野川拉麵の鮮鍋道場 (已結業)

一個普通星期三晚上大約8:15左右，放工帶著又累又餓的身軀去到平時幫襯開的拉麵道場。今晚佢地生意好好，坐剩一張吉枱但無人排隊，點知門口阿姐唔俾我們坐。咁我話我等位要粥底，阿姐只係回咗一句「停咗啦」。由於我真係好餓，就話唔緊要我地食普通嘢啦，但阿姐竟然即刻話停哂啦。我問咁要等到幾點，阿姐話「你等到9:15啦，不過我地10:00截單喎。」睇嚟真係太好生意了，唔緊要，咁我去隔離韓燒自助餐都係$168/位啫，但係下次你生意唔好唔洗旨意我會食。恭喜哂拉麵道場用佢優秀的服務態度趕走了一個高消費熟客了。

元朗放題餐廳有很多，今日一於去野川拉麵之鮮鍋道場，食粥底火鍋半自助餐。我見到餐牌上寫着這個粥底火鍋半自助餐有六重奏，第一重是自助區。自助區有沙律，壽司，湯，飲品，軟雪糕 ，熱食，小食，和炸物。第二重是刺身拼盤。第三重是五款時令海鮮。第四重是兩款海鮮粥蔬菜，即是粟米和南瓜。第五重是自選六款配料。第六重是精華海鮮粥。好！我不客氣啦！起動開始食........第一重是自助區，我就見到有河塘素炒(炒西蘭花，椰菜花)，甜茶蒸黑豚肉，炒蜆。我夾了一些甜茶蒸黑豚肉和炒蜆。甜茶蒸黑豚肉幾好食，肉質吸收了醬汁，鹹甜鹹甜。炒蜆，我夾了一小碗，好味道，有豆豉香，夠味夠香，都新鮮！另外，又倒了一碗甜品西米露和餐廳的老火靚湯。西米露都幾多西米，偏甜。老火靚湯味道幾好，足料。第二重是刺身拼盤。刺身夠厚又新鮮，最中意食餐廳的三文魚和蝦刺身。鮮甜。第三重是五款時令海鮮。飽魚超級正，好大隻，又新鮮，啖啖肉。蟹都好正。蟹肉大大隻，蟹膏又正，好新鮮，無霉感。還有帶子，蜆，和蠔。全部都好滿意。好滿意。食得好開心。第四重是兩款海鮮粥蔬菜，即是粟米和南瓜。粟米夠甜。南瓜我主要連粥一起煮，好味，好清甜。第五重是自選六款配料。我選了

喜歡食火鍋放題嘅我😋，突然好想吃，難得今晚唔洗OT👏於是即興相約朋友仔，提議去元朗劇院附近有間「野川拉麵の鮮鍋道場」食完又方便大家返屋企啊！我們見到餐牌就選擇了半自助日式粥底火鍋，有6重奏不同自選食物，見到都流晒口水🤤，可以慢慢享受😊自助區，有多款小食，飲品，雪糕等👍店員取來的一盆火鍋調味料🌶，自己隨意調配喜愛調味料分量👍預先寫定自選六款火鍋配料，任食👍太豐富了！先來一碟刺身拼盤🦐🐙，急不及待品嚐，新鮮美味😋再來一盤海鮮🦐🦀，有鮑魚，帶子，蟹，蝦，蜆，蠔，啱晒我眼闊肚窄嘅人😬店員安排擺放海鮮在鍋內，再提醒⏰8分鐘即可吃，非常照顧客人⭐️，食落海鮮很新鮮，蟹肉質結實，鮑魚冇腥味😋最後店員細心地烹調粥底火鍋給我們吃😋很好的服務態度🌟

