野川拉麵の鮮鍋道場 (已結業)

元朗新開了一間半自助餐＋粥底火鍋，見價錢實惠，就同朋友試一試。粥底火鍋＋半自助餐可任食兩小時。還有另一選擇，半自助晚餐（可選刺身飯 或拉麵）＋自助區任食，可任食一小時。自助區有各式飲品，壽司小食， 沙律前菜， 雪糕雪條，炸物等等，相當豐富， 壽司新鮮，一 匙羹一件，吃起上來很方便。小食我們吃了白雲鳳爪，好入味，酸酸甜甜很開胃。這個藍莓雪糕大大粒，有濃濃的藍莓味 ，我吃了兩粒。首先上刺身， 刺身有三文魚，八爪魚，甜蝦和油甘魚。 刺身夠凍夠新鮮。五款時令海鮮，蟹生猛大隻多肉，落水時重識郁，蝦鮮甜彈牙，蠔扇貝大大隻，還有蜆及聖子，全部海鮮都很新鮮。自選配料六款，待應姐姐話之前可自選八款，但很多客人都食剩 ，所以改了六款，佢講得無錯，我同朋友都係大胃王，最後食埋個粥都飽飽的黑毛豬腩片大大片，肥肥的好香口，腩片係要肥先好食，雪花肥牛切得薄薄的，肥瘦適中。 響鈴竹笙索曬海鮮的湯汁，正。侍應姐姐話花膠仔要滾耐些，夠淋入曬味會更好食。最後就是精華所在，侍應姐姐加了蛋，菜甫 蔥花，用剛才火鍋配料滲出的精華，攪一攪，就成了一碗粥，粥好清甜好鮮味，我們食到一啖都沒有剩 每人$251可以食到咁多種類的食物

之前元朗剩係得一間野川嘅時候都已經食過幾次，鍾意佢哋夠和風夠地道，唔會太花巧但係食物都有好有質素最近新開左呢間野川系列嘅半自助放題加粥底火鍋，就梗係要來試吓啦星期四晚，人唔算好多， book咗枱就好方便啦，呢間分店都算大間，仲要入邊裝修好得意，用咗好多日本經典卡通，夠晒鬼馬一坐低，侍應服務好好，招呼周到，揀咗一啲自選火鍋配料之後就梗係即刻出去睇吓自助吧有咩食啦冷盤壽司甜點當然唔少得，自選沙律格好多唔同嘅配料，梗有一款啱我口味熱盆就有炸物，小菜，老火靚湯，食物一啲都唔馬虎，炸三文魚骨超正啊當然重頭戲依然係個粥底火鍋啦，先上刺身拼盤，好新鮮，又夠大件，當係餐前小食絕對一流見到個海鮮拼盤，真係哇出嚟，鮑魚好大隻，係肉蟹呀，真心正，好耐未試過出街打邊爐會有肉蟹食啦侍應好細心咁提醒埋每樣海鮮要煮大概時間，以防我哋over cooked食完晒海鮮，我哋嗌咗嘅火鍋配料就嚟啦起初仲擔心食海鮮加配料會唔夠飽，但係估唔到佢份量都幾多，未食粥已經覺得好飽，但係梗係要食埋個粥先得啦唔使自己郁手，坐定定仲有侍應幫忙整呢個海鮮粥，超級好食，吸收晒海鮮嘅精華，入邊仲要加入左菜莆，好有咬感， 每人二百幾蚊，食到捧住個

今晚揾咗呢間粥底火鍋試吓。粥底喎原來包自助區，有壽司/小食/雪糕/飲品等隨意選擇。除了自助區，仲包括4款刺身，刺身都很新鮮時令海鮮有5款，有元貝/蟹/蜆/鮑魚/蟶子，本人較喜歡帶子/鮑魚同蟹，帶子/鮑魚大大隻，又厚肉。蟹的蟹膏都唔少仲8款火鍋配料（自選）最後就係海鮮粥蔬菜/配料咁多食材嘅精華，加上以上配料，海鮮粥就完成。本來食到飽飽的，但都要試吓個粥，點知一食就不能收手（成鍋食哂），因為真係好鮮味

