金功夫點心火鍋 (已結業)

和舊同事吃晚飯，選了這家在灣仔新開的火鍋店開餐。現在天氣慢慢轉涼，又是吃火鍋的好氣候了嘻嘻。這家餐廳在灣仔和銅鑼灣之間，我們從灣仔A出口走路大概10分鐘左右。餐廳在2樓，樓下有知客接待，非常傳統的中式格局。上到2樓，感覺和平時的火鍋餐廳有點不一樣。這家店裡面很寬敞明亮，乾淨起利，而且人不多，坐得很舒服和闊落。晚上餐廳只有提供火鍋，要吃點心的話要中午來。我們看了看點餐紙，不僅可以選火鍋湯底和各種配料，還有多種刺身和餐前小食可以點，不過價錢不是很親民，第一次看到墨魚丸價錢是一顆一顆算的（兩顆起）哈哈，不過吃完以後覺得用料非常新鮮，味道甚佳，和價格成正比。上菜前店員會拿來一個長形托盤，上面放了大概10款調味料可以給我們調味。我們點了一份燒肉作為頭盤。燒肉皮烤得非常脆，中間的肉一肥一瘦，肥肉入口即溶，配點黃芥末非常香。火鍋方面我們點了太極鴛鴦煲（$98），當晚是沙爹湯底拼香茜皮蛋湯底。我們吃完以後才發現有一蚊的湯底，大家去可以問問店員還有沒有供應。配料方面我們點了日本黑豚肉（$88），兩粒芝心牛丸（$20），兩粒墨魚丸（$20），兩粒手打鮮蝦丸（$20），懷山（$48），鮮枝竹（$42），油麥

今次黎灣仔選擇飲茶食點心，好耐都冇同長輩飲茶，係時候盡下孝道。👪途經金功夫點心樓下有1蚊蝦餃優惠，呢個價錢好鬼吸引，作為精打細算既師奶媽媽二話不說就話go😍呢度環境唔錯，冇平日酒樓枱與枱之間果種擠迫感，地方寬敞舒服，亦冇酒樓嘈吵感。碧綠帶子腸粉不薄不厚，綿滑連連，帶子鮮嫩，伴上翠玉瓜，輕沾豉油，簡樸美味。本身對1蚊一粒既蝦餃抱一半半期望，始終1蚊嘛，金功夫點心可以將價就貨，但上枱時喜出望外😀蝦餃晶瑩剔透，非常飽滿，蝦肉約隱約現，白裡透紅，剩講外觀已經高分。當咬下蝦餃時，感嘆蝦肉係幾咁爽口彈牙，而且整粒蝦餃全是蝦肉填滿，冇其他餡料，貨真價實😍有蝦餃點會冇燒賣，見到原隻大蝦係燒賣上，莫名興奮😆燒賣豐滿扎實，而且肥瘦得宜，二肥八瘦，食落滑溜溜。小籠包湯包好嫩，拎既時候要小心，先唔會唔小心戳破皮令裡面既湯汁流出黎，湯汁可以話係小籠包既精華呢! 內餡既重要性係呢度只能排第二! 一口咬落去，濃厚既湯汁搭配滑嫩既皮，真係好味。呢款黑胡椒沙嗲金錢肚應該係眾多點心中較為失色，因為無論沙嗲定係黑椒味道薄弱，唔夠惹味，蘿蔔鮮甜度一般，但金錢肚勝在爽口有嚼勁，改善醬汁濃度就perfect啦~ 海皇雞粒批香酥蛋

