野郎Stone (已結業)

最近人氣的石燒牛，野郎stone牛肉靚價錢又抵！位置在新世紀moko一田內，雖然高腳椅但位置鬆動，坐得舒服。是日點了300g西冷，放在燒石板上，客人可隨意加熱到自己喜愛的熟度！有不同部份選擇，而且可選份量！+$30可轉set，有沙律白飯，而且白飯用上日本米，而且白飯任裝！西冷扒一整塊，300g份量一點都不少，對一個男人來說還是足夠的。五成熟左右最適合，西冷肉質結實但肉汁豐富！配上特製醬汁好惹味，帶出更重牛味！白松露蒜蓉尤其好夾

曾經吃過銅鑼灣分店的野郞stone，可惜已結業，幸好旺角一田內有分店，位置正正在超市入面，以吧枱形式用餐，疫情期間仍有足夠空間。坐上吧枱可清楚看到廚房內部，乾淨衛生，看著店員炮製牛扒，什有鐵板燒感覺！是日點了特上牛小排300g$236，+$30可轉set，白飯、沙律任refill，而且有一罐汽水！牛扒以石燒方式上碟，客人可以用鐵板加熱牛肉到自己喜愛的熟度。店內提供白松露蒜蓉、秘制酸汁等醬汁。但原汁原味都非常美味！牛小排300g份量十足，而且牛脂牛味極濃！肉質大概燒到5成熟，口感嫩滑稔軟！這個價錢超值！白飯選用日本米，充滿米香又有咬口！加$30白飯任裝真的很有誠意！

旺角新世紀內一田入面的燒牛扒專門店，由放餐廳是開放式，所以唔會食完有一大陣燒肉味，店內座位較少，眼看很多人叫外賣。食品選擇都以牛肉為主，肉眼扒、西冷、牛板腱、牛小排、豬肉都有西班牙黑豚，但如果太遲去到可能會賣晒！食物用一大塊熱燒鐵板上枱，所以係可以因應自己想要的生熟度去燒，鐘意食熟的可以燒耐小小，吧枱上面放有唔同的調味料，自助式去調味，配菜可以另加沙律，亦有飯、麵、薯蓉選擇！味道方面，今次試左牛板腱，肉質好嫩骨，肉味濃，鐘意食牛的要一試！

約咗朋友睇戲，趁未開場周圍搵啲嘢食醫肚，一田入面竟然有間熱石牛扒店 <3 圍圈圈坐吧枱，剔紙仔落單，今次揀咗美國肉眼200g，另外加$30轉套餐要咗沙律薯蓉可以無限添加，好抵食！ 熱石上菜，滋滋聲好治癒，切開之後可以自己翻一翻件牛扒，兩面再燒一燒，控制幾成熟肉眼好大份，肉味濃郁，油分適中，一啲都唔乾韌、唔會鞋颯颯好難咬❤︎仲有提供好幾款醬汁可以蘸〜沙律係椰菜絲，不過不失啦薯蓉做得幾好，夠軟綿香滑超市入面自成一角，仲貼咗食用方法教你點煎份牛扒呢

難得約左朋友仔係旺角交收野後，架要去揾野食下啦，行下行下就來左moko, 見到有一田架行下啦，竟然畀我見到有間食石燒牛扒🥩「野郎stone」，一於去試吓啦⋯⋯餐牌上有清楚列明晒豬🐷、牛🐮、雞🐔、羊🐑嘅各種部位同價錢我就揀咗牛小排同腸仔，配沙律🥗有各款調味料給客人調配夠貼心一上枱有廚房紙蓋住果牛扒🥩，等唔好將牛油🧈彈到客人身人，呢個貼心服務👍🏻👍🏻👍🏻牛小排肉味香濃，肉質唔韌，加上油花分布好均勻，入口即化，值得一讚係佢地自家製嘅辣味味增，令牛扒🥩味道更豐富

今日行過一田買野，聞到好香牛扒味，所以吸引左黎呢間小店呢度叫野食既方法係比點餐紙形式去叫野食印象中好似比較少食到牛板腱呢個部位，所以我揀左一個300g既牛板腱配薯+zero可樂等咗大約10分鐘唔使就送到我面前，油花分布均勻嘅牛扒放喺熱辣辣嘅石上面，上面灑咗少少海鹽，唔夠可以在加，牛板腱呢個位牛香味比濃郁，用刀切落去比較實身，食落比較煙韌，同埋肉汁豐富，滿足感10分，最重要係佢舊石keep住夠熱，有時入邊啲位嫌佢唔夠熟再用係熱石辣一辣佢，簡直冇得彈200唔洗就食到呢個質素好過自己買塊扒返去煎😀

