金和記海鮮菜館

營業中

休息中

呢度地方唔大座位唔多, 分夜晚6點同8點兩個時段, 所以黎之前記得一定要卜位, 如果唔係好大機會食唔到🙈 因為部分海鮮每日新嘅入貨, 所以記得要同老細留定想要既海鮮呀😉 冬瓜瑤柱螺頭鍋($150)湯底好足料有量既冬瓜, 瑤柱, 螺頭, 排骨, 湯頭飲落都幾甜一啲都唔味精🥰 打邊爐最緊要係個爐, 一場黎到點都要加$35試下炭火火鍋啦, 火喉好猛, 所以啲野都會好快滾, 但係味道就冇太大既分別😅三色油炸鬼($52)小食就揀左呢個分別鑲左蝦滑, 魚滑, 墨魚滑係油炸鬼度三色油炸鬼, 食落超級脆身, 個人最鐘意食墨魚滑果款, 食落比較夾同口感好啲😊五頭南非孔雀鮑魚($58/隻) 鮑魚每隻都有一隻女性手掌咁大, 好厚肉同埋鮮甜, 完全唔洗點任何醬汁都好食😍桂花蚌($148) 到今日我都仲好記得佢係勁快熟同埋超級無敵爽脆🤩即切墨魚片($158) 墨魚片白色一片片好似短版既河粉咁, 食若超彈牙同埋好新鮮🤤台式鴨紅($55)鴨血切成一條條砌到好靚, 食落係有種獨特既味道, 口感偏挺身🤓本地手切牛肉(大)($218)牛肉相對黎講比較普通, 牛味唔係特別濃😔牛爽肉($78)第一次食牛爽肉, 食落帶少少滑身

炭爐打邊爐，香港真係石果緊存唔夠10間，深水埗金和記海鮮酒家就係其中一間，不過真係好難定位，頭頭尾尾我用左一個月時間⋯今日終於嚟到，坦白講環境係係唔太理想，不過希望食物質數搭夠⋯大部分海鮮要前一日預訂，如果唔係你就只有睇住人食，不過佢D海鮮又真係好新鮮，所以絕對值得咁⋯先上咗個炭熣，陣陣嘅炭香味，同普通石油氣火煱，真係冇得比⋯因為有海鮮所以叫咗豬骨湯底，嘩啦啦！超足料，淡淡嘅胡椒味真係好正！海鮮入面我最鍾意個5頭南非鮑魚，生猛到呢$58絕對物有所值！至於蟶子王就有D失望，$158雙隻，普通冇驚喜囉⋯ 另外－個亮點，嚟呢度個個都話唔好叫肥牛，因為又貴又唔抵，相對叫鮮牛肉仲有意外驚喜，肉質又滑價錢又平$88⋯另外值得一試嘅係水魷$65，今日好新鮮，又彈口正！整體來講係可以返頭再試！

📍#金和記海鮮菜館 #金和記 #MFJ深水埗 #MFJ中菜人均消費: HKD515有日講起炭爐邊爐，結果就去左食 😂餐廳喺深水埗，有啲似大排檔！為咗食，大家已經冇理室內燒炭呢件事😂 海鮮要提前預訂，另外要比$100訂金！因為個炭爐比較高，張枱特別矮，坐起來唔係太舒服，好驚整反張枱😅湯底：💯花雕醉雞鍋 $148湯底揀咗花雕醉雞喎，花雕味勁香，個鍋一上枱已經流晒口水！啲雞又幾滑幾入味，仲驚佢會韌添！海鮮類：🆗 養顏花膠 $108🆗 即切墨魚片 $148🆗 八爪魚切片 $50🆗卜卜大蜆 $88💯 新鮮鱔片 $128⭐️ 美國桶蠔 $178💯 手打墨魚滑 $104💯 桂花蚌 $138💯 珊瑚蚌 $128我哋訂咗10幾款海鮮，有兩款冇！海鮮來講有幾款我覺得比較普通，但係鱔片，墨魚滑，桂花蚌同珊瑚蚌都好好味 ！至於其他我覺得可以唔點肉類：⭐️ 新鮮田雞 $68🆗 鵝腸 $84🆗 極地手切牛肉(大) $198⭐️ 蒙古羊肉片 $118💯 西班牙黑毛豬頸肉 $118⭐️ 新鮮掛骨 $50👎🏻 鮮滑牛肉 $75肉類整體來講就普通，最失望係牛肉，因為首設牛肉食落去冇口感，肉味好淡喂，另外朝鮮滑牛肉都唔得！鵝腸就

