醉鍋館 (已結業)

剛巧去深水埗買電腦及賀年用品，加上天氣凍凍地，打邊爐是不二之選 XD點了胡椒花甲蟹鍋，用料算足，胡椒湯帶點小小小辣，但更帶出蟹鍋鮮味!打邊爐又怎少得牛呢?的質素比預期好，因為沒有過多肥肉，牛肉份量不會太少太薄切，也不過韌~再來火鍋食皇帝蟹及蟶子皇，很鮮味、而蟹肉多，肉質結實不會"梅"。打邊爐總要食蔬菜，所以又點了有營蔬菜拼盆。有粟米、金菇、冬菇、生菜、蕃茄等等...每款都合我口味。除了火鍋外，仲叫了冰鎮咕嚕肉看起來很特別，吃起來味道也不錯，甜酸度適中。最後有椒鹽九肚魚，炸粉不太厚，亦沒有炸得過乾魚肉嫩滑，咸咸的很好味。鮑魚雞煲，本來對雞煲不感興趣，但有鮑魚吸收了雞汁，很惹味呢!!

朋友生日去咗一間可以打邊爐同有小菜食既餐廳。原本諗住打邊爐加食小菜，點知有朋友話唔想打邊爐咁我地就轉咗食小菜。每人一隻燒乳鴿滷水醃得好入味，皮脆肉嫩。冰鎖咕嚕肉除咗咕嚕肉外仲有埋生果係入面，甜酸汁酸酸甜甜美味，咕嚕肉放上冰塊，另外面又脆又涼，裡面又熱又軟，又無咗肥膩感。最愛炸魷魚外層金黃香脆，食落口就知用咗新鮮魷魚好彈牙。捉上嚟仲好新鮮既墨魚，切成刺身好鮮甜，口感嫩滑又有有咬勁，一隻墨魚可以切到大大盤刺身。嚟個象拔蚌真係超好食肉質鮮甜，口感爽快，

天寒地凍最適合一大班人打邊爐架啦！今次除做叫打邊爐之外仲叫左d 小食同小菜，全部都唔錯  頭盤先黎個炸蝦多士，炸的非常脆口，蝦膠口感同味道適中 之後再黎個泰式豬手，唔系太辣，作爲前菜幾開胃，唔錯 之後再黎就系我最中意食既冰！鎮！咕！嚕！肉！！ 真系用大量既冰鋪滿成個盤，咕嚕肉本身甜酸味道恰到好處，表面經過冰鎮后有拔絲的感覺，微涼脆口，入面肉汁豐富，最重要系入面仲系熱架！食落去口感非常有衝擊性！好好味呀~~ 哈哈 當然重點都系打邊爐啦...海鮮普普通通，不過魚噗唔錯 呢個韭菜餃好好味！皮薄餡靚，肉汁都幾豐富~ 手打墨魚丸非常彈牙！  食完有d 想叫多一碟 雞子都唔錯，幾新鮮~ 冬天食打邊爐真系好正，推介呢間比大家，價錢OK，經過深水埗可以去試下

天氣凍冰冰最好就係去打邊爐，一班朋友又可以吹水。今日真係好多人打邊爐，我地都等咗成30分鐘先有位。裹面既環境好舒服，又有卡位坐。湯底胡椒花甲蟹鍋大大隻花蟹切成件，蟹湯有鮮甜味。蟹肉肉質紥實飽滿、口感十足。打邊爐一定唔少得既就係牛，見到D牛網鮑真係超級靚，煮一煮就食得，肉質鬆軟，口感超正，我地居然叫咗三碟。脆鯇片好鮮甜, 好爽口。魚皮餃餃皮薄柔韌，餡既肉唔係太肥，咬落口彈身。響鈴係自家製作送到黎好脆。手打墨魚丸彈牙爽口，有墨魚丸味又新鮮。芝士腸同獅子狗都係一打邊爐一定要有既野食。

一家人去食飯，近近地就去咗嚟間醉鍋館。好彩都係等咗20-25分鐘就有位。餐廳入面既環境都好大，唔會話好迫。招牌碌鵝，鵝夠哂入味肉質又唔韌，鵝既下面有芋頭做底吸收咗鵝既味道，芋頭夠淋同好粉。椒鹽九肚魚外層酥脆，魚肉嫩滑，配上椒鹽十分美味。糟酒醉鴨舌我就無試，不過賣相都唔差。冰鎮咕嚕肉，上台既時候我仲以為入面係D咩，一望落去只係見到D提子同冰，望望下先發現入面係有咕嚕肉，咕嚕汁酸酸甜甜，唔會酸到食唔到甜味，皮就算撈咗汁都係脆，咕嚕肉唔會太肥。

