重慶劉一手火鍋店 (旺角商業大廈) (已結業)

天氣近排涼左，又到打邊爐既季節，正好約朋友食飯。朋友話想食呢間新開既重慶劉一手，聽講係好出名好正宗既重慶麻辣火鍋，係大陸好紅好多人食。餐牌上既選擇都幾多。湯底選擇都唔少，仲可以半鍋半鍋咁嗌，可以試多幾款。仲有埋圍裙，唔怕食到污糟。我地叫咗麻辣湯同椰子雞湯，雞湯入面有唔少雞肉，亦好香椰子味，可以飲兩啖湯都得。愛食辣既我地叫咗個麻辣牛肉，紅噹噹好多辣椒鋪面，食落好刺激。另外仲叫咗唔少嘢，有油麥菜，皇帝菜，用雞湯淥就吸收曬啲雞味，好濃郁。而黃喉都唔錯，好爽脆，而且份量算多。仲叫左個響鈴，墨魚麵同紅薯粉，加落辣湯食真係好過癮，薯粉吸收曬辣椒同花椒味，好刺激。不得不提，響鈴非常新鮮，入口好脆，食起嚟脆卜卜，但唔會太油，正！最後仲叫咗個水果茶，有橙同百香果，飲落比較似淡啲既橙汁，唔太多茶味，鐘意飲茶既朋友就未必啱，但配合火鍋都幾解渴。

好味，不過實在有點貴，6個人食，4000蚊埋單，上次去食無叫什麼牛肉拼盤，所有牛都叫單點，因為拼盤每款份量實在太少了，每款5-6片，所以單點雖然貴少少，但份量多一點，另外服務人員可能還未熟習，常常有落錯檯問題，相信會慢慢會得到改善，食物質素真的不錯，但如果價格能夠大眾化一點，真的一個不錯的吃辣好去處

一個字，貴，旺角這個價錢好貴，所有丸都不彈牙，差。。。煱底又唔夠味。平凡嘢，這個價不能接受，新開張比較混亂，服務態度的確不錯，不過我唔會再去。。咁貴嘅火鍋行坐兩個鐘太過分。

本身約咗朋友Y食飯， 諗住佢去完美國鹽湖城，食咁多鹽份高既食物，實好掛住香港既嘢食啦， 點知佢咁冇人生規劃，放咗我哋飛機。好彩有另一個朋友A出嚟，加埋ot完過嚟嘅朋友K， 等齊人都差唔多成九點半，喺咁夜嘅時間，去啲開到好夜既火鍋店，會比較方便，起碼唔洗食得太趕。經過朗豪坊附近，見到呢邊有間新開嘅重慶劉一手，其實之前喺大陸食飯都聽過呢個名，不過估唔到佢而家喺香港都開咗。新開嘅關係，門口有好多花牌，不過見到呢一個蟹仔氣球花牌，都幾得意。有唔少嘅牛肉拼盤套餐推介，不過價錢都有番咁上下...除咗套餐，亦都可以散嗌唔同嘅牛嘅部位。肉類同埋配料都有幾多款式， 有唔少款都幾特別， 尤其係啲嗌嘅黃喉、 麻辣牛肉等等。食嘢之前，店員好貼心咁送上圍裙。當然唔少得要試下麻辣火鍋湯底，另一邊就選擇咗椰子雞湯。麻辣嗰邊花椒味好香， 而且入口都幾辣， 已經叫左小辣，不過辣度依然好高，好彩嘅係佢之後加湯係會加水，咁就唔會越煮越辣。 而椰子雞嗰邊都唔錯，幾欣賞佢加咗好多嘅椰子肉同埋杞子感覺清潤而且雞肉好滑，份量都唔少。高度推薦呢一個麻辣牛肉，落咗湯度之後中，牛肉都依然好有牛香，呢個麻辣牛肉唔好睇佢表面上有咁多辣椒粉，

#fridayla_mk⠀⠀⠀⠀⠀⠀⠀⠀⠀上禮拜同L小姐去開朗豪坊😳試咗劉一手新開過黎既分店⠀⠀⠀⠀⠀⠀⠀⠀⠀今次旺角分店既裝潢就無銅鑼灣甘古色古香但就比較開揚寬敞😝而食物質素就依然有保證！⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣劉一手主打正宗重慶麻辣火鍋，口味絲毫沒有遷就港人，目前全球已經有過千間分店，遠至杜拜亦有分店，先前銅鑼灣店是第988間。店內共兩層，採用復古客棧的裝潢；今次旺角分店經已是全球第1088間，太誇張！⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣鴛鴦鍋💲322 (推介👍🏻)💭正宗重慶麻辣鍋，雖然嗌少辣💭好惹味😍但屋企人已經頂唔順😝😝💭花膠響螺雞湯好足料，好濃厚⠀⠀⠀⠀⠀⠀⠀⠀⠀2⃣刺身盛💲588 (推介👍🏻)💭刺身都係大路既款式💭共通點係都超新鮮😍💭赤貝尤其鮮甜，帶子入口即溶！💭油甘魚都好肥美⠀⠀⠀⠀⠀⠀⠀⠀⠀3⃣招牌劉毛肚&牛頸脊💲148 &💲198 (推介👍🏻)💭毛肚照舊灼10秒左右就食得💭同麻辣湯底超夾，好過癮💭牛頸脊牛味都幾足🤤🤤⠀⠀⠀⠀⠀⠀⠀⠀⠀4⃣川辣串燒💲30~💲50/串💭有豬柳/牛柳/羊柳/雞