上星期發現公司附近又有新食肆上場，新店「金功夫點心火鍋」現正以超荀價一蚊一粒蝦餃皇招攬午市食客。返上公司瀏覽OpenRice個網頁時，發現如經網上訂座更可享全單八折優惠，小肥當然係第一時間約埋幾位為食長輩去試新野啦！兩層高o既「金功夫」有私家升降機上落，一樓為廂房，預先訂座o既五人則被安排入座二樓o既一張圓枱。散座大堂樓底高，餐桌都分得幾開吓，中央o既四人卡位兩邊都有走廊通道，感覺闊落鬆動。午市繁忙時間，樓面卻僅有三位服務生，就連經理落埋手都忙得團團轉，睇黎應該未請夠人。齊全o既餐具上都印有「金功夫」個金漆嘜頭。兩頁點心紙附有彩圖，清晰易明，而且都幾多選擇吓。週一至日午市茗茶每位$10；閒日早茶（上午八時至十一時半）及下午茶（下午兩時半至四時）均可享八折優惠，即每位$8，以埋單時間計算。差不多枱枱都有叫一蚊粒「金功夫蝦餃皇」。餐牌上寫明，每人限叫兩隻，只可堂食，咁都好公平。請留意，食咗一蚊蝦餃皇就唔可以享用八折，長輩一早計定條數，發覺點食每人食兩隻一蚊蝦餃皇都一定抵過要全單八折，好明顯我地揀咩啦！金功夫蝦餃皇（$1/粒；原價$12/粒，兩隻起）：蝦餃皇雖然係一蚊一粒，但份量絕無因此而縮

行完灣仔玩具塲今晚行另一邊方向走都係為咗搵食有幾日天氣特別凍所以都好想打邊爐有人出咗糧話唔食放題一定要食有質素嘅火鍋咁就揀呢間金功夫囉樓底高仲有兩層座位夠晒闊落裝修又夠 grand時間唔啱享受唔到一蚊雞湯底~~好可惜但我 baby 一心想試一試那麼正價也要 一試為快瑤柱白玉滑雞鍋 $188靚到尖叫我都覺得自己有點強迫証的太靚喇唔比男人拆散 玫瑰花新鮮手切牛肉安格斯雪花肥牛 $288 (大)無牛不歡的我打邊爐一定要叫新鮮牛安格斯牛白色的雪花分佈非常平均樣似脂肪但一啲都唔肥膩油花不絕~~入口即溶最郁濃牛肉鮮味口感细緻順滑~~好鲜味脆炸響鈴 $58新鮮滾熱辣炸出來配上一些甜酸醬零舍不同好食又脆口食完熱氣野梗係要飲返啲涼茶潤一潤啦竹䉀水 $38 /jar經理話係自己部個喎甜甜地夠晒健康是日推介紐西蘭蟶子皇 $48 x3蟶子皇肥大肉厚沒有腥味入口鮮甜美味有咬口又彈牙唯一缺點就是有點貴差唔多全部特色推介我都好鍾意呀最尾仲送糖水添呀南瓜西米露真係夠晒滋潤好好味價錢屬於中上食物質素確係唔錯服務質素都幾好又係另一個一分錢一分貨的好例子

呢排香港涼左好多，作為香港人既我，當然又係打邊熱啦。 去年同一班朋友去過北角間<<金功夫點心火鍋>>慶過生，但女友又話想試下喎。 咁今次去開時代廣場附近，就拉左佢去試灣仔間新分店。 要上一層才到餐廳，門口竟然還有代客泊車。 在門口見到而家在緊優惠，由即日起到11月18日有1蚊雞湯底，限於指定晚市時段。 於是今晚唔執輸叫左呢個一蚊雞<<瑤柱白玉滑雞湯底>>。 上到去，侍應好快手就上一碟餐前小食，花生及魚乾仔($15)。 打邊爐點可以少得醬油，侍應會奉上醬油架，任君DIY，共有8款有醬油供應，蔥花，蒜蓉，沙嗲，辣醬，紅椒，蒜粒等等。連同茶芥，$18一位。 很快主角也上枱了，一蚊雞<<瑤柱白玉滑雞湯底>>。 很大塊冬瓜宛在湯中央，當然湯底有雞肉及瑤柱。呢個湯底清清地，我鍾意。而我最欣賞的就是冬瓜，侍應會幫手切開，冬瓜真係啖啖肉，有嚼勁。 打邊爐，仲有樣野係唔少得，就係肥件，今次點了$198例牌<<安格斯雪花肥牛>>。 上到枱真係好靚，廚師砌成兩朵花模