三個女仔真係叫得唔多野食呀~朋友想食小菜，就是但去一間啦~好彩黎間醉鍋館D野食都唔錯。辣酒東風螺，螺肥美爽口，夠辣，好惹味。燒汁什菌豬爽肉，肉片唔會切得過厚，冬菇煮得夠淋。燒乳鴿係我最期待既食物，肉質嫰滑，皮脆，鹵水汁好味。土魷蒸肉餅，土魷切得細細粒，肉餅咸咗少少，蒸出黎唔會太乾。

今晚公司老闆請食聖誕大餐，一早打咗電話去訂位，老闆點咗好多好正嘅食物。我地以為間火鍋店只係得打邊爐，原來有小菜食，仲可以自己諗菜式叫佢地煮。不過可能要有一定嘅人數先可以啦!!首先有一隻新鮮嘅大龍蝦，用黎做剌身，待應拎比我地睇個陣超生猛。龍蝦切成刺身 ，每一片晶瑩剔透，入口嫩滑鮮味，超正。墨魚刺身，墨魚夠大隻，墨魚切片後口感嫩滑卻很有咬勁，非常鮮味。椒鹽鮮魷，外層薄脆，酥化而不油膩，彈牙香口。潮式凍蟹，成隻碟咁大嘅花蟹我真係第一次食啦~隻蟹鉗成隻手咁大，食落口啖啖肉呀! 肉質鮮甜嫩滑。清蒸海班仔，有鮮味，肉質嫩滑。蛋白蒸皇帝蟹，蟹肉好鮮甜嫩滑, d蛋白吸收咗蟹味，味道十分正。老友鬼鬼，油炸鬼夠脆，蝦膠非常彈牙，啱啱上檯熱辣辣，食完想再食。鹽燒鮑魚，大大隻厚鮑魚，食到有少少咸，但未至於蓋過鮑魚本身既鮮甜，煙煙韌韌，唔難咬開。食咗餐咁豐富嘅晚餐，真係要多謝老闆好介紹啦~下次可以試下打邊爐。

幾個朋友食飯，諗唔到食咩好，天氣又凍就決定去打邊爐。有朋友話深水埗開咗間新野，我地梗係要去試下啦! 排隊等咗一陣就入得，入面既環境舒服又唔迫，一坐低，大家就二話不說叫野食!! 我地叫咗個佢地既招牌湯底「醉鍋館大盆魚」，諗住係普通湯底，黎到之後估唔到係有驚喜架…湯底入面居然有花甲、蟹同蝦。滾起左之後湯帶有海鮮甜美，試咗一啖好鮮甜，值得一試 。魚有鮮味，花甲肉質爽甜，無沙粒，啖啖肉。蟹同蝦夠哂新鮮，滾咗一輪D肉質仍然好爽口。 好新鮮既手切牛，滾一滾就食得，入口好嫰滑又唔韌，我地居然叫咗2碟。食牛肉都食飽啦 「生拆蟹粉餃」餐牌無既食物，限量供應。經理無介紹錯，餃皮夠薄，蟹粉足料，食落有鮮甜味 「炸魚皮」，薄薄的魚皮炸得酥脆乾身。佢地既魚蛋都好爽口彈牙，未影相大家就已經放哂落去煮啦 下次要叫多D朋友再一齊去食，可以試多D唔同嘅野食，呢間火鍋店除左打邊爐仲有小菜食，啱哂一家大細或者一大班朋友一齊去。

朋友忽然吹雞，點知得兩個，仲同！問我邊度食好，我身在深水埗，即時諗到上次醉鍋館打邊爐已經覺得環境乾淨同食物都有水準，上次都知有小菜，今次就試下。醉鍋館見！去到唔駛等，可能我早，先嚟啤酒一雙，跟住先叫咗椒鹽鲜魷餸啤酒，外脆內軟，鮮魷兩個字形容(新鮮)。跟住叫咗三個餸，鍋貼小棠菜，本人第一次食呢個菜式，入口小棠菜鮮甜，不覺油。酸菜三鮮，有酸菜、墨魚咀、土魷、牛柏葉，放湯，感覺酸菜味不夠重，但幾樣食材都新鮮。咸魚肉餅，咸魚味好香，肉肥瘦比例適中，(餸飯一流)男人的浪漫。總括兩個人食到好滿足好滿意 ，食物新鮮美味！

新發現，太子深水埗交界有間新港式火鍋，一行12人，有房坐，適合我哋一大班人大聲叫！大盆魚好特別，成條魚上打邊爐又可以飲湯先，好鮮！仲有小炒，驚喜係個冰填咕嚕肉，外脆內軟！讚！