今晚心情唔好，理所當然就係約老公大食一餐。我地去左呢間野川拉麵の鮮鍋道場食粥底火鍋。一入黎，佈置名顯有落心機，非常吸引大小朋友嘅注意。坐底睇下menu,原來有教點食嘅。首先有個自助區，裏面嘅食物有壽司，熱食例如蒜香雞，西檸骨等俾人隨意品嚐，咁就唔怕肚子餓，可以邊食邊等喇。口渴就可以喺雪櫃拎野任飲。拎完野食返埋位，靚靚嘅刺身到，原來包一個刺身拼盤湯底到，我地先放入南瓜，芋頭，粟米淆下先，呢個時候，職員小姐不時細心地過黎提醒我地要攪下，免得痴底。然後黎左個海鮮拼盤，有生蠔，貴妃蚌，蜆，鮑魚同蟹，非常新鮮。點知新鮮?蟹腳仲有少少郁架😂每種海鮮都比想像中新鮮，鮑魚大件，貴妃蚌鮮甜爽脆。個蟹有膏架，又香又鮮甜當海鮮等食材食完後，頭先order嘅8款火鍋食物就會出現，我揀左響鈴，雪花肥牛，魚皮鮫，炸魚皮，花枝丸，午餐肉，雞件等。食到尾聲，飽到不得了。我地熄左火，職員姐姐行過黎話幫我地上個粥底。咩話?仲有架?但我地太飽拒絕左，點知佢話好好食，一定要試。既然咁大力推薦，就試少少啦。佢幫我地將鍋入面嘅肉畢起，然後加入粥底，可能我地唔係好識，佢幫我地煮，手法純熟。內心不禁覺得而家仲有妹妹識煮野食，對自己餐

近期興食粥底火鍋，但天氣都幾熱，所以揀左野川拉麵之鮮鍋道場試下，因為除左火鍋，仲有半自助既壽司、前菜等提供，有中、日fusion既感覺。餐廳坐位都闊，有好多氫氣球做裝飾，充滿顏色。粥底火鍋既有五款海鮮，又有八款自選配料，三款蔬菜，仲送刺身又有自助區，樣樣齊。自助區壽司，款式好多，有三文魚、吞拿魚、油甘魚、北寄貝、小卷等等。飲品、雪糕、雪條、豆腐花、乳酪等等。另外有熟食、炸物、沙律bar，差不多自助餐咁。首先黎左刺生，賣相不錯，相機先食今日海鮮有貴妃螃、肉蟹、蟶子、蜆同鮑魚，肉質唔錯。配料揀左竹笙、炸魚皮、花膠仔、黑毛豬肉丸、西班牙黑毛豬腩片、肥牛、蘿蔔片同冬瓜。豬腩片幾香口，肥牛都鬆化。粟米、南瓜、芋頭就係另外包埋既蔬菜，令個粥底更甜。打完邊爐，店員就幫我地隔湯渣，將蔬果整碎，然後加入粥底，另外有蛋、味菜同蔥。粥底幾鮮甜。唔食火鍋，都可以叫其他拉麵或者魚生丼，照樣可以任食自助區。鮮鍋道場算種類多元化，三心兩意既人就岩晒口味。

近期發現一間隱世嘅粥底火鍋刺身店 ，位於元朗，只系$228，當中包括刺身拼盤，粥底火鍋主題嘅打邊爐，新鮮下令海鮮盤， 還有熟食食品及任飲汽水。首先坐低一開始已經有一盤非常新鮮嘅刺身當中包括有牡丹蝦，油甘魚，墨魚，三文魚。食刺生基本上好簡單，只要新鮮就已經好好味。 呢一盤就已經比到曬我嘅要求。當中我最鍾意嘅係三文魚：厚切有咬口 ，冇根，夠凍。火鍋方面未開始食肉同菜之前，有一大盤嘅下令海鮮，當中包括鮑魚，蜆，蠔，蝦同蟹。當中較為突出嘅係咪蟹 ，好多膏 仲識旭， 仲有少少海水味 ，非常鮮甜。 其次係蜆 ，啖啖肉， 好大隻， 最重要係冇沙。食完海鮮當然唔少得肉類同蔬菜，選擇了幾款分別就我永遠打邊爐必備嘅午餐肉， 金菇響鈴， 雪花肥牛 ，西班牙黑毛豬 。我建議大家如果去食之前留意返收費時段，因為會有段時間係第二位半價，除番開非常之抵食。

