金和記海鮮菜館

營業中

休息中

呢幾項有啲離譜？！瓦煲$38你本身都要俾個煲人啦，唔通人哋自己帶嚟？醬油每位$18出前一丁（兩個）$45其實香港啲食肆搞成咁係有原因雖然係地道冇裝修冇特別Service呢啲價錢真係好離譜👎🏻👎🏻👎🏻

呢間餐館非常地道有舊香港嘅感覺嚟到呢個地方已經唔係講裝修係講風味朋友仔們如果未嚟過嘅真係盡快去試一試啦第日應該唔會再有呢類咁嘅餐館就算有，啲風味都唔同循例形容下呢度地方算企理彷彿坐了時光機返咗以前嘅香港餐館裏面嘅夥計都好客冬天嚟呢度做，簡直係一流嗰日叫咗個炭燒火鍋醉雞湯底啲炭非常火焰基本上個煲枕住都熱辣辣朋友仔可以順便嚟打埋卡叫咗啲牛肉同埋海鮮生蠔同埋蜆都新鮮牛肉都有肉味建議同一大班朋友嚟可以食多幾款東西呢度都幾旺場啊所以最好打電話嚟訂枱

花雕醉雞鍋.係個爐上面滾到熱辣辣～ 真材實料！首先食左隻雞， 再加料打邊爐！ 宜家打邊爐愈食愈刁鑽… 唔再一定係食牛，食丸！今次叫左鵝腸！無沙， 食得安心！新鮮鱔片， 切到好薄，手功一流！手打鮮蝦滑 同 手打墨魚滑都好靚仔， 彈牙！海鮮新鮮！待應話佢地店既海鮮每日新鮮買貨 不會擺過夜！所以訂位時可以諗定想食咩新鮮食材，提早一日講定預先留定…就唔會走寶啦！不過當日無留，就咁walkin都有嘅～服務態度良好（ 宜家香港食野成日要受氣🥹） ， 但呢間唔會.

作為一個火鍋控，火鍋就真係食唔少，但係炭爐火鍋就真係第一次，感覺好地道好有懷舊氣息，一路打邊爐嘅過程中會額外有一種炭火嘅香味。少少唔好處係冇得調校火嘅大小，但整體上火候都幾均勻。湯底叫咗馳名豬骨鍋，係有誠意嘅。飲得出熬咗好耐好入味，絕對唔係求其加水嗰種。呢度海鮮都幾出名，我哋叫咗手打墨魚滑、鱔片同南非孔雀鮑魚，質素唔錯。最喜歡個鮑魚，大大隻好爽口彈牙，一啲都唔韌。另外再叫埋特級安格斯肥牛同鵝腸，呢兩樣我打邊爐，基本上必叫。尤其碟鵝腸幾肥美。

炭爐邊爐之《金和記海鮮菜館》好耐無食過炭爐邊爐，依家用炭爐邊爐真係少之有少，深水埗九江街竟然仲有間，餐廳位置不多，無限時，記得要book定位，唔係有機會白行一倘，環境雖少，但坐得好舒服，餐廳基本上全場滿座，不過食完件衫同頭髮都有陣燒炭味，哈，花雕醉雞鍋：湯底揀咗花雕醉雞鍋，一上台已聞到花雕味，雞件肉質滑，食完花雕醉雞鍋好暖胃，飲左幾啖湯十分暖身，而且湯底飲落唔油膩，鮮雞味加上香濃花雕酒香，令人想飲多幾啖，新鮮鱔片：鱔片切得好薄，一碌即熟，入口鮮美滑嫩，口感緊實，餐廳夠細心，鱔片起左骨，特級安格斯肥牛：牛肉紋理平衡，油脂分佈好靚，牛肉味濃郁，手打鮮蝦滑：手打鮮蝦滑特別彈牙，入口食到蝦肉鮮味，真係材實料證明唔係溝面粉，總捨價錢唔貴，有風味，下次可以再食。

