鍋係食炭爐火鍋, 所以比較有風味 原本，我們book了張炭爐七人抬。可惜張枱太細，我哋覺得太逼，所以我哋決定改去食電磁爐。我哋叫咗二個湯底一個豬骨煲 : 豬骨煲比較足料 有三嚿大豬骨, 粟米仲有, 大量蔥. 成為98元。 因為用豬骨淆製湯底比較鮮甜 食落都幾好味醉雞煲: 首先佢會用酒煮滾咗然後加水再落半隻雞 落個煲度 酒味很濃 雞很鮮嫩, 好補身,好味.特別推介. 呢度嘅響鈴38元一份，仲要係大大份，而且仲要即炸，根本唔需要放入去 嗰爐，就可以即食好味到不得了！豬面豬登非常之嫩滑 呢度選了，新鮮所以好似每一樣嘢都好好食手切牛肉， 我哋差唔多等咗成半個鐘，先有呢碟手切牛肉， 朋友話今次嘅手切牛肉比較切得薄，所以口感麻麻，但係我又覺得都幾好食呀，因為夠新鮮！鵝腸 呢啲肥鵝腸好多肥膏 又爽又好味推介呢個花雕牛肉，牛肉加 玫瑰路好入味我哋總共encore 咗兩次,好味

作為年輕一代，打邊爐用gas爐而經少,而呢度用炭爐，更係前所未有既體驗炭爐、瓦煲、深水埗，已經係一個香港特式既風味打邊爐對細佬我黎講，食咩都唔係太重要，最重要係人同氣氛，呢個環境，完全唔怕，就做自己食吧醉雞鍋係呀姐推薦，係無介紹錯，好足料，花雕味重，放定d蘿蔔最後索晒味，超正其他料都不過不失，勝左d野新鮮，點都唔會差得去邊原本要碟美國牛，諗住平平地算，點個呀姐介紹隻本地手切牛，貴少少，雖知本地牛係唔錯，但今次呢d的確係幾滑，仲幾重肉味，高過預期炭爐火力都幾強，由頭到尾都唔洗換，火力都無咩減弱，臨尾仲有呀姐表演單手拎走個爐，所以話呢度d呀姐都好有料整體黎講，以街坊風味既炭爐火鍋，呢次體驗的確唔錯，值得一試

本身我很愛吃火鍋,不過自從找到了這間炭爐之後,便迷上了.夏天吃這炭爐也比較熱的,所以建議冬天吃會好點,還更有一番風味呢來讓我介紹我吃了些什麼呢...炭爐湯底 : 冬瓜瑤柱螺頭排骨鍋 $136他們這裡的炭爐湯底全都是熬出來的,味道一流!特別介紹這湯底裡的排骨全都是熬到很軟口湯底可以在煲滾後先喝一碗,才加配料吃火鍋.配料 : 1)生桶蠔 $148就是正常有五至六隻左右,平常價 $128~168.2)脆肉鯇魚 $88爽脆以又不多魚骨,還很彈牙呢!價錢也是特價來的.3)手打鮮蝦滑 $88平常我也比較愛吃墨魚滑,但今次試了鮮蝦滑,才發覺味道多一點鮮蝦味,也很不錯.彈牙之外裡面不會是粉的,所以價錢也較高出一點.4)水魷魚 $485)雲吞 $38親手包的,所以稍為需要時間等候.6)鮮滑牛肉 $55這個牛是我想推介的,因為滾得熟也依舊軟口.價錢也比較實惠,吃四碟等於一碟肥牛的價錢.雖然產地和味道實有不同,但真的值得一試我這餐也叫了兩碟來吃6)豬皮 $387)唐生菜 $36特別想說聚會的話來這裡真的可以吃到三小時呢醬油 x4 $40酸菜 x1 $10啤酒 x8 $240全單消費 $1020

朋友推介的炭爐火煱，被安排到在街上加桌，雖說環境一般，但也另有一番風味。點了醉雞湯底（花雕酒），湯底很多藥材，酒味濃郁，既保身，又暖身。還未開始放其他食物前，不怕酒味濃，不妨試喝幾口。其中特別推介的是：炸魚皮。雖然不是剛炸好的，但儲存做得十分好，吃起來特別脆！建議盡快享用，放久了還是會變普通。桂花蚌也十分新鮮，涮久了還是嚼勁十足。手切肥牛厚薄適中，涮一下有半生熟的口感。手打墨魚滑份量十足，就連蟹子都不偷工減料。總結：湯底已贏！要再次光顧！

第一次品嚐炭爐火鍋， 嗰日食嘅時候天氣得嗰九度，食火鍋正好取暖。現場都爆滿！炭爐係明火，不但坐埋響爐，特別亂笠笠；食起來更覺惹味！嗰日點了鮑魚、蟶子及海蝦（海鮮要提前訂），另外仲有花雕牛肉、本地手切牛肉、生蠔、魚片頭、炸油炸鬼、脆骨腩、及蔬菜等！基本上，除手切牛肉麻麻哋外，其他食物都不俗；不過經炭爐炮製，好似將食物提鮮，令好味指數增加。當晚共五個大人，由有飲啤酒（都有𢦓十幾枝），埋單一人約三百多元，相當抵食！

