金功夫點心火鍋 (已結業)

心思思想打邊爐好耐，終於趁今日天氣少少轉涼，相約左幾個同事試一試呢間新開既"金功夫"。訂左6點半，由於時間尚早，所以人唔算多，一去到就帶我地去留左既"貴賓位"。一坐低，第一時間梗係揀湯底，同事話個醉雞湯底唔算太出色，所以我地揀個個名勁啲既～～"瑤柱白玉滑雞鍋"，一上鍋，個賣相係幾吸引。用雕邊既冬瓜包住滑雞，加上清清地既雞湯，正！之後點左個安格斯雪花牛，上碟又係有心機咁砌做花花樣，好有台灣"寛巷子"FEEL....精品火鍋。加上自家製既手打蝦滑，墨魚滑，又係另一推介。不過響鈴就唔算好食，有啲硬得滯。大部份既食材質素都叫中上，值回票價。

金功夫自從上一次系第一次食，食完之後就一直都對佢念念不忘。上一次食雖然系兩個星期前，不過我已經覺得好似過咗好耐咁，果種味道一直都記著，今日終於又有機會嚟食啦！！~~~今次嚟竟然仲有個一蚊雞湯底，咁抵食，梗喺唔可以放過佢啦…呢度既炸響鈴爆脆口，放入火鍋燙一燙就好快可以食得，口感鬆軟中又很爽脆，好好味呀日本黑豚肉，竟然同肥牛有幾分相似。不過佢嘅肉比肥牛要厚，而且肥肉部分少啲，滾完出嚟係滿滿嘅豬肉濃香！！一定要提下個1蚊雞湯底，真係唔話得啦~~點菜紙上邊寫著1蚊，我都係麻麻地信…點知上嚟之後真係覺得物超所值吖！！！入面有瑤柱、冬瓜同埋好多滑雞！！！打火鍋當然唔少得食各種丸啦，醬爆牛丸、墨魚丸、蟹粉丸…應有盡有，當中既芝心醬爆牛丸 就係我既最愛，外層牛肉濃香又彈牙，入面軟心芝士香夾滑，雖然成$10粒，但都覺得真心好抵食，絕對唔係平時個D平價味道，Good！

天氣氣溫急降適逢外地朋友來港，於是到金功夫打邊爐。金功夫的火鍋食材跟市面上的火鍋店與別不同，無論賣相及質素都很出色，價錢亦物有所值。在眾多湯底下最後選擇了瑤柱白玉滑雞鍋，一圈的冬瓜內放了雞件及堆瑤柱碎，未將食材放下前可先嘗湯。清甜不油膩可當湯飲。食材點了黑松露餃及鮑魚流心蝦丸。兩者咬開後都令人驚喜，黑松露香氣撲鼻，好像將一匙羹的黑松露放入口中般。至於鮑魚流心蝦丸則很有趣，咬開彈牙蝦丸後發現有一粒鮑魚釀於裡面。口感一流!至於蟹粉福袋，有點像蟹粉小籠包，建議吃前小心咬開以免湯濺到身上姐姐另外更點了羊肉片，蟹子墨魚滑，響鈴及蔬菜籃朋友對食物稱讚不絕，在暖暖的環境下打邊爐暢談了三個小時。 

之前見到金功夫點心火鍋幾乎一致好評😀😀啲火鍋料賣相又一流例如人人都大推既靚玫瑰花牛肉。由於評價實在好似超唔錯於是，我地就去食下係咪真係咁正。結果，不過不失啦😗少少名過其實啦食物賣相係幾靚既.....叫左碟牛($268)雙併沙嗲湯底($98)黑松露丸(@15蚊粒 兩粒起)一客花雕醉雞件($68)竹蔗水($38)茶芥醬汁($18) 夾硬嚟嘅花生($15)牛有啲un, 粒丸成粒燒賣咁零松露味醉雞啲肉好老，最後埋單其實都要$567有啲貴員工服務態度需要改善

金功夫是次品嚐第二次，北角總店開業不夠已去試過，是滿意合心今次銅鑼灣再開剛好朋友在這區住，相約探過究竟這店價格偏高，是用比較貴價材料，賣相是美觀精緻，但偏細碟先叫了<瑤柱白玉滑雞鍋> $188鍋內有半個已去皮清甜冬瓜，瓜內雞件的確嫩滑，而湯底都幾清澈火鍋料推介這款<安格斯雪花肥牛> $198 賣相也相當吸引，用牛肉去捲成一朵玫瑰花，一定是相機食先，但內涵也別看少，雪花油脂分佈均混,，牛肉超新鮮軟腍，牛味也相對比較重，只要滾到剛轉色調就食到牛的本質而另一推介就係非一般丸類，名貴在每粒計算<芝心醬爆牛丸> <自製墨魚丸><手打鮮蝦丸> $10 /1粒每粒都用上新鮮材，每日去手打，所以食到勁鮮甜味道，彈牙度也不錯另外仲點了油麥菜、豬肚、稻庭烏冬