咁啱出去搵朋友行街🤣，行到肚餓但唔知食咩好😂，我哋就見到有間用炭爐打邊爐既火鍋覺得幾得意🤔，就諗住試吓😆，第一次炭爐火鍋，感覺真係好地道，好有懷舊味道馳名豬骨鍋🐷鍋內有大量蘿蔔🥕，粟米🥔，大豬骨🐖配料，因為花咗長時間熬製，湯底味道鮮甜👅，豬骨香味的滲晒落湯底，✨建議大家可以最後先食蘿蔔咁先係最入味，足料靚湯，飲完之後都唔覺口乾，唔係味精湯👍🏻南非孔雀鮑魚😆鮑魚大大隻，大約有手掌心咁大✋，味道鮮甜，值得叫黎試下😍特級安格斯肥牛🐮脂肪與牛肉比例剛剛好😛，肥牛牛香味濃郁☺️，入口軟淋，冬天真係好適合烚牛肉打邊爐😝真係冇諗到誤打誤撞食到一間港式老字號炭爐邊爐😎，以前真係從來未試過😂，好有風味，等我下次再黎食先金和記海鮮菜館地址： 深水埗九江街145號地舖

朋友最近帶左我去深水埗食海鮮，我地揀左「馳名豬骨鍋」。呢個鍋湯底濃郁，豬骨熬煮得岩岩好，湯汁鮮甜，入口醇厚。搭配新鮮的海鮮，讓人回味無窮。呢到既特級安格斯肥牛都好鮮嫩，口感極佳，絕對是令人驚艷鵝腸都唔錯，肉質爽口，配上特製的醬汁，口感味道更加豐富最後可以試下新鮮鱔片，鱔片十分鮮嫩，值得推薦聽老闆講佢地每日入貨，絕對唔擺過夜，貨源新鮮👍🏻 訂位時可以提早一日預先留定貨，我們今次就無特別預留，好彩都有😋 另外，想讚下員工熱情有禮，服務周到，上食物都好快。

深水埗真係好多餐廳，唔係有人介紹都唔知搵邊間食好，好彩鐘意食海鮮既朋友介紹左呢間金和記海鮮菜館雖然係小店，但係對貨源嘅要求都好高，聽店員講海鮮每日新鮮買貨 不會擺過夜搞到我未食都好有期待我哋叫咗馳名豬骨鍋（$98）好足料，入邊有幾舊大大嘅豬骨，加埋幾嚿粟米，個湯底好鮮甜，好啱配新鮮嘅海鮮火鍋配料都有好多，咁我哋當然要試吓啲海鮮啦😆新鮮鱔片同特級安格斯肥牛鱔片睇落非常新鮮，食落超鮮甜，肉質亦都非常彈牙。安格斯牛一盤份量超多，紋理好靚，肥瘦適中，食落果然肉質鮮嫩多汁，牛肉味香濃😋😋南非孔雀鮑魚我哋仲試咗南非鮑魚，鮑魚超大隻，肉質肥美啖啖肉，口感都相當爽滑，好正😙感覺呢間小店好有誠意，食材都好新鮮，加上店員服務都唔錯，有禮貌又好肯幫手，上菜又快最後問番原來可以訂位，提早一日預先留定就得，好方便呀，趁冬天未完搵日再同朋友嚟先😆😆

我同朋友都好鐘意去深水埗呢間海鮮菜館聚舊，貪佢啲嘢食料靚新鮮，而且服務態度又好。佢哋每日都會入新鮮嘅海鮮，所有海鮮都唔會擺過夜。所以要食海鮮要記得打去訂位訂海鮮，walkin就要睇運氣。冬天最啱就係食花雕醉雞鍋，有酒香又暖胃，雞件仲好嫩滑。手打鮮蝦滑鮮甜又彈牙，每份嘅份量都好多㗎。好彩食到佢哋嘅南非孔雀鮑魚，大隻到喺其他地方好少見，味道仲好鮮甜。我哋仲叫咗特級安格斯肥牛，油脂嘅分佈好靚，肉味特別濃郁。📍金和記海鮮菜館 (深水埗)深水埗九江街145號地舖