炭爐瓦煲打邊爐，已經係最大吸引點。香港無乜幾間卦！環境：喺得深水埗你都大概知咩樣，因為炭爐，要用矮檯矮凳，唔算舒服但係可以接受，洗手間唔係座廁，朋友接受唔到。服務：得一兩個阿姐處理10檯落單上菜上野飲加炭加湯，所以要叫多一兩次係必須的。湯底：我哋要咗螺頭冬瓜，上檯見煲裡面有乾螺頭+排骨+冬瓜+紅棗，放食物之前飲一碗，似老火湯都啱口味。食物：因為湯底夠味，只要食物新鮮就得！手切牛肉肉味唔濃無驚喜但OK、手打四寶丸：得，南非鮑魚新鮮，上檯仲識郁、游水中蝦生猛、其他蔬菜類都係正常。飲品：見好多人飲藍妹，同深水埗地嘅形象超夾，樽裝可樂夠凍，可以自帶酒水。埋單一人唔駛300。BTW，炭爐唯一嘅敝處：無得較大細火囉！

親天氣涼涼地，係時候去邊邊佢，搵間特色小小嘅炭爐試吓，一坐低張枱都幾得意就返個炭爐高度，一坐低就叫咗個翠玉瓜螺頭湯底，味道清清地不過不失，然後加湯開始打邊爐，由於我們只有兩個人嘅關係所以都唔係叫咗好多野，喜歡食牛的朋友真係可以唔使叫味道非常一般，田雞同鮑魚幾好非常新鮮，三色油炸鬼唔錯幾香口，廣島蠔同埋兩色滑，正正常常不過不失，總括來說，其他都是正常火鍋配料，只係炭爐較為有特色，同埋可以再凍少少先嚟就會好啲！

趁天氣仲涼涼地, 出街打炭爐邊爐炭爐邊爐...感覺上個爐火溫和啲, 唔會煲燶湯底 - 冬瓜響螺排骨鍋, 湯底超認真, 完全係平日屋企老火湯的味道, 螺頭有一堆, 我食極都仲有得食,一開始先飲湯, 因為之後再加, 就只係加水餐前小食 - 即炸魚三角 - $39, 即係四海魚蛋炸魚片頭, 平時屋企自己炸仲好食響鈴卷 - $39, 雖然係餐前小食, 但我都係放湯食....比平日食的響鈴厚身, 可以浸耐少少雙滑油炸鬼 - $39火鍋配料 - 本地手切牛肉 (大) - $148, 麻麻地....肉質帶韌朋友推介滑料, 鮮蝦滑 - $78 & 墨魚滑 - $78, 同樣沒有令人失望, 咬到本身的肉 (蝦肉 / 墨魚肉)海鮮, 鮑魚 - $38/隻, 新鮮...仲識喺碟爬走去枱面, 肉厚而且好甜, 蝦 - 一般...部份識郁, 部份唔識郁, 蟶子 - 好甜*海鮮要預留, 鮑魚抵食之餘水準亦唔錯*枱面同坐椅高度不成正比, 會有啲辛苦*訂人數有更改, 所以朋友打去通知, 去到店舖時被店員責罵😰😰

一個月前朋友已經約打邊爐。話呢間用炭爐黎打既，風味好好。開始時間係七點半，都真係要七點三先至可 以入座。等緊果陣都覺得好奇怪，張枱好低。後尾先知道加埋個爐同煲，夾果陣都已經高左。張枱唔低就真係要企響度食。餐前小食叫左魚皮！拎黎果肿車仲有油既，即炸，香脆！炸魚皮頭都係熱辣辣。叫左安格斯牛肉，雪花平均又林，好味！後尾見到隔離枱既牛肉紅紅的，又叫埋佢地既本地肥牛！本地既就好有牛肉味。叫左兩隻丸，牛肉同墨丸。兩隻都有芝士響入面！牛丸硬身。咬入去之後芝士味蓋過晒d 丸本身既味！芝士愛好者實啱。主角出場，鮮鮑魚！人頭計就30蚊隻，黎既時候就係咁郁，放佢地入爐果隻，真係覺得殘忍呀。由於我好鍾意食鮑魚，所以另上既（即再叫既）就要42蚊隻。但真超值。蟶子開左邊。圖中既係五隻。我地一共叫左十隻。開左邊都有咁多，證明好有肉！鮮甜味美！仲有蝦，我唔記得左影相。大隻到要㩒d 竹籤先可以成隻煮熟。放入煲果下仲會跳𠺢！鍾意食海鮮既，真係要試呀。埋單唔洗五百蚊位，食海鮮，呢個價超值！🤑