冬至時段竟然冇時間限制，背後一定有原因嘅：如果大家想打邊爐又想受氣嘅話我建議你地可以直接唔洗嚟，話說啲人落單果陣已經好似年初四咁嘅樣，無厘笑容都算，作為一間賣一餅出前一丁都要$42蚊嘅食府都起碼俾番值42蚊嘅服務丫，樓面長期得兩個人，叫加茶水叫可樂都要個客專登行過去落單，一係就成日發夢或者扮聽唔到，啲阿姐仲要黑口黑面咁，地痞啲嘅火鍋店都不至於咁嘅垃圾質素。感覺嘅人咁發夢都覺得有機會中伏，好日唔check單，一check發現原來漏單，又叫左幾萬次先有條友俾反應，同佢碟嘢冇嚟過叫佢cancel，佢又發夢叫廚房補多碟...阿姐送到嚟我地當堂o嘴，大佬油琼晒啦…阿姐仲好嘢，幫我地開番火...叫個經理"昌哥"埋嚟，仲要包公咁嘅面口?真係唔好叫金功夫，叫黑面功夫啦！

連bigbang 都去過既高質火鍋店😍最近愛上非任食既火鍋 因為質素真係好好多😚先叫左瑤柱白玉滑雞鍋($188)🐔湯底唔會太油而且有無數既雞同冬瓜 幾清新👍🏻食物方面推薦蟹粉福袋🦀($22/一隻)真係好香蟹味 有蟹黃係入面架😋另外就係蟹子墨魚滑🐙($88)一大球架！絕無欺場😍仲有其他都好正架😁食食下仲見到老闆娘林夏微😝冬天凍凍地大家都去打邊爐啦！😤💕

天氣陣涼陣冷~~ 冷風起又想打邊邊~港島區邊邊無乜任食平正選揀,, 便來這間前身是金牌牛鍋的轉手 --- 金功夫點心火鍋 試試~~絶無欺場,,, 坐落真係見到$1蚊雞湯底~~~ 個湯本身平日都要$100-200,, 咁樣都慳返半個餸唔洗叫~~尤於得兩個人食~~ 邊邊的ORDER叫法真係要控制得宜~呢度走中檔路線,, 邊邊餸的價錢雖不吸睛,, 但餸菜都好新鮮~以$1 湯底再叫餸二人吃~~ 以呢個任食價錢埋單,, 食返啲新鮮野,,,, 性價比算係咁!!個雞鍋有1/3個冬瓜圍住,, 份量大約半隻-1隻雞~~ 無渣流灘啊~我個人鍾意食蟹柳打邊邊,, 佢呢隻係靚蟹柳,, 唔會烚完"實的的"咁~誠意牛塊~~ 擺到玫瑰花咁款~ 又係相機食先系列~牛肉ok,,, 不是一般任食肥牛質素~黑豚豬都正,,非常新鮮~~

第一次寫食評 實在是不吐不快。今天和家人去飲茶，叫了10碟點心。其中蘿蔔糕很不夠熱要求更換。誰知二樓有個中年女部長態度很差地回應。你覺得凍我叮翻熱比你。其他點心還可以但這個價錢要受氣就不值。

這星期，天氣開始轉涼了！ 與食玩 Group 其中一位女生 I 一起去食火鍋！我們兩個女生走到灣仔道新開的 <金功夫點心火鍋>！這裡佔地兩層，而且樓底高，令人一點也不覺得侷促，裝潢優雅，走高級火鍋店路線！至於衛生方面，抽風系統也不錯，起碼食完不會一大陣味！早、午、下午茶時段供應點心，晚市供應火鍋。火鍋湯底有特色之外，配料種類繁多！  包括：刺身、特色推介、丸類、餃子、海鮮類...，選擇多元化！桌上均放有餐具及火鍋用具！ 另外，有 8款醬料任君選擇！包括：沙嗲醬、蒜蓉、炸蒜粒、辣醬、蔥花、麻醬...等，(茶芥及醬油 $18/位 & 餐前小食 $15/位)瑤柱白玉滑雞鍋 (原價 $188)  特價 $1給她發現瑤柱白玉滑雞鍋特價 $1， 當然不容錯過！瑤柱與雞以冬瓜盛載，冬瓜煮至熟透，入口清甜多汁！  加上吸收雞湯精華， 清甜鮮美，而且有冬瓜、瑤柱及紅棗很足料！ 雞肉肉質嫩滑可口，冬瓜卻很辣口！西生菜 $38盛載的器皿好像一個大花盆，份量充足！鵝肝墨魚丸 $15/ 粒 (兩粒起)外層是鮮爽的墨魚丸內裡是軟滑甘香油潤的鵝肝，雙重口感，兩者還可以夾得來！蟹籽墨魚滑 $88 一碗