第一次食炭爐邊爐，朋友話想試好耐甘岩撞正朋友生日一於就去試下啦，不過夏天真係要好有勇氣先去食，因為越食越熱🤣店員見到我哋熱都比左個風扇仔我哋吹😆餐廳環境唔算好大，空氣流通唔算好，食完個人會有陣炭燒味haha .餐廳上菜快，環境企理😄我哋叫左個醉雞鍋，味道唔錯，有酒味不過唔算好濃，野食方便不過不失，個牛丸好食黑椒味夠，同埋佢有個小食係三色油炸鬼幾好食，係油炸鬼上面分別讓左菱魚肉同蝦滑，呢個本身想再叫，但因為食到好飽所以最後都無叫多碟。.

好味啊 環境都算乾淨整潔好大個炭爐，不過都唔會太熱，d冷氣好夠d海鮮都好新鮮，肉都好好食款式都好多當日我個肚唔係太舒服，所以無食辣或重口味湯底下次一定要叫沙爹湯，好香不過只收現金 唔方便

第一次去食炭爐火鍋，諗住當試吓新野。七點幾去到已經全院滿座😅等咗半個鐘左右先入到去。今次三人行主要係同個friend慶祝生日，呢度環境都唔錯，慶生一流。呢間餐廳上菜好快，坐低等一陣就已經有得食。望住個炭爐打邊爐，幾有feel，但食落去其實分別唔大。佢個豬骨湯底幾正，夠胡椒味。打邊爐料都幾唔錯，如果個份量多多少少仲正👍🏻埋單叫咗三支酒、幾碟牛、幾碟丸、幾碟菜，多人君300左右落樓。唔算貴，都有下次✅

📍深水埗九江街145號地舖放工去咗一間用炭爐打邊爐嘅小店🤣🤣1)豬骨湯底，用咗兩大嚿豬骨去熬湯，味道香甜，啲豬骨味心晒入去個湯底裏面，都幾多料，所以啲蘿蔔煮熟後就會好入味。2)鮮牛肉，牛肉太薄不過不失3)鮮雞仔同埋魷魚，超脆超好食😋，真係識食先至知道呢啲係男人嘅浪漫😬😬4)翠肉鯇，脆口彈牙，影到好似shashimi咁樣🤣🤣環境細咗少少，但係都坐得好舒服，空氣流通得唔係好好所以啲衫食完會好臭🤣🤣🤣好大浸燒炭味🙏🏻🙏🏻極力推介CP值好高。

人生第一次食炭爐打邊爐🍲，都唔知想食幾多N年，點知即興食到😆食落唔會有炭燒味😂但非常過癮，首先你唔好諗住較細火🔥 佢只會Keep住大火🔥🔥🔥所以D野非常快熟🤣叫咗個豬骨湯底，勁多勁大骨，越煲越好味而食物方面都好有驚喜脆鯇魚靚到好似刺身咁，又夠厚身，脆卜卜好滿足🐟值得讚既係，佢手打丸同自制雲吞/餃好好食，全部即叫即包，極新鮮👍🏻👍🏻👍🏻 花雕牛肉同鮮雞子無得輸會食雞子既朋友一定係必食🤤🤤

食店要做用炭火打邊爐 對店舖嘅消防要求大概有所不同，所以已經買少見少店舖用兩個鋪位去分隔用炭火同電磁爐的食客，用炭火的那邊雖然座無虛席，但抽風都做得好好，完全唔會有翳焗嘅感覺用嘅係科學炭用炭火 火力猛 煙都大啲你睇吓啲泡泡，電磁爐絕對做唔到咁嘅效果等水滾之前自己執定啲醬汁配料先呢個梅菜豬肉丸第度好少見，一定要試蠔同象拔蚌都好新鮮呢個豆腐皮又係唔係咁多地方有，質地有啲似腐竹，不過由於冇炸過，所以冇咁油膩，必食👍🏼由於係用炭火 火力夠猛，比起平時用電磁爐/石油氣爐淥熟食物所需時間較短，於是食物會更快熟，令食物更加可以保留原汁原味，風味寧舍不同，我本身唔太鍾意打邊爐嘅都想搵機會再來encore