星期日指定動作，同家人去飲茶，因為去開果間最近裝修，唯有試下新野，點知有驚喜，會再返黎食。酒樓環境很好，有落地玻璃，柔和的光線從外透入，感到星期日的休閒。點心都不令人失望，首先鮮蝦春卷，炸好就呈上，熱騰騰的感覺真好，另外配的沙律醬是自家制；鮑汁鳳爪聽個名已經夠勁，同普通食開既有點不同，就係用鮑汁餣，非常入味，鳳爪大隻，我一個人都食左3隻；酒樓推出一蚊一隻蝦餃點可以唔試，蝦餃皮晶透，蝦餃足料；而金錢肚同薑蔥牛柏葉也不錯；到介紹我最愛菠蘿叉燒包，真係一個好好既配搭，香甜脆的菠蘿包中有足料的叉燒包，比起傳統叉燒包多一種口感，真係一次過有兩個層次的滿足感。最後叫左一個無花果木瓜燉白肺，材料多到就黎見唔到d湯，解左一個星期的悶氣。

天氣轉涼，身體像受了呼喚，很想吃火鍋，與太座行完附近的瓷磚街便來到這家新開的火鍋店，其實這家是分店，去年也試過北角的店，最愛他們的黑松露餃，想再吃呢！上到二樓，裝修頗美侖美奐，有闊落的卡座，每一吋地方都新簇簇，看餐牌，原來除了火鍋，也可點小菜，但一心來吃火鍋，不作他想。火鍋湯底有十多種，由數十元的香茜皮蛋鍋至數百元的雞煲翅鍋都有，但適逢做推廣，有一元的瑤柱白玉滑雞鍋(原價$188)，一於咪走雞，先點這個鍋底和黑松露餃，愛吃牛，尤其是吃火鍋，無牛不歡，要一碟安格斯雪花肥牛，其餘點了野菌雜菜籃，順德魚頭，手打蝦丸，豬肉丸，鯪魚丸。知道你吃火鍋，侍應端來調味盤，隨自己喜歡調製，辣椒，蒜，蔥，豉油等，準備好後，便等開飯。瑤柱白玉滑雞鍋，雖然收你一蚊雞，但看來不錯，有一圈的冬瓜，中間放了好幾件未煮過的雞件，還有一堆瑤柱碎，待湯底滾起，便開始放我們想吃的黑松露餃。喜歡這裡的餃子，雲吞，肉丸等收費方法，是以每粒計，不用下下要一碟，適合多心的我。今次重吃黑松露餃，鮮甜蝦肉中暗藏黑松露，啖啖都是滋味，是西方食材中菜用的成功配搭。手打蝦丸，豬肉丸，鯪魚丸，吃得出材料新鮮，像在家中廚房自己琢的味道，尤以鯪魚

無論幾眼訓都好，星期日係家庭日，一定唔可以錯過陪屋企人時間！佢地想去邊，食乜，都要陪佢地！諗唔到食乜，Search下喇，點知發現呢間係新點心店，甘岩又離我地唔遠，所以就決定去：金功夫點心火鍋-灣仔分店！一行五人，坐底已經好鬼肚餓，已經忍唔住不停劃野食！店員都好禮貌地serve我地，又同我地講依家做緊一蚊優惠等等！呢個就係一蚊粒蝦餃，食落唔會因為一蚊而覺得馬虎，反而保留到水準(其實我地曾經到過金功夫點心火鍋食佢地D點心)，蝦餃皮夠薄，蝦食落爽口彈牙，食落夠熱夠煙靭，仲有煙出架添！其實真係唔可以錯過！小籠包我地都岩架，梗係要連埋啲汁一齊食喇！店員送過嚟時，已經聞到佢嘅香味！食落好熱，差D「辣」到個嘴，所以大家再小心！食落夠鮮夠甜夠Juicy，豬肉嫩滑，唔會過話太肥太靭，再點少少醋食，口感層次又增加左添！喂，你唔係唔試呀化！咪走寶至得架！我屋企人話蟹子唔夠多，我心諗，甘不如去食日本料理啦！但佢嘅燒賣真係好好食！外層夠薄，大大隻嘅蝦夠爽口，蒸出嚟又唔會話太老，好好味，但又講唔出差甘D乜！不過個人有少少建議，如果可以的話，不如試下早一兩分鐘拎出嚟，食落可能會有唔同呢！