今晚去左旺角新世紀一田行街, 順便係裡面food court食飯, 經過呢間野郎Stone, 超級香味飄埋黎, 即刻搵位坐低. 野郎Stone係石頭燒肉形式, 師傅會將肉煎少少, 再由客人自己煎, 自己決定要幾熟.會教你見到塊肉咩色就係幾成熟牛板腱 200g超級超級香, 肉身厚, 重牛味, 好嫩滑! 煎到粉紅色就啱啱好! 比起好多西餐廳好味好多!套餐加$30, 就已經有沙律, 湯, 飯, 汽水, 仲要係日本米, 仲係無限添加.師傅好熱情, 會介紹有咩好食, 有咩啱客人食, 如果客人想傾下計, 佢一定樂意!其實今次本來想叫日本黑毛和牛, 不過是日缺貨, 下次黎必叫和牛.

疫情既關係，已經好耐冇出去旺角，今日難得係旺角做完野，順便去逛下一田，原來呢間一田都幾大間，入面仲有野食，一入到去已經聞到燒肉既香味，見有位，就食埋晚餐先走。店員好親切，推介我食西班牙產黑豚，話會一試愛上，惠顧主食可加$30可轉套餐，套餐可選薯蓉、意粉或飯，仲係無限添加，湯及沙律，都係無限添加，仲有汽水一罐，上檯前店員會將黑豚略為燒左一下，一試已經知道食材的質素好高，選了200G的黑豚，非常厚身，肉質非常軟熟，黑豚味香濃，一咬落去肉汁滿瀉，邊位仲會燒到微脆，果然真係一試愛上。

今日同朋友行商場行到上下，就search下晚飯去邊度食好，已經發現咗呢間係商場超級市場入邊嘅日式石燒牛專門店！啱晒我哋呢班食肉獸！我哋就叫咗牛小排，同特選牛肉眼！因為我哋一個鍾意食有咬口啲，令一個就係鍾意食𣺉滑啲🤤之後再加左兩杯生啤同埋日式腸， 10分滿足首先講吓牛小排，佢哋嘅牛小排好有咬口，肉味夠濃！識落亦都唔會太肥膩太油膩，油脂分布啱啱好！至於肉眼方面，肉眼燒嘅生熟程度啱啱好，亦都係好夠牛肉味，亦都唔會太多根！除此之外，佢哋嘅白飯，沙律都唔差，拎嚟送牛扒就一流啦！佢哋嘅座位數量太多，想試嘅朋友記得早少少去咁就唔會等好耐啦

每次經過moko都會聞到一股香嘅燒肉味！成日都好想去試下，今日終於忍唔住，哇又驚唔算好多人排隊，就同個朋友一齊食咗個晚餐😛😛今次試咗呢兩款嘅牛扒✨🧡美國精選肉眼呢款肉眼扒油脂相對較少，不過就會有啲筋嘅位置，切開咗筋嘅部位，中間嘅肉眼扒相當嫩滑juicy👍🏻我個人鍾意呢個多啲，冇咁油膩💛美個上級牛小排呢款牛小排食落肉質嫩滑，仲好juicy!油脂分布較多，入口即溶嘅感覺！散發著牛脂嘅香滑！另外可以加$30配埋個套餐可以任食白飯、沙律、湯🥣白飯係珍珠米，好有層次口感！配扒一流🥰記得可以配埋醬汁-白松露蒜蓉🤩呢度仲有個特別嘅食用方法，就係燒一嚿、食一嚿，咁樣牛扒先可以保持肉質嫩滑juicy！如果唔明，到時都可以再請教店員，好nice👍🏻

係旺角上完堂就順便去搵有咩食，一個人食飯嘅地方最緊要快靚正。野郎stone 之前都食過，佢嘅扒都幾正，心血來潮又想食。旺角分店係坐吧枱吧位，通風系統做得好好，一般呢類型嘅店食完都好大陣味，但呢到完全唔會，坐得幾舒服唔會好逼咁。今次我叫左牛舌芯，上到有塊紙蓋住主菜先，保持個熱力煎一陣，一打開牛舌仲十分粉嫩。 牛舌係爽口彈牙，出面食最怕係過熟之後好難咬，但因為自己可以控制熟度嘅關係，真係不得了，牛舌中最好食牛舌芯嘅位置就比我食左。加左三十蚊叫左套餐，又有飯、麵豉湯同沙律任添，仲有一罐汽水，真係抵到爛。一路食一路見到隔離嘅男仔要添飯，大食嘅人食呢間特別開心。原來外賣都有八五折，下次可以試埋外賣😏

