更多
2016-01-26
271 瀏覽
天氣凍冰冰最好就係去打邊爐,一班朋友又可以吹水。今日真係好多人打邊爐,我地都等咗成30分鐘先有位。裹面既環境好舒服,又有卡位坐。湯底胡椒花甲蟹鍋大大隻花蟹切成件,蟹湯有鮮甜味。蟹肉肉質紥實飽滿、口感十足。打邊爐一定唔少得既就係牛,見到D牛網鮑真係超級靚,煮一煮就食得,肉質鬆軟,口感超正,我地居然叫咗三碟。脆鯇片好鮮甜, 好爽口。魚皮餃餃皮薄柔韌,餡既肉唔係太肥,咬落口彈身。響鈴係自家製作送到黎好脆。手打墨魚丸彈牙爽口,有墨魚丸味又新鮮。芝士腸同獅子狗都係一打邊爐一定要有既野食。
張貼