Happy Friday👩👩‍🦰🙍‍♀️今晚约咗倆位好姊妹gathering😂佢地帶我食好野😋31°C高温去見識炭爐打邊爐,入到食店唔算大地方，裡面9枱客左右，我地已經坐近門口，都通風通爽，開始都覺得夠冷氣，但一坐滿客，就覺得好熱🤣越食越熱🥵所以店員都即刻比把風扇仔我地👍不過呢度值得讚係食物好新鮮，大部份都好好味👍📍湯底🫕節瓜瑤柱螺頭鍋所有都好足料，湯底味道鲜甜📍海鲜類🦪🦑早一日店員會whatsapp叫客人留定海鮮，所以我地留了🤤📍蘇格蘭蟶子皇(6隻)每隻都好新鮮好肥厚📍南非孔雀鮑魚(3隻)呢隻南非飽就算放得耐都唔會過硬，我地放過龍時間都仲好彈牙爽口👍📍桂花蚌每條都好新鮮，熟咗都唔會太過縮細📍棉花魚肚😋熟咗夾落唔會散哂，原條都好厚，食落感覺軟棉棉好滑好鮮🦬手切牛肉一定要試🥩好鮮又唔會切得太薄🐟脆肉鯇魚呢個真心好得👍全部都好爽脆好姊妹話係出面未曾食過全碟嚿嚿都脆，呢度就係成碟都好爽脆🍢🍡四寶丸(大)我平時好少食丸，呢個丸我食咗好多，因為味道真係好鮮好彈牙大家都掛住食🤣有啲都冇影到雖然真係好熱🥵但食物真係好新鮮🤤下次秋凉會再來幫襯(我地埋單先知全單再9折)呢度價錢唔算貴，連埋其它菜，飲品，茶

十一月頭天氣已經開始凍凍地六點鐘先食完下午茶打俾大佬問夜晚食咩啦！大佬就提議去食炭火打邊爐，我心諗今晚去食而家先打電話卜會吾會太晏呢😅😅其實之前去過几次，次次都係walk in ，無論我八點几去，十點几去，都比侍應話要卜如果吾係就無位。由於知佢多人，我都抱住吾太多期望，點知聽電話果個亞姐話有位！由於回家後訓晏教仲要教左靜音，大佬返到屋企九點半我先識醒，激到佢癲左！拿拿聲道歉兼快快出門！去到原來好多吉台，可能第三波疫情的關係啦！不過人少我哋食都安心！好快就簡左個湯，等左五分鐘就黎左炭先，粒粒炭都超火紅！我哋叫左冬瓜瑤柱排骨湯，堅好飲。吾係講笑，超級多瑤柱，個湯超甜，飲左兩碗先開始打，中段叫左西洋菜，由於我同大佬對肉肉都吾係話太鐘情，中意海鮮多啲，所以個湯經過左咁多食物嘅洗禮後，加埋西洋菜嘅加持。再飲個湯，簡直好味鮮味集要身，世界級正記得好細個時去過油麻地附近有間炭火邊邊，可能以前揾得少，印象中食吾飽又貴。今次我哋兩個人差少少就食吾晒先$700左右吾洗成曰食任食，簡中食下高質風味邊邊都吾錯啦⋯⋯環境：由於當日少人，坐得几梳乾😃 89.33分態度：之前几次去摸門釘，十問九唔應，問佢電話几號又