突然好想食新鮮靚海鮮，問朋友有咩好店推介，朋友就介紹我地去深水埗🌟 金和記🌟 果然不負所望🥴👍 一入到去，馬上有伙記上黎招呼帶位，好有禮貌超級熱情👍🫶 之後伙記仲非常熱心，超詳細咁介紹佢地的拿手好菜🤩 啱曬有選擇困難症既我地🥴 我地㨂左個花雕醉雞鍋🐥 一上菜已經聞到勁香既酒味🤭 超級醉人😚 即刻飲啖湯試下個湯底😚 飲落一D 都唔油膩😳 幾驚喜😚 雞味濃濃加埋花雕既酒香，超級足料😘 最想食既海鮮就㨂左新鮮鱔片同埋南非孔雀鮑魚😙 鱔片一碌即熟，食落鮮美又滑嫩👍 南非飽隻隻都肥美又厚肉，超級新鮮，食落煙韌又彈牙，真係食唔停口呀🥰🥰🥰🥰 我地仲㨂左特級安格斯肥牛、自製韭菜餃同埋鵝腸，全部都幾新鮮幾靚👍👍👍 食得我地好滿足😋 最後伙記仲提我地，下次黎早一日book 定位，留定D 靚海鮮俾我地🥴❤️ 不過今次walkin D 海鮮都非常新鮮超級靚😚👍 下次一定會再黎幫襯❣️

平時食開麻辣或者台式火鍋邊爐多，港式都係一個唔錯既選擇。最近就去左【金和記海鮮菜館】打邊爐，餐廳係好傳統港式粵菜/海鮮果D裝修，夠曬地道。今次邊爐兩個人食，所以就唔係叫好多。花雕醉雞鍋：好特別，花雕既酒味唔會好重、反而好香。都有好多舊鷄肉。一開始食多幾件，因爲都好嫩滑。手打鮮蝦滑：非常彈牙、蝦肉好多，都算好鮮甜。南非孔雀鮑魚：非常新鮮，就算煲完都完全唔會韌，湯底又唔會蓋過佢D香味。新鮮鱔片：片得好薄，熟左之後超級滑嫩，肉質緊實。

好耐冇試過炭爐邊爐，見到深水埗呢間金和記有炭爐邊爐，梗係第一時間約嚟試吓，果然正，冇令我失望！我哋比較人多，又多問題發問，好彩侍應哥哥都好有耐性答我哋問題冇嫌煩，抵讚！特級安格斯牛肉牛肉紋好靚，食完一碟要再encore，入口即溶！必食！手打鮮蝦滑夠晒蝦味，又夠彈牙！新鮮鱔片食鱔片最怕有骨，最鍾意佢嘅相片冇骨，切得又靚！冇得輸！花雕醉雞鍋冬天食個花雕醉雞鍋，個人即刻暖笠笠！溫馨提示： 因為海鮮每日新鮮買貨不會擺過夜，所以最好訂位時講定想預留咩海鮮！

又話 WS 可訂位，一早問佢話比較，問我可唔可以 1800-2030。1630 想打去再 confirm 又無人聽。之後都識打返嚟但又話無位！問佢做乞唔一早講！又話老闆娘唔識覆 WS ！咁你唔好叫客用 WS 訂位啦無位一早講嘛！又要趕頭趕命搵第二間！

用炭爐打邊爐嘅火鍋店~超特別！不過燒嘅時候勁驚啲火花彈落嚟🤣.▪️馳名豬骨鍋($98) +($35炭火火鍋)有好多蘿蔔，粟米，大豬骨熬製飲唔出有味精~足料靚湯幾件大豬骨入面仲有好多骨髓😍▪️美國桶蠔($128)🦪肥美滑溜✨配埋豬骨湯嘅鮮甜，大大啖放落口好滿足！▪️脆肉鯇魚肉質結實，清爽，爽口彈牙，啖啖都係膠原蛋白，打邊爐必食之選！▪️本地手切牛肉 ($78)每一片都好新鮮配落豬骨湯咸咸地好入味▪️卜卜大蜆($88)吐沙功夫做到好足！完全食吾到有沙粒每一粒蜆肉都大大粒，又清甜，一個字鮮！放落鍋小心啲殼彈出黎🤣▪️自家製鮮蝦雲吞($42)有六粒雲吞全部入面大大粒蝦✨.✍🏻整體:港式老字號炭爐邊爐真係少之有少湯底都有好多選擇 好值得一試😋記得一定要提前一個禮拜book位🤣

今次係我第一次食炭爐邊爐，食金和記位於深水埗九江街，位置不多，好彩我朋友一早book定位😉今次我哋叫左湯底係冬瓜瑤柱螺頭鍋！湯底好足料有冬瓜，瑤柱，螺頭，排骨，湯底十分鮮甜好味，一啲都唔味精然後同朋友叫咗粟米，貴妃蚌，鵝腸，娃娃菜，芋絲，牛柏葉，仲有牛肉打邊爐一流！不過食完成身好大浸炭爐邊爐味道，哈哈😂