采悅軒

營業中

休息中

老公試過呢間飲茶，覺得點心好正，所以介紹我和媽媽一起試試。一行3人預約了1點鐘，因為喜來登距離東涌市中心有點距離，所以遲左5分鐘到。幸好，坐位保留15分鐘的。當日星期日都滿坐。柚子蝦餃，不錯。貴妃香，推薦，外型很似荔枝，內裏都有荔枝肉，外面脆脆的，好味。娘惹鹹水角，外形好像甘荀，味道有一點點娘惹，不錯。石鍋生煎包很熱，很有蔥香。天鵝酥冇咩油，好味的。煙燻燒賣我老公覺得好味。煙燻味好濃。紅豆沙係正的。叉燒酥同牛肉球都冇乜特別，會再去試下其他未試過的。酒店員工服務ok對得起酒店服務, 帶位員工就一般了。

由於入住東涌喜來登酒店，已經想在采悅軒晚膳，見到在OpenRice訂座有低至五折優惠，馬上登記。訂座後一天左右，餐廳已經打電話來確認。我哋要求參考菜單，佢哋都很快咁用電郵回覆，效率好高。當天準時入座，餐廳環境幽雅，我哋二人被安排坐在馬蹄形沙發， 十分舒適。因為唔係好肚餓，所以只係叫咗以下招牌食品：燈影藕片 $98牛肝菌素鵝 $98太子鴨 $288至尊炸釀蟹蓋 $218薑味繡球 $88食物味道質素唔錯，但最令我欣賞係經理Jason Lui嘅服務態度。佢在我哋等上菜期間，主動詢問意見，仲好詳細講解餐廳總㕑嘅班底，大都好有來頭，佢自己亦係來自龍景軒，十分健談。最後我哋點咗著名嘅薑味繡球作甜品，佢亦解釋師父在豆腐上橫切直切各60刀，加上薑味糖水就散發開為繡球狀嘅豆腐花，十分考刀功。另外佢亦送上一碟蛋散俾我哋試吓。老實講，薑味豆腐花主要係欣賞師父刀功，以作打卡之用，反而蛋散好鬆脆，又唔太甜，比其他酒家出色，值得一讚。除咗經理Jason之外，服務員Vicky亦有良好待客態度，加上現時餐廳有特別優惠，十分抵食，所以整體用餐體驗良好，我推薦大家記得在OpenRice訂座。

父親節食但多人，不過比左景位，原來平時要600消費，食物ok但不是太熱，總體ok服務員態度好好。最好食係玉葡萄🍇景觀一般，杏人茶比較甜，鮑魚石鍋飯好食代替左福建炒飯。

由於位置較偏遠這間晚市有六折，在openrice訂位最多有五折。 裝修古典雅緻，服務尚可。 燈影藕片， 真的又薄又脆，沾上點點糖膠， 入口帶有微微的辣味漸漸地被甜味中和。這個牛筋凍小食要試試，有點像鎮江爻肉但口感不同。 喜歡吃田雞腿的不妨試試。 醉雞很入味 完全沒有雞胸 ，下次會再點。 三杯白鱈魚， 味道不像台灣菜那麼濃烈，有八小粒白鱈魚伴雞髀菇粒，合淺嘗者。 牛尾煲炆得夠淋，份量標準。 棗蓉糕有很濃的棗味， 值得試試。 蛋散有八小件， 很脆， 略嫌不夠糖漿。

再次來到東涌喜來登酒店staycation，我個人比較喜歡這家酒店，因為比較寧靜，中餐或西餐的質素很高，而且人也不算太多。這次，我們沒有吃西餐，改為吃中菜 釆悅軒 Yue，因為這家中菜廳的質素很好，看了很多食評也不錯。我們兩個人，點了四碟菜和一個湯。首先來一盅冬菇雲腿竹笙湯，很有鮮味，不覺得很鹹，很清，很好喝。第一道菜是焗蟹肉釀蟹蓋，我賣相一流，見到都已經流口水，蟹蓋裏面釀了很多蟹肉，一點點洋蔥，很香口，不油膩，很好吃。第二道菜是炸子雞，廚師的手藝真的很好，雞皮很薄很脆，而且雞肉也很嫩，也不算太油膩，應該是我吃過這麼多的炸子雞裡面數一數二的質素。 😋第三道菜是菜遠柚皮，這是一道功夫菜，而且也不是很多地方有這道菜吃，有被差不多是入口即溶的，真的是極品。最後一道是瑤柱蛋白炒飯，炒飯是很乾身的，而且瑤柱是有輕微炸過，很有口感， 回味無窮。👍🏻