今日晚餐好想打邊爐，經朋友介紹下去了這間日式火鍋料理。這間店舖非常大，內裏裝修幾特別，有模型飛機，星星，降落傘等等的小擺設， 令我聯想起童年的回憶。頭盤是一碟刺身，非常冰凍新鮮。分別有三文魚，吞拿魚， 八爪魚和甜蝦刺身。 三文魚刺身魚油比例適中， 吞拿魚好肥美， 而八爪魚就好爽口，甜蝦亦好鮮甜。食完刺身之後，有一盤海鮮可以打邊爐。 分別有蠔，蜆，青口和鮑魚，真係非常豐富。 海鮮意外地一點沙也沒有，非常鮮甜。半自助bar也有多款卷物和壽司選擇，彩色的小碟設計時尚新穎。這個沙律是必食，當中有粟米，蟹柳絲，生菜和千島醬， 味道非常夾和開胃，我忍唔住食了三碟。打邊爐當然點少得叫肥牛， 薄切的肥牛， 肥瘦比例適中，不會太流，打邊爐簡直一流呀另外隨意叫了午餐肉和金菇菜， 這是我的摯愛。 我個人認為午餐肉同打邊爐是好夾的，所以每次都會叫。最後當然要食這鍋粥啦， 用了這麽多海鮮打邊爐， 粥底當然非常鮮甜，因為所有精華都在這鍋粥裏面，記得留肚食呀。飲品選擇非常多，有茶，果汁，汔水等等最後甜品當然要食條雪條啦， 阿波羅布丁雪條，擁有香濃的奶味，令人非常回味

不知道最近母親大人是否吃火鍋吃上癮來，她似乎對火鍋特別情有獨鍾，所以今次她特意相約我到「野川拉麵の鮮鍋道場」吃粥底火鍋。一到步的時候，我們都被這裏可愛的裝飾吸引了。除此之外，我們被安排到卡座，發現他們的卡座相當舒適!雖然我們今次主要來的目的是為了吃粥底火鍋，但吃粥底火鍋的同時，還有半自助餐提供，特別適合饞嘴的我們!他們有不同款式的壽司、沙津、幾款熟食 (蒸排骨、炒四季豆、河塘素炒、椒鹽三文魚頭骨和炸雞翼)、中式熱湯、薏米腐竹糖水、西式甜品和自助雪糕機等。飲品方面也相當多，即磨咖啡、紅茶、芒果汁、蘋果汁、菊花茶、可樂、綠茶、蜜桃茶和楊協成飲品等。由於我們想多留一點空間吃粥底火鍋，所以沒有吃太多自助區提供的食物，只是輕輕嚐了一點東西。發現他們的蒸排骨味道也不錯，至於椒鹽三文魚頭骨和炸雞翼都香口惹味!刺身拼盤吃火鍋之前，他們先送上免費的刺身拼盤。刺身拼盤裏有三文魚刺身、八爪魚刺身、甜蝦刺身和油甘魚刺身。刺身拼盤的賣相不單止漂亮，而且款款刺身都非常新鮮，味道又鮮甜，不過我們則特別喜歡三文魚刺身，愛它肥美之餘又帶甘香。五款時令海鮮吃過刺身後，他們便呈上五款時令海鮮作火鍋配料。這五款時令海鮮包括鮑

今晚和朋友到這裡慶祝生日，定位的時候，我說定7-9pm, 但坐低才知道只有粥底火鍋才可以有2小時的吃飯時間，點其他餐如丼和拉麵的話，只有一小時時間，對於慶生的我們，聚餐的時間實在太短了，但友人不想火鍋，只好吃完飯再轉場慶祝。我們點了北海道之丼和特上刺生海鮮盛，賣相很好，不過味道一般般，不太鮮甜，另外，我個人覺得D飯太酸了。不過半自助的食品選擇多，有前菜如中華沙拉，泡菜，湯，糖水，雪條，壽司，也有熱盤如三文魚等等，所以都算底食。

元朗新開左一間食粥底火鍋半自助餐，同朋友走咗去試。入面任食的東西都幾多款式，有熟悉類，如春卷等甜品櫃我最愛的自助雪糕機，牛奶雪糕很滑，牛奶味都好濃，仲要經由自己拉的仲好味啲添😂又有雪糕櫃汽水櫃，不同種類飲品類型豐富。叫咗粥底火鍋，店員一嚟到就有一盤魚生俾我哋食，有三文魚，甜蝦，魷魚等等，魚生種類都算多，而且很新鮮。仲有一盤海鮮比我烚的，聖子烚熟後，入口超鮮甜，很乾淨食唔到沙。鮑魚啖啖肉，有手掌心咁大，肉質鮮美。蟹，有豐富鮮橙色的蟹膏，非常鮮甜，一定要食。肥牛，脂肪分佈唔錯，烚熟後入口，牛肉味濃郁，值得一食。