This newly opened hotpot place is located between Causeway Bay and Wan Chai but the best way to go there should be by cwb MTR exit A. The restaurant takes 2 floors next to Coffee Academics. As soon as we were seated, we were served with different sauces including the Chinese spicy sauce, spring onion, and sesame seed sauce, and we appreciated their XO sauce! Conpoy, chicken, winter melon broth $188We have chosen this clear soup base because I am having a sore throat and this light soup was good

近排天氣開始轉涼，又是時候吃火鍋了。記得對上一次同班老友叙舊，選了堡壘街的《金功夫點心火鍋》，當晚大家點了不少火鍋配料，邊烚邊傾，天南地北無所不談，吃得極之滿足，本來很想食過返尋味；不過早兩天瀏覽網評時，發現原來《金功夫》近日在灣仔開咗間旗艦店，而且餐廳為了慶祝新店開業，晚市時段仲推出咗個一蚊雞「瑤柱白玉滑雞鍋」湯底優惠，見個推廣期只是去到呢個月 18 號，所以亦二話不說，立即 Book 咗位，和老公來撐檯腳！新店位於灣仔道 223-227 號，餐廳佔地兩層，是三間《金功夫》之中規模最大的，提供 120 個座位，一樓設有多間貴賓房，而樓上一層就以散座為主。至於這晚我倆就被安排坐在二樓，沿路內進，左手邊設有全幅落地大玻璃，是右手邊就擺放了多張四人卡座，配上店內的傳統中國風設計，環境既雅致又舒服。安頓後，見時間尚早，一於先開壺靚茶，再慢慢點菜。食物方面，一如北角《金功夫》，店子早午市仍然是以供應各式點心及粉麵飯為主，不過晚市就有點不同，除了主打嘅火鍋外，仲會提供各款特色小菜，選擇更加豐富。既然一心為吃火鍋而來，所以就先揀個特價湯底，再各自選一兩款火鍋配料。點完火鍋料後，接著就輪到「混醬」時

This place is good if you want dimsum in CWB away from the crowds.It is not packed but it can still be noisy because of the clinking crockery and people talking loud for no reason.Since my last visit to Kung Fu dimsum, there are some new items on the menu.The prawn dumplings were $1 so we had four.Bouncy prawn dumplings.Crab meat and sharks fin dumpling.Not many restaurants serve sharks fin dim sum and these ones have crab roe inside which gives it a bright orange colour.Beancurd sheets and vege

這陣子開始天氣轉涼，我和男友又想去打邊爐了。他的同事介紹了這間金功夫點心火鍋，我去到才醒起藝人林夏薇好像也是老闆之一呢！餐廳樓底頗高，裝潢高級典雅，位置闊落，令人坐得舒適，餐廳明顯走較為高級的路線，故食物定價亦比較進取。碰巧餐廳正在做promotion，瑤柱白玉滑雞湯底只是$1，湯底用上新鮮雞去熬製，飲落非常鮮甜！食物種類頗多元化，點了幾款食物:羊肉（$88)羊肉肉味濃，明顯是優質食材，開頭以為不會太多片，想不到一碟份量不少，多人分享就更好了。鴕鳥肉（$88)未試過打邊爐烚鴕鳥肉，點了試試。同樣份量很足，而且肉味突出，肉質滑嫩，好味。安格斯雪花肥牛($198)雪花肥牛擺成兩朵花，賣相精緻見心思。很有趣的是，我和男友都覺得左邊那朵花的肉味比右邊的突出，就左邊的肥牛而言，肉味確實豐富，令人回味。這兒有不少特色丸，每樣都甚為吸引，幸好可以逐粒點，一次過試多些。蟹粉福袋（$22/1粒)入面塞滿蟹粉，真材實料，毫不欺場，每啖都是蟹粉的鮮，強烈推薦！鮑魚流心蝦丸（$25/1粒)同樣真材實料，上面放上魚子十分名貴，入面用上蝦肉整成，所以吃來十分彈牙爽口，還有少少流心鮑魚醬，貴氣十足。不過有點可惜的是