打邊爐要食間好，除了去平時食過嘅地方外，又比我發現另外一個好選擇！不過價錢就貴少少，反正都係食落自己個肚裡面！就係行過見到佢個優惠，1元一個瑤柱白玉滑雞鍋，吸引了上去試試，湯底不用想，一於試吓佢，個鍋都好大，中間有一個大冬瓜盛住啲瑤柱同雞肉，店員在我們面前切開成冬瓜粒，個湯都好清甜，雞肉亦好嫩滑點了嘩鬼蝦條 $88個名都幾特別上枱時見到油炸鬼上放了蝦肉，放入湯底中滾一會，蝦肉彈牙爽口，油炸鬼雖然唔再脆口，但浸了在湯中味道反而更出，不過要小心熱！另外打邊爐點可以唔叫肉，反正要試就點了安格斯雪花肥牛 $288 一份，上枱時看見廚師用心將份安格斯雪花肥牛卷成三朵花嘅形狀，買相超正！而望落去啲肉質肥瘦分明混合在一起，一拖水一陣便可以入口，肉質嫩滑入口肥美，堅正！丸丸亦是本人至愛，自由組合，今次點了芝心醬爆牛丸、手打鮮蝦丸、自製墨魚丸較喜歡芝心醬爆牛丸啲芝士一咬開就揤出來，牛丸亦好彈牙；而手打鮮蝦丸肉質爽口彈牙煙韌，好有口感重有較特別嘅蟹粉福袋，啲蟹粉填滿了成個餃內，入口時蟹粉熟了，入口感覺好特別記住優惠湯底有時間限制，落單時問問咁就最好！

最近在屋企對面新開了一間點心專門店，晚上還有火鍋小菜供應，筆者家人一向愛試附近的新餐廳，遂於前幾天一齊試新店去了。新店樓高兩層，樓底頗高配上落地大玻璃，感覺開揚，時尚中國風裝潢，典雅氣派，座位寬闊舒適，店員親切有禮，餐廳看來走較為高檔次的路線，心想食物定價自然亦應會較進取吧，看看餐牌，原來亦不盡是，當中有貴價食材亦有較平常的一般用料，除了火鍋之外，這裡亦有刺身、小菜及餐前小食供應，悉隨尊便，叫價不算太便宜但也不會貴到“嘩”一聲那種，尚算合理。既然一家人打算食火鍋，當然先看看鍋底的選擇，從摺頁點菜紙所見，餐廳足有16款鍋底任君選擇，要豪一下的有濃湯花膠雞鍋、濃湯雞煲翅鍋或雜菌花蛤蟹鍋，較特別的有鹹菜胡椒豬肚鍋、川芎白芷魚頭鍋或杏汁大白菜豬肺鍋，要實惠點也可選擇秘製沙嗲鍋或香茜皮蛋鍋，款式多樣讓人花多眼亂。我們經商量後點了鹹菜胡椒豬肚鍋、新鮮手切安格斯雪花肥牛、脆炸響鈴、自家製蝦滑及其他配料。點完鍋底配料後，接著就到「混醬」時間，木盤上放有 8 款醬料，包括蒜蓉、紅椒、蔥花、金蒜粒、沙嗲醬、麻醬、XO醬等，閣下可自由組合。要提一下的是這裡的XO醬很惹味，而辣度亦頗强勁，如不好辣的朋友請小心