約咗人喺旺角東鐵交收完後，見有時間就行吓MOKO，唸住入一田買啲靚水果嘆吓，經過見到呢間食熱石牛扒嘅店舖，正煩緊一個人都唔知食乜好，就決定對自己好啲食豪啲餐牌有齊豬、牛、羊、雞，列明不同部位、重量及價錢，揀啱就同店員落單仲有溫馨提示教你點食配埋餐廳自家調製的醬汁就更加好味個人覺得呢三款柚子味酸汁、白松露蒜蓉醬及辣味噌，一定要試，更能提升肉味餐廳採用吧枱設計，可以見到廚師即席為你烹煮食物美國精選肉眼肉眼扒用吸油紙蓋着以防油脂彈出，靜待幾秒後就可以將紙移開肉眼是靠近胸部的肋肌，肉質鮮嫩，油花分佈均勻，而且肉味濃厚預熱一成的厚切肉眼放在燒至400°C的火山石上，再接個人喜好燒至合心水的生熟度我發覺將白松露蒜蓉醬及辣味噌放在石板上加熱後配埋肉眼就更加好味跟住蘸點埋柚子味酸汁可以平衡油脂所帶嚟嘅油膩感加＄30就可以轉套餐，包括汽水一罐，餐湯、沙律、薯蓉/意粉/飯無限添加，而且餐廳仲喺選用日本秋田米添

這日下班，和同事結伴到旺角新世紀廣場內的一田超市，準備購買晚餐用的食材，回家大顯身手，煮一頓美味。怎料未到超市，就被日式牛扒餐廳，野郎Stone 的香味吸引，加上正好有期間限定的85 折優惠，受不住誘惑的我們，馬上坐到餐廳吧檯的椅子上等食，哈哈哈.... 牛扒按重量收費，這次選擇的牛柳分150g， 200g，和300g三個價錢。🐮牛柳300g， $ 208上枱時，牛扒用紙巾包好，以防彈油。打開紙巾，牛香四溢，由於廚師已把牛扒煎至2成熟，輕輕地在400 度的火山石上慢煎一下，牛柳剛熟，入口幼嫩多汁，鬆軟無渣。沾上店家自行調配的辣味噌和白松露蒜蓉同食，更顯香口。加30元，變成套餐，便可享飯、意粉、薯蓉、湯、沙律無限添加，還有一罐可樂贈送。一邊燒牛肉，一邊飲可樂，一邊聊天， 抒發心中情感，開心又暢快。

成功考到車牌緊係要食餐好嘅慶祝吓先啦；網上見到呢間熱石牛扒幾好評咁已經想試好耐醬料醬料唔計幼鹽同即磨黑胡椒都有三四款揀；個人推薦白松露蒜蓉以及自家製辣麵豉醬美國精選肉眼肉眼同樣嚟自牛胸肋骨肉質柔嫩同時油脂豐腴油花均勻美國上級牛小排/日本芝士豚肉腸牛小排指嘅係牛隻前胸肋骨部位嘅肉；肉質緊緻同時油筋甘香豚肉腸身幼長而且皮薄香脆同時芝士半融配埋肉汁鹹香惹味P.S. 加多三十蚊轉套餐可以任食薯蓉/意粉/白飯而且沙律同湯都係無限添加；白飯選用日本產秋田米軟糯香甜拌搭飯素幾有誠意套餐本身包罐汽水不過想飲啤酒嘅話就要再額外加多廿八蚊

每次經過旺角Moko商場的一田超市，都會被這家石燒牛排店所吸引，今天終於再次來光顧位置：在旺角東站旁商場的頂層，交通便利環境：在一田超市內，較空曠人流亦多服務：店員友善，套餐添加食物亦快速食物：肉類品質佳，且即叫即燒美國精選肉眼 $218 配套餐＋$28愛肉之人當然要點肉眼扒，這裡的肉眼厚而多汁，充滿肉味配上味噌及蒜粒味道一流由於石燒，可以自己燒至喜愛的熟度套餐選了薯蓉，份量剛好而味香湯是面豉湯，而沙律以椰菜絲為主這三款都可以隨意添加，再連一罐汽水，很化算牛柳 $208 配套餐＋$28太太選了較滑的牛柳，同樣肉味足但多帶一點嫩滑，很適合女士們太太的套餐選了白飯，因肉太香而份量足，輕鬆吃光日本芝士豚肉腸 $22這款豚肉腸很香而芝士亦濃厚，如可以份量多一點更佳日本煙燻豚肉腸 $18煙燻後我豚肉腸更香更入味整體感覺餐廳會令人想再次光顧，如位置能多一點必定生意更好一些