早前和家人聚餐試過這店，覺得水準平均，性價比不錯，這天在想吃什麼的時候，就想起這裡～反正沒試過丼，就再戰啦點了兩個丼：三文魚帶子親子丼 - 三文魚和帶子都厚身，而且份很多，很新鮮；三文魚籽有少許腥，但可接受；芥末八爪魚拌飯很不錯；壽司飯的醋味略為重了點五色火焰丼 - 有三文魚，拖羅，油甘魚，帶子，蟹棒，全部都厚身，刺身面輕輕燒過，面會比較油，但拌飯一流～自助吧的壽司款式也算多，而且refill得很密，前菜也可接受，意外地有菠蘿～個人很喜歡 性價比真是很不錯～

有一次行街經過見到呢度，已經俾佢啲裝飾吸引到，由於我對於龍珠別有一番喜愛，特登安排一晚過來D公仔好靚，相信老闆一定係龍珠喜愛者並十分有品味呀🤣哈哈刺身拼盤係送嘅，雖然係送 但係都好新鮮！啲蟹丫貴妃蚌都係生猛好鮮甜呀～仲有八款自選配料🤑好健康呀😂👍午餐肉簡直火鍋必備響鈴同竹笙吸收充滿海鮮味道嘅湯底真係不得了本身已經好鍾意食呢兩樣野食到咁上下就可以落啲粟米，南瓜 🎃同埋芋頭食完啲嘢，終於可以加埋啲飯同埋其他配料潮州人食呢一款粥覺得特別好味媽咪話呢d叫爽口😂👍👍

今日同朋友食粥底火鍋半自助餐，一嚟到職員就俾咗一盤大海鮮，俾你烚黎食下先。以及職員第一時間放低左一盤刺身，包括有三文魚、八爪魚、甜蝦等，三文魚很新鮮，鮮甜美味，一陣間就俾我K.O.晒了。食完刺身，就到食下啲熱辣辣的海鮮先，鮑魚每隻都有手掌心咁大，啖啖肉，一啲都唔（銀），正。大大隻羔蟹，切開一半，都已經有一個碗咁大，超多羔，鮮甜野味，蟹肉很實，很新鮮。雪花肥牛，肥牛脂肪分布均勻，入口濃郁牛肉味，值得食。

元朗的野川拉麵愈來愈多不同類型的食店，有吃串燒宵夜的，有半自助加粥底火鍋的，拉麵也當然不少得。今晚來到這所新開的店，外牆裝潢別具一格，帶點日韓風格，採用的椅子桌子也是用上色彩較繽紛的，讓人心情更佳。首先七點多入席也不算多人，坐位間寬敞，有二人座有四人座，有沙發椅更舒適。先看看餐牌有甚麼可以選擇，第一包括了半自助區的熟食，有壽司、炸物、老火湯、沙律吧、炒麵、雪糕、飲品等等……第二有刺身拼盤贈送第三有海鮮粥蔬菜(芋頭、南瓜、粟米)第四有五種時令海鮮(鮑魚、貴妃蚌、蟶子、蜆、蟹)第五可以自選八款配料(肥牛、豬腩片、蟹柳、扎肉、花膠、豬皮、響鈴)第六精華海鮮粥。每種海鮮都比想像中新鮮，鮑魚頗大件，貴妃蚌鮮甜爽脆，蟹也是鮮甜帶膏。八款配料建議可以選些有味的，因為湯頭比較清淡，所以點些豬牛雞更好，扎肉蟹棒也不錯。精華海鮮粥就是最後的重頭戲吧，粥底可以稀身或稠身，店員會按客人要求即埸煮，加上蛋液作蛋花，蔥及菜甫，入口帶海鮮的甜，加上所有精華集中在一碗粥。

朋友話佢屋企附近開咗間新既餐廳，所以一行二人試下先。間餐廳裝修都好特別，周圍佈置好多卡通和電影人物嘅公仔，好有心思。啲座位都坐得好舒服，環境都好整潔。我們看了餐牌，最後決定order鮮味六重奏($228, 星期一至四)。職員都好細心睇我們食咗以下幾樣如果唔夠飽才去自助區拿野食。刺身拼盤，包括肥美三文魚甜蝦油甘魚新鮮好味五款時令海鮮有蟹，鮑魚，花甲，蟶子。呢幾樣會加入個湯底度煮熟即食。才料够新鮮，自然美味三款海鮮蔬菜自選八款配料：店舖推介係西班牙黑毛豬片，黑毛豬肉丸，雪花肥牛呢幾樣好正。其他配料包括炸魚皮，萵筍，魚皮餃，蒿筍，台灣豬肉腸和金菇。打返個靚邊爐先丫精華海鮮粥，個名真系無改錯。味道好入味！自助區方面有飲料區，熟食區，甜品區，自助雪糕，各式各樣嘅壽司。