細細個都成日同朋友去小肥羊打邊爐 之前見佢終於結業了 今日抬頭一望 原來已經有另一間火爐店既出現 紅色既招牌令人食慾大增 見到佢寫住第998間分店 好似好勁咁 我又鐘意食辣 就拉埋男友上去試試佢啦樓下有同事做登記 上到3樓已經有其他同事帶位 環境好大 2個人都坐4人大桌 坐得幾舒服😌望望湯底先 有麻辣9宮格 但男仔唔太食得辣既開係 就選擇左鴛鴦湯底 一邊是豬骨 一邊是中辣🌶打邊爐最重要碟豉油 出去自助模式既 好多款比你自己慢慢調 你鐘意調幾個味都重得 不過我發現原來加芝麻係好好味架！食物方便都有好多選擇 有一本餐牌就精美d既 圖文並茂 另外就一張紙方便你填既 我地點左龍躉 鮮魚標 墨魚滑丸 羊肉 蘿蔔 同墨魚汁麵龍躉真係好好味 冇咩骨 好新鮮 配豬骨湯清清地 點上蒜蓉豉油一流 配上麻辣又好爽 唔洗驚 一客有成8塊 想點食都得😆😆然後講講個鮮魚標先 我見魚類當中 佢最平 $58就有6件 但我完全唔知係咩黎 男友話原該係新鮮既魚肚喎 就試試啦 um佢個口感係正既 外面好似係緊花膠咁 但內裡又係夾滑質地 我地都覺得幾好食 不過比其他魚 佢係腥味比較重 但我地都ok 但如果係豬骨湯就一定要點豉

絕對會毫唔留手咁食 朋友一知道旺角開咗分店就拉咗我去試下咩料子. 打邊爐當然係要辣下辣下先過癮. 怕太辣可以試下一半辣一半唔辣. 價錢仲有半鍋咁計, 一個價錢但試到兩種口味。湯底我地揀咗正宗重慶麻辣鍋 – 小辣 (半鍋$84) 配椰子滑雞煲 (半鍋$114), 合共就$198試哂兩個湯底喇.  湯底好快黎到, 我地先醒起要拎醬料, 指示牌好清晰寫到明兩邊都有, 醬料方面一D都唔馬虎. 香港地未見過麻油係獨立擺哂係到任你裝, 味道係絕配誇啦啦. 炸響鈴 ($38) 呢個價錢有成六大條, 價錢平味道又OK, 好有再ENCORE嘅衝動. 團圓鴨血 ($68) , 食麻辣鍋真係唔小得, 呢間鴨血好好味, 夾落去係唔會散開之餘, 唔係完全食完無味個種, 有口感又有味道.牛骨濃汁牛丸 ($68) & 薑汁皮蛋貢丸 ($68), 絕對唔可以睇小嘅丸類, 咬落去好多汁, 有驚喜, 中上價錢但貴得合理, 唔係咁簡單！ 麻辣鍋點小得係紅薯粉 ($38), 啖啖都刺激緊我味蕾, 配埋竹蔗茅根1L ($78) 下下火, 飲得出係真材實料去煲, 食完同朋友都覺得呢間打邊爐絕對會返轉頭.  **值得一讚：醬油+茶

重慶味道在香港香港人最愛打邊爐都唔係新聞, 火鍋店愈開愈多, 真係要揀間正嘅都好難. 知道呢間銅鑼灣本店係旺角開咗分店當然狗衝要去試下. 老實講本人對打邊爐都算老經驗, 但呢間真係令我知道咩係「服務 + 質素」. 價錢雖然算中上, 但絕對值回票價。湯底:　椰子滑雞煲配重慶麻辣鍋, 一次過滿足兩個願意椰子滑雞煲唔好以為D肉好”鞋”, 原來食落好JUICY, 點下醬汁食都幾正. 醬汁方面係任你配搭, 仲有樽裝麻油, 誠意十足. 醬料黎講, 呢間打邊燼算係我見過最充足多款.小食叫咗唔係周圍都食到嘅紅糖糍粑 ($58), 甜甜地, 煙煙韌韌, 點埋醋食完糯米都唔會太濟.丸類揀咗鮮蝦滑丸 (半份$58), 半份份量剛剛好, 手打肉質好豐富, 好好味 ^__^主角黎啦牛頸脊 (半份$198), 唔係講笑, 原來半份都好大盆, 上到台同朋友都嘩咗一聲, 脂肪同肉比例分明, 食落口多汁唔乾, 呢個價錢都咁高質, 決定下次真係要試埋其他！次次打邊爐都會叫萵筍 ($38)　因為係屋企食都算麻煩, 切都要大半日考功夫, 出到黎唔駛自己切就要食啦. 凍豆腐 ($38) 索哂湯, 好入味, 食得辣可以試下放麻辣