看見透過OR訂座有五折優惠,當然趁機去品嚐一下.入座後,被安排在靠窗位置,可邊聊天邊遠看飛機升降,感覺很不錯.整體服務也不俗,待應生非常禮貌,並主動介紹菜式. 添茶和收拾也非常勤快.食物質素是酒店中菜水準,沒有什麼可挑剔,可看出廚師的手藝和用心,可以說是手工菜.飯後走到户外看看夜景,幫助消化,一頓愜意的晚餐.

之前有親戚食過，評價甚高，這次趁staycation 去品嚐一下，而且OpenRice 網上訂位有75折高雅的入口環境寬敞，光線充足，座位舒適檯面茶具裝飾擺設簡潔小籠湯包，初初打開有小小失望，外型唔係咁靚，但食落又合格，又唔算多湯，但都可以的，皮都算簿，總體映得唔好添，請見諒😅天䳘酥精緻點心，外面好脆，內裡啖啖芋頭芋頭容還有其他配料，交融一起值得一試西班牙點毛豬蜜汁叉燒包，個名夠勁，內裡啲料少咗啲，外皮就普通了巴馬火腿蘿蔔糕。。無咩特別xo 醬炒腸粉，好香，好味😋兩個人食咗5個點心，$361

疫情下，很多食肆都相應的措施去應對，其乳鴿也做特價，這家乳鴿不錯，我最鍾意就係蝦餃內有筍，包得靚，皮也不錯，控制時間火喉都好，唯獨是余均益辣椒醬改換了另一牌子比較鹹，配不上其鮮味精緻的食物，這也許是成本問題，實在可惜。

慶祝老公生日🎂黎到東涌喜來登酒店二樓「采悅軒」一嘗功架十足勇奪米芝蓮榮譽，糅合中餐精髓，加入全新元素，以時令食材入饌。甫踏進用餐區主調用上中國風設計，配以大量掛畫和中國藝術品陳設，整體襯色裝潢高貴大方，感覺時尚。設有半月形卡位雅座，沙發🛋️位感覺更有私隱度，份外舒服😌。靠窗位置更可睇到飛機✈️升降和日落西山🌄，俯瞰連綿山脈⛰️。選擇困難症發作所講決定叫套餐，叫左中間價位的，嚐悅套餐，每位HKD 988，但就不能享用OPENRICE 訂座折扣。采悅小碟：蔥油海蜇頭：爽脆青瓜墊底，海蜇爽彈冰涼，蔥油香味突出，好開胃。燈影藕片：十分巧功夫手藝的菜色，藕片切得非常薄身，用上梅窩龍眼蜜入饌，香甜惹味，但不嗜甜者會感到太甜。蜜餞西班牙黑毛豬叉燒：肉質食落鬆化，蜂蜜包裹叉燒，使得醬油與蜂蜜做出咸中帶甜效果，唯比例偏肥，肥膏估三分之一，帶點油膩。招牌妙齡鴿：用特製豉油醃製再烤焗，新鮮熱辣呈上，保持肉質鮮嫩，肉汁四溢，而且不會過咸，無需蘸上任何醬汁都值得一試。杏汁花膠燉菜膽：不得了，奶白色湯水用上花膠熬煮，呷一啖湯頭，骨膠原漿住個口，有黏稠感，花膠不是普通鱈魚膠，食落會漿口既靚膠，菜膽已燉到無咩味，整體飲落舒

有禮貌同乾淨就是最基本嘅，疫情有優惠呢下正，不過點心款式唔多，味道算幾好。 環境唔錯，有停車場唔算貴， 得閒去下當去機場走一轉，要預約，唔係好多人所以早上打去都可以book到位