到大西北元朗探完朋友之後係附近睇下有咩食，見有一間鮮鍋道場，食半放題都幾特別就入去試下。海鮮半自助粥底鍋，可以任揀5款海鮮同8款火鍋配料，仲送埋剌身拼盤，好吸引自助吧亦有勁多選擇任食，沙律，壽司，炸雞，熟食，甜品，而且餐廳亦補給得好快👍🏻刺身拼盤，新鮮好食，三文魚肥美有油脂香。好快已經比我地掃光。海鮮拼盤有鮑魚，帶子，肉蟹，鮮蝦，蜆同生蠔，海鮮鮮甜美味，鮑魚爽口彈牙。自選8款配料雖然份量睇落好似唔太多，但其實加埋都好足夠，食完都已經食唔落出面d野了。食埋d配料就可以叫店員幫你放埋個粥膽落去，店員好細心慢慢整，個粥吸引埋海鮮精華，勁好食，正。

今日放假，入開黍元朗，當然要去下朋友介紹嘅海鮮粥底火鍋，好抵食嫁！一入到門口，見到牆上邊食物的圖畫，已經好吸引😍店舖裝修好特別，牆上面的飾物別樹一格，具有心思👍地方很大很歡堂，坐得好舒服。嘩！好多野食😋😋😋先上刺身拼盤（二人份量）刺身色澤紅潤，件件都好新鮮。😍五款時令海鮮-海鮮大大隻，服務員好細心地講解海鮮烹煮的時間，避免過熟，變得唔好味。蟹好似手掌咁大隻，啖啖肉，肉質鮮甜唔會鞋，見到都流晒口水😋😋😋以上是自選配料六款，竹笙同鮮冬菇吸入海鮮湯，好入味。最後食晒所有配料，服務員會幫我地加入南瓜粟米煮至軟綿綿之後，準備做粥底😍可以開始着粥底啦！配料有雞蛋、葱粒、菜莆、加入之前湯底。完成了，今晚所有精華喺晒裏面，加咗菜莆口感豐富，好鮮甜，我一個人都食咗兩碗，朋友真係冇介紹錯👍👍👍

本來諗住食放題，點知個朋友話不如食海鮮鍋加放題，好！一於去試試。你間餐廳會俾咗個刺身拼盤你先，然後個火鍋就要煮滾左先可以整嘢食。好肚餓呀！食住刺身等。海鮮拼盤，好多好多海鮮呀！😍除咗火鍋，出面仲有好多唔同種類嘅嘢食沙律材料任你砌豬頸肉、炸物、炸子雞食到咁上下，店員仲會用個湯底嚟煮粥。整個火鍋嘅精華都係晒度，你話個粥點會唔鮮？新鮮靚粥出爐！仲有靚湯同杏仁花生露你個客人花生路表面平平無奇，但竟然做得幾好食，杏仁同花生味都好出，但又唔會太大陣味啱啱好，推薦！想DIY而又仲有啲胃口嘅朋友不妨試吓呢部雪糕機，整得靚嘅食起嚟特別有滿足感。

食咁多次放題都真係冇食過加埋粥底打邊爐。門口有d 難搵，要入左商場先見到個入口。一開始個爐未滾，所以只能食左刺身先。d 魚生都幾凍幾新鮮。好多海鮮呀！！！萬事俱備，只欠水滾！水一滾我地就落哂d 海鮮落去，一鍋熟！d 海鮮真係好新鮮！好大份！完全冇呃砰，食極都仲有好多。食完海鮮都已經差唔多飽飽。除左海鮮之外仲有好多火鍋唔少得既食物，唔一一介紹喇。食完火鍋之後，佢仲會將大部分原有既湯底攞走，淨低3分1左右，然後就會用番煲湯黎煮粥。呢煲有齊哂咁多種食物既精華，當然係超好味喇～ Yum！諗都冇諗過放題仲可以咁樣食，一次過滿足哂放題同火鍋既需要，真係食得又飽又滿足！俾個套餐牌你地參考下放題唔啱食都可以食個麵吹下水既。