已經一段時間冇寫過食評，估唔到今次係因為唔好既體驗而寫，事緣同屋企人諗住食返個情懷就黎左呢度幫襯，因為知個炭爐係間鋪既招牌，大家黎呢度都係食個風味，同埋用餐過程其實都不錯，啲員工都比人地所講感覺有禮貌，每樣食材睇得出都係靚野，特別一讚係佢個雲吞同桶蠔係幾驚喜！本來都討論緊短時間之內再黎支持，點知埋單發生左小插曲，見到佢收左碟不知名既海鮮錢，就同佢講無點過碟野，點知個職員好搞笑咁拎個吉碟過黎叫我認下個碟有冇見過⋯果刻真係黑人問號左出黎⋯點左十幾廿碟野食，隻隻碟唔同形狀，仲要有啲野食唔係我放落個煲度，我第一次聽到人叫我認下個碟之後我堅持自己真係冇點過，因為我連個名都唔知佢係乜黎！！結果佢又叫我同個碟相認我就話不如你拎返我點菜張紙俾我睇啦，幾個職員行黎行去咁又做左場大龍鳳叫我望碟⋯我就話不如你真係搵返張點菜紙俾我睇啦，跟住其中一個職員先認衰咁話你地的確冇點過，但去錯左你地張檯所以加左落你張單度，我果刻真係唔怪得知望落張單已經覺得好怪，明明有幾樣我係感覺冇點過咁，以為係屋企人叫，咁我有印象自己有食過，所以果啲無爭論，同佢地講返點解黎錯左唔係即時同我地講聲而係私底下加單，仲要叫左佢俾幾次我睇點菜

今晚與友人點花彫醉雞窩，味道不錯，加了多次湯水，湯味也沒有淡，另加上黃油雞，雞味濃郁！湯味更甜，炸魚皮，很脆口及微暖，好正！粟米很甜，蠔也不錯，鮮甜，最正是炭爐邊爐及用瓦煲，炭火温均勻，瓦煲保温，美國肥牛就有D失水準，肉較韌，另小籠包及鬼馬油炸鬼味道也不錯，食後難忘！

友人推薦這間風味十足的炭爐打邊爐餐館，淨係個炭爐已夠吸引，好想試！朋友仲話食物都好得，仲專誠訂定兩個不同湯底，一個係油鴨髀鍋，另一個係牛腩鍋。兩個都好好味，但油鴨髀鍋就會較咸！食物方面，大部分都中上水準，蝦仲要生猛嘅，最推介墨汁墨魚滑、手打墨魚滑同手打鮮蝦滑。三式油炸鬼都好好味！👍🏼👍🏼👍🏼羊肉片好有羊味👍🏼花彫雞片就唔夠花彫酒味，否則會更好！本地手切牛肉、鮮滑牛肉同豬潤就一般嚮鈴卷就好油，我唔敢食！😆酒水方面，價錢公道，可以好放心盡情叫啤酒汽水。整體來說，風味加食物都有80分，係值得一試嘅，最重要係服務一流，阿叔阿姨都好Nice好Helpful！！！令人食得好舒服！👍🏼👍🏼👍🏼

講就講左幾年，今次係第一次食炭爐火鍋，又幾過癮嘅，襯天氣涼涼地可以試一次。炭爐邊爐買少見少，事前無資料搜集，純粹知道呢間近近地就揀呢度。金和記位於九江街，即日打黎訂枱都有位，訂枱時講明炭爐啊(電磁爐我諗唔洗訂，哈)炭爐區都是室內，門口以膠布遮蓋一半，雖然店內抽風ok嘅，但一班人幾個爐，難免會有啲侷促。餐廳冇咩裝潢可言，用較矮小細枱櫈，地方企理乾淨，難得店員招呼幾好。金和記以炭爐作為賣點，湯底有超過15款，比較常見嘅豬骨鍋、牛腩鍋、沙嗲鍋、辣雞鍋等，亦有花雕醉雞鍋、螺頭鍋、鯇魚鍋，定價$68-128，炭爐需加$25。海鮮有鮑魚、蟶子、蝦蟹、蠔等，此外亦有唔少餐前小食、炸物，送酒吹水專用。仲有比較少見嘅配料好似牛鞭、牛波子……咁。火鍋配料選擇多，同一般火鍋店收費差唔多，手切牛、黑豚肉、丸、餃、滑類、蔬菜等。一行四人人均消費290蚊左右。醬油 $10/位前菜 $10炭爐豬骨鍋 $113點單後，店員就會上炭爐，待炭燒紅。炭火火力頗猛，中途只係加過一次炭鍋底有幾件豬骨，粟米、大量蘿蔔，湯頭頗重胡椒味，不會太鹹，蘿蔔薄身快熟，完全無渣。沙律韭菜角 $45炸魚皮 $45本地手切牛肉 $148手切牛質