上星期在灣仔收工後，約了老公到附近新派中式餐廳【金功夫點心火鍋】食火鍋。 店內設有大型魚缸，放滿新鮮游水海鮮，裝修新穎，既有卡位，又有大型圓枱，環境清優舒適，服務員服務周到、有禮。 店內提供多款招牌點心、餐前小食、刺身、頂級食材及獨家風味湯底等。 食火鍋，醬料很重要，餐廳提供八種不同醬料，任我們「混醬」。 【金功夫】有著很多款精選鍋底，如清湯鍋底、川弓白芷魚頭鍋、濃湯花膠雞鍋、秘製沙嗲鍋等……我們既想有點辣，又想清清地，在心大心細下，最終選定了【太極鴛鴦鍋】，有著清湯配秘製沙嗲湯底。 由於我們食量不多，故不敢叫太多，先來【香菇貢丸】及【菜心苗】。貢丸爽口彈牙，有咬口；菜心苗夠翠嫩。 墨魚滑、鯪魚滑都曾食過，但【自家製蝦滑】是第一次食，估不到蝦滑如此爽滑彈牙，不論放清湯或是沙嗲湯底，口感跟味道都十分美味。我們還嚐了【蒙古羊肉片】，羊肉沒有濃烈羶味，肉質幼滑，放在火鍋內輕燙數下，便可放進口裡，剛剛熟的口感很不錯呢！ 最後我們還叫了【蒜香脆鱔球】，賣相吸引，沒有沾上厚厚脆漿，做到外脆內軟，水準很高，值得一讚！ 其實還想點多兩款食物，但實在食不下去，所以下次一定要約多幾位朋友一同分享美食！

今晚食左餐高質非平民化既火鍋, 一分錢一分貨, 只係賣相都相當吸引, 味道更加唔錯~入座茶芥每位HK$18, 小食HK$15包混醬價錢: 【秘製沙爹鍋】HK$88呢度有超過十款味道既湯底選擇, 價錢為HK$88起至HK$368不等~ 而我揀左個最Basic既秘製沙爹鍋, 所謂秘製, 又唔覺味道有咩特別唔同~沙爹唔淡便是了~ 【安格斯雪花肥牛】HK$198(細) 如果中意食肥牛既, 黎呢度必食, 賣相極之吸晴, 以一定既厚度肥牛, 去併成一朵玫瑰花, 心心眼~ 色澤都見到肥牛好新鮮, 雪花脂肪分佈平均, 稍為滾幾秒食, 口感略帶煙韌, 牛本身味道較重, 幾鮮甜~【日本黑豚肉】HK$88 黑豚肉都算厚, 鮮甜, 略有點趙口~【黑松露餃】HK$15/隻 (兩隻起) 入面有隻略帶爽口既蝦, 不過黑松露味比較淡, 但整體都幾好食【蟹粉福袋】HK$22/隻 (兩隻起) 皮好薄好滑, 入面有好香濃既蟹粉味, 極之鮮甜 【鵝肝墨魚丸】HK$15/隻 (兩隻起) 都幾彈牙, 但食完再睇個名先知原來有鵝肝, 但我只食到墨魚味~

見最近凍咗d，朋友話想去打邊爐。就試吓呢間，之前朋友話見到佢個$1湯底做推廣，一直想試吓，但原來18號已經做完，有少少失望。去到一坐低就會拎調味料俾你加，之後有小食（花生+魚仔乾）俾你食住先。今日揀咗個太極鴛鴦鍋試吓。太極鴛鴦鍋： $98一邊係皮蛋、芫茜、馬碲湯底，另一邊係沙嗲湯底。沙嗲湯底比想像中辣，我同朋友都唔係好食得辣，結果差不多全程用皮蛋湯底。黑松露餃：$30説好的黑松露呢？為何我完全感覺不到？鮑魚流心蝦丸：$50蝦丸好食，鮑魚味都ok，咁多款丸，最鍾意呢款，可能我鍾意食蝦。鵝肝墨魚丸：$30好淡口的鵝肝味，要好仔細品嚐先感覺到佢嘅存在，墨魚丸算彈牙。日本黑豚肉：88賣相幾靚，肥瘦相間，唔錯。呢個放沙嗲湯幾惹味。黃沙靚豬潤：$68切得偏厚身，要放耐d先食得，但太耐口感又有d熟得濟。芝心醬爆牛丸：$20牛味幾香，但芝士味淡，無醬爆嘅感覺。野生竹笙：$48爽口，份量都算多。稻亭烏冬：$42好滑身，但口感偏淋。今晚消費連加一每人大概$289。值得一讚嘅係地點夠方便，我同朋友搭巴士一落車就係，唔使周圍搵。上到去又唔算多人，環境同裝修令人感覺舒服。食物方面，丸類款式算多，細細碟好精緻，等