金和潮菜

營業中

休息中

晚上同老友聚餐，佢約我黎旺角呢間#金和潮菜，坐位寛濶，食物又多選擇, 不論潮式菜或小炒, 蒸餸類都一應俱全，真係想食咩都有。 時菜豆腐魚雲湯，很溫馨的已分開了湯同餸，唔怕飲湯時食到魚骨，湯味香濃，魚雲夠滑又補腦，有菜有肉夠晒健康。古法蒸龍躉頭腩，龍躉頭腩新鮮，肉質鮮甜細嫩，面頭仲放了好多嘅蔥絲、蒜頭同冬菇肉絲，味道調理得很好，很讚啊！金莎南瓜🎃，炸到金黃色很香脆可口，外脆內軟，叫埋支冰凍朝日啤酒🍻，非常之正呀。

旺角新開了一間潮州菜館，今晚來到嚐嚐新口味。餐廳臨街地舖，裝修簇新，光潔明亮，座位也相當寬敞，有大圓枱，也有方枱。餐牌上有多款潮州菜及粵菜菜式可以選擇。「薑蔥魚腩煲」原煲滾住上枱，熱焫焫，香噴噴。魚腩肉質嫩滑，味道鮮美，加上爆香大蔥及薑片，份外香口。「京都骨」大大件肉排，啖啖肉，炸得香脆，口感非常好。配上酸甜醬汁，特別醒胃。「砂薑雞」雖然只是半隻，但份量不少，雞件厚肉少肥，肉質細嫩，鮮味十足。加上砂薑醬汁調味，味道更上一層樓。這裏的菜式即叫即製，有大排檔風味，夠鑊氣。廚窗掛上多款潮州滷味和烏頭魚，很吸引，下次再來嚐潮州菜。

餐廳新開張不久，環境裝潢新穎，位置相當寬闊，整潔舒適，有兩個大屏幕電視，餐廳主打潮洲冷菜、各種經典小菜，價格普遍貼近平民，全日免加一。潮式半煎煮馬友馬友兩邊煎得香口，口感較香酥焦脆，而內裏魚肉有濃郁既湯汁味，肉質鮮嫩多汁，鮮味十足，底下鋪有唐生菜，充份吸收了魚香和湯汁味，滋味十足。鮮菠蘿拔絲咕嚕肉咕嚕肉外層有一層裹著甜酸醬既薄薄脆皮，肉質鮮嫩軟熟，鳳梨左右相間對稱排列，酸酸甜甜，非常開胃。潮洲煎蠔仔洛蠔仔份量算多，蠔餅煎得香脆可口，有一定飽腹感，建議要趁熱食，附有魚露沾點，減少其油膩感。尖椒大腸大腸處理得適當，完全無任何異味，肥腸口感軟糯，尖椒和京蔥既香味融入其中，醬汁特別惹味，送飯一流。鮮茄豬潤浸時菜時菜選擇左菜苗，配搭新鮮茄肉和蕃茄湯汁，食落特別開胃。

油尖旺一向不乏美食，尤其油麻地有大量潮州菜館，今次就同朋友試咗一間新開嘅潮州菜，環境新淨企理✨食物質素亦相當不錯。✿ 鮮菠蘿拔絲蝦球 $128拔絲咕嚕肉就食得多，拔絲蝦球真係少食😳蝦球大粒又爽口🦐醬汁香甜開胃，有一絲絲拔絲，打卡效果一流✨✿ 煎潮式蠔洛 $108煎蠔餅真係傳統潮州菜🦪蠔餅乾身吾油膩，煎得香脆可口💛蠔仔肉清甜新鮮，好耐未食過咁高質嘅蠔餅😋✿ 櫻花蝦海皇炒飯 $98日式食材都可以融入中式菜式當中咁過癮😆櫻花蝦香氣十足，炒飯粒粒分明好有鑊氣🔥裏面有好多蝦肉爽口彈牙🦐

呢排難得可以同家人出去食餐飯，係旺角近油麻地附近有間新開既潮州菜，發現內裡都光猛新淨，坐位闊落，同一班親友或朋友黎食飯都不錯之選。【潮式鵝片】這個潮式滷水以多種香料藥材製作，味道香醇，絕對係一道功夫菜，味道濃郁而不過鹹，皮脆肉嫩，滷汁香氣十足。【潮式蠔烙】熱辣辣的蠔烙，香口無比，又不會太油膩感，蠔仔又夠大隻，夾起一起食，回味無窮。【黑松露蝦球炒蛋】一上菜黑松露味好香，非常足料，嫩滑炒蛋配合埋韭黃同埋香蔥，再加埋大大隻蝦球，口感豐富，每啖食落去都好滿足。【蒜蓉炒菜心】新鮮翠綠菜心，獲氣十足，又夠鮮嫩爽脆。【豉汁蒸白鱔飯】豉汁白鱔飯用上籠仔荷葉一齊蒸，再配埋炒飯底一齊食，非常有新意，白鱔肉又夠厚身，沾上了豉汁又夠惹味，又不會腥。