平日午市人唔多，裝修高雅，坐位舒適。服務還可。試咗幾款點心，樣樣都用心製作。個梅菜黑毛豬叉燒腸粉係最好食，個味好夾。柚子蝦餃比傳統蝦餃清新，魚子燒賣普普通通，蘿蔔糕中上，天鵝酥即芋角就唔夠熱。75折後價錢可接受。

呢間位於東涌新喜來登酒店嘅采悅軒推出多款精緻打卡嘅中菜😍顏值與味道並存🤩留意返點心夜晚時段係無的菜式：🌹川味玫瑰鮑片 $498將鮑片整成玫瑰花嘅形狀，食落仲有啖啖川辣味，打卡得黎又好食😋🌼火瞳菊花菜 $98將卷心菜雕成菊花嘅形狀，湯底用上宣威火腿(中式Yunnan Ham)煲成，唔係普通嘅菜湯🤪清甜得嚟又有濃郁嘅風乾火腿味👍🐷乳豬拼盤（乳豬件、蜜餞西班牙黑毛豬叉燒、海蜇）$348乳豬皮好脆，叉燒肥瘦適中👍燈影藕片$98用蜜糖同辣椒油製成嘅蓮藕片，集甜同辣於一身，中和返味蕾😋🍜濃蝦湯海鮮泡稻庭麵$368海鮮湯底勁濃同足料，每啖都有蝦粒，好掛汁😋除咗散叫之外，餐廳仲有幾款價錢實惠啲嘅套餐，但就冇左啲打卡靚中菜😛

來東涌肯定是購物之日，下午和太太全日在東涌outlet購物完後，抱着滿載而歸及餓著肚子的心情，來到這邊比較清靜的環境享受今日的晚餐。網上看到評論介紹這間酒店新開不是很久的，中菜廳也是10分推介，我們便提早預訂，因為還有六折的優惠。這裏的環境很舒服，服務員態度亦十分之好，接待我們坐下後，便介紹我們他們推介的菜式，包括乳豬拼盤。百花釀蟹鉗也做得10分出色，另外他們推介的砂鍋鱈魚熱辣辣香噴噴，10分惹味。如果來到東涌，不想和別人迫，希望有一個好的環境享受晚餐，這裏是絕對值得推介。

東涌新開酒店中菜廳，現在 openrice book 有 6 折，肯定要試試龍與鳳，看看跟市區比較會否差很遠，如果可以，以後就不用出去食酒店中菜。坐低帶位侍應問飲什麼茶，由於擔心濃茶影響睡眠，所以侍應主動話沖壺淡普洱，結果看不出來果壺茶究竟點樣淡，我建議做不到就不要提出，這方面不是太專業。食物點了叉燒，自從灣仔富聲結業後，好耐冇食過咁好嘅叉燒，肉厚林身，正另外，招牌乳鴿，非常熱，皮脆肉嫩，正，如果鴿可以肥少少，多肉少少會更好。花鵰中蝦，酒味不夠，蝦好彈牙。雞油豆苗唔係好油，但略嫌雞油不夠香。甜品是薑汁繡球，薑汁非常夠勁度。沒有紅豆的紅豆沙，知道是把紅豆磨成蓉，但個人不太喜歡，始終覺得有粒粒紅豆好食D，同埋後勁有點酸，這紅豆沙是整頓飯的最低分。總括而言，跟天寶閣還是有段距離，但總體還可以，下次試埋下午飲茶。最後大部份侍應都比較新手，但部長又唔係好見到，提議加緊培訓才可對得上酒店水平。

食物味道: 上次評過采悅軒嘅點心和小菜，今次再入去飲茶，評下其他嘅點心款式，其實老遠由巿區走入東涌幫襯采悅軒，如果唔係好食，又點會咁無謂山長水遠入去丫。食物份量: 點心通常都係三件，四個人的話就唔夠食，好果能加多一件就好，我相信都係關乎價錢定位問題。價錢: 定位都係一般酒店中菜餐廳點心價錢，通常$69-90/客; 茶位$25/位環境: 十分舒服，向海一邊座位位置更佳服務: 殷勤有禮，無得彈回頭指數(10分滿分): 10分