今日原本一大班人約去燒烤，但啲人臨時一個二個放飛機，淨係五條友，我地臨時決定轉場去打邊爐！咁寒冷既時候打邊爐仲好！其中有個朋友食過呢間話好食，所以再來番啅！咁呢度啲邊爐主打係用炭爐燒既，一班人圍住個炭爐真係即刻暖番晒！重點係我地有預早打電話去叫佢預留左啲聖旨鮑魚同花同蝦，呢三個真係必食！超新鮮，上到我地張枱仲係識郁架！食落鮮甜！聖旨爽口！正！我地五個人都嗌左好多野食架！呢度只係一部分。你見用炭爐加瓦煲打邊爐，啲蒸氣超勁。加上用炭爐加熱，個火好均勻，唔會話好似用電磁爐加熱咁，一時令到個邊爐好滾要較細啲，校太細個爐又唔夠熱又要等好耐，炭爐邊爐就完全無啲咁既煩惱。如果手仔凍，將隻手擺係炭爐附近取暖，立即暖番晒。三色油炸鬼。用蝦滑，鯪魚滑同墨魚滑讓係切左片既油炸鬼上面，再翻炸，超好味同脆口。不得不提個蝦滑勁有蝦味又彈牙，真材實料，唔似出面其他加好多粉。仲有仲唔到就係個滑雞片真係勁滑，真係俾佢好差既賣相厄左，開頭仲以為佢平平無奇。蟶旨10隻，預先打電話留既，上枱個時見到勁新鮮！鮑魚來到仲識郁架，我地仲餵佢飲酒，正一醉鮑😂花竹蝦都係打電話預留架！好大隻，好新鮮，有幾隻仲要係有膏架！好甜呀救命！安格

熊掌與魚皆珍味，熊爐鐵鍋要準備，炭冷無情獻一生，火熱情深伴你我。三月有多天公眾假期，靚太決定帶我去旅遊。而今日要陪伴靚太到深水埗買新相機。在不知不覺之間已接近八點鐘了。但仍然未找到心怡的。不是沒有食店，而是太多選擇了。中丶西丶日丶泰丶越及地道港式，在此區一應俱全，包羅萬有。食店集中在福榮街一帶，有的要排隊等候，於是我們走到偏遠寂靜的街上，找尋隱世食市。九江街位置是舊區的外圍，四周都是舊樓，所以街道比較寬闊，街鋪關門後人流變得疏落，泊車算是容易。其中的新<金和記>海鮮菜館是家地道港式火鍋店。叫得海鮮菜館，一定要試試佢啲海鮮啦，但揾個位坐吓都唔喺噤易呀。睇落有吉枱，但都要等一陣，再由店員安排位罝。此刻，先選擇湯底，豬骨丶胡椒豬肚雞丶莞茜皮蛋等，最特别還是湯鍋之底，除了電爐外，只要加15蚊就可改用炭爐。並有矮枱配合使用，可說得心應手，滾動食材就一目了然。陣陣熱燒的木炭香味，已把我吸引着，更使我回想到小學畢業旅行，也是我第一次處理炭火燒烤，只知食物在火上燒，生或熟也不知，熱鬧歡笑勝過一切！中學年代的我與弟弟們，手提着十斤丶八斤炭在麥理浩徑遠足露營，三日兩夜行程中，一晚用光所有炭

o係香港有幾可會用炭爐黎打邊爐?!一進到店內, 第一個反應: 下?點解d 台咁矮嘅?!!!哦..... 原來放左炭爐+個煲, 個高度就剛剛好了!我們點的是豬骨煲, 十分足料! 嘩!!! 水滾一開蓋係睇唔到對面o個個 XDD相信是炭爐才能做到的效果了!唔好睇呢間店好LOW CLASS, 其實 D 食材好新鮮, 好好味! 聖子、蝦、魚頭、蜆、脆鯇全部都好鮮甜, 完全不用混醬牛肉的切功一睇就知勁! 好薄! 好有水準! 得! 今餐真係不得之了!!! 

深水埗，食大排檔，路邊攤一路都有好多好店，今次朋友力推。特色係炭燒邊爐。未去前，一直認為今次活動係室外進行。去到現場，先發覺室內進行，當幾枱一起起爐時，頓然進入仙境。論環境，舒適度絕對不適合情侶，家庭。一班朋友聚會，到還是幾有趣的一次經驗。食物方面，打邊爐幾時都係二個字「新鮮」！呢間食材新鮮，但沒有任何特色食品。這可能就是深水埗保持舊有文化的一個方法吧。今次最得着的就是原來腊鴨脾加豬骨煲真係一絕，無需任何醬料，也食得非常滋味！每年冬季的香港，必然是打邊爐的最佳時節。打邊爐的食材和店鋪也是百花新齊放。金和記不過不失。大家如果一班朋友聚會，又剛好大家都住近深水埗的話，不妨一試，但如果特登前來，就可以找些更好的地方去打邊爐啦。

都 OK 呀，唔係人地講得咁差。我地係因為佢個炭爐，見幾有別色，所以去試下。食左桶蠔、手切本地牛、美國肥牛、鯇片、兩兜菜、墨魚骨、牛柏葉... （仲有，但唔記得喇）其實打邊爐食物都係咁上下，都係佢地個炭爐比我覺得好有特別，所以都食得幾有 feel。優點：開住冷氣打邊爐缺點：上菜時間出奇咁慢（打邊爐上料要 45分鐘）可以話係餓到手軟，黎咩都覺得好食