今晚同朋友約咗夜晚7點左右行街街行到差唔多咁上下肚仔餓 同朋友行經油麻地砵蘭街 見到有間新嘅潮州菜館 裝修光猛見到餐牌又唔係好貴入去試吓 餐廳名叫做#金和潮菜 入到去我哋坐低叫咗個🌸潮州雙拼 豬頭肉同埋鵝腸 $118🌸 至尊小炒王 $118🌸豉汁蒸白鱔飯 免費改炒飯底 $128全部拎出嚟啲嘢係即炒熱辣辣 白鱔飯好新鮮改咗做炒底飯啲飯粒粒分明兩個MIX埋一齊好夾 豬頭肉同埋鵝腸 一啲都唔肥膩啲豬腸洗得好乾淨冇腥味另外小炒王好多餸有蝦乾鮮蝦 腰果 落咗啲XO醬炒 炒得好香 😋😋另外呢度食嘢唔需要+1好抵食又好味👍🏻👍🏻🥳

一行十人搵野食,  通常都去中菜館, 大排檔, 圍坐圓檯方便談天. 今次試左呢間  金和潮菜館, 出品吾錯, 同大家分享一下.有各式各樣的 打冷潮食, 鹵水鵝, 牛腩, 魚旦, 墨魚, 紅腸, 鑊氣小炒.招牌菜, 潮式鹵水鵝三味  先送到,  有  鹵水鵝片, 鵝肉, 鵝肝.   看來色澤鮮明, 擺碟整齊,  高級大排檔出品. 潮式鹵水鵝片 :  鵝片肉很嫩且肥美, 切得薄薄的, 入口鬆軟, 滷水汁香味滲入鵝片. 下層墊底有豆腐和稔甜的花生也很入味.鹵水鵝:   份量足. 色澤鮮明,  用古法鹵水汁烹煮, 鵝肉好入味, 肉質油脂感都豐富, 嫩滑可口. 潮式鵝肝:   鵝肝好大件,  切成薄片, 沒有腥味, 入口即化 .潮式凍龍蝦:  很大隻, 肉厚, 有膏.  顏色鮮明, 食落有新鮮龍蝦味,  好正 ! 價錢比一般酒家更抵食.冷盤之後, 來個  半煎煮頭腩, 用生菜蒜子伴煮,  頭腩半煎香, 魚肉鮮甜香滑. 調味相當好.煎封大倉魚 : 煎得好香口魚肉 細緻,  美味, 如果加些沙律醬更好.啫啫滑雞煲:    用砂鍋盛載確保溫.   滑雞肉質鮮美.  有雞味,  炆的時間控制得很好. 

旺角睇完戲梗係食埋飯先返屋企😁男朋友想炒餸食飯梗係去大排檔啦😎見到呢間金和潮菜新開張就入去試下🤗呢度除咗有小菜仲有多款潮州菜🥳樣樣大大碟潮州當然唔好得嗌滷水送吓啤酒🤣豬頭肉拼鵝腸仲有墊底既豆腐☺️味道剛好咸咸地🤗鵝腸爽口豆腐好嫩滑🤗西蘭花炒龍躉球都幾大碟😎六件龍躉肉被爽脫西蘭花🥦包圍住😁龍躉魚味濃郁🥰魚皮有好多骨膠原口感煙韌😍完全無骨食落好放心🤗香芋滑雞煲熱辣辣上枱🤗芋頭慢煮後變得軟糯仲好香😋雞肉入口鮮嫩細滑😌加埋帶椰香既餸汁😁真係可以送幾碗飯呀👍冬天食就最啱了😋