今餐品嚐海鮮粥底火煱。店內裝潢玩味色彩，擺放很多卡通人物，配合燈光，餐廳地方寛敞，乾淨衞生。刺身拼盤刺身拼盤如下: 三文魚，甜蝦， 魷魚及油甘魚~三文魚和油甘魚鮮甜肥美， 甜蝦新鮮爽甜 ，  魷魚鮮甜美味，螺彈而不韌， 相信每個食客也喜歡這刺身拼盤。海鮮拼盤這餐廳的海鮮併盤有鮮蟹，鮑魚，聖子，元貝，蠔和蛽。鮮蟹膏好香甜軟綿，滿滿是蟹膏和蟹肉, 肉質又幾鮮甜, 好味不能言喻。元貝洗得乾淨, 肉厚, 圓滾滾的, 滾熟的時間剛好, 保持鮮嫩口感, 海鮮的鮮甜味甚迷人，甜美可口。鮑魚有嚼口，新鮮美味，咬落去鮮甜。鮮蠔質感柔軟， 蠔味香濃， 我們都吃得津津有味。漁鮮粥我們之前放入粥內滾熟的海鲜，精華已經盡在粥底裏面，我被那鮮美濃郁的海鮮粥的香味所折服。 吃上一口，感覺好得出乎意料。粥里揮溢著一股多種混合海鮮的味道道，不咸不淡，又有著微微的甜，順喉入胃之時，有一種說不出的爽，配合芋頭和各配料，感覺是出奇的美味，無需蘸料相佐，鮮美可口。最後，當然是甜品時間，店內提供各式的雪條，豆腐花，乳酪和啫喱。飲料是無限提供的，可任飲任食！總括來說, 這間餐館整體水準不錯, 海鮮粥底火煱是值得推介，食物的選擇非常

打邊爐食得多，海鮮粥就比較少見🙈 今次入黎元朗揾到一間又有刺身食又有得打邊爐，仲有得食海鮮粥既地方👍🏻仲包埋半自助放題，有壽司，炸物，頭盤，甜品，飲品，好豐富~刺身有三文魚，油甘魚，八爪鮮同甜蝦。食落都幾新鮮🤤粥底火鍋有一個海鮮拼盤同可以自選六款配料 。揀咗肥牛，豚肉，雞件，芝士腸，魚皮餃同蘿白，整體都唔錯~但最足料最高質就一定係呢個海鮮拼盤！有一隻大肉蟹，2隻鮑魚，2隻生蠔，2隻扇貝，4隻海蝦同蜆肉。全部海鮮都好鮮甜，好高質肉蟹超正，覺得有呢個性價比變得好高😂 好多蟹膏，好鮮甜，啖啖肉🤤 鮑魚都好煙韌彈牙。最後食哂所有配料就會開始煮粥，店員會準備葱花，雞蛋同粥幫你煮好鮮甜既粥~ 食埋條雪條，好滿足既一餐☺️

今次第二次去,因為離家不遠,而且海鮮非常新鮮,除左粥底海鮮重有半自助餐送，晚上8點半後入座,第二位做緊半價添,Cp值超高首先侍應送黎刺身,好新鮮😋食完刺身再黎今晚主角海鮮,黎到餐卓上蝦重跳緊，成盤海鮮非常放本，有新鮮飽魚,蟹,花甲,扇貝,重有两隻生蠔,未食已吸引重有六款邊爐配料任你揀兩個人食完以上食物够飽肚,未够仍然有助美食供應,沙律,壽司，炒蜆,湯類,疏菜類,今晚好像也有豬手,正呢個沙律不得了,食幾多自己話事甜品多款撰擇👍一定會成曰去無論食物品質和價錢都非常吸引👍

元朗多好野食就係地球人都知架喇~今次去食既係好抵食半自助餐加海鮮粥底火鍋________________💰💰星期一到四 17:00 - 19:00 $188+10%最貴星期六,日19:00入座都係$248一位21:00後入座第2位仲有半價優惠.🔹刺身坐底即刻會放上一盆刺身, 有甜蝦🦐, 油甘魚🐠, 三文魚🐟同八爪魚🦑, 質素一D都唔差🤤🤤, 新鮮無雪味既, 同都幾厚切下, 不過想再食就要比錢叫喇.如果唔想比錢, 出面自助區都仲有壽司🍣🍙食既, 款式會係平價D個種, 不過同樣都新鮮.🔹海鮮跟住佢就會送上又係一大盆既海鮮, 2個人會有4隻海蝦, 一堆硯, 2隻帶子, 2隻生蠔🐚, 一隻膏蟹🦀同2隻活鮑魚.店員話海鮮係每日廚師精選, 同埋佢地係按booking黎訂要幾多海鮮, 保證每日新鮮! 原本我都唔太信架, 不過當你見到隻鮑魚督佢都仲識郁🦎, 你就會信佢有幾新鮮!!.🔹火鍋料除左海鮮店員仲會比埋一碟蔬菜你, 我地個日係南瓜粒, 芋頭粒同粟米. 咁都唔夠, 你都仲可以揀多6款火鍋料, D選擇都好大路, 我就揀左響鈴, 手打豬肉丸個D, 質素中規中矩喇.🔹自助區自助區都算幾多款野食, 有沙律