收工約咗朋友喺旺角食飯，喺砵蘭街嗰度花多眼亂都唔知食咩，突然俾我哋見到一間鋪面好光鮮都幾新淨嘅舖頭係食潮州嘢大排檔嗰啲，我同朋友都好鍾意食嗰啲嘢，見係新餐廳餐廳，我哋就入去試吓入面超級新淨，而且有兩部75吋大電視令我哋一邊食飯，一邊睇電視睇得好舒服，我覺得呢個環境吹水一流薑蔥魚腩煲-$98一上到枱已經好香，好引起我哋食慾，魚的份量都幾多下, 啲薑同蔥嘅味道完全索晒入去啲魚度，啲魚好滑完全無腥味，啲骨好容易揀出嚟，砂鍋保溫好好, 我哋都好鍾意食黑椒薯仔牛柳粒-$138主角一定係薯仔, 啲薯仔外皮烤到好脆，外層的醬汁甜甜地，超級好味，而啲牛柳粒牛味都幾重，又完全唔韌，配合黑椒薯仔嚟食真係好無敵組合荷葉豉汁蒸鱔飯-$128個鱔好多肉，配合豉汁真係一絕，而撈埋個有淡淡荷葉飯嘅白飯去食真係好啱我哋口味，跟住我哋睇睇吓先知原來係可以轉炒飯底，下次嚟要再試吓總結嚟講，呢間新開嘅餐廳好啱我哋口味，而且位置方便，我同朋友都下次會想再嚟試吓其他菜式

今晚朋友約飯局食潮州菜,  揀咗 金和潮菜,  位於油麻地, 一間交通非常方便的菜館. 菜館光猛整齊, 店員招呼好, 食物選擇多, 有潮州打冷, 各式滷水, 鑊氣小炒.........價錢實際. 大家齊齊點菜,  先叫了  潮式凍龍蝦 ~ 龍蝦紅卜卜,  肉質飽滿緊實,  味道鮮甜. 潮州鹵水天下聞名.  滷水鵝  ~   正宗潮式鹵水鵝超級美味, 用古法烹煮, 肉質油脂感豐富, 肥瘦適中, 鵝肉好入味.  墊底用了鹵水豆腐, 花生, 又稔又好食.潮式鵝片 ~ 鵝片薄切排碟, 已去骨好入味,  有濃厚鵝味, 食落啖啖肉.潮式鵝肝 ~ 香氣醇厚, 入口柔滑粉嫩.半煎煮頭腩 ~   有潮汕風味.  頭腩半煎香,  魚肉嫩滑肉厚,  好滋味.   用生菜蒜子紅椒煮,  更突出魚鮮味. 黑松露蝦球炒蛋 ~  蝦肉彈牙鮮甜,  肉質充實, 炒蛋金黃嫩滑, 加上黑松露口感更豐富. 啫啫滑雞煲 ~  用瓦煲盛載, 上檯熱辣辣, 雞肉嫩滑鹹香, 伴有冬菇, 蒜子, 洋蔥, 青椒, 惹味好食.潮式蠔烙  ~ 煎得香, 蠔仔份量多, 食落新鮮又無沙,入口煙韌彈牙, 少油膩感.蒜蓉炒菜心  ~ 吃過多道濃味

朋友鍾意食潮州菜，今日又跟佢去咗一間潮州餐廳食飯。餐廳環境都幾光猛。🔸潮式鵝肝鵝肝厚身肥美，口感幾滑，有淡淡的滷水香。🔸滷水鵝鵝肉肥瘦適中，肉質軟腍，滷水汁微鹹。🔸滷水鵝片鵝片每片的厚薄均勻，肉質不粗鞋。🔸潮式蠔烙蠔仔大大粒，蠔烙煎至金黃色，口感煙韌微脆。🔸潮式凍龍蝦我通常都係食凍蟹，凍龍蝦都係第一次食，龍蝦肉緊實，而且都幾多膏。🔸豉汁蒸白鱔白鱔的皮膠質幾重，鱔肉嫩滑，飯炒香過，口感乾爽。🔸啫啫滑雞煲雞煲有洋蔥和雞肉，雞肉肉質頗滑。

一大班人突然約出來,突然又想吃過晚飯,這裡竟然有位,原來這是新開的食店,好立即入去試一下。潮式鵝肝鵝片,鵝肝軟滑,味道濃郁;鵝片肉質有咬口,啖啖肉很美味。滷水鵝,鵝肉很嫩滑,鹵水的味道濃郁。潮式凍龍蝦,肉質結實,配上醋後,酸味會提升鮮味。半煎煮頭腩,這個有骨的,吃時要多加注意。潮式蠔烙,蠔肉甜美,大廚煎得很香。煎封大鷹䱽,魚肉結實,魚油豐富,味道有鹹香味。黑松露蝦球炒蛋,蛋炒得很滑,蝦球新鮮彈牙。豉汁蒸白鱔飯,白鱔很肥美,飯吸滿了白鱔的油分,味道份外香濃。味道: 可以一試環境: 尚可衛生: 尚可服務: 尚可價錢: 合理