今日同媽媽夾左好耐先約到黎元朗食餐飯知道佢唔鐘意中餐多啲 所以帶佢黎試下粥底邊爐🙈🙈其實都堅係抵食有刺身拼盤同埋其他野食自助 野飲任飲仲可以揀六款野食由於媽媽唔食生冷野 所以成盤都屬於我嘅😂非常新鮮！三文魚好肥美！仲有油甘魚😍過左陣上左海鮮拼盤 隻蟹超大☺️☺️waitress 幫手將粟米同南瓜粒掉落湯底 為粥底做好準備隻蟹好鮮甜 媽媽都讚口不絕 而且蟹鉗勁多肉😉😉鮑魚都係大大舊 啖啖肉！除左海鮮同本身配料 呢度仲有雪糕呀 普通壽司仔任食成間自助餐廳咁 岩哂大胃王😁😁呢個係最尾個粥 落左蛋花同埋菜甫 我地食哂成大煲😱因爲所有海鮮精華係哂度！

見咁肚餓又齊人，就去食下放題啦，估唔到粥底打邊爐都可以咁多野食，好誇張呀～壽司bar，一匙羹一件，放便拎又衞生D，而且可以減少浪費因為拎唔多，哈哈哈，都幾好味吖，飯軟綿綿。甜品櫃好多野揀，仲有軟雪糕，雪條櫃等。沙律櫃，仲有冷盤等。熟食，炸物等除左汽水啤酒，仲有咖啡奶茶等粥底鍋按人頭計送海鮮，超新鮮超鮮甜，好鬼正呀！！！帶子蜆都好爽甜鮑魚無得頂蝦又係正，未熟前仲郁㗎。仲有刺身送㗎，肥美魚生！食完晒就梗係食埋鍋粥啦，鮮甜綿滑，完全係海鮮味，爽呀～八半後二人同行一人半價，抵食呀！！！

經過呢間野川拉麵之鮮鍋道場，見到門口已經覺得好型格，雖然之前都食過粥底邊爐，但係見到呢間，竟然有埋刺身，壽司，前菜，甜品、、、甘多野食當然要試一試啦！就試試粥底半自助餐先！清晰的菜單！😌店員放上枱既時侯，鮑魚仍然好生猛，生蠔亦好肥美👍🏻👍🏻刺身拼盤😋蟹－好多膏，好大隻，鮮味溶入粥內，粥水亦令蟹肉更滑！😋蟹肉鮮甜實肉，食出新鮮味道👏👏卜卜蜆，無沙，啖啖蜆肉充滿水份！😋最後加上粥底材料，菜甫加添鹹味，雞蛋令粥底更豐富口感！最後當然品嚐自助吧！有雪糕甜品！壽司小食，老火湯和糖水！👍🏻👍🏻👍🏻

今日入元朗探朋友 朋友話好想食粥底火鍋 叫我陪佢食 二話不說即睇吓元朗邊道有得食 見到好多人推介呢間野川拉麵之鮮鍋道場無理由唔去幫襯下架 去到等左一陣就有位坐底店員先來一個粥水鍋 當然要落三寶啦粟米 南瓜同䓤 煲住先 無耐個海鮮拼盤就黎啦有蝦 蟹 貴妃蚌 鮑魚 蠔同 蜆值得一提係蟹係比黃油蟹 鮮甜肥美再來刺身拼盤 有三文魚 蝦同八爪魚 好鮮之後套餐可以揀6樣配料 少不了的肥牛 花膠等等食到咁上下又出去自助吧食其他最尾嘆埋個鮮甜無比嘅粥底就大滿足了